ಹೌದು. ಮೂಲದಿಂದ ತೆರಿಗೆ ಕಡಿತ ಅಥವಾ ಸಂಗ್ರಹಣೆ (TDS/TCS), ಮುಂಗಡ ತೆರಿಗೆ, ಸ್ವಯಂ-ಮೌಲ್ಯಮಾಪನ ತೆರಿಗೆ ಅಥವಾ ನಿಯಮಿತ ಮೌಲ್ಯಮಾಪನ ಮೂಲಕ ಆದಾಯ ತೆರಿಗೆಯನ್ನು ಪಾವತಿಸುವ ಪ್ರಾಥಮಿಕ ಬಾಧ್ಯತೆಯು ಆದಾಯ ತೆರಿಗೆ ಕಾಯ್ದೆ, 2025ರ ಅಡಿಯಲ್ಲಿಯೂ ಯಾವುದೇ ಬದಲಾವಣೆಯಿಲ್ಲದೆ ಮುಂದುವರಿಯುತ್ತದೆ. ಹೊಸ ಕಾಯ್ದೆಯು ತೆರಿಗೆ ಪಾವತಿಯ ವಿಧಾನವನ್ನು ನಿಯಂತ್ರಿಸುವ ಚೌಕಟ್ಟಿನಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ. ಬದಲಾಗಿ, ಅಸ್ತಿತ್ವದಲ್ಲಿರುವ ಅನುಸರಣೆ ವ್ಯವಸ್ಥೆಯನ್ನು ಹಾಗೆಯೇ ಉಳಿಸಿಕೊಂಡು, ಶಾಸನದ ಭಾಷೆಯನ್ನು ಹೆಚ್ಚು ಸರಳಗೊಳಿಸಿದೆ.

ಇಲ್ಲ. ಆದಾಯ ತೆರಿಗೆ ಕಾಯ್ದೆ, 2025ರ ಅಡಿಯಲ್ಲಿ ತೆರಿಗೆ ಪಾವತಿಸುವ ಅನುಮತಿಸಲಾದ ವಿಧಾನಗಳಲ್ಲಿ ಯಾವುದೇ ಬದಲಾವಣೆ ಮಾಡಲಾಗಿಲ್ಲ. ಸರ್ಕಾರವು ಕಾಲಕಾಲಕ್ಕೆ ಅಧಿಸೂಚಿಸುವಂತೆ, ಅಧಿಕೃತ ಬ್ಯಾಂಕಿಂಗ್ ಮಾರ್ಗಗಳ ಮೂಲಕ, ಎಲೆಕ್ಟ್ರಾನಿಕ್ ಪಾವತಿ ವ್ಯವಸ್ಥೆಗಳು ಸೇರಿದಂತೆ, ತೆರಿಗೆಗಳನ್ನು ಪಾವತಿಸಬೇಕು.

ಒಟ್ಟಾರೆಯಾಗಿ, ನೀತಿಯಲ್ಲಿ ಯಾವುದೇ ಬದಲಾವಣೆ ಇಲ್ಲ. ಆದರೆ, ಹೊಸ ಕಾಯ್ದೆಯಲ್ಲಿ TDS ನಿಬಂಧನೆಗಳನ್ನು ಹೆಚ್ಚು ಸರಳ ಹಾಗೂ ಕೋಷ್ಟಕ ರೂಪದಲ್ಲಿ ನಿರೂಪಿಸಲಾಗಿದೆ. ಆದಾಯ ತೆರಿಗೆ ಕಾಯ್ದೆ, 1961ರ ಸೆಕ್ಷನ್ 192ರಿಂದ 194Tರವರೆಗಿನ ಎಲ್ಲಾ TDS ನಿಬಂಧನೆಗಳನ್ನು ಈಗ ಆದಾಯ ತೆರಿಗೆ ಕಾಯ್ದೆ, 2025ರ ಸೆಕ್ಷನ್ 392 ಮತ್ತು ಸೆಕ್ಷನ್ 393ರ ಅಡಿಯಲ್ಲಿ ಏಕೀಕರಿಸಲಾಗಿದೆ. ಹೊಸ ಕಾಯ್ದೆಯ ಸೆಕ್ಷನ್ 392ರಲ್ಲಿ ‘ಸಂಬಳ’ ಶೀರ್ಷಿಕೆಯ ಅಡಿಯಲ್ಲಿ ಮಾಡುವ ಪಾವತಿಗಳ ಮೇಲಿನ ಮೂಲದಿಂದ ತೆರಿಗೆ ಕಡಿತ (TDS) ಸಂಬಂಧಿತ ನಿಬಂಧನೆಗಳನ್ನು ಒಳಗೊಂಡಿದೆ. ಇನ್ನೊಂದೆಡೆ, ಸೆಕ್ಷನ್ 393ರಲ್ಲಿ ಕಮಿಷನ್ ಅಥವಾ ಬ್ರೋಕರೇಜ್, ಬಾಡಿಗೆ, ಕೆಲವು ಸ್ಥಿರಾಸ್ತಿಗಳ (ಕೃಷಿ ಭೂಮಿಯನ್ನು ಹೊರತುಪಡಿಸಿ) ವರ್ಗಾವಣೆಗೆ ಸಂಬಂಧಿಸಿದ ಪಾವತಿಗಳು ಹಾಗೂ ಇತರ ನಿರ್ದಿಷ್ಟ ಪಾವತಿಗಳಂತಹ ಉಳಿದ ಎಲ್ಲಾ ವಿಧದ ಪಾವತಿಗಳ ಮೇಲಿನ TDS ನಿಬಂಧನೆಗಳನ್ನು ಒಳಗೊಂಡಿದೆ. ಹೊಸ ಕಾಯ್ದೆಯ ಸೆಕ್ಷನ್ 393ರಲ್ಲಿ ಪಾವತಿಸಿಕೊಳ್ಳುವವರ (Payees) ಮೂರು ಪ್ರಮುಖ ವರ್ಗಗಳಿಗೆ ಅನ್ವಯವಾಗುವ ಮೂರು ಕೋಷ್ಟಕಗಳಿವೆ: ನಿವಾಸಿಗಳು, ಅನಿವಾಸಿಗಳು, ಯಾವುದೇ ವ್ಯಕ್ತಿ. ಪ್ರತಿಯೊಂದು ಕೋಷ್ಟಕದಲ್ಲೂ ಆದಾಯ ಅಥವಾ ಮೊತ್ತದ ಸ್ವರೂಪ, ಹಣಕಾಸಿನ ಮಿತಿ (Threshold), ಪಾವತಿದಾರ/ಸಂಬಂಧಿತ ವ್ಯಕ್ತಿ ಹಾಗೂ ಅನ್ವಯವಾಗುವ TDS ದರವನ್ನು ನಿರ್ದಿಷ್ಟಪಡಿಸಲಾಗಿದೆ. TDS/TCS ದರಗಳು ಹಾಗೂ ಮಿತಿಗಳು ಬಹುಪಾಲು ಆದಾಯ ತೆರಿಗೆ ಕಾಯ್ದೆ, 1961ರಲ್ಲಿದ್ದಂತೆಯೇ ಮುಂದುವರಿದಿವೆ. ನಿಖರವಾದ TDS/TCS ದರಗಳಿಗಾಗಿ, ಹೊಸ ಕಾಯ್ದೆಯ ಸಂಬಂಧಿತ ನಿಬಂಧನೆಗಳು ಹಾಗೂ ಅನ್ವಯವಾಗುವ ಹಣಕಾಸು ಕಾಯ್ದೆಯನ್ನು ಉಲ್ಲೇಖಿಸಬೇಕು.

TDS ಸಂಬಂಧಿತ ಬಾಧ್ಯತೆಗಳನ್ನು ಪಾವತಿ ಅಥವಾ ಸ್ವೀಕೃತಿ ಆಗುವ ಹಣಕಾಸು ವರ್ಷದಲ್ಲಿ ಅನ್ವಯವಾಗುವ ಕಾಯ್ದೆಯ ಪ್ರಕಾರವೇ ನಿಯಂತ್ರಿಸಲಾಗುತ್ತದೆ. ಅದಕ್ಕೆ ಅನುಸಾರವಾಗಿ, 31 ಮಾರ್ಚ್ 2026ರೊಳಗೆ ಪಾವತಿಸಲಾದ ಅಥವಾ ಸ್ವೀಕರಿಸಲಾದ ಯಾವುದೇ ಮೊತ್ತವು ಆದಾಯ ತೆರಿಗೆ ಕಾಯ್ದೆ, 1961ರ ನಿಬಂಧನೆಗಳಿಗೆ ಒಳಪಡುತ್ತದೆ. ಮುಂದುವರಿದು, 1 ಏಪ್ರಿಲ್ 2026ರಿಂದ ಅಥವಾ ಅದಾದ ನಂತರ ಪಾವತಿಸಲಾದ ಅಥವಾ ಸ್ವೀಕರಿಸಲಾದ ಯಾವುದೇ ಮೊತ್ತವು ಆದಾಯ ತೆರಿಗೆ ಕಾಯ್ದೆ, 2025ರ ಸಂಬಂಧಿತ ತೆರಿಗೆ ತಡೆಹಿಡಿಯುವಿಕೆ ನಿಬಂಧನೆಗಳಿಗೆ ಒಳಪಡುತ್ತದೆ.

01 ಏಪ್ರಿಲ್ 2026 ಅಥವಾ ಅದರ ನಂತರ ನಡೆದ ವ್ಯವಹಾರಗಳಿಗೆ, ಕಡಿತಗಾರರು/ಸಂಗ್ರಹಕಾರರು ಆದಾಯ ತೆರಿಗೆ ಕಾಯ್ದೆ, 2025ರ ಸೆಕ್ಷನ್ 393 (ಅಥವಾ TCSಗಾಗಿ ಸೆಕ್ಷನ್ 394)ನ ಸಂಬಂಧಿತ ಕೋಷ್ಟಕ ಐಟಂ ಅನ್ನು ಉಲ್ಲೇಖಿಸಬೇಕು. ಇಂತಹ ವ್ಯವಹಾರಗಳಿಗೆ ಆದಾಯ ತೆರಿಗೆ ಕಾಯ್ದೆ, 1961ರ ಸೆಕ್ಷನ್ 194C, 194J ಅಥವಾ 194H ಮುಂತಾದ ಹಳೆಯ ಸೆಕ್ಷನ್ ಸಂಖ್ಯೆಗಳನ್ನ ಉಲ್ಲೇಖಿಸಿದರೆ ಸಿಸ್ಟಮ್-ಮಟ್ಟದ ಮಾನ್ಯತಾ ದೋಷಗಳು (validation errors) ಸಂಭವಿಸಬಹುದು.
ಉದಾಹರಣೆ: M/s. XYZ ಕೈಗಾರಿಕೆಯು 5 ಏಪ್ರಿಲ್ 2026ರಂದು ಗುತ್ತಿಗೆದಾರರಿಗೆ ಪಾವತಿ ಮಾಡುತ್ತದೆ.
Tax Year 2026–27ರ Q1ಗೆ ಸಂಬಂಧಿಸಿದ TDS ರಿಟರ್ನ್ ಸಲ್ಲಿಸುವಾಗ, ಸಂಸ್ಥೆಯು ಹಳೆಯ ಕಾಯ್ದೆಯ ಸೆಕ್ಷನ್ 194C ಬದಲಿಗೆ ಹೊಸ ಕಾಯ್ದೆಯ ಸೆಕ್ಷನ್ 393(1) [ಕೋಷ್ಟಕ: ಕ್ರಮಸಂಖ್ಯೆ 6(i)] ಅನ್ನು ಉಲ್ಲೇಖಿಸಬೇಕು.

ಆದಾಯ ತೆರಿಗೆ ಕಾಯ್ದೆ, 1961ರ ರದ್ದುಪಡಿಸಿದ ನಿಬಂಧನೆಗಳಂತೆಯೇ, ಆದಾಯ ತೆರಿಗೆ ಕಾಯ್ದೆ, 2025ರ ಅಡಿಯಲ್ಲಿ ಸಹ TDS ಅನ್ವಯತೆ “ಸಾಲ ಅಥವಾ ಪಾವತಿ—ಇವುಗಳಲ್ಲಿ ಯಾವುದು ಮೊದಲು ಸಂಭವಿಸುತ್ತದೆ” ಎಂಬ ತತ್ವದ ಮೇಲೆ ಅವಲಂಬಿತವಾಗಿರುತ್ತದೆ.
ಸಾಲ ಅಥವಾ ಪಾವತಿ ಎಂಬ ಮೊದಲ ಘಟನೆ 31 ಮಾರ್ಚ್ 2026ರೊಳಗೆ ಸಂಭವಿಸಿದರೆ → ಆದಾಯ ತೆರಿಗೆ ಕಾಯ್ದೆ, 1961ರ TDS ನಿಬಂಧನೆಗಳು ಅನ್ವಯವಾಗುತ್ತವೆ.
ಸಾಲ ಅಥವಾ ಪಾವತಿ ಎಂಬ ಮೊದಲ ಘಟನೆ 01 ಏಪ್ರಿಲ್ 2026ರಂದು ಅಥವಾ ನಂತರ ಸಂಭವಿಸಿದರೆ → ಆದಾಯ ತೆರಿಗೆ ಕಾಯ್ದೆ, 2025ರ ಸೆಕ್ಷನ್ 393ರ TDS ನಿಬಂಧನೆಗಳು ಅನ್ವಯವಾಗುತ್ತವೆ.

ಆದಾಯ ತೆರಿಗೆ ಕಾಯ್ದೆ, 1961ರ ಅಡಿಯಲ್ಲಿ, ಸಾಮಾನ್ಯವಾಗಿ TDS ಅನ್ನು ಕಡಿತ ಮಾಡಿದ ತಿಂಗಳ ನಂತರದ ತಿಂಗಳ 7ನೇ ದಿನಾಂಕದೊಳಗೆ ಕೇಂದ್ರ ಸರ್ಕಾರದ ಖಾತೆಗೆ ಸಂದಾಯ ಮಾಡಬೇಕು. ಈ ಸಾಮಾನ್ಯ ನಿಯಮಕ್ಕೆ ಕೆಲವು ವಿನಾಯಿತಿಗಳು ಇವೆ:

(i) ಮಾರ್ಚ್ ತಿಂಗಳಲ್ಲಿ ಕಡಿತ ಮಾಡಲಾದ TDSಗೆ ಸಂಬಂಧಿಸಿ, ಸರ್ಕಾರೇತರ ಕಡಿತಗಾರರಿಗೆ ಕೊನೆಯ ದಿನಾಂಕ 30 ಏಪ್ರಿಲ್ ಆಗಿರುತ್ತದೆ; ಮತ್ತು

(ii) ಹಳೆಯ ಕಾಯ್ದೆಯ ಸೆಕ್ಷನ್‌ಗಳು 194-IA, 194-IB, 194M ಮತ್ತು 194S ಅಡಿಯಲ್ಲಿ ಬರುವ TDS (ಸ್ಥಿರಾಸ್ತಿ ಖರೀದಿ, ನಿರ್ದಿಷ್ಟ ವ್ಯಕ್ತಿಗಳು/ಹಿಂದೂ ಅವಿಭಕ್ತ ಕುಟುಂಬಗಳಿಂದ ಬಾಡಿಗೆ, ವ್ಯಕ್ತಿಗಳು/ಹಿಂದೂ ಅವಿಭಕ್ತ ಕುಟುಂಬಗಳಿಂದ ಗುತ್ತಿಗೆದಾರರು/ವೃತ್ತಿಪರರಿಗೆ ಪಾವತಿಗಳು ಮತ್ತು ವರ್ಚುವಲ್ ಡಿಜಿಟಲ್ ಆಸ್ತಿಗಳ ವರ್ಗಾವಣೆಗಳಿಗೆ ಸಂಬಂಧಿಸಿದ ಚಲನ್-ಕಮ್-ಸ್ಟೇಟ್‌ಮೆಂಟ್ ಪ್ರಕರಣಗಳು)ಗಳಲ್ಲಿ, ತೆರಿಗೆ ಕಡಿತ ಮಾಡಿದ ತಿಂಗಳ ಅಂತ್ಯದ ನಂತರ 30 ದಿನಗಳೊಳಗೆ ಪಾವತಿ ಮಾಡಬೇಕು.
ಆದಾಯ ತೆರಿಗೆ ಕಾಯ್ದೆ, 2025ರ ಅಡಿಯಲ್ಲಿ, ಸರ್ಕಾರದ ಖಾತೆಗೆ ಪಾವತಿ ಮಾಡುವ ಕೊನೆಯ ದಿನಾಂಕವನ್ನು ನಿಯಮಗಳ ಮೂಲಕ ನಿರ್ಧರಿಸಲಾಗುತ್ತದೆ. ಆದಾಯ ತೆರಿಗೆ ನಿಯಮಗಳು, 2026 (ಹಳೆಯ ನಿಯಮಗಳ ನಿಯಮ 30ಕ್ಕೆ ಸಮಾನವಾದ ನಿಯಮ 218) ಯಾವುದೇ ನೀತಿ ಬದಲಾವಣೆಯಿಲ್ಲದೆ ಅದೇ ಕಾಲಮಿತಿಗಳನ್ನು ಮುಂದುವರಿಸಿವೆ.

ಮಾರ್ಚ್ 2026 ತಿಂಗಳಲ್ಲಿ ಕಡಿತಗೊಳಿಸಲಾದ ತೆರಿಗೆಯನ್ನು ಸರ್ಕಾರೇತರ ಕಡಿತಗಾರರು 30 ಏಪ್ರಿಲ್ 2026ರೊಳಗೆ ಸರ್ಕಾರದ ಖಾತೆಗೆ ಸಂದಾಯ ಮಾಡಬೇಕು. ಸರ್ಕಾರದ ಕಡಿತಗಾರರು ಚಲನ್ ಮೂಲಕ TDS ಸಂದಾಯ ಮಾಡುವ ಸಂದರ್ಭದಲ್ಲಿ, ಕೊನೆಯ ದಿನಾಂಕ 7 ಏಪ್ರಿಲ್ 2026 ಆಗಿರುತ್ತದೆ. ಯಾವುದೇ ವಿಳಂಬವಾದರೆ, ಬಡ್ಡಿ ಹಾಗೂ ದಂಡಾತ್ಮಕ ಕ್ರಮಗಳು ಅನ್ವಯವಾಗಬಹುದು.

TDS ಕಡಿತ ಮತ್ತು ಅದನ್ನು ಸಂದಾಯ ಮಾಡುವ ಪ್ರಕ್ರಿಯೆಯು ಮೂಲದಿಂದ ತೆರಿಗೆ ಕಡಿತಗೊಂಡ ದಿನಾಂಕಕ್ಕೆ ಸಂಬಂಧಿಸಿದೆ ಎಂಬ ಮೂಲ ತತ್ವ ಹೊಂದಿದೆ. ಪಾವತಿಗೆ ಅರ್ಹರ ಖಾತೆಗೆ ಮೊತ್ತವನ್ನು ಪಾವತಿಸಿದ ಅಥವಾ ಸ್ವೀಕರಿಸಿದ ಮಾಡಿದ ದಿನಾಂಕದಲ್ಲೇ TDS ಬಾಧ್ಯತೆ ಉಂಟಾಗುವುದರಿಂದ, ಪಾವತಿ/ಕ್ರೆಡಿಟ್ 31.03.2026ರೊಳಗೆ ನಡೆದಿದ್ದರೆ ಹಳೆಯ ಚಲನ್ ಅನ್ವಯವಾಗುತ್ತದೆ.
ಆದ್ದರಿಂದ, ಪರಿವರ್ತನಾ ದಿನಾಂಕಕ್ಕೂ ಮೊದಲು ಆದಾಯ ತೆರಿಗೆ ಕಾಯ್ದೆ, 1961ರ ಅಡಿಯಲ್ಲಿ ತೆರಿಗೆ ಕಡಿತಗೊಂಡಿದ್ದರೆ, ತೆರಿಗೆಯನ್ನು ಸಂದಾಯ ಮಾಡುವ ಬಾಧ್ಯತೆಗಳೂ 1961ರ ಕಾಯ್ದೆಯ ಅಡಿಯಲ್ಲೇ ಮುಂದುವರಿಯುತ್ತವೆ. ಹೀಗಾಗಿ, 01.04.2026ರ ಮೊದಲು ಕಡಿತಗೊಂಡ ತೆರಿಗೆಯನ್ನು ಸಂದಾಯ ಮಾಡಲು ಆದಾಯ ತೆರಿಗೆ ಕಾಯ್ದೆ, 1961ಕ್ಕೆ ಸಂಬಂಧಿಸಿದ ಈಗಿರುವ ಚಲನ್‌ಗಳು ಮತ್ತು ಪಾವತಿ ಕೋಡ್‌ಗಳನ್ನೇ ಬಳಸುವುದು ಮುಂದುವರಿಯುತ್ತದೆ.

ಇಲ್ಲ. ಇಂತಹ ಸಂದರ್ಭಗಳಲ್ಲಿ, ಪಾವತಿಗೆ ಅರ್ಹರ ಖಾತೆಗೆ ಮೊತ್ತವನ್ನು ಸಂದಾಯ ಮಾಡುವ ದಿನಾಂಕದಲ್ಲೇ ಆದಾಯ ತೆರಿಗೆ ಕಾಯ್ದೆ, 1961ರ ಅಡಿಯಲ್ಲಿ ತೆರಿಗೆ ಈಗಾಗಲೇ ಕಡಿತಗೊಂಡಿದ್ದರೆ, ಅದೇ ಮೊತ್ತವನ್ನು ಆದಾಯ ತೆರಿಗೆ ಕಾಯ್ದೆ, 2025ರ ಅಡಿಯಲ್ಲಿ ಪಾವತಿ ಮಾಡುವಾಗ ಮತ್ತೆ ಯಾವುದೇ ತೆರಿಗೆ ಕಡಿತ ಮಾಡುವ ಅಗತ್ಯವಿಲ್ಲ.

ಹೌದು. ಪಾವತಿ ಅಥವಾ ಸ್ವೀಕೃತಿ ಎಂಬ ಘಟನೆ 31 ಮಾರ್ಚ್ 2026ರೊಳಗೆ ನಡೆದಿದ್ದರೆ, ಕಡಿಮೆ ದರದಲ್ಲಿ ತೆರಿಗೆ ಕಡಿತ ಮಾಡುವುದನ್ನು ಒಳಗೊಂಡಂತೆ (31 ಮಾರ್ಚ್ 2026ರವರೆಗೆ ಮಾನ್ಯವಾಗಿರುವ ಪ್ರಮಾಣಪತ್ರದ ಆಧಾರದ ಮೇಲೆ) TDS ಸಂಬಂಧಿತ ಬಾಧ್ಯತೆಗಳು ಆದಾಯ ತೆರಿಗೆ ಕಾಯ್ದೆ, 1961ರ ಅಡಿಯಲ್ಲೇ ಮುಂದುವರಿಯುತ್ತವೆ. ಅಂತಹ ತೆರಿಗೆಯನ್ನು 31 ಮಾರ್ಚ್ 2026ರ ನಂತರ ಸರ್ಕಾರದ ಖಜಾನೆಗೆ ಸಂದಾಯವಾದರೂ ಸಹ, ಆದಾಯ ತೆರಿಗೆ ಕಾಯ್ದೆ, 1961ರ ನಿಬಂಧನೆಗಳು ಹಾಗೂ ಅದರಡಿ ನೀಡಲಾದ ಕಡಿಮೆ ತೆರಿಗೆ ತಡೆಹಿಡಿಯುವಿಕೆ ಪ್ರಮಾಣಪತ್ರವೇ ಅನ್ವಯವಾಗುತ್ತದೆ.

ಹೌದು. ಆದಾಯ ತೆರಿಗೆ ಕಾಯ್ದೆ, 1961ರ ಸೆಕ್ಷನ್ 197 ಅಡಿಯಲ್ಲಿ ನೀಡಲಾದ ಪ್ರಮಾಣಪತ್ರವು 01 ಏಪ್ರಿಲ್ 2026ರಂದು ಅಥವಾ ನಂತರ ಮಾಡಲಾಗುವ ಪಾವತಿಗಳು/ಸ್ವೀಕೃತಿಗಳಿಗೆ ಸಹ ಮಾನ್ಯವಾಗಿರುತ್ತದೆ, ಆದರೆ ಇದು ತೆರಿಗೆ ವರ್ಷ 2026–27ಕ್ಕೆ ಸಂಬಂಧಿಸಿದ ನಿರೀಕ್ಷಿತ ಪಡೆಯಬೇಕಾದ ಮೊತ್ತಗಳ ಮೇಲೆ ಕಡಿಮೆ/ಶೂನ್ಯ ತೆರಿಗೆ ಕಡಿತಕ್ಕಾಗಿ ನೀಡಲಾಗಿರಬೇಕು.

ಇಲ್ಲ. TDS/TCS ಕಡಿತ ಅಥವಾ ಸಂದಾಯ ಮಾಡುವಲ್ಲಿ ವಿಳಂಬಕ್ಕೆ ಅನ್ವಯಿಸುವ ಬಡ್ಡಿ ದರಗಳಲ್ಲಿ ಹಳೆಯ ಕಾಯ್ದೆಯಲ್ಲಿದ್ದಂತೆಯೇ ಯಾವುದೇ ಬದಲಾವಣೆ ಇಲ್ಲ. ಆದಾಯ ತೆರಿಗೆ ಕಾಯ್ದೆ, 2025ರ ಸೆಕ್ಷನ್ 398(3)(a) ಪ್ರಕಾರ ಬಡ್ಡಿಯನ್ನು ಈ ಕೆಳಗಿನಂತೆ ಲೆಕ್ಕ ಹಾಕಲಾಗುತ್ತದೆ:
(i) TDS/TCS ಕಡಿತ/ಸಂಗ್ರಹಣೆ ಮಾಡದಿದ್ದರೆ: ತೆರಿಗೆ ಕಡಿತ/ಸಂಗ್ರಹಿಸಬೇಕಾಗಿದ್ದ ದಿನಾಂಕದಿಂದ ನಿಜವಾಗಿ ಕಡಿತ/ಸಂಗ್ರಹಿಸಿದ ದಿನಾಂಕದವರೆಗೆ ಪ್ರತಿ ತಿಂಗಳು ಅಥವಾ ಅದರ ಭಾಗಕ್ಕೆ 1% ಬಡ್ಡಿ — ಸೆಕ್ಷನ್ 398(3)(a)(i).
(ii) ಕಡಿತ/ಸಂಗ್ರಹಣೆಯ ನಂತರ TDS/TCS ಜಮಾ ಮಾಡದಿದ್ದರೆ: ಕಡಿತ/ಸಂಗ್ರಹಿಸಿದ ದಿನಾಂಕದಿಂದ ನಿಜವಾಗಿ ಪಾವತಿ ಮಾಡಿದ ದಿನಾಂಕದವರೆಗೆ ಪ್ರತಿ ತಿಂಗಳು ಅಥವಾ ಅದರ ಭಾಗಕ್ಕೆ 1.5% ಬಡ್ಡಿ — ಸೆಕ್ಷನ್ 398(3)(a)(ii).

ಮುಂಗಡ ತೆರಿಗೆ ಪಾವತಿಗೆ ಸಂಬಂಧಿಸಿದ ನಿಬಂಧನೆಗಳಲ್ಲಿ ಯಾವುದೇ ನೀತಿ ಬದಲಾವಣೆಗಳಿಲ್ಲ. ಆದರೆ, ಅವುಗಳನ್ನು ಹೆಚ್ಚು ಸ್ಪಷ್ಟ ಹಾಗೂ ಸುಲಭವಾಗಿ ಓದಬಹುದಾದ ರೀತಿಯಲ್ಲಿ ರೂಪಿಸಲಾಗಿದೆ. ಇದಕ್ಕಾಗಿ ಈ ಕೆಳಗಿನ ಕ್ರಮಗಳನ್ನು ಕೈಗೊಳ್ಳಲಾಗಿದೆ:
(i) ತೆರಿಗೆದಾರರು ಸ್ವಯಂ ಪ್ರೇರಣೆಯಿಂದ ಪಾವತಿಸುವ ಮತ್ತು ಮೌಲ್ಯಮಾಪನ ಅಧಿಕಾರಿ ಆದೇಶದ ಪ್ರಕಾರ ಪಾವತಿಸುವ ನಿಬಂಧನೆಗಳನ್ನು ಗೊಂದಲ ತಪ್ಪಿಸಲು ಎರಡು ವಿಭಿನ್ನ ಸೆಕ್ಷನ್‌ಗಳಲ್ಲಿ ವಿಭಜಿಸಲಾಗಿದೆ.
(ii) ಅನಗತ್ಯ ನಿಬಂಧನೆಗಳನ್ನು ತೆಗೆದುಹಾಕಲಾಗಿದೆ.
(iii) ಮುಂಗಡ ತೆರಿಗೆ ಹೊಣೆಗಾರಿಕೆಯನ್ನು ಲೆಕ್ಕ ಹಾಕಲು ಹೊಸ ಕಾಯ್ದೆಯ ಸೆಕ್ಷನ್ 405ರಲ್ಲಿ ಸೂತ್ರವನ್ನು ನೀಡಲಾಗಿದೆ.

ಮುಂಗಡ ತೆರಿಗೆ ಹೊಣೆಗಾರಿಕೆ ಆದಾಯ ತೆರಿಗೆ ಕಾಯ್ದೆಯ ಜಾರಿಗೆ ಬರುವ ದಿನಾಂಕಕ್ಕೆ ಅಲ್ಲ, ಆದಾಯ ಯಾವ ತೆರಿಗೆ ವರ್ಷಕ್ಕೆ ಸಂಬಂಧಿಸಿದೆ ಎಂಬುದಕ್ಕೆ ಸಂಪರ್ಕ ಹೊಂದಿರುತ್ತದೆ. ಈ ಕಂತು ಹಣಕಾಸು ವರ್ಷ 2025–26ರಲ್ಲಿ ಗಳಿಸಲಾದ ಆದಾಯಕ್ಕೆ ಸಂಬಂಧಿಸಿದ್ದಾಗಿದ್ದು ಮತ್ತು 01 ಏಪ್ರಿಲ್ 2026ರ ಮೊದಲು ಪಾವತಿಸಲಾಗುವುದರಿಂದ, ಈ ಮುಂಗಡ ತೆರಿಗೆ ಪಾವತಿಯನ್ನು ಆದಾಯ ತೆರಿಗೆ ಕಾಯ್ದೆ, 1961 ನಿಯಂತ್ರಿಸುತ್ತದೆ.

ಮುಂಗಡ ತೆರಿಗೆ ಪಾವತಿಸುವ ಬಾಧ್ಯತೆಯು ಹಣಕಾಸು ವರ್ಷ 2025–26ರಲ್ಲಿ ಉದ್ಭವಿಸಿದ್ದು, ಆ ಬಾಧ್ಯತೆಯು ಆದಾಯ ತೆರಿಗೆ ಕಾಯ್ದೆ, 1961ರ ನಿಬಂಧನೆಗಳ ಅಡಿಯಲ್ಲಿ ಸೃಷ್ಟಿಯಾಗಿದೆ. ಬಾಕಿ ಮುಂಗಡ ತೆರಿಗೆ ಪಾವತಿಸದಿರುವ ದೋಷವೂ ಹೊಸ ಕಾಯ್ದೆ ಜಾರಿಗೆ ಬರುವ ಮೊದಲು ಸಂಭವಿಸಿದೆ. ಆದ್ದರಿಂದ, ಪರಿಣಾಮವಾಗಿ ವಿಧಿಸಲಾಗುವ ಬಡ್ಡಿ ಬಾಧ್ಯತೆಯು ಆದಾಯ ತೆರಿಗೆ ಕಾಯ್ದೆ, 1961ರ ಅಡಿಯಲ್ಲಿ ನಿಯಂತ್ರಿಸಲಾಗುತ್ತದೆ. ಈ ಸಂದರ್ಭಗಳಲ್ಲಿ, ತೆರಿಗೆದಾರರು ಮುಂಗಡ ತೆರಿಗೆ ಪಾವತಿಯಲ್ಲಿ ವಿಳಂಬಕ್ಕೆ ಸಂಬಂಧಿಸಿದಂತೆ 1961ರ ಕಾಯ್ದೆಯ ಸೆಕ್ಷನ್ 234B (ಮುಂಗಡ ತೆರಿಗೆ ಪಾವತಿಸದಿರುವ ದೋಷ) ಮತ್ತು ಸೆಕ್ಷನ್ 234C (ಮುಂಗಡ ತೆರಿಗೆ ಕಂತುಗಳನ್ನು ವಿಳಂಬವಾಗಿ ಪಾವತಿಸುವುದು) ಅಡಿಯಲ್ಲಿ ಬಡ್ಡಿ ಪಾವತಿಸಲು ಬಾಧ್ಯರಾಗಿರುತ್ತಾರೆ.

ಆದಾಯ ತೆರಿಗೆ ಕಾಯ್ದೆ, 2025ರ ಸೆಕ್ಷನ್ 404ರ ಅಡಿಯಲ್ಲಿ, ವರ್ಷದಲ್ಲಿ ಪಾವತಿಸಬೇಕಾದ ತೆರಿಗೆ ಮೊತ್ತವನ್ನು ಮುಂಗಡ ತೆರಿಗೆ ನಿಬಂಧನೆಗಳ ಪ್ರಕಾರ ಲೆಕ್ಕ ಹಾಕಿದ ನಂತರ ಅದು ರೂ. 10,000 ಅಥವಾ ಅದಕ್ಕಿಂತ ಹೆಚ್ಚಿದ್ದರೆ ಮುಂಗಡ ತೆರಿಗೆ ಪಾವತಿಸಬೇಕು. ಈ ಮಿತಿ ಹಳೆಯ ಕಾಯ್ದೆಯಲ್ಲಿದ್ದಂತೆಯೇ ಬದಲಾವಣೆಯಿಲ್ಲದೆ ಮುಂದುವರಿದಿದೆ.

ಹಣಕಾಸು ವರ್ಷ 2026–27ರಲ್ಲಿ ಗಳಿಸಲಾದ ಆದಾಯವು ಆದಾಯ ತೆರಿಗೆ ಕಾಯ್ದೆ, 2025ರ ನಿಬಂಧನೆಗಳ ಪ್ರಕಾರ ತೆರಿಗೆಗೆ ಒಳಪಡುತ್ತದೆ. ಆದ್ದರಿಂದ, ತೆರಿಗೆ ವರ್ಷ 2026–27ಕ್ಕೆ ಸಂಬಂಧಿಸಿದ ಮುಂಗಡ ತೆರಿಗೆ ಪಾವತಿ ಬಾಧ್ಯತೆ ಉದ್ಭವಿಸಿ, ಅದನ್ನು ಹೊಸ ಕಾಯ್ದೆಯ ಅಡಿಯಲ್ಲಿ ಪೂರೈಸಬೇಕು.

ಹೊಸ ಕಾಯ್ದೆಯ ಅಡಿಯಲ್ಲಿ, ಅಂದಾಜು ಆಧಾರಿತ ತೆರಿಗೆ ಯೋಜನೆ (ಸೆಕ್ಷನ್ 58) ಆಯ್ಕೆ ಮಾಡಿಕೊಂಡಿರುವ ತೆರಿಗೆದಾರರು ಸಂಬಂಧಿತ ಹಣಕಾಸು ವರ್ಷದ 15 ಮಾರ್ಚ್ ಅಥವಾ ಅದಕ್ಕೂ ಮೊದಲು ಒಂದೇ ಕಂತಿನಲ್ಲಿ ತಮ್ಮ ಸಂಪೂರ್ಣ ಮುಂಗಡ ತೆರಿಗೆ ಹೊಣೆಗಾರಿಕೆಯನ್ನು ಪಾವತಿಸಬೇಕು. ಇದು ಸೆಕ್ಷನ್ 408(2) ಪ್ರಕಾರ ಅನ್ವಯವಾಗುತ್ತದೆ. ಈ ನಿಯಮ ಹಳೆಯ ಕಾಯ್ದೆಯಲ್ಲಿದ್ದಂತೆಯೇ ಬದಲಾವಣೆಯಿಲ್ಲದೆ ಮುಂದುವರಿದಿದೆ.

ಇಲ್ಲ. ಮುಂಗಡ ತೆರಿಗೆ ಪಾವತಿಯಲ್ಲಿ ದೋಷ ಉಂಟಾದ ಸಂದರ್ಭಗಳಲ್ಲಿ ಅನ್ವಯಿಸುವ ಬಡ್ಡಿ ದರಗಳಲ್ಲಿ ಹಳೆಯ ಕಾಯ್ದೆಯಲ್ಲಿದ್ದಂತೆಯೇ ಯಾವುದೇ ಬದಲಾವಣೆ ಇಲ್ಲ. ಆದಾಯ ತೆರಿಗೆ ಕಾಯ್ದೆ, 2025ರ ಅಡಿಯಲ್ಲಿ ಬಡ್ಡಿಯನ್ನು ಈ ಕೆಳಗಿನಂತೆ ಲೆಕ್ಕ ಹಾಕಲಾಗುತ್ತದೆ:
(i) ಸೆಕ್ಷನ್ 424 (ಹಳೆಯ ಕಾಯ್ದೆಯ ಸೆಕ್ಷನ್ 234Bಗೆ ಸಮಾನ) — ಮುಂಗಡ ತೆರಿಗೆ ಪಾವತಿಸದಿರುವುದು ಅಥವಾ ಪಾವತಿಸಿದ ಮುಂಗಡ ತೆರಿಗೆ ಅಂದಾಜು ತೆರಿಗೆಯ 90% ಕ್ಕಿಂತ ಕಡಿಮೆ ಇರುವ ಸಂದರ್ಭಗಳಲ್ಲಿ ನಿರ್ದಿಷ್ಟ ಅವಧಿಗೆ ಪ್ರತಿ ತಿಂಗಳು ಅಥವಾ ಅದರ ಭಾಗಕ್ಕೆ 1% ಬಡ್ಡಿ.
(ii) ಸೆಕ್ಷನ್ 425 (ಹಳೆಯ ಕಾಯ್ದೆಯ ಸೆಕ್ಷನ್ 234Cಗೆ ಸಮಾನ) — ಮುಂಗಡ ತೆರಿಗೆ ಕಂತುಗಳನ್ನು ವಿಳಂಬವಾಗಿ ಪಾವತಿಸಿದ ಸಂದರ್ಭದಲ್ಲಿ ನಿರ್ದಿಷ್ಟ ಅವಧಿಗೆ 1% ಅಥವಾ 3% ಬಡ್ಡಿ.

ಸ್ವಯಂ-ಮೌಲ್ಯಮಾಪನ ತೆರಿಗೆ ಕೇವಲ ತೆರಿಗೆ ಬಾಧ್ಯತೆಯನ್ನು ಪಾವತಿಸುವ ಒಂದು ವಿಧಾನವಾಗಿದ್ದು, ಅನ್ವಯವಾಗುವ ಕಾಯ್ದೆಯನ್ನು ಪಾವತಿ ದಿನಾಂಕದ ಆಧಾರದಲ್ಲಿ ಅಲ್ಲ, ಆದಾಯ ಸಂಬಂಧಿಸಿದ ವರ್ಷದ ಆಧಾರದಲ್ಲಿ ನಿರ್ಧರಿಸಲಾಗುತ್ತದೆ. ಈ ಸಂದರ್ಭದಲ್ಲಿ, ಆದಾಯ ತೆರಿಗೆ ಕಾಯ್ದೆ, 1961ರ ಸೆಕ್ಷನ್ 140A ಈ ಸ್ವಯಂ-ಮೌಲ್ಯಮಾಪನ ತೆರಿಗೆ ಪಾವತಿಯನ್ನು ನಿಯಂತ್ರಿಸುತ್ತದೆ.

ಈ ಪರಿವರ್ತನಾ ಅವಧಿಯಲ್ಲಿ ತೆರಿಗೆ ಸಲ್ಲಿಕೆ ಪೋರ್ಟಲ್‌ಗಳಲ್ಲಿ ಎರಡೂ ಕಾಯ್ದೆಗಳ ಕಾರ್ಯಕ್ಷಮತೆ ಸಮಕಾಲೀನವಾಗಿ ಕಾರ್ಯನಿರ್ವಹಿಸುವಂತೆ ಸರ್ಕಾರ ಸೂಕ್ತ ಕ್ರಮಗಳನ್ನು ಕೈಗೊಳ್ಳುತ್ತಿದೆ. ಆದಾಗ್ಯೂ, ತೆರಿಗೆದಾರರು ಸರಿಯಾದ ವರ್ಷ ಆಯ್ಕೆಯನ್ನು ಖಚಿತಪಡಿಸಿಕೊಳ್ಳಬೇಕು: ಹಣಕಾಸು ವರ್ಷ 2025–26ಕ್ಕೆ ಸಂಬಂಧಿಸಿದ ತೆರಿಗೆ ಪಾವತಿಗಳಿಗೆ ಮೌಲ್ಯಮಾಪನ ವರ್ಷ 2026–27 ಅನ್ನು ಆಯ್ಕೆ ಮಾಡಬೇಕು; ಮತ್ತು ಹಣಕಾಸು ವರ್ಷ 2026–27ಕ್ಕೆ ಸಂಬಂಧಿಸಿದ ತೆರಿಗೆ ಪಾವತಿಗಳಿಗೆ ತೆರಿಗೆ ವರ್ಷ 2026–27 ಅನ್ನು ಆಯ್ಕೆ ಮಾಡಬೇಕು, ಇದರಿಂದ ತೆರಿಗೆ ಕ್ರೆಡಿಟ್ ಸರಿಯಾದ ವರ್ಷಕ್ಕೆ ನೀಡಲಾಗುತ್ತದೆ.
ಉದಾಹರಣೆ: ಹಣಕಾಸು ವರ್ಷ 2025–26ಕ್ಕೆ ಸಂಬಂಧಿಸಿದ ಸ್ವಯಂ-ಮೌಲ್ಯಮಾಪನ ತೆರಿಗೆಯನ್ನು ಜೂನ್ 2026ರಲ್ಲಿ ಪಾವತಿಸಿದರೆ — ತೆರಿಗೆದಾರರು ಮೌಲ್ಯಮಾಪನ ವರ್ಷ 2026–27 ಅನ್ನು ಆಯ್ಕೆ ಮಾಡಬೇಕು.
ಏಪ್ರಿಲ್ 2026ರಿಂದ ಮಾರ್ಚ್ 2027ರವರೆಗೆ ಗಳಿಸಲಾದ ಆದಾಯಕ್ಕೆ ಸಂಬಂಧಿಸಿದ ಮುಂಗಡ ತೆರಿಗೆಗೆ — ತೆರಿಗೆದಾರರು ತೆರಿಗೆ ವರ್ಷ 2026–27 ಅನ್ನು ಆಯ್ಕೆ ಮಾಡಬೇಕು.

ವಾರ್ಷಿಕ ಮಾಹಿತಿ ಹೇಳಿಕೆ ಆದಾಯ ತೆರಿಗೆ ಕಾಯ್ದೆ, 1961ರ ಅಡಿಯಲ್ಲಿ ನಿಯಂತ್ರಿಸಲ್ಪಡುವ ತೆರಿಗೆ ಅವಧಿಗಳಿಗೆ (ಮೌಲ್ಯಮಾಪನ ವರ್ಷ 2026–27ರವರೆಗೆ) ಮುಂದುವರಿಯುತ್ತದೆ. ತೆರಿಗೆ ವರ್ಷ 2026–27ರಿಂದ ಆರಂಭವಾಗಿ, ಆದಾಯ ತೆರಿಗೆ ಕಾಯ್ದೆ, 2025ರ ಅಡಿಯಲ್ಲಿ ಇದು ಪರಿಷ್ಕೃತ ರೂಪವಾದ ಫ಼ಾರ್ಮ್ ಸಂಖ್ಯೆ 168 ಮೂಲಕ ಬದಲಾಗುತ್ತದೆ.

ಆದಾಯ ತೆರಿಗೆ ಕಾಯ್ದೆ, 1961ರ ಸೆಕ್ಷನ್ 115JAA ಅಥವಾ 115JD ಅಡಿಯಲ್ಲಿ ಮುಂದಕ್ಕೆ ಸಾಗಿಸಲು
ಅನುಮತಿಸಲಾದ MAT/AMT ಕ್ರೆಡಿಟ್‌ಗಳಲ್ಲಿ ಬಳಸದಿರುವ ಯಾವುದೇ ಭಾಗವನ್ನು ಆದಾಯ ತೆರಿಗೆ ಕಾಯ್ದೆ, 2025ರ ಅಡಿಯಲ್ಲಿ ಮಾನ್ಯ ಕ್ರೆಡಿಟ್‌ಗಳಾಗಿ ಪರಿಗಣಿಸಲಾಗುತ್ತದೆ.
ಉದಾಹರಣೆಗೆ, ತೆರಿಗೆದಾರರಿಗೆ AY 2024–25ರಿಂದ MAT ಕ್ರೆಡಿಟ್ ಮುಂದಕ್ಕೆ ಸಾಗಿಸಲಾಗಿದ್ದರೆ, ಆ ಕ್ರೆಡಿಟ್ ಹೊಸ ಕಾಯ್ದೆಯ ಅಡಿಯಲ್ಲಿ ಮುಂದುವರಿದು ಲಭ್ಯವಾಗುತ್ತದೆ ಮತ್ತು ಆದಾಯ ತೆರಿಗೆ ಕಾಯ್ದೆ, 2025ರಲ್ಲಿ ನಿರ್ದಿಷ್ಟಪಡಿಸಿದ ಷರತ್ತುಗಳಿಗೆ ಒಳಪಟ್ಟು ಮುಂದಿನ ವರ್ಷಗಳಲ್ಲಿ ಬಳಸಬಹುದಾಗಿದೆ.

ಬಳಸದಿರುವ ತೆರಿಗೆ ಕ್ರೆಡಿಟ್‌ಗಳನ್ನು ಅವು ಮೊದಲ ಬಾರಿಗೆ ಲಭ್ಯವಾದ ವರ್ಷದಿನಿಂದ ಒಟ್ಟು 15 ವರ್ಷಗಳವರೆಗೆ ಮುಂದೂಡಿಕೊಂಡು ಹೋಗಬಹುದು. ಬಳಸದೇ ಉಳಿದಿರುವ MAT ಕ್ರೆಡಿಟ್ ಅನ್ನು 01.04.2026 ಅಥವಾ ಅದರ ನಂತರ ಪ್ರಾರಂಭವಾಗುವ ತೆರಿಗೆ ವರ್ಷದ ತೆರಿಗೆ ಬಾಧ್ಯತೆಯ ವಿರುದ್ಧ, ಆದಾಯ ತೆರಿಗೆ ಕಾಯ್ದೆ, 2025ರಲ್ಲಿ ನಿಗದಿಪಡಿಸಿರುವ ಷರತ್ತುಗಳಿಗೆ ಒಳಪಟ್ಟು ಸರಿಹೊಂದಿಸಿಕೊಳ್ಳಬಹುದು.

ಹೌದು. ಹಳೆಯ ಕಾಯ್ದೆಯ ಅಡಿಯಲ್ಲಿ ಲೆಕ್ಕ ಹಾಕಲಾದ ತೆರಿಗೆ ಬಾಧ್ಯತೆ ಹಾಗೆಯೇ ಮುಂದುವರಿಯುತ್ತದೆ. ಉದಾಹರಣೆಗೆ, ತೆರಿಗೆದಾರರಿಗೆ ಹಳೆಯ ಕಾಯ್ದೆಯ ಅಡಿಯಲ್ಲಿ ಮೌಲ್ಯಮಾಪನ ವರ್ಷ 2022–23ಕ್ಕೆ ಸಂಬಂಧಿಸಿದಂತೆ ತೆರಿಗೆ ಬೇಡಿಕೆ ನೋಟಿಸ್ ನೀಡಲಾಗಿದ್ದು, ಅವರು ಅದನ್ನು ಇನ್ನೂ ಪಾವತಿಸದಿದ್ದರೆ, ಹೊಸ ಕಾಯ್ದೆ ಜಾರಿಗೆ ಬಂದ ನಂತರವೂ ಆ ಮೊತ್ತವನ್ನು ಪಾವತಿಸಬೇಕಾಗುತ್ತದೆ.

ಹೌದು. ಹಳೆಯ ಕಾಯ್ದೆಯ ಅಡಿಯಲ್ಲಿ ಪಾವತಿಸಬೇಕಾಗಿದ್ದ ಯಾವುದೇ ಮೊತ್ತವು ಆದಾಯ ತೆರಿಗೆ ಕಾಯ್ದೆ, 2025ರ ಅಡಿಯಲ್ಲಿಯೂ ವಸೂಲಿ ಮಾಡಬಹುದಾದದ್ದಾಗಿಯೇ ಉಳಿಯುತ್ತದೆ. ಆದಾಯ ತೆರಿಗೆ ಕಾಯ್ದೆ, 1961ರ ಅಡಿಯಲ್ಲಿ ವಿಧಿಸಲಾದ ಮತ್ತು ಪಾವತಿಯಾಗದೆ ಉಳಿದಿರುವ ತೆರಿಗೆ ಬಾಕಿಗಳನ್ನು ವಸೂಲಿ ಮಾಡಲು ಇಲಾಖೆಯು ಆದಾಯ ತೆರಿಗೆ ಕಾಯ್ದೆ, 2025ರಲ್ಲಿ ಒದಗಿಸಲಾದ ವಸೂಲಿ ಕಾರ್ಯವಿಧಾನಗಳನ್ನು ಬಳಸಬಹುದು.

ಹೌದು. ಆದಾಯ ತೆರಿಗೆ ಕಾಯ್ದೆ, 1961ರ ಅಡಿಯಲ್ಲಿ ಈಗಾಗಲೇ ಕೈಗೊಳ್ಳಲಾದ ವಸೂಲಿ ಕ್ರಮಗಳು ಜಾರಿಯಲ್ಲಿಯೇ ಮುಂದುವರಿಯುತ್ತವೆ. ಉಳಿದಿರುವ ಬಾಕಿ ಮೊತ್ತಗಳನ್ನು ಸಹ ಹೊಸ ಕಾಯ್ದೆಯಲ್ಲಿ ಒದಗಿಸಲಾದ ವಸೂಲಿ ಕಾರ್ಯವಿಧಾನಗಳ ಮೂಲಕ ವಸೂಲಿ ಮಾಡಬಹುದು.
ಉದಾಹರಣೆಗೆ, ಆದಾಯ ತೆರಿಗೆ ಕಾಯ್ದೆ, 1961ರ ವಿಧಿಗಳ ಅಡಿಯಲ್ಲಿ ತೆರಿಗೆದಾರರ ಆಸ್ತಿಯನ್ನು ಜಪ್ತಿ ಮಾಡಲಾಗಿದ್ದರೆ, ಆದಾಯ ತೆರಿಗೆ ಕಾಯ್ದೆ, 2025 ಜಾರಿಗೆ ಬಂದ ನಂತರವೂ ಆ ಜಪ್ತಿ ಆದೇಶವು ಮಾನ್ಯವಾಗಿಯೇ ಮುಂದುವರಿಯುತ್ತದೆ.

ಹಳೆಯ ಕಾಯ್ದೆಯ ಅಡಿಯಲ್ಲಿ ಉಂಟಾದ ಹಕ್ಕುಗಳು, ಪ್ರಯೋಜನಗಳು, ಕರ್ತವ್ಯಗಳು ಅಥವಾ ಬಾಧ್ಯತೆಗಳು ಮುಂದುವರಿಯುತ್ತವೆ. ಆದ್ದರಿಂದ, ಹೊಸ ಕಾಯ್ದೆ ಜಾರಿಗೆ ಬರುವ ಮೊದಲು ಯಾವುದೇ ತೆರಿಗೆ ವರ್ಷದ ಸಂಬಂಧವಾಗಿ ಹಳೆಯ ಕಾಯ್ದೆಯ ಅಡಿಯಲ್ಲಿ ತೆರಿಗೆದಾರರು ಮರುಪಾವತಿ ಪಡೆಯುವ ಹಕ್ಕನ್ನು ಹೊಂದಿದ್ದರೆ, ಹೊಸ ಕಾಯ್ದೆ ಜಾರಿಗೆ ಬಂದ ನಂತರವೂ ಅವರು ಆ ಮರುಪಾವತಿಯನ್ನು ಪಡೆಯುವ ಹಕ್ಕನ್ನು ಹೊಂದಿರುತ್ತಾರೆ.

ಹಿಂದೆ ಹೇಳಿದಂತೆ, ಹಳೆಯ ಕಾಯ್ದೆಯ ಅಡಿಯಲ್ಲಿ ಉಂಟಾದ ಹಕ್ಕುಗಳು, ಪ್ರಯೋಜನಗಳು, ಕರ್ತವ್ಯಗಳು ಅಥವಾ ಬಾಧ್ಯತೆಗಳು ಮುಂದುವರಿಯುತ್ತವೆ. ಆದ್ದರಿಂದ, ಹೊಸ ಕಾಯ್ದೆ ಜಾರಿಗೆ ಬರುವ ಮೊದಲು ಯಾವುದೇ ತೆರಿಗೆ ವರ್ಷದ ಸಂಬಂಧವಾಗಿ ಹಳೆಯ ಕಾಯ್ದೆಯ ಅಡಿಯಲ್ಲಿ ತೆರಿಗೆ ಕಡಿತಗೊಳಿಸುವವರಿಗೆ ಮರುಪಾವತಿ ಪಡೆಯುವ ಹಕ್ಕು ಇದ್ದರೆ, ಹೊಸ ಕಾಯ್ದೆ ಜಾರಿಗೆ ಬಂದ ನಂತರವೂ ಅವರು ಆ ಮರುಪಾವತಿಯನ್ನು ಪಡೆಯುವ ಹಕ್ಕನ್ನು ಹೊಂದಿರುತ್ತಾರೆ. ಆದರೆ ಈ ಮರುಪಾವತಿ ದಾವೆಯನ್ನು, ತೆರಿಗೆ ಕಡಿತಗೊಳ್ಳಬೇಕಾದ ಹಣಕಾಸು ವರ್ಷದ ಅಂತ್ಯದಿಂದ 2 ವರ್ಷಗಳ ನಿಗದಿತ ಅವಧಿಯೊಳಗೆ ಸಲ್ಲಿಸಬೇಕು ಎಂಬ ಷರತ್ತಿಗೆ ಒಳಪಟ್ಟಿರುತ್ತದೆ.

ಈ ದಾವೆಯನ್ನು ಆದಾಯ ತೆರಿಗೆ ನಿಯಮಗಳು, 1962ರ ಫ಼ಾರ್ಮ್ ಸಂಖ್ಯೆ 26B ನಲ್ಲಿ ಸಲ್ಲಿಸಬೇಕಾಗಿದ್ದು, ಅದನ್ನು ಆದಾಯ ತೆರಿಗೆ ಕಾಯ್ದೆ, 1961ರ ವಿಧಿಗಳ ಪ್ರಕಾರ ಪ್ರಕ್ರಿಯೆಗೊಳಿಸಲಾಗುತ್ತದೆ.