21 জুন 2023 তাৰিখৰ অধিসূচনা নং 43/2023-ৰ জৰিয়তে জাৰি কৰা ফৰ্ম 10-IEA মূল্যায়ন বৰ্ষ 2024-25-ৰ পৰা প্ৰযোজ্য, অৰ্থাৎ মূ.ব. 2024-25 আৰু ইয়াৰ পিছৰ সকলো মূল্যায়ন বৰ্ষৰ বাবে প্ৰযোজ্য।

এই ফৰ্ম ব্যক্তিগত কৰদাতা,হিন্দু অবিভক্ত পৰিয়াল(HUF), ব্যক্তিসকলৰ সংঘ(সহকাৰী সমিতিৰ বাহিৰে),ব্যক্তিসকলৰ গোট (BOI)-ৰ ধাৰা 2(31)(vii)-ত উল্লেখ কৰা কৃত্ৰিম আইনগত ব্যক্তিয়ে,যিসকলৰ ব্যৱসায় বা বৃত্তিৰ পৰা আয় আছে,দাখিল কৰিব পাৰে।

যদি আপুনি নতুন কৰ ব্যৱস্থাৰ পৰা বাহিৰ হ'ব বা পুনৰ নতুন কৰ ব্যৱস্থাত প্ৰৱেশ কৰিব বিচাৰে আৰু আপোনাৰ “ব্যৱসায় বা বৃত্তিৰ লাভ আৰু আয়” মুখ্যৰ অধীনত আয় থাকে,তেন্তে আপুনি ফৰ্ম 10-IEA দাখিল কৰিব লাগিব।

ফৰ্ম 10-IEA কেৱল ই-ফাইলিং প'ৰ্টেলৰ জৰিয়তেহে অনলাইনত দাখিল কৰিব পাৰি।

কৰদাতাই আধাৰ OTP, EVC অথবা DSC-ৰ জৰিয়তে ফৰ্মখনৰ ই-সত্যাপন কৰিব পাৰে। অধিক জানিবলৈ ই-ভেৰিফাই কেনেকৈ কৰিব ব্যৱহাৰকাৰী মেনুৱেল চাওক।(ইয়াত ব্যৱহাৰকাৰী মেনুৱেলৰ লিংক প্ৰদান কৰিব লাগিব।)

হয়, আপুনি আপোনাৰ হৈ ফৰ্ম 10-IEA দাখিল কৰিবলৈ এজন অনুমোদিত প্ৰতিনিধি নিয়োগ কৰিব পাৰে। অধিক জানিবলৈ “প্ৰতিনিধি হিচাপে অনুমোদন/পঞ্জীয়ন” ব্যৱহাৰকাৰী মেনুৱেল চাওক।(ইয়াত ব্যৱহাৰকাৰী মেনুৱেলৰ লিংক প্ৰদান কৰিব লাগিব।)

ফৰ্ম 10-IEA আয়কৰ অধিনিয়ম,1961-ৰ ধাৰা 139(1)-ত উল্লেখিত আয়কৰ ৰিটাৰ্ন দাখিলৰ নিৰ্ধাৰিত সময়সীমাত বা তাৰ আগতেই দাখিল কৰিব লাগিব। যদি কৰদাতাই নিৰ্ধাৰিত সময়সীমাৰ পিছত ফৰ্মটো দাখিল কৰে,তেন্তে সেই ফৰ্মটোক অবৈধ ফৰ্ম হিচাপে গণ্য কৰা হ'ব।

ফৰ্ম 10-IEA দাখিলৰ সুবিধা লাভ কৰিবলৈ,আয়কৰ ৰিটাৰ্ন দাখিল কৰাৰ আগতেই ফৰ্ম 10-IEA দাখিল কৰাটো পৰামৰ্শযোগ্য। আয়কৰ ৰিটাৰ্ন দাখিল কৰাৰ সময়ত দাখিল কৰা ফৰ্ম 10-IEA-ৰ স্বীকৃতি নম্বৰ আৰু দাখিলৰ তাৰিখ উল্লেখ কৰিব লাগিব।

আপোনাক "মোৰ প্ৰ'ফাইল" অংশৰ অন্তৰ্গত "মুখ্য ব্যক্তিৰ বিৱৰণ" আপডেট কৰিবলৈ অনুৰোধ জনোৱা হৈছে। অনুগ্ৰহ কৰি ই-ফাইলিং প'ৰ্টেলত পুনৰ লগইন কৰি পুনৰ চেষ্টা কৰক।

যদি আপোনাৰ কোনো ব্যৱসায়িক আয় নাথাকে আৰু আপুনি ITR-1/ITR-2 দাখিল কৰিবলগীয়া হয়,তেন্তে আয়কৰ অধিনিয়ম, 1961-ৰ ধাৰা 115BAC(1A)-ৰ অধীনত নতুন কৰ ব্যৱস্থাৰ পৰা বাহিৰ হ'বলৈ বা পুনৰ প্ৰৱেশ কৰিবলৈ ফৰ্ম 10-IEA দাখিল কৰাৰ প্ৰয়োজন নাই। এনে ক্ষেত্ৰত, আয়কৰ অধিনিয়ম, 1961-ৰ ধাৰা 139(1)-ত নিৰ্ধাৰিত সময়সীমাৰ ভিতৰত বা তাৰ আগতে সংশ্লিষ্ট ITR ফৰ্ম (ITR-1/ITR-2) দাখিল কৰাৰ সময়তে এই বিকল্প বাছনি কৰিব পাৰি।

আপুনি আয়কৰ অধিনিয়ম, 1961-ৰ ধাৰা 139(1)-ৰ অধীনত আয়কৰ ৰিটাৰ্ন দাখিলৰ বাবে প্ৰযোজ্য নিৰ্ধাৰিত সময়সীমা নিৰ্বাচন কৰিব লাগিব। আপুনি স্ক্ৰীণত উপলব্ধ "সহায়ক নথি" চাব পাৰে আৰু ফৰ্ম 10-IEA দাখিলৰ বাবে প্ৰযোজ্য বিকল্প নিৰ্বাচন কৰিব পাৰে।

যদি আপুনি (ব্যৱসায়/বৃত্তিমূলক আয় থকা ব্যক্তি হিচাপে) পূৰ্বৱৰ্তী মূল্যায়ন বৰ্ষত নতুন কৰ ব্যৱস্থাৰ পৰা "বাহিৰ হোৱা" আৰু আপুনি ITR-ত পুৰণি কৰ ব্যৱস্থা অব্যাহত ৰাখিব বিচাৰে, তেন্তে প্ৰতি বছৰে ফৰ্ম 10-IEA দাখিল কৰাৰ প্ৰয়োজন নাই। অৱশ্যে, যিসকল ব্যক্তিৰ ব্যৱসায়/বৃত্তিৰ পৰা কোনো আয় নাই, তেওঁলোকে প্ৰতি বছৰে ITR দাখিল কৰাৰ সময়ত পোনপটীয়াকৈ কৰ ব্যৱস্থা পৰিৱৰ্তন কৰিব পাৰে।

যদি আপুনি পূৰ্বৱৰ্তী মূল্যায়ন বৰ্ষত পুৰণি কৰ ব্যৱস্থা বাছনি কৰিছিল আৰু পুনৰ নতুন কৰ ব্যৱস্থাত "পুনৰ প্ৰৱেশ" কৰিব বিচাৰে, তেন্তে চলিত মূল্যায়ন বৰ্ষৰ বাবে বিকল্প প্ৰত্যাহাৰ কৰাৰ উদ্দেশ্যে ফৰ্ম 10-IEA দাখিল কৰিব লাগিব।

যদি আপুনি এবাৰ পুৰণি কৰ ব্যৱস্থাত প্ৰৱেশ কৰাৰ পিছত তাৰ পৰা ওলাই আহে, তেন্তে পুনৰ পুৰণি কৰ ব্যৱস্থা বাছনি কৰাৰ বিকল্প ব্যৱহাৰ কৰিবলৈ আপুনি কেতিয়াও যোগ্য নহ'ব। কেৱল যেতিয়া আপোনাৰ ব্যৱসায় বা বৃত্তিৰ পৰা আয় থকা বন্ধ হয়, তেতিয়াহে পুনৰ পুৰণি কৰ ব্যৱস্থা বাছনি কৰাৰ সুযোগ লাভ কৰিব।

যদি আপুনি নতুন কৰ ব্যৱস্থাৰ পৰা ওলাই আহি পুৰণি কৰ ব্যৱস্থা বাছনি কৰিব বিচাৰে আৰু নিৰ্ধাৰিত সময়সীমাৰ ভিতৰত ফৰ্ম দাখিল কৰাত ব্যৰ্থ হয়, তেন্তে আপোনাৰ ITR-ত পুৰণি কৰ ব্যৱস্থাৰ সুবিধা লাভ কৰিবলৈ আপুনি যোগ্য নহ'ব।

যদি আপুনি আয়কৰ ৰিটাৰ্ন দাখিলৰ নিৰ্ধাৰিত সময়সীমাৰ পিছত ফৰ্ম 10-IEA দাখিল কৰিছে, তেন্তে ফৰ্মখনৰ স্থিতি অবৈধ ফৰ্ম হ'ব। এনে ক্ষেত্ৰত,পৰৱৰ্তী মূল্যায়ন বৰ্ষত ফৰ্মখন পুনৰ নতুনকৈ দাখিল কৰিব পাৰিব।

যদি ফৰ্ম 10-IEA দাখিল কৰাৰ সময়ত আপোনাৰ আয়কৰ ৰিটাৰ্ন দাখিলৰ বাবে প্ৰযোজ্য,সঠিক নিৰ্ধাৰিত সময়সীমা নিৰ্বাচন কৰা নহয় আৰু সেইবাবে ITR-ৰ নিৰ্ধাৰিত সময়সীমাৰ পিছত ফৰ্ম 10-IEA দাখিল কৰা বুলি গণ্য হৈ ITR-ৰ প্ৰক্ৰিয়াকৰণৰ বাবে ফৰ্মখন গ্ৰহণ কৰা নহয়, তেন্তে সেই ক্ষেত্ৰত ফৰ্মটোৰ স্থিতি "অবৈধ ফৰ্ম"-লৈ সলনি হ'ব। এনে পৰিস্থিতিত,পৰৱৰ্তী মূল্যায়ন বৰ্ষত ফৰ্ম 10-IEA পুনৰ নতুনকৈ দাখিল কৰিব পাৰিব।

নোৱাৰে। ফৰ্ম 10-IEA সংশোধন কৰাৰ অনুমতি নাই। লগতে, এবাৰ ফৰ্ম 10-IEA দাখিল কৰাৰ পিছত একে মূল্যায়ন বৰ্ষত প্ৰত্যাহাৰ কৰিব নোৱাৰি।

আপুনি আয়কৰ ই-ফাইলিং প'ৰ্টেলত ল'গইন কৰি ফৰ্ম 10-IEA-ৰ দাখিলৰ স্থিতি পৰীক্ষা কৰিব পাৰিব। দাখিল কৰা ফৰ্মৰ বিৱৰণসমূহ ই-ফাইল টেব ----আয়কৰ ফৰ্মসমূহ ---- >দাখিল কৰা ফৰ্মসমূহ চাওক ---->আয়কৰ অধিনিয়ম 1961 অনুসৰি ফৰ্ম ------>ফৰ্ম 10-IEA বিচাৰক-লৈ গৈ চাব পাৰিব আৰু ফৰ্মখন বৈধ নে অবৈধ তাৰ স্থিতি পৰীক্ষা কৰিব পাৰিব।

হয়। যদি পিছত আয়ৰ উৎস ব্যৱসায় বা বৃত্তিলৈ সলনি হয় আৰু কৰদাতাই পুৰণি কৰ ব্যৱস্থা বাছনি কৰিব বিচাৰে, তেন্তে আইনৰ ধাৰা 139(1)-ৰ অধীনত প্ৰযোজ্য নিৰ্ধাৰিত সময়সীমাৰ ভিতৰত ফৰ্ম 10-IEA দাখিল কৰিব লাগিব।

ব্যৱসায় বা বৃত্তিৰ বাহিৰে আন উৎসৰ পৰা আয় থকা কৰদাতাই আইনৰ ধাৰা 139(1)-ত নিৰ্ধাৰিত সময়সীমাৰ ভিতৰত আয়কৰ ৰিটাৰ্ন (ITR) দাখিল কৰাৰ সময়ত প্ৰতিবছৰে পুৰণি কৰ ব্যৱস্থা আৰু নতুন কৰ ব্যৱস্থাৰ মাজত যিকোনো এটা বাছনি কৰিব পাৰে।ব্যৱসায় বা বৃত্তিৰ পৰা আয় থকা কৰদাতাই ধাৰা 139(1)-ৰ অধীনত নিৰ্ধাৰিত সময়সীমাৰ ভিতৰত ফৰ্ম 10-IEA দাখিল কৰি পুৰণি কৰ ব্যৱস্থা বাছনি কৰিব পাৰে। ইয়াৰ পিছত, পুনৰ ফৰ্ম 10-IEA-ত পুনৰ প্ৰৱেশ বিকল্প ব্যৱহাৰ কৰি মাত্ৰ এবাৰহে নতুন কৰ ব্যৱস্থালৈ ঘূৰি যাব পাৰে।