புதிய மின்னணு-வரி செலுத்தல் சேவையின் கீழ், நேரடி வரிகளைச் செலுத்துவதற்கான முழு நடவடிக்கைகள்—செலுத்துச் சீட்டு (CRN) உருவாக்குவதில் தொடங்கி, பணம் செலுத்துதல் மற்றும் கட்டணப் பரிவர்த்தனை வரலாற்றைப் பதிவு செய்வது வரை—அங்கீகரிக்கப்பட்ட வங்கிகளுக்காக மின்னணு-தாக்கல் இணைய முகப்பு (முகப்பு | வருமான வரித் துறை) மூலமாகவே செயல்படுத்தப்படுகிறது. இந்தப் பிரிவின் கீழ், பிரிவு 393(1)-இன் கீழ் வரி பிடித்தம் செய்வதற்கான படிவம் 141-இது (முந்தைய படிவம் 26QB/26QC/26QD/26QE என்று அழைக்கப்பட்டது) தாக்கல் செய்யும் வசதியும் கிடைக்கிறது.

வரி செலுத்துவோருக்கு இணைய வங்கிசேவை, பற்று அட்டை, வங்கியில் பணம் செலுத்துங்கள் உள்ளிட்ட பல்வேறு கட்டண முறைகள் வழங்கப்படுகின்றன.

புதிய செயல்பாட்டில் நேரடி வங்கிப் பரிவர்த்தனை (ஓவர் தி கவுன்டர்) முறை உள்ளது. வரிகளை நேரடியாக வசூலிக்கும் அதிகாரம் பெறாத வங்கிகள் மூலமாகவும் வரி செலுத்த, வரி செலுத்துபவர்களுக்கு RTGS/NEFT மற்றும் கட்டணம் செலுத்தும் நுழைவாயில் (இணைய வங்கிசேவை, பற்று அட்டை, கடன் அட்டை மற்றும் UPI) ஆகிய முறைகளைப் பயன்படுத்தும் வாய்ப்பு வழங்கப்பட்டுள்ளது. இந்தச் செயல்பாட்டைப் பயன்படுத்தி வரி செலுத்த, மின்னணு-தாக்கல் இணைய முகப்பில் உள்ள மின்னணு-வரி செலுத்தல் பிரிவில் செலுத்துச் சீட்டு (CRN) உருவாக்குவது கட்டாயமாகும். மேலும், மின்னணு-தாக்கல் இணைய முகப்பில் CSI (செலுத்துச் சீட்டு நிலை விசாரணை) வசதியும் சேர்க்கப்பட்டுள்ளது. TAN பயனர்கள், உள்நுழைவதற்கு முன்பே விரைவு இணைப்புகள் மூலம் CSI கோப்பைப் பதிவிறக்கம் செய்யலாம். மாற்றாக, உள்நுழைந்த பிறகு, பயனர்கள் பின்வரும் இடத்திற்குச் செல்லலாம்: CSI கோப்பைப் பதிவிறக்கும் பிரிவு மேலும், மின்னணு-தாக்கல் இணைய முகப்பில் மின்னணு-வரி செலுத்தல் சேவை மூலம் செலுத்தப்பட்ட வரிகளுக்கான CSI கோப்பினைப் பதிவிறக்கம் செய்துகொள்லாம்.

தற்போது,மின்னணு-தாக்கல் இணைய முகப்பு மூலம் வரி செலுத்துவதற்கு கீழே குறிப்பிடப்பட்டுள்ள வங்கிகள் அனுமதிக்கப்பட்டுள்ளன. அங்கீகரிக்கப்பட்ட வங்கிகள் மூலம் செய்யப்படும் வரி செலுத்துதல், மின்னணு-தாக்கல் இணைய முகப்பு வழியாக மட்டுமே மேற்கொள்ளப்பட வேண்டும். அங்கீகரிக்கப்படாத வங்கிகளைப் பயன்படுத்தும் வரி செலுத்துபவர்கள், மின்னணு-தாக்கல் முறையில் புதிய கட்டண முறைகளான NEFT/RTGS மற்றும் கட்டணம் செலுத்தும் நுழைவாயில் ஆகியவற்றைப் பயன்படுத்தி வரி செலுத்தலாம்.

மின்னணு-தாக்கல் இணைய முகப்பில் உள்ள மின்னணு-வரி செலுத்தல் சேவையின் மூலம் வரி செலுத்துவதற்குப் பயன்படுத்தக்கூடிய வங்கிகளின் பட்டியல் பின்வருமாறு:

பொறுப்புத் துறப்பு :அங்கீகரிக்கப்பட்ட வங்கிகளின் விவரப் பட்டியல் மார்ச் 25ஆம் ^தேதி 2026 நிலவரப்படி புதுப்பிக்கப்பட்டுள்ளது மற்றும் இது அவ்வப்போது மாற்றத்திற்கு உட்பட்டது.

அங்கீகரிக்கப்பட்ட வங்கிகள் அல்லாத பிற வங்கிகளின் மூலம் வரி செலுத்த, மின்னணு-தாக்கல் இணைய முகப்பில் உள்ள மின்னணு-வரி செலுத்தல் சேவையைப் பயன்படுத்தி NEFT/RTGS அல்லது கட்டணம் செலுத்தும் நுழைவாயில் முறைகளைத் தேர்வு செய்யலாம்.

மின்னணு-வரி செலுத்தல் வசதியைப் பயன்படுத்த, வரி செலுத்துவோர் வருமான வரித்துறையின் அதிகாரப்பூர்வ இணையதளமான முகப்பு | வருமான வரித்துறைக்குச் செல்ல வேண்டும். இந்த வசதியானது உள்நுழைவதற்கு முன்பாக (முகப்புப் பக்கத்தில் உள்ள விரைவு இணைப்புகள் பகுதி) மற்றும் உள்நுழைவதற்குப் பிறகு என இரு முறைகளிலும் கிடைக்கிறது.

மின்னணு-தாக்கல் இணைய முகப்பில் உள்ள மின்னணு-வரி செலுத்தல் சேவையில், நேரடி வரிகளைச் செலுத்துவதற்குச் செலுத்துச் சீட்டை உருவாக்குவது கட்டாயமாகும். அவ்வாறு உருவாக்கப்படும் ஒவ்வொரு செலுத்துச் சீட்டுக்கும் ஒரு தனித்துவமான செலுத்துச் சீட்டு குறிப்பு எண் (CRN) வழங்கப்படுகிறது.

மின்னணு-தாக்கல் இணைய முகப்பில் உள்ள மின்னணு-வரி செலுத்தல் சேவையைப் பயன்படுத்தி, நேரடி வரி செலுத்த வேண்டிய எந்தவொரு வரி செலுத்துபவரும் (வரி பிடித்தம் செய்பவர்கள் மற்றும் வரி வசூலிப்பவர்கள் உட்பட) செலுத்துச் சீட்டை (CRN) உருவாக்கலாம். இந்தச் சேவையில் உள்ள உள்நுழைந்த பிறகு அல்லது உள்நுழைவதற்கு முன்பே இருக்கும் வசதிகளைப் பயன்படுத்தி நீங்கள் செலுத்துச் சீட்டை (CRN) உருவாக்க முடியும்.

செலுத்துச் சீட்டு (CRN) உருவாக்கப்பட்ட பிறகு, வரி செலுத்துவதற்கு பின்வரும் முறைகள் கிடைக்கின்றன:

• இணைய வங்கிசேவை (அங்கீகரிக்கப்பட்ட வங்கிகளைத் தேர்ந்தெடுக்கவும்)
• தேர்ந்தெடுக்கப்பட்ட அங்கீகரிக்கப்பட்ட வங்கிகளின் டெபிட் கார்டு
• வங்கியில் பணம் செலுத்துங்கள் (தேர்ந்தெடுக்கப்பட்ட அங்கீகரிக்கப்பட்ட வங்கிகளின் கிளைகளில் நேரடியாகச் சென்று பணம் செலுத்துதல்)
• RTGS / NEFT (இத்தகைய வசதியைக் கொண்ட எந்தவொரு வங்கி வழியாகவும்)
• கட்டணம் செலுத்தும் நுழைவாயில் (இதில் எந்தவொரு வங்கியின் இணைய வங்கிசேவை, டெபிட் கார்டு, கிரெடிட் கார்டு மற்றும் UPI போன்ற துணை கட்டண முறைகள் மூலம் பணம் செலுத்தலாம்)

ஒரு நிறுவனம் அல்லது வருமான வரிச் சட்டம், 2025-இன் பிரிவு 63-ன் (தணிக்கைக்கு உட்பட்ட வரி செலுத்துபவர்கள்) கீழ் வரும் நபர்கள் (நிறுவனம் அல்லாதவர்கள்), விதி 333-இன்படி, வங்கி மூலம் நேரடியாக வரி செலுத்தும் முறையைப் பயன்படுத்த முடியாது என்பதை நினைவில் கொள்ளவும்

வருமான வரி மின்னணு-தாக்கல் இணைய முகப்பில் மூலம், தவறாகச் செலுத்தப்பட்ட செலுத்துச் சீட்டு பணத்தைத் திரும்பப் பெறுவதற்கோ அல்லது ரத்து செய்வதற்கோ கோரிக்கை விடுக்க முடியாது.
வரி செலுத்துபவர் பின்வருவனவற்றை மேற்கொள்ளுமாறு அறிவுறுத்தப்படுகிறார்:

1. தொடர்புடைய மதிப்பீட்டு ஆண்டு அல்லது வரி ஆண்டிற்கான வருமான வரி அறிக்கையில் (ITR) வரி வரவுத் தொகையாகக் கோரலாம், அல்லது
2. தவறுதலாகச் செலுத்தப்பட்ட வரியைத் திரும்பப் பெற அல்லது சரிசெய்ய, சம்பந்தப்பட்ட மதிப்பீட்டு அதிகாரியிடம் (AO) கோரிக்கை மனுவைச் சமர்ப்பிக்கலாம்.

முழுமையாக உருவாக்கப்பட்டு, செலுத்துச் சீட்டு குறிப்பு எண் (CRN) பெறப்படாத வரை, பாதியில் உருவாக்கப்பட்ட செலுத்துச் சீட்டு "சேமிக்கப்பட்ட வரைவுகள்" டாபில் இருக்கும். CRN உருவாக்கப்பட்ட பிறகு, அது "உருவாக்கப்பட்ட செலுத்துச் சீட்டு" டாபுக்குச் செல்லும். இது CRN உருவாக்கப்பட்ட தேதியிலிருந்து 15 நாட்களுக்குச் செல்லுபடியாகும். இந்தச் செல்லுபடியாகும் காலத்திற்குள் வரி செலுத்துபவர் அந்த CRN-க்கு எதிராகப் பணத்தைச் செலுத்தத் தொடங்கலாம். குறிப்பிட்ட காலத்திற்குள் எந்தப் பணமும் செலுத்தப்படாவிட்டால், அந்த CRN காலாவதியாகிவிடும்; வரி செலுத்துபவர் பணம் செலுத்துவதற்குப் புதிய CRN-ஐ உருவாக்க வேண்டியிருக்கும்.

'முன்கூட்டிய வரி' செலுத்துவதற்காக மார்ச் 16-ஆம் தேதி அல்லது அதற்குப் பிறகு செலுத்துச் சீட்டு (CRN) உருவாக்கப்பட்டால், அதன் செல்லுபடியாகும் காலாவதி தேதி, அந்த நிதியாண்டின் மார்ச் 31-ஆம் தேதியாக இயல்பாகவே நிர்ணயிக்கப்படும்.

“செல்லுபடியாகும்” தேதி என்பது செலுத்துச் சீட்டு படிவம் (CRN) மூலம் பணம் செலுத்துவதற்கு அனுமதிக்கப்படும் கடைசித் தேதியாகும். இந்த செல்லுபடியாகும் தேதி முடிந்த பிறகு, பயன்படுத்தப்படாத செலுத்துச் சீட்டு படிவத்தின் (CRN) நிலை "காலாவதியானது" என மாற்றப்படும். உதாரணமாக, ஒரு CRN ஏப்ரல் 1-ஆம் தேதி உருவாக்கப்பட்டால், அது ஏப்ரல் 16-ஆம் தேதி வரை செல்லுபடியாகும்; அந்த CRN-க்கு எதிராகப் பணம் செலுத்தப்படாவிட்டால், ஏப்ரல் 17-ஆம் தேதியன்று அதன் நிலை காலாவதியானது என மாறிவிடும்.

வங்கி கவுண்டர் முறையில் பணம் செலுத்துதலில் ‘காசோலை’ மூலம் பணம் செலுத்தும் போது, வரி செலுத்துபவர் அந்தச் செலுத்துச் சீட்டின் “செல்லுபடியாகும்" தேதிக்கு முன்னதாகவோ அல்லது அந்தத் தேதியன்றோ அங்கீகரிக்கப்பட்ட செலுத்துச் சீட்டு பணம் செலுத்துவதற்கான ஆவணத்தை வழங்கி செலுத்துச் சீட்டின் “செல்லுபடியாகும்" தேதி கூடுதலாக 90 நாட்களுக்கு நீட்டிக்கப்படும்.

'முன்கூட்டிய வரி' செலுத்துவதற்காக மார்ச் 16-ஆம் தேதி அல்லது அதற்குப் பிறகு செலுத்துச் சீட்டு படிவம் (CRN) உருவாக்கப்பட்டால், அதன் செல்லுபடியாகும் காலாவதி தேதி, அந்த நிதியாண்டின் மார்ச் 31-ஆம் தேதியாக இயல்பாகவே நிர்ணயிக்கப்படும்.

வரி செலுத்துபவர்கள், மின்னணு-தாக்கல் இணைய முகப்பில் உள்நுழைந்த பிறகு மின்னணு-வரி செலுத்தல் பக்கத்தில் உள்ள "உருவாக்கப்பட்ட செலுத்துச் சீட்டுகள்" டாப்பின் கீழ் உருவாக்கப்பட்ட செலுத்துச் சீட்டுகளைப் (CRN) பார்க்கலாம்.

காலாவதியான செலுத்துச் சீட்டு (CRN), அதன் செல்லுபடியாகும் கடைசித் தேதியிலிருந்து 30 நாட்களுக்கு, மின்னணு-தாக்கல் இணைய முகப்பில் உள்ள மின்னணு-வரி செலுத்தல் பக்கத்தில் இருக்கும் உருவாக்கப்பட்ட செலுத்துச் சீட்டுகள் டாப்பின் கீழ் பார்வைக்குக் கிடைக்கும்.

இல்லை, ஒருமுறை செலுத்துச் சீட்டு (CRN) உருவாக்கப்பட்ட பிறகு, அதை மாற்றியமைக்க முடியாது. இருப்பினும், ஏற்கனவே உருவாக்கப்பட்ட செலுத்துச் சீட்டின் (CRN) தகவல்களை நகலெடுத்து புதிய செலுத்துச் சீட்டை உருவாக்க முடியும்.

ஆம், செலுத்துச் சீட்டு (CRN) உருவாக்கும் போது, வரி செலுத்துபவர் பணம் செலுத்தும் முறையை கட்டாயமாகத் தேர்ந்தெடுக்க வேண்டும்.

செலுத்துச் சீட்டு (CRN) உருவாக்கப்பட்ட பிறகு, வரி செலுத்துபவரால் பணம் செலுத்தும் முறையை மாற்ற முடியாது.

வரி செலுத்துபவர் வேறொரு முறை மூலம் வரி செலுத்த விரும்பினால், ஒரு புதிய செலுத்துச் சீட்டை (CRN) உருவாக்க வேண்டும்; பழைய சலான் 15 நாட்களுக்குப் பிறகு தானாகவே காலாவதியாகிவிடும்.

வரி செலுத்திய பிறகு, ஒரு செலுத்துச் சீட்டு ரசீது உருவாக்கப்படும். அந்தச் செலுத்துச் சீட்டு ரசீதில் செலுத்துச் சீட்டு அடையாள எண் , BSR கோடு, பணம் செலுத்திய தேதி மற்றும் பிற புள்ளிவிவரங்கள் இடம் பெற்றிருக்கும். அதே நேரத்தில், மின்னணு-தாக்கல் இணைய முகப்பில் உள்ள பணம் செலுத்திய வரலாறு 'டாபின் கீழ், அந்த CRN-ன் நிலை செலுத்தப்பட்டது எனப் புதுப்பிக்கப்படும். வரி செலுத்துபவர்கள், இந்தப் பணம் செலுத்திய வரலாறு பகுதிக்குச் சென்று செலுத்துச் சீட்டு ரசீதைப் பதிவிறக்கம் செய்து பார்த்துக் கொள்ளலாம்.

செலுத்துச் சீட்டுகள், மின்னணு-வரி செலுத்தல் வசதியில் உள்ள சேமிக்கப்பட்ட வரைவுகள் டாபின் கீழ் சேமிக்கப்படும். இவை கடைசி முறை வரைவாகச் சேமிக்கப்பட்ட தேதியிலிருந்து 15 நாட்களுக்குள், திருத்துவதற்கும் மற்றும் CRN உருவாக்குவதற்கும் மீண்டும் எடுக்கப்படலாம்.

"பணம் செலுத்தும் செயல்முறை தொடங்கப்படவில்லை" என்ற நிலை, ஒரு செல்லுபடியாகும் செலுத்துச் சீட்டு (CRN) உருவாக்கப்பட்டிருந்தாலும், அதற்கான வரி செலுத்தும் செயல்முறை இன்னும் தொடங்கப்படவில்லை என்பதைக் குறிக்கிறது.

• இணைய வங்கிசேவை, டெபிட் கார்டு அல்லது கட்டணம் செலுத்தும் நுழைவாயில்கள் மூலம் வரி செலுத்துத் தேர்வு செய்த பிறகு, மின்னணு-தாக்கல் இணைய முகப்பில் இருந்து வரி செலுத்துபவர் ஆன்லைன் பரிவர்த்தனையைத் தொடங்கும் வரை, இந்தநிலை காட்டப்படும்.
• வங்கி கவுண்டர் முறையில் பணம் செலுத்துதல் முறையைத் தேர்ந்தெடுத்த பிறகு, வரி செலுத்துபவர் தனது கட்டண ஆவணத்தை வங்கியின் கிளையில் சமர்ப்பிக்கும் வரை இந்த நிலை காட்டப்படும்.
• வரி தொகை இந்திய ரிசர்வ் வங்கி (பயனாளி வங்கி) மூலம் பெறப்படும் வரை, RTGS/NEFT முறையில் இந்த நிலை காணப்படும்.

"தொடங்கப்பட்டது" என்ற நிலை, வரி செலுத்துபவர் மின்னணு-தாக்கல் இணைய முகப்பில் இருந்து இணைய வங்கிசேவை, டெபிட் கார்டு அல்லது கட்டணம் செலுத்தும் நுழைவாயில் முறைகள் மூலம் ஒரு CRN-க்கு எதிராகப் பணம் செலுத்தும் செயல்முறையைத் தொடங்கியதைக் குறிக்கிறது. ஒருமுறை பணம் செலுத்தும் செயல்முறை தொடங்கிவிட்டால், அந்தச் செலுத்துச் சீட்டின் தற்போதைய நிலை எதுவாக இருந்தாலும், அதே CRN-ஐப் பயன்படுத்தி மீண்டும் பணம் செலுத்த முடியாது. ஒருவேளை மீண்டும் பணம் செலுத்த வேண்டிய அவசியம் ஏற்பட்டால், வரி செலுத்துபவர் "நகல்” செயல்பாட்டைப் பயன்படுத்தி புதிய CRN-ஐ உருவாக்கிக்கொள்ளலாம்.

"வங்கியிடமிருந்து பதில் இல்லை" என்ற நிலை, நெட் பேங்கிங், டெபிட் கார்டு அல்லது கட்டணம் செலுத்தும் நுழைவாயில் முறைகள் மூலம் பணம் செலுத்தத் தொடங்கப்பட்ட பிறகு, வரி செலுத்துபவரின் வங்கியிடமிருந்து 30 நிமிடங்களுக்குள் எந்தப் பதிலும் கிடைக்கப் பெறவில்லை என்றால் காட்டப்படும்.

வங்கியிலிருந்து எந்தப் பதிலும் பெறப்படாத நிலையில், பணம் செலுத்துபவரின் கணக்கிலிருந்து தொகை பிடித்தம் செய்யப்பட்டிருந்தால், வரி செலுத்துபவர் ஒரு நாள் காத்திருக்குமாறு அறிவுறுத்தப்படுகிறார். ஏனெனில் மின்னணு-தாக்கல் இணைய முகப்பில், வங்கியுடன் CRN-ஐ ஒப்பிட்டு சரிபார்த்து அதன் நிலையை அதற்கேற்ப புதுப்பிக்கும். ஒரு நாள் கழித்தும் CRN-இன் நிலை புதுப்பிக்கப்படவில்லை என்றால், வரி செலுத்துபவர் தமது வங்கியைத் தொடர்புகொள்ளுமாறு அறிவுறுத்தப்படுகிறார்.

“பணம் செலுத்துதல் தோல்வி” என்ற நிலை, இணைய வங்கிசேவை, டெபிட் கார்டு அல்லது கட்டணம் செலுத்தும் நுழைவாயில் முறைகள் மூலம் பணம் செலுத்த முயற்சிக்கும்போது, பணம் செலுத்துவோர் வங்கியிடமிருந்து மின்னணு-தாக்கல் இணைய முகப்பில் பரிவர்த்தனை தோல்வியடைந்ததற்கான தகவல் பெறப்பட்டால் காட்டப்படும்.

CRN-இன் நிலை “பணம் செலுத்துதல் தோல்வி” என்று காட்டப்பட்டிருந்தாலும், வரி செலுத்துபவரின் கணக்கிலிருந்து தொகை பிடித்தம் செய்யப்பட்டிருந்தால், அவர்/அவள் தமது வங்கியைத் தொடர்புகொள்ளுமாறு அறிவுறுத்தப்படுகிறார்.

"வங்கி அனுமதிக்காகக் காத்திருக்கிறது" என்ற நிலை, வங்கி கவுண்டர் முறையில் பணம் செலுத்துதல் முறையைப் பயன்படுத்தி வரி செலுத்தும் போது காட்டப்படுகிறது. வரி செலுத்துபவர் தனது கட்டண ஆவணத்தை வங்கி கவுண்டரில் சமர்ப்பித்த பிறகு இந்த நிலை உருவாகும். வங்கி அந்தப் பணம் வெற்றிகரமாக வரவு வைக்கப்பட்டதை உறுதி செய்தவுடன், செலுத்துச் சீட்டின் நிலை “பெறப்பட்டது” எனப் புதுப்பிக்கப்படும்.

இந்த நிலை, இணைய வங்கிசேவை முறையில் முன்கூட்டியே அங்கீகரிக்கப்பட்ட பற்று பரிவர்த்தனைகளுக்கு காட்டப்படுகிறது. இதில் வரி செலுத்துபவர் குறிப்பிட்ட தேதியைக் காட்டும் வகையில் செலுத்துச் சீட்டு இருக்கும். வரி செலுத்தப்பட வேண்டிய அந்தத் தேதியில், பணம் வெற்றிகரமாகப் பெறப்பட்டதா என்பதைப் பொறுத்து இந்த நிலை புதுப்பிக்கப்படும்.

எந்தவொரு வரி செலுத்தும் முறையிலும், வங்கி மின்னணு-தாக்கல் இணைய முகப்புக்கு வழங்கிய CIN விவரங்கள் (பணம் செலுத்தியதற்கான உறுதிப்படுத்தல் விவரங்கள்), மின்னணு-தாக்கல் இணைய முகப்பில் உள்ள விவரங்களுடன் பொருந்தவில்லை என்றால், இந்த நிலை காட்டப்படும். வங்கி மற்றும் மின்னணு-தாக்கல் இணைய முகப்புக்கு இடையே டாபுகள் சரிபார்க்கப்பட்டு, சரியான விவரங்கள் பெறப்பட்டவுடன் இந்த நிலை புதுப்பிக்கப்படும்.

வரி செலுத்துபவர் வங்கி கவுண்டர் முறையிலான பணம் செலுத்துதல் முறையில் கட்டணம் செலுத்துவதற்காக வழங்கிய வரைவோலை / காசோலை வங்கி மூலம் நிராகரிக்கப்பட்டால் இந்த நிலை காட்டப்படும்.

செலுத்துச் சீட்டு (CRN) உருவாக்கப்பட்ட பிறகு, அது உருவாக்கப்பட்ட தேதியிலிருந்து 15 நாட்களுக்குச் செல்லுபடியாகும். இந்தச் செல்லுபடியாகும் காலத்திற்குள் வரி செலுத்துபவர் அந்த CRN-ஐப் பயன்படுத்தி வரி செலுத்தும் செயல்முறையைத் தொடங்க வேண்டும். இந்தக் காலக்கெடு முடிந்த பிறகு, பயன்படுத்தப்படாத CRN-களின் நிலை காலாவதியானது என மாற்றப்படும்.

வரி செலுத்துபவர் வங்கி கவுண்டர் முறையில் பணம் செலுத்துதல் முறையை பயன்படுத்தும்போது, CRN காலாவதியாகும் முன் அங்கீகரிக்கப்பட்ட வங்கியில் கட்டண ஆவணத்தை சமர்ப்பித்தால், அந்த செலுத்துச் சீட்டின் (CRN) செல்லுபடியாகும் காலம் கூடுதலாக 90 நாட்கள் நீட்டிக்கப்படும்.

வரி செலுத்துபவர் இணைய வங்கிசேவை, டெபிட் கார்டு அல்லது கட்டணம் செலுத்தும் நுழைவாயில் முறைகள் மூலம் தொடங்கிய வரி செலுத்தும் பரிவர்த்தனையைப் பாதியிலேயே ரத்து செய்தால், இந்த நிலை காட்டப்படும்.

வரி செலுத்துபவர் இணைய வங்கிசேவை, டெபிட் கார்டு அல்லது கட்டணம் செலுத்தும் நுழைவாயில் முறைகளைப் பயன்படுத்தி வரி செலுத்திய பிறகு, வங்கியிடமிருந்து அந்தப் பணம் குறித்த உறுதிப்படுத்தல் வரும் வரை, செலுத்துச் சீட்டின் நிலை இந்த வகையில் காட்டப்படும்.

வரி செலுத்துபவர் வெற்றிகரமாக வரி செலுத்தி, வங்கியிடமிருந்து உறுதிப்படுத்தல் பெறப்பட்ட பிறகு, இந்தப் பயனர் நிலை காட்டப்படும்.

இந்த முறையில், அங்கீகரிக்கப்பட்ட வங்கிகளின் இணைய வங்கிசேவை வசதி மூலம் மட்டுமே பணம் செலுத்த முடியும். அங்கீகரிக்கப்பட்ட வங்கிகளில் ஏதேனும் ஒன்றில் கணக்கு வைத்திருக்கும் வரி செலுத்துபவர்கள், இந்த முறையைப் பயன்படுத்தி வரி செலுத்தலாம். இந்த முறையில் வரி செலுத்துவதற்கு எவ்வித பரிவர்த்தனைக் கட்டணமோ அல்லது கூடுதல் கட்டணமோ வசூலிக்கப்படுவதில்லை.

வங்கி இந்தச் சேவையை வழங்கினால், வரி செலுத்துபவர் இணைய வங்கிசேவை வசதியைப் பயன்படுத்தி, தனது வங்கிக் கணக்கிலிருந்து வரிப் பணத்தை எடுக்கத் திட்டமிடலாம். இருப்பினும், வரி செலுத்துதலுக்காகத் திட்டமிடப்பட்ட தேதி, செலுத்துச் சீட்டில் (CRN) குறிப்பிடப்பட்டுள்ள “செல்லுபடியாகும் கடைசித் தேதி” அன்று அல்லது அதற்கு முன்னதாக இருக்க வேண்டும். இணைய வங்கிசேவை முறையில் வரி செலுத்துதலை ஒரு வருங்காலத் தேதியில் திட்டமிடும்போது, வரி செலுத்தும் தேதியன்று தனது தேர்ந்தெடுக்கப்பட்ட வங்கிக் கணக்கில் போதுமான இருப்பு இருப்பதை வரி செலுத்துபவர் உறுதி செய்து கொள்ள வேண்டும்.

இந்த முறையில், அங்கீகரிக்கப்பட்ட வங்கிகளின் இணைய வங்கிசேவை வசதி மூலம் மட்டுமே பணம் செலுத்த முடியும். வேறு ஏதேனும் வங்கிகளில் கணக்கு வைத்திருக்கும் வரி செலுத்துபவர்கள், NEFT/RTGS முறை அல்லது கட்டணம் செலுத்தும் நுழைவாயில் முறையின் கீழ் உள்ள இணைய வங்கிசேவை வசதியைத் தேர்வு செய்யலாம். NEFT/RTGS அல்லது கட்டணம் செலுத்தும் நுழைவாயில் முறையில் வங்கி கட்டணங்கள் வசூலிக்கப்படலாம்.

வரி செலுத்துபவர் 30 நிமிடங்களுக்குப் பிறகு மீண்டும் CRN-இன் நிலையைச் சரிபார்க்கலாம். ஏனெனில், வங்கியிடமிருந்து மின்னணு-தாக்கல் இணைய முகப்புக்குப் பதில் வந்தவுடன், நிலையைப் புதுப்பிப்பதற்கு அந்த நேரம் தேவைப்படலாம்.
ஒருவேளை குறிப்பிட்ட அந்த நேரத்திற்குள் வங்கியிடமிருந்து எந்தப் பதிலும் கிடைக்கவில்லை என்றால், வரி செலுத்துபவர் ஒரு நாள் வரை காத்திருக்குமாறு அறிவுறுத்தப்படுகிறார். ஒரு நாள் கடந்தும் CRN நிலை புதுப்பிக்கப்படவில்லை எனில், வரி செலுத்துபவர் தங்கள் வங்கியைத் தொடர்பு கொள்ளுமாறு அறிவுறுத்தப்படுகிறார்.

இந்த முறையில், தங்களது சொந்த டெபிட் கார்டுகள் மூலம் வரி வசூல் சேவையை வழங்கும் தேர்ந்தெடுக்கப்பட்ட அங்கீகரிக்கப்பட்ட வங்கிகளின் டெபிட் கார்டுகளைப் பயன்படுத்தி கட்டணம் செலுத்தலாம். இந்த முறையில் வரி செலுத்துவதற்கு எந்தவித பரிவர்த்தனை கட்டணமும் விதிக்கப்படாது. மற்ற வங்கிகளின் டெபிட் கார்டுகளைப் பயன்படுத்த விரும்பினால், “கட்டணம் செலுத்தும் நுழைவாயில்” முறையைப் பயன்படுத்தவும். இருப்பினும், கட்டணம் செலுத்தும் நுழைவாயில் முறையைப் பயன்படுத்தும்போது கூடுதல் கட்டணங்கள் வசூலிக்கப்படலாம் என்பதை கவனத்தில் கொள்ளவும்.

இந்த முறையில், வரி வசூலிக்கும் வசதியைத் தங்கள் சொந்த டெபிட் கார்டுகள் மூலம் வழங்கும் குறிப்பிட்ட அங்கீகரிக்கப்பட்ட வங்கிகளின் டெபிட் கார்டுகளைப் பயன்படுத்தி வரி செலுத்தலாம். மற்ற வங்கிகளின் டெபிட் கார்டுகளைப் பயன்படுத்த, நீங்கள் “கட்டணம் செலுத்தும் நுழைவாயில்” முறையைப் பயன்படுத்தவும்.

ஆம், வங்கியில் பணம் செலுத்துங்கள் மற்றும் RTGS/NEFT முறைகளைப் பயன்படுத்தி வங்கியில் (ஓவர் தி கவுண்டர்) வரி செலுத்த முடியும். இருப்பினும், வரி செலுத்துவதற்கான செலுத்துச் சீட்டு (CRN)மின்னணு-தாக்கல் இணைய முகப்பில் உள்ள மின்னணு-வரி செலுத்தல் செயல்பாட்டின் மூலம் மட்டுமே உருவாக்கப்பட வேண்டும். ஆஃப்லைன் முறையில் வரி செலுத்துவதற்கு, கையால் நிரப்பப்பட்ட செலுத்துச் சீட்டு படிவங்கள் செல்லுபடியாகாது.

வருமான வரிச் சட்டம், 2025-இன் பிரிவு 63-இன் கீழ் (கணக்குத் தணிக்கை செய்யப்பட வேண்டிய வரி செலுத்துபவர்கள்) வரும் நிறுவனங்கள் அல்லது தனிநபர்கள், விதி 333-இன் படி வங்கியில் பணம் செலுத்துங்கள் முறையில் வரி செலுத்த முடியாது என்பதைக் கவனத்தில் கொள்க. இவர்கள் ஆன்லைன் முறையில் மட்டுமே வரி செலுத்த முடியும்.

ஓவர் தி கவுன்டர் (OTC) முறையில், செலுத்துச் சீட்டு (CRN) உருவாக்கும்போது தேர்ந்தெடுக்கப்பட்ட அங்கீகரிக்கப்பட்ட வங்கியின் ஏதேனும் ஒரு கிளையில் மட்டுமே, வரி செலுத்துபவர் ஆஃப்லைன் முறையில் (காசோலை/வரைவோலை/பணம்) வரி செலுத்த முடியும். இந்த முறையில் வரி செலுத்தும்போது எந்தவிதமான பரிவர்த்தனைக் கட்டணமும் வசூலிக்கப்படாது.

அங்கீகரிக்கப்பட்ட வங்கிகளைத் தவிர பிற வங்கிகளின் வாடிக்கையாளர்கள், RTGS/NEFT முறையில் வரி செலுத்தலாம்.

ஆம், வரி செலுத்துபவர் வங்கியில் பணம் செலுத்துங்கள் முறையைப் பயன்படுத்தி காசோலை / வரைவோலை மூலம் வரி செலுத்தலாம். வருமான வரித்துறை, வரைவோலை / காசோலை மூலம் செலுத்தப்படும் வரித் தொகைக்கு எந்தவிதமான உச்சவரம்பையும் நிர்ணயிக்கவில்லை. இருப்பினும், சம்பந்தப்பட்ட அங்கீகரிக்கப்பட்ட வங்கியின் உள்நாட்டுக் கொள்கைகளின்படி, இந்த முறைகளில் வரி செலுத்துவதற்கு அந்தந்த வங்கிகள் சில கட்டுப்பாடுகளை அல்லது உச்சவரம்புகளைக் கொண்டிருக்கலாம்.

ஆம், ஓவர் தி கவுன்டர் (OTC) முறையைப் பயன்படுத்தி பணமாக வரி செலுத்தலாம். இருப்பினும், ஒரு செலுத்துச் சீட்டு படிவத்திற்கு (CRN) அதிகபட்சமாக ரூ. 10,000 வரை மட்டுமே பணமாக வரி செலுத்த முடியும் என்பது குறிப்பிடத்தக்கது.

ஓவர் தி கவுன்டர் (OTC) முறையில் வரி செலுத்த, செலுத்துச் சீட்டு படிவத்தை (CRN) உருவாக்கும்போது, வரி செலுத்துபவர் எந்த அங்கீகரிக்கப்பட்ட வங்கியின் மூலம் பணம் செலுத்த விரும்புகிறாரோ, அந்த வங்கியைப் பட்டியலிலிருந்து தேர்ந்தெடுக்க வேண்டும். செலுத்துச் சீட்டு படிவம் (CRN) உருவாக்கப்பட்ட பிறகு, வரி செலுத்துபவர் அதன் அச்சிடப்பட்ட மற்றும் கையொப்பமிடப்பட்ட ஒரு நகலை, வரி செலுத்துவதற்கான ஆவணத்துடன் (காசோலை/வரைவோலை/பணம்) சேர்த்து, தேர்ந்தெடுக்கப்பட்ட அங்கீகரிக்கப்பட்ட வங்கியின் கிளைக்கு நேரில் எடுத்துச் செல்ல வேண்டும்.

செலுத்துச் சீட்டு படிவம் (CRN) உருவாக்கப்பட்ட தேதியிலிருந்து 15 நாட்கள் வரை செல்லுபடியாகும். உதாரணத்திற்கு, ஒரு செலுத்துச் சீட்டு ஏப்ரல் 1-ஆம் தேதி உருவாக்கப்பட்டால், அது ஏப்ரல் 16-ஆம் தேதி வரை செல்லுபடியாகும். இந்த காலக்கெடுவிற்குள் வரி செலுத்துபவர் தேர்ந்தெடுக்கப்பட்ட அங்கீகரிக்கப்பட்ட வங்கியின் கிளையில் பணத்தைச் செலுத்த வேண்டும். ஒருவேளை, செலுத்துச் சீட்டு படிவத்தில் குறிப்பிடப்பட்டுள்ள செல்லுபடியாகும் காலத்திற்குள், வரி செலுத்துபவர் காசோலை அல்லது வரைவோலையை வங்கியிடம் சமர்ப்பித்துவிட்டால், அந்தச் செலுத்துச் சீட்டின் செல்லுபடியாகும் காலம் மேலும் 90 நாட்களுக்கு நீட்டிக்கப்படும்.

வங்கியில் பணம் செலுத்துங்கள் முறையில் காசோலை/வரைவோலை மூலம் வரி செலுத்தும்போது, நீங்கள் அந்த ஆவணத்தை வங்கிக் கிளையில் சமர்ப்பிக்கும் தேதியே, வரி செலுத்தப்பட்ட தேதியாகக் கருதப்படும்.

இந்த முறையில், வரி செலுத்துவதற்கு RTGS/NEFT சேவைகளை வழங்கும் எந்தவொரு வங்கி மூலமாகவும் வரியைச் செலுத்த முடியும்.

வங்கி கட்டணங்கள் ஏதேனும் இருந்தால், அவை சம்பந்தப்பட்ட வங்கியின் (பயனாளியின் கணக்கிற்கு வரிப் பணம் செலுத்தப்படுவதற்குப் பயன்படுத்தப்படும் வங்கி) விதிமுறைகள் மற்றும் நிபந்தனைகளுக்கு உட்பட்டவை. வங்கிக் கட்டணங்கள் என்பது படிவத்தில் குறிப்பிடப்பட்டுள்ள வரித் தொகையைத் தவிர்த்து கூடுதலாக வசூலிக்கப்படுபவை ஆகும், மேலும் இந்த கட்டணங்களால் வருமான வரித்துறைக்கு எந்தவிதமான பயனும் இல்லை.

இல்லை, இந்த முறையில் வரி செலுத்துவதற்கு வரி செலுத்துபவர் பணத்தைப் பயன்படுத்த முடியாது.

இந்த முறையில், வரி செலுத்த வேண்டிய பயனாளி கணக்கு குறித்த தகவல்களைக் கொண்ட ஒரு ஆணை படிவம் உருவாக்கப்படும். வரி செலுத்துபவர், அச்சிடப்பட்ட மற்றும் கையொப்பமிடப்பட்ட இந்த ஆணை படிவத்தை, பணம் செலுத்துவதற்கான ஆவணத்துடன் (காசோலை அல்லது வரைவோலை) சேர்த்து வங்கியிடம் சமர்ப்பிக்க வேண்டும்.

வரி செலுத்துபவர்கள், தாங்கள் வைத்திருக்கும் வங்கியின் இணைய வங்கிச் சேவையைப் பயன்படுத்தியும் வரியைச் செலுத்தலாம். அதற்கு, ஆணை படிவத்தில் உள்ள விவரங்களைக் கொண்டு அந்த வங்கியின் கணக்கை ஒரு பயனாளி கணக்காக சேர்த்து, அதன் மூலம் வரித் தொகையை மாற்றியனுப்பலாம்.

ஆம், வரி செலுத்துபவர்கள் தங்கள் வங்கியில் இச்சேவை வழங்கப்பட்டால், இணைய வங்கிசேவை வசதியைப் பயன்படுத்தியும் வரி செலுத்தலாம். இதற்கு, ஆணை படிவத்தில் உள்ள தகவல்களைப் பயன்படுத்தி, பயனாளி கணக்கை தங்கள் வங்கிக் கணக்கில் சேர்த்து, அதன் மூலம் வரித் தொகையை மாற்றலாம்.

வரி செலுத்துபவர் வரி செலுத்தும் முறையாக RTGS/NEFT-ஐத் தேர்ந்தெடுக்கும் போது, ஆணை படிவம் உருவாக்கப்படுகிறது. இதில் வரித் தொகையைச் செலுத்த வேண்டிய பயனாளியின் கணக்கு குறித்த அனைத்து விவரங்களும் அடங்கியிருக்கும்.

ஆணை படிவம் உருவாக்கப்பட்ட தேதியிலிருந்து 15 நாட்கள் வரை செல்லுபடியாகும். RTGS/NEFT பரிவர்த்தனை, ஆணை படிவத்தில் குறிப்பிடப்பட்டுள்ள “செல்லுபடியாகும் கடைசித் தேதி” அல்லது அதற்கு முன்பாகவே இலக்கு வங்கியான இந்திய ரிசர்வ் வங்கியை (RBI) சென்றடைய வேண்டும். எந்தவொரு தாமதம் ஏற்பட்டாலும், அந்த RTGS/NEFT பரிவர்த்தனை பணம் அனுப்பப்பட்ட கணக்கிற்கே திருப்பி அனுப்பப்படும். ஆணை படிவத்தில் குறிப்பிடப்பட்டுள்ள கடைசித் தேதிக்கு முன்பாகவே வரித் தொகை பயனாளி கணக்கைச் சென்றடைவதை உறுதி செய்வது, பணம் அனுப்பும் வங்கியின் பொறுப்பாகும். இதில் ஏற்படும் எவ்விதத் தாமதத்திற்கும் வருமான வரித்துறையோ அல்லது இந்திய ரிசர்வ் வங்கியோ பொறுப்பேற்காது.

ஆம். இது மிகவும் முக்கியமான விஷயமாகும். RTGS/NEFT பரிவர்த்தனையை மேற்கொள்ளும்போது, ஆணை படிவத்தில் குறிப்பிடப்பட்டுள்ள விவரங்களை, பணம் அனுப்பும் வங்கி / வரி செலுத்துபவர் (ஆன்லைன் பரிமாற்றத்தின் போது) சரியாக உள்ளிடுவது அவர்களின் பொறுப்பாகும். எந்தவொரு முரண்பாடுகளும் ஏற்படும் பட்சத்தில், அந்த RTGS/NEFT பரிவர்த்தனை நிராகரிக்கப்பட வாய்ப்புள்ளது. இத்தகைய தவறுகளால் ஏற்படும் விளைவுகளுக்கு வருமான வரித்துறையோ அல்லது இந்திய ரிசர்வ் வங்கியோ பொறுப்பேற்காது.

கட்டணம் செலுத்தும் நுழைவாயில் என்பது மற்றொரு கட்டணச் செலுத்தும் முறையாகும். இதன் மூலம், மின்னணு-தாக்கல் இணைய முகப்பில் உள்ள மின்னணு-வரி செலுத்தல் சேவையுடன் ஒருங்கிணைக்கப்பட்டுள்ள கட்டணம் செலுத்தும் நுழைவாயிலுடன் இணைக்கப்பட்ட தேர்ந்தெடுக்கப்பட்ட வங்கிகளின் பின்வரும் கட்டணச் சாதனங்களைப் பயன்படுத்தி வரி செலுத்துபவர் வரி கட்டணம் செலுத்த முடியும்:

1. இணைய வங்கிசேவை
2. டெபிட் கார்டு
3. கிரெடிட் கார்டு
4. யுபிஐ

குறிப்பு:அங்கீகரிக்கப்பட்ட வங்கி மூலம் நேரடியாக டெபிட் கார்டு மற்றும் இணைய வங்கிசேவை முறைகளைப் பயன்படுத்தியும் வரிகளைச் செலுத்த முடியும்.

கட்டணம் செலுத்தும் நுழைவாயில் முறையின் மூலம் வரி செலுத்துவதற்கான கட்டணம்/சேவைக் கட்டணங்கள், சம்பந்தப்பட்ட வங்கியின் விதிமுறைகள் மற்றும் நிபந்தனைகளின்படியும், இதுகுறித்த இந்திய ரிசர்வ் வங்கி (RBI) வழிகாட்டுதல்களின்படியும் நிர்ணயிக்கப்படும். மின்னணு-தாக்கல் இணைய முகப்பு / வருமான வரித்துறை இதற்காக எந்தவித கட்டணத்தையும் வசூலிக்காது என்பதை கவனத்தில் கொள்ள வேண்டும். இத்தகைய கட்டணம்/சேவைக் கட்டணம் வங்கி அல்லது கட்டணம் செலுத்தும் நுழைவாயில் வழியாகச் செலுத்தப்படும்; மேலும் அது வரித்தொகைக்கு மேலாக வசூலிக்கப்படும். இருப்பினும், அரசின் வழிகாட்டுதல்களின்படி, ரூபே டெபிட் கார்டு, ஒருங்கிணைந்த கட்டண இடைமுகம் (UPI) (BHIM-UPI), மற்றும் UPI QR குறியீடு (BHIM UPI QR குறியீடு) மூலம் மேற்கொள்ளப்படும் கட்டணங்களுக்கு எந்தவித கட்டணமோ / வணிகர் தள்ளுபடி விகிதக் (MDR) கட்டணமோ விதிக்கப்படாது.

கூடுதல் தகவலாக, மின்னணு-தாக்கல் இணைய முகப்பில் உள்ள ‘கட்டணம் செலுத்தும் நுழைவாயில்’ முறையைத் தேர்ந்தெடுக்கும்போது, அந்தச் சேவையை வழங்கும் அனைத்து வங்கிகளின் பரிவர்த்தனைக் கட்டணங்களும் பட்டியலிடப்பட்டிருக்கும்.

வரி செலுத்துபவரின் வங்கிக் கணக்கிலிருந்து பணம் எடுக்கப்பட்டாலோ அல்லது கிரெடிட் கார்டில் கட்டணம் வசூலிக்கப்பட்டாலோ, ஆனால் CRN-ன் நிலை "பெறப்பட்டது" என்று புதுப்பிக்கப்படவில்லை எனில், வரி செலுத்துபவர் 30 நிமிடங்கள் கழித்து மீண்டும் நிலையைச் சரிபார்க்கலாம். ஏனெனில், கட்டணம் செலுத்தும் நுழைவாயிலிருந்து வருமான வரித்துறை இணைய முகப்புக்குத் தகவல் வந்து சேர்வதற்குச் சிறிது நேரம் ஆகலாம். அந்த குறிப்பிட்ட நேரத்திற்குள் பதில் கிடைக்கவில்லை எனில், ஒரு நாள் வரை காத்திருக்குமாறு அறிவுறுத்தப்படுகிறது. ஒரு நாள் கடந்தும் CRN நிலை புதுப்பிக்கப்படவில்லை எனில், சம்பந்தப்பட்ட வங்கியைத் தொடர்புகொள்ளுமாறு அறிவுறுத்தப்படுகிறது.

மின்னணு-தாக்கல் இணைய முகப்பில் உள்ள மின்னணு-வரி செலுத்தல் சேவை மூலம் ஆன்லைனில் பணம் செலுத்தும் வசதி 24/7 கிடைக்கும். இருப்பினும், கூடுதல் தகவல்களுக்கு அந்தந்த வங்கியின் இணையதளத்தைப் பார்க்குமாறு அறிவுறுத்தப்படுகிறீர்கள்.

வருமான வரி இணைய முகப்பில் உள்நுழைந்த பிறகு, மின்னணு-வரி செலுத்தல் சேவையில் உள்ள ‘நிலுவையில் உள்ள வரி கோரிக்கைக்கான தொகையை, வழக்கமான மதிப்பீட்டு வரியாகச் செலுத்துதல்’ என்ற கட்டணத் தொகுதியில், PAN மற்றும் மதிப்பீட்டு ஆண்டு ஆகியவற்றின் அடிப்படையில் நிலுவையில் உள்ள அனைத்து வரி கோரிக்கைகளும் தானாகவே தோன்றும். வரி செலுத்துவதற்கு, அந்தப் பட்டியலில் இருந்து தொடர்புடைய கோரிக்கையைத் தேர்ந்தெடுத்து, கிடைக்கக்கூடிய பல்வேறு முறைகளின் மூலம் நீங்கள் வரியைச் செலுத்தலாம்.
கூடுதலாக, வரி செலுத்துபவர் வரி கோரிக்கை குறிப்பு எண் இல்லாமலேயே, (மின்னணு-தாக்கல் இணைய முகப்பில் உள்நுழைவதற்கு முன்பாகவோ) அல்லது (மின்னணு-தாக்கல் இணைய முகப்பில் உள்நுழைந்த பிறகோ), ஒழுங்குமுறை மதிப்பீட்டு வரி (400) என்ற முறையில் வரி நிலுவையைச் செலுத்த முடியும்.

ஆம், ITR தாக்கல் செய்யும்போதே நிலுவையில் உள்ள வரிகளை நீங்கள் நேரடியாகச் செலுத்தலாம். ஆன்லைன் ITR படிவத்திலிருந்து மின்னணு-வரி செலுத்துதல் சேவைக்கு நீங்கள் அனுப்பப்படும் போது, வரி தொடர்பான விவரங்கள் தானாகவே அதில் பதிவாகிவிடும். செலுத்துச் சீட்டு மூலம் பணம் செலுத்திய பிறகு, ITR படிவத்தைச் சமர்ப்பிப்பதற்கு முன்னதாக,செலுத்துச் சீட்டு விவரங்களைக் கோருவதற்கு, அதற்கான உரிய அட்டவணையில் அந்த விவரங்கள் தவறாமல் நிரப்பப்பட்டுள்ளதா என்பதை உறுதிப்படுத்திக் கொள்ளவும்.

அதற்கு அத்தகைய கால வரம்பு எதுவும் இல்லை. இருப்பினும், உங்கள் பதிவுகளுக்காக செலுத்துச் சீட்டுகளை உடனடியாகப் பதிவிறக்கம் செய்து வைத்துக்கொள்ளுமாறு அறிவுறுத்தப்படுகிறீர்கள்.

இந்தச் சூழலில், வரி செலுத்துபவர் அந்தந்த வங்கிகளின் கிடைக்கும் தன்மைக்கு ஏற்ப, அங்கீகரிக்கப்பட்ட மற்றொரு வங்கியின் டெபிட் கார்டைப் பயன்படுத்தி பணம் செலுத்த கட்டணம் செலுத்தும் நுழைவாயில் முறையைத் தேர்வு செய்யலாம்.

2026-ஆம் ஆண்டின் வருமான வரி விதிகளின் 333-வது விதியின்படி, கீழே குறிப்பிடப்பட்டுள்ள வரி செலுத்துவோர் ஆன்லைன் மூலம் வரி செலுத்துவது கட்டாயமாகும்:-
1. அனைத்து நிறுவனங்களும்
2. 2025-ஆம் ஆண்டின் வருமான வரிச் சட்டத்தின் 63-வது பிரிவின் விதிகளுக்கு உட்பட்ட நபர்கள் (நிறுவனங்கள் தவிர).

பணம் வெற்றிகரமாகச் செலுத்தப்பட்டிருந்தால், வருமான வரி இணைய முகப்பில் உள்நுழைந்த பிறகு மின்னணு-வரி செலுத்தல் சேவையின் கீழ் உள்ள பரிவர்த்தனை வரலாறு டாபில், செலுத்துச் சீட்டை எப்போது வேண்டுமானாலும் பதிவிறக்கம் செய்து கொள்ளலாம்.

தற்போதைய சட்டக் கட்டமைப்பின்படி, சிறு தலைப்பு 500-இன் கீழ் செலுத்தப்பட்ட தொகையைத் திரும்பப் பெறுவதற்கு எந்தவிதமான விதிகளும் இல்லை.

வருமான வரி இணைய முகப்பில் உங்கள் TAN கணக்கில் உள்நுழைவதன் மூலம், TDS/TCS செலுத்தியதற்கான செலுத்துச் சீட்டு ரசீதை நீங்கள் பெற்றுக்கொள்ளலாம்.

பதில்:

மின்னணு-தாக்கல் இணைய முகப்பில் மின்னணு-வரி செலுத்தல் சேவையைப் பயன்படுத்தும்போது ஏதேனும் சிக்கல் ஏற்பட்டால், நீங்கள் பின்வரும் மின்னஞ்சல் முகவரிக்கு மின்னஞ்சல் அனுப்பலாம்: epay.helpdesk@incometax.gov.in அல்லது efilingwebmanager@incometax.gov.in அல்லது மின்னணு-தாக்கல் மையத்தின் கீழே குறிப்பிடப்பட்டுள்ள எண்களில் ஏதேனும் ஒன்றிற்குத் தொடர்பு கொள்ளலாம்:
1.    1800 103 0025 
2.    1800 419 0025 
3.    +91-80-46122000 
4.    +91-80-61464700

பொறுப்புத் துறப்பு: இந்த அடிக்கடி கேட்கப்படும் கேள்விகள் (FAQs) தகவலுக்காக மட்டுமே வழங்கப்பட்டுள்ளன. இதில் உள்ள எதுவும் சட்ட ஆலோசனையாகக் கருதப்பட மாட்டாது.