କର କ୍ରେଡିଟ୍ ଅମେଳ ଉପଭୋକ୍ତା ମାନୁଆଲ୍
1.ସମୀକ୍ଷା
ଇ-ଫାଇଲିଂ ପୋର୍ଟାଲରେ ସମସ୍ତ ପଞ୍ଜୀକୃତ ୟୁଜରଙ୍କ (ERIମାନଙ୍କୁ ଅନ୍ତର୍ଭୁକ୍ତ କରି) ପାଇଁ କର କ୍ରେଡିଟ୍ ଅମେଳ ସେବା ଉପଲବ୍ଧ ଅଟେ। ଏହି ସେବା ଜରିଆରେ, ଆପଣ ଯେକୌଣସି ସଂଖ୍ୟକ ରେକର୍ଡ ପାଇଁ ପ୍ରାସଙ୍ଗିକ ମୂଲ୍ୟାୟନ ବର୍ଷ ନିମନ୍ତେ ଆୟକର ରିଟର୍ଣ୍ଣ ଅପ୍ଲୋଡ୍ କରିବା ପରେ ତୁରନ୍ତ ଆପଣଙ୍କର ଇ-ଫାଇଲ୍ ହୋଇଥିବା ଆୟକର ରିଟର୍ଣ୍ଣଗୁଡ଼ିକର କର କ୍ରେଡିଟ୍ ଅମେଳ ଦେଖିପାରିବେ।
ଆୟକର ରିଟର୍ଣ୍ଣ ଦାଖଲ କରିବା ସମୟରେ ଆପଣଙ୍କ ଦ୍ୱାରା ରିପୋର୍ଟ କରାଯାଇଥିବା ଉତ୍ସରେ ଟିକସ କାଟ (TDS), ଉତ୍ସରେ ସଂଗୃହିତ କର (TCS), ଅଗ୍ରୀମ କର କିମ୍ବା ନିୟମିତ ମୂଲ୍ୟାଙ୍କନ କର ପରିମାଣରେ ଥିବା କୌଣସି ଅମେଳକୁ ଏହି ସେବା ହାଇଲାଇଟ୍ କରିଥାଏ। କୌଣସି ଅମେଳ ହେଲେ, ଆପଣ ନିଜ ପକ୍ଷରୁ ତ୍ରୁଟିଗୁଡ଼ିକୁ ସଂଶୋଧନ କରିପାରିବେ କିମ୍ବା 24Q, 26Q, 27Q, 27EQ ଭଳି TDS ରିଟର୍ଣ୍ଣ/ଫର୍ମଗୁଡ଼ିକରେ ସଂଶୋଧନ କରି (ଏକ ସଂଶୋଧନ ଅନୁରୋଧ ଦାଖଲ କରି କିମ୍ବା ଏକ ପରିଶୋଧିତ ରିଟର୍ଣ୍ଣ ଦାଖଲ କରି) ଟିକସ ରିହାତିକାରୀମାନଙ୍କ ଦ୍ୱାରା ସେଗୁଡ଼ିକୁ ସଠିକ୍ କରାଇପାରିବେ।
2. ଏହି ସେବାର ଲାଭ ଉଠାଇବା ପାଇଁ ପୂର୍ବାବଶ୍ୟକତା
- ବୈଧ ଉପଭୋକ୍ତା ID ଏବଂ ପାସ୍ୱାର୍ଡ ସହିତ ଇ-ଫାଇଲିଂଗ ପୋର୍ଟାଲରେ ପଞ୍ଜୀକୃତ ଉପଭୋକ୍ତା
- ବୈଧ ଏବଂ ସକ୍ରିୟ PAN
- ସେହି ବର୍ଷର କର କ୍ରେଡିଟ୍ ଅମେଳ ଯାଞ୍ଚ କରିବା ପାଇଁ ପ୍ରାସଙ୍ଗିକ ମୂଲ୍ୟାୟନ ବର୍ଷ (AY) ନିମନ୍ତେ ଅତିକମରେ ଗୋଟିଏ ଆୟକର ରିଟର୍ଣ୍ଣ ଫାଇଲ୍ କରାଯାଇଛି
- ପୈଠ କରାଯାଇଥିବା TDS ଏବଂ/କିମ୍ବା TCS ଏବଂ/କିମ୍ବା ଆୟକର, ଇ-ଫାଇଲିଂଗ ପୋର୍ଟାଲରେ ଫର୍ମ 26AS ରେ ପ୍ରତିଫଳିତ ହୋଇଥାଏ
- ERIମାନଙ୍କ ପାଇଁ: ERIଗୁଡ଼ିକୁ ଯୋଗ କରାଯାଇଥିବା ଉଚିତ ଏବଂ ERI କରଦାତାଙ୍କୁ ଏକ କ୍ଲାଏଣ୍ଟ ଭାବରେ ଯୋଗ କରିଥିବା ଉଚିତ
- ERIମାନଙ୍କ ପାଇଁ: ERIଙ୍କର ସ୍ଥିତି ସକ୍ରିୟ ରହିଥିବା ଉଚିତ
3. ସୋପାନ ଅନୁସାରେ ମାର୍ଗଦର୍ଶନ
3.1. କର କ୍ରେଡିଟ୍ ଅମେଳ ଦେଖନ୍ତୁ
ସୋପାନ 1: ଆପଣଙ୍କ ୟୁଜର୍ ID ଏବଂ ପାସ୍ୱାର୍ଡ ବ୍ୟବହାର କରି ଇ-ଫାଇଲିଂଗ ପୋର୍ଟାଲରେ ଲଗ୍ଇନ୍ କରନ୍ତୁ।
ସୋପାନ 2: ଆପଣଙ୍କ ଡ୍ୟାସବୋର୍ଡରେ, ସେବାଗୁଡ଼ିକ > କର କ୍ରେଡିଟ୍ ଅମେଳ ଉପରେ କ୍ଲିକ୍ କରନ୍ତୁ।
ସୋପାନ 3: କର କ୍ରେଡିଟ୍ ଅମେଳ ପୃଷ୍ଠାରେ, ମୂଲ୍ୟାୟନ ବର୍ଷ (ଯାହା ପାଇଁ ଆପଣ ଅମେଳ ବିବରଣୀ ଦେଖିବାକୁ ଚାହୁଁଛନ୍ତି) ଚୟନ କରନ୍ତୁ ଏବଂ ଦାଖଲ କରନ୍ତୁ ଉପରେ କ୍ଲିକ୍ କରନ୍ତୁ।
ଟିପ୍ପଣୀ: PAN ବିକଳ୍ପ ଅଧୀନରେ ଆପଣଙ୍କର PAN ପ୍ରାକ୍-ପୂରଣ ହୋଇଯିବ।
ସୋପାନ 4: ଆୟକର ରିଟର୍ଣ୍ଣରେ ଆପଣଙ୍କ ଦ୍ୱାରା ପ୍ରଦାନ କରାଯାଇଥିବା ଏବଂ ଫର୍ମ 26AS ରେ ପ୍ରତିଫଳିତ ହୋଇଥିବା TDS ଏବଂ/କିମ୍ବା TCS ଏବଂ/କିମ୍ବା ପୈଠ କରାଯାଇଥିବା ଆୟକର ବିବରଣୀ ମଧ୍ୟରେ ଥିବା ଅମେଳ ପ୍ରଦର୍ଶିତ ହୁଏ।
ଟିପ୍ପଣୀ:
- ଯଦି ଅମେଳର 10ରୁ ଅଧିକ ରେକର୍ଡ ଥାଏ, ତେବେ ଏହାକୁ (PDF /XLS ଫର୍ମାଟ୍ରେ) ଡାଉନ୍ଲୋଡ୍ କରିବା ପାଇଁ ଡାଉନ୍ଲୋଡ୍ ଉପରେ କ୍ଲିକ୍ କରନ୍ତୁ।
- ଯଦି ଅମେଳର 10 କିମ୍ବା ତା'ଠାରୁ କମ୍ ରେକର୍ଡ ଥାଏ, ତେବେ ଆପଣ ସେଗୁଡ଼ିକୁ କର କ୍ରେଡିଟ୍ ଅମେଳ ପୃଷ୍ଠାରେ ଦେଖିପାରିବେ। ଡାଉନ୍ଲୋଡ୍ ଉପରେ କ୍ଲିକ୍ କରି ଆପଣ ଏହାକୁ (PDF / XLS ରେ) ମଧ୍ୟ ଡାଉନ୍ଲୋଡ୍ କରିପାରିବେ।
3.2. କର କ୍ରେଡିଟ୍ ଅମେଳ ଦେଖନ୍ତୁ (ERIମାନଙ୍କ ପାଇଁ)
ସୋପାନ 1: ଆପଣଙ୍କ ୟୁଜର୍ ID ଏବଂ ପାସ୍ୱାର୍ଡ ବ୍ୟବହାର କରି ଇ-ଫାଇଲିଂ ପୋର୍ଟାଲରେ ଲଗ୍ଇନ୍ କରନ୍ତୁ।
ସୋପାନ 2: ଆପଣଙ୍କ ଡ୍ୟାସବୋର୍ଡରେ, ସେବାଗୁଡ଼ିକ > କର କ୍ରେଡିଟ୍ ଅମେଳ ଉପରେ କ୍ଲିକ୍ କରନ୍ତୁ।
ସୋପାନ 3: କର କ୍ରେଡିଟ୍ ଅମେଳ ପୃଷ୍ଠାରେ, PAN (ଯାହାର ବିବରଣୀ ଆପଣ ଯାଞ୍ଚ କରିବାକୁ ଚାହୁଁଛନ୍ତି) ଭରନ୍ତୁ, ମୂଲ୍ୟାୟନ ବର୍ଷ (ଯାହା ପାଇଁ ଆପଣ ଅମେଳ ବିବରଣୀ ଦେଖିବାକୁ ଚାହୁଁଛନ୍ତି) ଚୟନ କରନ୍ତୁ ଏବଂ ଦାଖଲ କରନ୍ତୁ ଉପରେ କ୍ଲିକ୍ କରନ୍ତୁ।
ସୋପାନ 4: ଚୟନ କରାଯାଇଥିବା PAN ପାଇଁ ଫାଇଲ୍ କରାଯାଇଥିବା ITR ରେ ପ୍ରଦାନ କରାଯାଇଥିବା ଏବଂ ଫର୍ମ 26AS ରେ ପ୍ରତିଫଳିତ ହୋଇଥିବା TDS ଏବଂ/କିମ୍ବା TCS ଏବଂ/କିମ୍ବା ପୈଠ କରାଯାଇଥିବା ଆୟକର (TDS / TCS ବ୍ୟତୀତ ଅନ୍ୟାନ୍ୟ) ବିବରଣୀ ମଧ୍ୟରେ ଥିବା ଅମେଳ ପ୍ରଦର୍ଶିତ ହୁଏ।
ଟିପ୍ପଣୀ:
- ଯଦି ଅମେଳର 10ରୁ ଅଧିକ ରେକର୍ଡ ଥାଏ, ତେବେ ଏହାକୁ (PDF/ XLS ଫର୍ମାଟ୍ରେ) ଡାଉନ୍ଲୋଡ୍ କରିବା ପାଇଁ ଡାଉନ୍ଲୋଡ୍ ଉପରେ କ୍ଲିକ୍ କରନ୍ତୁ।
- ଯଦି ଅମେଳର 10 କିମ୍ବା ତା'ଠାରୁ କମ୍ ରେକର୍ଡ ଥାଏ, ତେବେ ଆପଣ ସେଗୁଡ଼ିକୁ କର କ୍ରେଡିଟ୍ ଅମେଳ ପୃଷ୍ଠାରେ ଦେଖିପାରିବେ। ଡାଉନ୍ଲୋଡ୍ ଉପରେ କ୍ଲିକ୍ କରି ଆପଣ ଏହାକୁ (PDF / XLS ଫର୍ମାଟ୍ରେ) ମଧ୍ୟ ଡାଉନ୍ଲୋଡ୍ କରିପାରିବେ।
4. ସମ୍ପର୍କିତ ବିଷୟଗୁଡ଼ିକ