প্ৰপত্ৰ 127 ৰ বাবে ইউজাৰ মেনুৱেল

 

1. অৱলোকন

আয়কৰ অধিনিয়ম, 2025-ৰ ধাৰা 394 অনুসৰি, নিৰ্দিষ্ট সামগ্ৰীৰ ক্ৰয়মূল্যৰ ওপৰত বিক্ৰেতাই ক্ৰেতাৰ পৰা উৎসত কৰ সংগ্ৰহ কৰিব লাগিব। এই কৰ বিক্ৰেতাই ক্ৰেতাৰ দ্বাৰা পৰিশোধযোগ্য ধন হিচাপে নিজৰ হিচাপ-পুথিত লিপিবদ্ধ কৰাৰ সময়ত অথবা ক্ৰেতাৰ পৰা মূল্য গ্ৰহণ কৰাৰ সময়ত, যিটো আগতে ঘটে, সেই সময়তে সংগ্ৰহ কৰিব লাগিব। কিন্তু, যদি ক্ৰেতা ভাৰতৰ বাসিন্দা হয় আৰু তেওঁ লিখিতভাৱে দুটা প্ৰতিলিপিত এই মর্মে ঘোষণা কৰে যে ক্ৰয় কৰা সামগ্ৰীসমূহ উৎপাদন, প্ৰক্ৰিয়াকৰণ, উৎপন্নকৰণ বা বিদ্যুৎ উৎপাদনৰ উদ্দেশ্যে ব্যৱহাৰ কৰা হ’ব আৰু ব্যৱসায়িক পুনৰ বিক্ৰীৰ বাবে ব্যৱহাৰ কৰা নহ’ব, তেন্তে এনে ক্ষেত্ৰত বিক্ৰেতাই উৎসত কৰ সংগ্ৰহ কৰাৰ প্ৰয়োজন নহয়।
আয়কৰ অধিনিয়ম, 2026-ৰ নিয়ম 212 অনুসৰি, এই ঘোষণা ফৰ্ম 127-ত দাখিল কৰিব লাগিব আৰু যথাযথভাৱে সত্যাপন কৰিব লাগিব। ক্ৰেতাই এই ঘোষণা দুটা প্ৰতিলিপিত বিক্ৰেতাক প্ৰদান কৰিব লাগিব। ইয়াৰ পিছত, বিক্ৰেতাই এটা প্ৰতিলিপি নিজৰ ওচৰত সংৰক্ষণ কৰি আনটো প্ৰতিলিপি ঘোষণা লাভ কৰা মাহৰ পিছৰ মাহৰ সপ্তম দিনৰ ভিতৰত আয়কৰৰ মুখ্য আয়ুক্ত অথবা আয়ুক্তলৈ প্ৰেৰণ কৰাৰ দায়িত্ব বহন কৰিব।
এই ফৰ্ম কেৱল TAN লগইনৰ জৰিয়তে অনলাইন মাধ্যমত দাখিল কৰিব পাৰি।

এই ব্যৱহাৰকাৰী মেনুৱেলত পৰ্যায়ক্ৰমে প্ৰক্ৰিয়াবোৰ অন্তৰ্ভুক্ত কৰা হৈছে-

ফৰ্ম 127 দাখিল কৰাৰ প্ৰক্ৰিয়া (কৰ সংগ্ৰহ নোহোৱাকৈ সামগ্ৰী লাভ কৰাৰ উদ্দেশ্যে ক্ৰেতাই ধাৰা 394(2) অনুসৰি দাখিল কৰিবলগীয়া ঘোষণা)

2. এই সেৱা লাভ কৰাৰ পূৰ্বচৰ্তসমূহ

• কৰদাতা ই-ফাইলিং প’ৰ্টেলত পঞ্জীয়নভুক্ত হ’ব লাগিব।
• কৰদাতাৰ ই-ফাইলিং 2.0 প’ৰ্টেলৰ বৈধ ব্যৱহাৰকাৰী নাম (TAN) আৰু পাছৱৰ্ড থাকিব লাগিব।
• TAN ডাটাবেছ অনুসৰি কৰদাতাৰ TAN-ৰ স্থিতি “সক্ৰিয়” হ’ব লাগিব।
• DSC মোডৰ জৰিয়তে ফৰ্ম প্ৰমাণীকৰণ কৰিবলৈ কৰদাতাৰ বৈধ DSC থাকিব লাগিব। ই ই-ফাইলিং প’ৰ্টেলত পঞ্জীয়নভুক্ত হ’ব লাগিব আৰু ইয়াৰ ম্যাদ উকলি হোৱা হ’ব নালাগিব।

3. ফৰ্ম সম্পৰ্কে

3.1 উদ্দেশ্য

এই ফৰ্ম দাখিল কৰাৰ উদ্দেশ্য হ’ল আয়কৰ অধিনিয়ম, 2025-ৰ ধাৰা 394(2) অনুসৰি কৰ সংগ্ৰহ নকৰাকৈ সামগ্ৰী লাভ কৰাৰ বাবে ক্ৰেতাই দাখিল কৰিবলগীয়া ঘোষণা প্ৰদান কৰা।

3.2 এইটো কোনে ব্যৱহাৰ কৰিব পাৰে?

ফৰ্ম 127-ত চাৰিটা অংশ আছে — অংশ A, অংশ B, সংলগ্নতাসমূহ আৰু ঘোষণা।
ফৰ্ম 127-ৰ অংশ A আৰু অংশ B-ত দাখিল কৰা ঘোষণাসমূহৰ বিৱৰণ CSV ফাইলৰ আকাৰত বিক্ৰেতাই আয়কৰৰ মুখ্য আয়ুক্ত অথবা আয়ুক্তলৈ দাখিল কৰিব লাগিব। এই দাখিল সেই মাহৰ পিছৰ মাহৰ ৭ম দিনৰ ভিতৰত কৰিব লাগিব, যি মাহত ফৰ্ম 127-ৰ অংশ B-ৰ ঘোষণা বিক্ৰেতাৰ ওচৰত দাখিল কৰা হৈছিল। এই ব্যৱস্থা অনুসৰণ কৰিলে উক্ত লেনদেনত উৎসত কৰ কৰ্তন নকৰাৰ সুবিধা প্ৰযোজ্য হ’ব।
অংশ B হৈছে আয়কৰ অধিনিয়ম, 2025-ৰ ধাৰা 394(2)-ৰ অধীনত দিয়া ঘোষণাৰ সৈতে সম্পৰ্কিত। এই ঘোষণাত ক্ৰেতাই নিশ্চিত কৰিব লাগিব যে ধাৰা 394(1)-ত উল্লেখিত সামগ্ৰীসমূহৰ (তালিকাৰ ক্ৰমিক নং 1-ৰ পৰা 5-লৈ) যিকোনো এটা বা একাধিক সামগ্ৰী উৎপাদন, প্ৰক্ৰিয়াকৰণ অথবা সামগ্ৰী বা বস্তু উৎপন্ন কৰাৰ উদ্দেশ্যে ব্যৱহাৰ কৰা হ’ব আৰু ব্যৱসায়িক পুনৰ বিক্ৰীৰ উদ্দেশ্যে ব্যৱহাৰ কৰা নহ’ব। এই ঘোষণা ক্ৰেতাই সামগ্ৰী ক্ৰয় কৰাৰ সময়ত ফৰ্ম 127-ত দাখিল কৰিব লাগিব। অংশ B-ৰ ঘোষণা ক্ৰেতাই মেনুৱেলি বিক্ৰেতাৰ ওচৰত দাখিল কৰিব লাগিব। ইয়াৰ পিছত বিক্ৰেতাই তেওঁৰ ওচৰত দাখিল হোৱা সকলো ঘোষণাৰ বিৱৰণ একত্ৰিত কৰি CSV ফাইলৰ আকাৰত প্ৰস্তুত কৰিব লাগিব।

3.3 ফৰ্মৰ সংক্ষিপ্ত আভাস

ফৰ্ম 127-ত নিম্নলিখিত 4টা অংশ আছে—

1. অংশ A: বিক্ৰেতাৰ বিৱৰণ (বিক্ৰেতাৰ নাম, PAN, ঠিকনা আৰু অন্যান্য তথ্য)। (বিক্ৰেতাই অংশ A-ৰ বিৱৰণ অন্তৰ্ভুক্ত কৰি উপযুক্ত কৰ্তৃপক্ষৰ ওচৰত ই-ফাইলিংৰ জৰিয়তে এই অংশ দাখিল কৰিব লাগিব।
2. অংশ B: ক্ৰেতাৰ বিৱৰণ (ক্ৰেতাৰ নাম, PAN, ঠিকনা আৰু অন্যান্য তথ্য)। (এই অংশ ক্ৰেতাই বিক্ৰেতাৰ ওচৰত মেনুৱেলি দাখিল কৰিব লাগিব।)
3. সংলগ্নসমূহ : ক্ৰেতাৰ ঘোষণাপত্ৰ (PDF ফৰ্মেটত)
4. ঘোষণা

4.পৰ্যায়ক্ৰমিক নিৰ্দেশনা

পদক্ষেপ 1: আপোনাৰ ইউজাৰ ID আৰু পাছৱৰ্ড ব্যৱহাৰ কৰি ই-ফাইলিং প’ৰ্টেলত লগইন কৰক।

পদক্ষেপ 2: ইউজাৰ ID (TAN) আৰু পাছৱৰ্ড প্ৰৱেশ কৰক।

পদক্ষেপ 3: আপোনাৰ ডেচব'ৰ্ডত, ই-ফাইল > আয়কৰ ফৰ্মসমূহ > আয়কৰ ফৰ্মসমূহ দাখিল কৰক।

পদক্ষেপ 4: আয়কৰ অধিনিয়ম 2025 টেব অনুসৰি ফৰ্মসমূহ বাছনি কৰক, ফৰ্ম 127 অনুসন্ধান কৰক আৰু এতিয়াই দাখিল কৰক বুটামত ক্লিক কৰক।

পদক্ষেপ 5: TAN, দাখিলকৰণ মোডটো পৰীক্ষা কৰক আৰু ফাইলিঙৰ প্ৰকাৰৰ উপযুক্ত ৰেডিঅ’ বুটামটো নিৰ্বাচন কৰক। তাৰ পিছত কৰ বৰ্ষ আৰু মাহ-ড্ৰপ-ডাউন তালিকাৰ পৰা বাছনি কৰক। সকলো তথ্য নিশ্চিত কৰাৰ পিছত অব্যাহত ৰাখক বুটামত ক্লিক কৰক।

টোকা – এই ফৰ্মৰ বাবে সংশোধনৰ সুবিধা উপলব্ধ আছে। কোনো নিৰ্দিষ্ট মাহৰ বাবে পূৰ্বে দাখিল কৰা ফৰ্ম 127 সংশোধন কৰিব পাৰি, কিন্তু কেৱল এবাৰহে। ফৰ্মখন সংশোধন কৰিবলৈ দাখিলকৰণৰ প্ৰকাৰ হিচাপে “সংশোধিত” ৰেডিঅ’ বুটাম বাছনি কৰক।

পদক্ষেপ 6: নিৰ্দেশনাসমূহ পঢ়িবলৈ হাইপাৰলিংকসমূহত ক্লিক কৰক, পপ-আপসমূহ বন্ধ কৰক আৰু ফৰ্ম দাখিল কৰিবলৈ আৰম্ভ কৰিবলৈ ক্লিক কৰক।

পদক্ষেপ 7: আৰম্ভ কৰক স্ক্ৰীনত ক্লিক কৰাৰ পিছত, ব্যৱহাৰকাৰীক পেনেল স্ক্ৰীনলৈ লৈ যোৱা হ’ব। প্ৰতিটো শাখাত ক্লিক কৰি প্ৰয়োজনীয় বিৱৰণ প্ৰদান কৰক। এই ফৰ্ম 127-ত 4টা শাখা আছে।

পদক্ষেপ 8: প্ৰথম পেনেলত “অংশ A বাছনি কৰক আৰু বিক্ৰেতাৰ সকলো বিৱৰণ নিশ্চিত কৰি ছেভত ক্লিক কৰক। ফৰ্মৰ অংশ A-ত বিক্ৰেতাৰ মৌলিক তথ্য, যেনে নাম, PAN, ঠিকনা আৰু বিক্ৰেতাৰ সৈতে সম্পৰ্কিত আন প্ৰয়োজনীয় বিৱৰণ সন্নিবিষ্ট থাকে।

টোকা:অনুগ্ৰহ কৰি নিশ্চিত কৰক যে "মোৰ প্ৰ'ফাইল" শাখাৰ অধীনত ঠিকনাকে ধৰি সকলো বাধ্যতামূলক বিৱৰণ পূৰণ কৰা হৈছে। আপুনি "মোৰ প্ৰ'ফাইল" হাইপাৰলিংকত ক্লিক কৰি আপোনাৰ যোগাযোগ আৰু ঠিকনাৰ বিৱৰণ আপডেট কৰিব পাৰে।

পদক্ষেপ 9: প্ৰথম পেনেল ছেভ কৰাৰ পিছত দ্বিতীয় পেনেল: ক্ৰেতাৰ বিৱৰণ বাছনি কৰক। এই অংশত ক্ৰেতাৰ নাম, PAN, ঠিকনা আৰু ক্ৰেতাৰ সৈতে সম্পৰ্কিত আন প্ৰয়োজনীয় বিৱৰণ সন্নিবিষ্ট থাকে। ব্যৱহাৰকাৰীয়ে ডাউনলোড টেমপ্লেট বুটামত ক্লিক কৰি টেমপ্লেটটো ডাউনলোড কৰিব লাগিব।

পদক্ষেপ 10: টেমপ্লেট ডাউনলোড কৰক বুটামত ক্লিক কৰাৰ পিছত এটা এক্সেল ফাইল ডাউনলোড হ’ব। এক্সেল টেমপ্লেটৰ প্ৰথম শাৰীত তথ্য কেনেকৈ পূৰণ কৰিব লাগে সেই সম্পৰ্কীয় নিৰ্দেশনা দিয়া থাকে। দ্বিতীয় শাৰীৰ পৰা ব্যৱহাৰকাৰীয়ে সেই নিৰ্দেশনা অনুসৰি প্ৰয়োজনীয় তথ্য সঠিকভাৱে পূৰণ কৰিব লাগিব।

টোকাসমূহ:

1. টেমপ্লেটত প্ৰদান কৰা নিৰ্দেশনাসমূহৰ অনুসৰি CSV প্ৰস্তুত কৰক।
2. আপলোড কৰাৰ পূৰ্বে অনুগ্ৰহ কৰি ফাইলটো .csv-লৈ ৰূপান্তৰ কৰক।
3. ডাউনলোড কৰা এক্সেল টেমপ্লেটটো পূৰণ কৰাৰ পিছত টেমপ্লেটত তথ্যসমূহ সংৰক্ষণ কৰক। তাৰ পিছত ফাইল > ছেভ এজ-ত ক্লিক কৰক অথবা Alt+F+A টিপক। ছেভ এজ টাইপৰ ড্ৰপ-ডাউন তালিকাৰ পৰা ‘CSV (কমাৰ দ্বাৰা পৃথক কৰা)’ বাছনি কৰক আৰু তাৰ পিছত ছেভত ক্লিক কৰক। পূৰণ কৰা এক্সেল ফাইলটো CSV ফৰ্মেটত সংৰক্ষণ কৰা হ'ব। এই CSV ফৰ্মেটৰ ফাইলটো প'ৰ্টেলত আপলোড কৰিব লাগিব।
4. উপৰোক্ত এক্সেল টেমপ্লেট পূৰণ কৰিবলৈ তলত উল্লেখ কৰা নিৰ্দেশনাসমূহ অনুসৰণ কৰক:

ফিল্ডৰ নাম	নিৰ্দেশনা	বাধ্যতামূলক ফিল্ড (হয়/নহয়)	আখৰৰ সংখ্যা
নাম	ক্ৰেতাৰ নাম প্ৰৱিষ্ট কৰক ঘোষণা দাখিল কৰি ফৰ্ম 127-ত	হয়	সৰ্বাধিক 277টা আখৰ
ঠিকনা	ক্ৰেতাৰ ঠিকনা প্ৰৱিষ্ট কৰক	হয়	সৰ্বাধিক 492টা আখৰ
স্থায়ী একাউণ্ট নম্বৰ	ক্ৰেতাৰ PAN প্ৰৱিষ্ট কৰক।	হয়	10টা আল্ফানিউমাৰিক আখৰেৰে গঠিত: প্ৰথম 5টা আখৰ, পিছৰ 4টা সংখ্যা, তাৰ পিছত 1টা আখৰ
আৱাসিক স্থিতি	ড্ৰপডাউন তালিকাৰ পৰা স্থিতি বাছনি কৰক	হয়	ড্ৰপডাউন তালিকাৰ পৰা মূল্য বাছনি কৰক
ইমেইল ID	ক্ৰেতাৰ ই-মেইল ID প্ৰৱিষ্ট কৰক বৈধ ই-মেইল: email@domain.com	হয়	সৰ্বাধিক 254টা আখৰ
যোগাযোগ নম্বৰ	যোগাযোগ নম্বৰ প্ৰৱিষ্ট কৰক	হয়	সৰ্বাধিক 15টা আখৰ
ব্যৱসায়/বৃত্তিৰ প্ৰকৃতি	ক্ৰেতাৰ ব্যৱসায়/বৃত্তিৰ বিৱৰণ প্ৰদান কৰক	হয়	সৰ্বাধিক 400টা আখৰ
সামগ্ৰীৰ প্ৰকৃতি [ধাৰা 394-ৰ উপ-ধাৰা 1-ত উল্লিখিত]	ড্ৰপডাউন তালিকাৰ পৰা ক্ৰেতাই ক্ৰয় কৰা সামগ্ৰীৰ প্ৰকৃতি বাছনি কৰক	হয়	ড্ৰপডাউন তালিকাৰ পৰা মূল্য বাছনি কৰক
সামগ্ৰী ব্যৱহাৰৰ উদ্দেশ্য	ক্ৰেতাই সামগ্ৰী ব্যৱহাৰ কৰাৰ উদ্দেশ্য ড্ৰপডাউন তালিকাৰ পৰা বাছনি কৰক।	হয়	ড্ৰপডাউন তালিকাৰ পৰা মূল্য বাছনি কৰক
ঘোষণা দাখিল কৰা তাৰিখ	যি তাৰিখত ক্ৰেতাই ঘোষণা দাখিল কৰে সেই তাৰিখ DD/MMM/YYYY বিন্যাসত লিখক।	হয়	সৰ্বাধিক 10টা আখৰ
ক্ৰেতাই পৰিশোধ কৰিবলগীয়া ধন ডেবিট বা প্ৰাপ্ত হোৱা তাৰিখ	ক্ৰেতাই পৰিশোধ কৰিবলগীয়া ধন ডেবিট বা প্ৰাপ্ত হোৱা তাৰিখ DD/MMM/YYYY বিন্যাসত লিখক	হয়	সৰ্বাধিক 10টা আখৰ
কৰ সংগ্ৰহ নকৰাৰ বাবে যাৰ বাবে ঘোষণা কৰা হৈছে, সেই পৰিশোধৰ আনুমানিক পৰিমাণ	কৰ সংগ্ৰহ নকৰাৰ বাবে যি পৰিশোধৰ ক্ষেত্ৰত ঘোষণা দিয়া হৈছে, সেই পৰিশোধৰ আনুমানিক পৰিমাণ লিখক।	হয়	সৰ্বাধিক 14টা আখৰ, সাংখ্যিক, ঋণাত্মক নহয়

পদক্ষেপ 11: CSV ফাইল আপলোড কৰক বুটামত ক্লিক কৰি CSV ফাইলটো আপলোড কৰক আৰু সংৰক্ষণ কৰক-ত ক্লিক কৰক।

টোকা - যদি কোনো ভুল তথ্য প্ৰৱেশ কৰা হয় বা বাধ্যতামূলক ক্ষেত্ৰসমূহ খালী থাকে, তেন্তে ত্ৰুটি দেখুওৱা হ’ব। ব্যৱহাৰকাৰীয়ে সঠিক তথ্য প্ৰৱেশ কৰি CSV ফাইলটো পুনৰ আপলোড কৰিব লাগিব।

পদক্ষেপ 12: দ্বিতীয় পেনেলটো সংৰক্ষণ কৰাৰ পিছত তৃতীয় পেনেল: এটাচ্চমেণ্টসমূহ বাছনি কৰক। প্ৰাসংগিক নথিপত্ৰসমূহ সংলগ্ন কৰি সংৰক্ষণ কৰক-ত ক্লিক কৰক।

পদক্ষেপ 13: তৃতীয় পেনেলটো সংৰক্ষণ কৰাৰ পিছত “ঘোষণা” পেনেল বাছনি কৰক।

পদক্ষেপ 14: চতুৰ্থ পেনেলটো সংৰক্ষণ কৰাৰ পিছত, পেনেলটোৰ স্থিতি সম্পূৰ্ণ হিচাপে প্ৰদৰ্শিত হ'ব, তাৰ পিছত পূৰ্বদৰ্শন বুটাম সক্ৰিয় হ'ব।

পদক্ষেপ 15: পূৰ্বদৰ্শন পৃষ্ঠাত তথ্যসমূহ পৰীক্ষা কৰক আৰু ই-ভেৰিফাইলৈ আগবাঢ়কত ক্লিক কৰক।

পদক্ষেপ 16: ই-ভেৰিফাইলৈ আগবাঢ়ক বুটামত ক্লিক কৰাৰ পিছত, আপুনি ই-ভেৰিফাইলৈ আগবাঢ়িব বিচাৰে বুলি নিশ্চিত কৰিবলৈ এটা পপ-আপ প্ৰদৰ্শিত হ'ব। হয়-ত ক্লিক কৰক।

পদক্ষেপ 17: হয়-ত ক্লিক কৰাৰ পিছত, আপোনাক ই-ভেৰিফাই পৃষ্ঠালৈ লৈ যোৱা হ'ব, য'ত আপুনি EVC/DSC (প্ৰযোজ্য অনুসৰি) ব্যৱহাৰ কৰি ফৰ্ম 127-ৰ প্ৰমাণীকৰণ কৰিব পাৰিব।

টোকা: অধিক জানিবলৈ কেনেকৈ ই-ভেৰিফাই কৰিব ব্যৱহাৰকাৰী মেনুৱেল চাওক।

পদক্ষেপ 18: সফল ই-ভেৰিফাই সম্পন্ন হোৱাৰ পিছত, লেনদেন ID আৰু স্ৱীকাৰপত্ৰৰ নম্বৰসহ এটা সফলতাৰ বাৰ্তা প্ৰদৰ্শিত হ’ব। অনুগ্ৰহ কৰি ভৱিষ্যতৰ উল্লেখৰ বাবে লেনদেন ID আৰু স্ৱীকাৰপত্ৰৰ নম্বৰটো লিখি ৰাখক। আপুনি ই-ফাইলিং প’ৰ্টেলত পঞ্জীয়ন কৰা ইমেইল ID(সমূহ) আৰু মোবাইল নম্বৰ(সমূহ)-তো এটা নিশ্চিতকৰণ বাৰ্তা লাভ কৰিব।

স্ৱীকাৰ পত্ৰ ডাউনলোড কৰিবলৈ ডাউনলোড বুটামত ক্লিক কৰক।

পদক্ষেপ 19: ফৰ্ম 127 সফলভাৱে জমা দিয়াৰ পিছত ব্যৱহাৰকাৰীয়ে পূৰণ কৰা ফৰ্মখন চাব পাৰে - আপোনাৰ ডেছব’ৰ্ডত, ই-ফাইল > আয়কৰ ফৰ্ম দাখিল কৰক > দাখিল কৰা ফৰ্মসমূহ চাওক > আয়কৰ অধিনিয়ম 2025-ৰ অধীনত দাখিল কৰা ফৰ্ম টেব চাওক।

টোকা: অধিক জানিবলৈ দাখিল কৰা ফৰ্ম চাওক ব্যৱহাৰকাৰী মেনুৱেল চাওক।

5. সম্পৰ্কিত বিষয়সমূহ

• লগইন
• ডেছব’ৰ্ড
• ই-ভেৰিফাই কেনেকৈ কৰিব
• DSC পঞ্জীয়ন কৰক

6.শব্দকোষ

সংক্ষিপ্ত ৰূপ / সংক্ষেপে	বিৱৰণ / সম্পূৰ্ণ ৰূপ
DSC	ডিজিটেল স্বাক্ষৰ প্ৰমাণপত্ৰ
EVC	ইলেক্ট্ৰনিক সত্যাপনকৰণ প্ৰমাণপত্ৰ
ARN	স্ৱীকাৰপত্ৰৰ নম্বৰ
PY	পূৰ্বৱৰ্তী বৰ্ষ
FY	বিত্তীয় বৰ্ষ
TY	কৰ বৰ্ষ