வருமான வரிப் படிவங்களைத் தாக்கல் செய்யுங்கள்

01.04.2026 அன்றோ அல்லது அதற்குப் பிறகோ புதிய நிரந்தரக் கணக்கு எண் ஒதுக்கீட்டிற்கான விண்ணப்பங்கள், வருமான வரி விதிகள், 2026-இன் கீழ் பரிந்துரைக்கப்பட்டுள்ள புதிய படிவங்களில் தாக்கல் செய்யப்பட வேண்டும்.

31.03.2026 நிலவரப்படி நிலுவையில் உள்ள PAN ஒதுக்கீட்டு விண்ணப்பங்கள் தொடர்ந்து செல்லுபடியாகும். புதிய சட்டத்தின் கீழ் புதிய விண்ணப்பம் எதையும் சமர்ப்பிக்க வேண்டிய தேவையில்லை.

இல்லை. தற்போது நடைமுறையில் உள்ள PAN/TAN எண்கள் தொடர்ந்து செல்லுபடியாகும் மற்றும் வருமான வரிச் சட்டம், 2025-இன் கீழ் தொடர்ந்து செயல்படும். புதிய படிவங்கள் (93, 94, 95, 96, 134 மற்றும் 135) 01.04.2026 அன்றோ அல்லது அதற்குப் பிறகோ தாக்கல் செய்யப்பட வேண்டிய புதிய விண்ணப்பங்களுக்கு மட்டுமே பொருந்தும்.

ஆம். வருமான வரிச் சட்டம், 2025-இன் படி, PAN எண் இல்லாத நபர்கள், படிவம் எண் 97-இல் ஓர் உறுதிமொழிப் படிவத்தைத் தாக்கல் செய்வதன் மூலம் வருமான வரி விதிகள், 2026-இன் விதி 159(2)-இல் குறிப்பிடப்பட்டுள்ள பரிவர்த்தனைகளை மேற்கொள்ளலாம். இவ்வாறாக, புதிய சட்டத்தின் கீழ் உள்ள படிவம் எண் 97, பழைய படிவம் எண் 60-க்கு மாற்றாக அமைகிறது. எனினும், வருமான வரி விதிகள், 1962-இன் விதி 114B மற்றும் 114BA ஆகியவற்றில் குறிப்பிடப்பட்டிருந்த பரிவர்த்தனைகளுடன் ஒப்பிடும்போது, புதிய விதி 159(2)-இல் குறிப்பிடப்பட்டுள்ள பரிவர்த்தனைகளின் வரம்பில் சில மாற்றங்கள் உள்ளன.

ஆம். வருமான வரி விதிகள் 2026-இன் படி, படிவம் எண் 97-இல் உறுதிமொழிப் படிவத்தைப் பெறும் ஒவ்வொரு நபரும் வருமான வரித் துறைக்கு அரையாண்டு அறிக்கை ஒன்றை படிவம் எண் 98-இல் தாக்கல் செய்ய வேண்டும்.

ஒரு வரிசெலுத்துவோரின் மதிப்பிடப்பட்ட மொத்த வருமானம் அதற்கு உகந்ததாக இருக்கும் பட்சத்தில், குறைந்த/பூஜ்ஜிய வரி பிடித்தம் செய்வதற்கான சான்றிதழானது அந்த வரிசெலுத்துவோர் நிர்ணயிக்கப்பட்ட விகிதத்தைவிடக் குறைவான விகிதத்திலோ அல்லது பூஜ்ஜிய விகிதத்திலோ TDS வழிவகை செய்கிறது. வருமான வரிச் சட்டம் 1961-ன் கீழ், இந்த விதிமுறை பிரிவு 197-ல் இடம் பெற்றிருந்தது. வருமான வரிச் சட்டம் 2025-ன் கீழ், இதற்குச் சம்பந்தப்பட்ட விதிமுறைகள் பிரிவு 395(1)-ல் இடம் பெற்றுள்ளன. இதன் முதன்மையான சட்ட விதிமுறைகள் மாறாமல் அப்படியே உள்ளன — அதாவது, தொகையைப் பெறுபவர் மதிப்பீட்டு அதிகாரிக்கு விண்ணப்பிக்கிறார், அவரும் மொத்த வருமானம் அந்த குறைந்த விகிதத்திற்கு உகந்ததுதான் என்பதில் திருப்தியடையும் பட்சத்தில், அதற்கேற்ப சான்றிதழை வழங்குகிறார்.

ஆம். வருமான வரிச் சட்டம், 1961-ன் பிரிவு 197-ன் கீழ் வழங்கப்பட்ட ஒரு சான்றிதழானது, 2026-27 வரி ஆண்டிற்கான மதிப்பிடப்பட்ட பெறத்தக்கத் தொகைக்காகக் குறைந்த/பூஜ்ஜிய வரி பிடித்தம் செய்வதற்காக வழங்கப்பட்டிருக்கும் பட்சத்தில், அது 1 ஏப்ரல் 2026 அன்றோ அல்லது அதற்குப் பின்னரோ செய்யப்படும் கொடுப்பனவுகள்/வரவுகளுக்குச் செல்லுபடியாகும்.

தொகையைப் பெறுபவர் வருமான வரி விதிகள் 2026-ல் நிர்ணயிக்கப்பட்டுள்ளபடி படிவம் எண் 128-ல் விண்ணப்பிக்க வேண்டும். தொகையைப் பெறுபவரின் மொத்த வருமானம் குறைந்த விகிதத்திற்கு அல்லது வரி பிடித்தம் இல்லாத நிலைக்கு உகந்ததுதான் என்பதில் மதிப்பீட்டு அதிகாரி திருப்தியடையும் பட்சத்தில், அதற்கான வரி விகிதம் மற்றும் அது செல்லுபடியாகும் காலத்தைக் குறிப்பிட்டு ஒரு சான்றிதழை வழங்குவார். இந்த விண்ணப்பச் செயல்முறையானது தற்போதைய நடைமுறையைப் போலவே TRACES இணையமுகப்பு அல்லது மின்னணு-தாக்கல் இணையமுகப்பு மூலமாகக் கிடைக்கும்.

1961-ஆம் ஆண்டு சட்டத்தின் சட்டப்பூர்வ கட்டமைப்பின் கீழ், படிவம் 15G மற்றும் படிவம் 15H ஆகியவை தகுதியுள்ள வரிசெலுத்துவோரால் TDS பிடித்தம் செய்ய வேண்டாம் என்று கோரி, தொகையை வழங்குபவரிடம் (வங்கி அல்லது நிதி நிறுவனம் போன்றவற்றிடம்) சமர்ப்பிக்கப்படும் சுய-பிரகடனங்கள் ஆகும்.

வருமான வரிச் சட்டம் 1961-ன் கீழ், படிவங்கள் 15G மற்றும் 15H ஆகியவை பிரிவு 197A-ன் மூலம் நிர்வகிக்கப்பட்டன. வருமான வரிச் சட்டம் 2025-ன் கீழ், இதற்குச் சம்மந்தப்பட்ட விதிமுறை பிரிவு 393(6) ஆகும். இது ஒரு வருமானத்தைப் பெறுபவர், அந்த வரி ஆண்டிற்கான தனது மதிப்பிடப்பட்ட மொத்த வருமானத்தின் மீதான வரி ஏதுமில்லை என ஒரு எழுத்துப்பூர்வமான பிரகடனத்தைச் சமர்ப்பிக்க அனுமதிக்கிறது.

01.04.2026 அல்லது அதற்குப் பிறகு தொடங்கும் வரி ஆண்டிற்காக, வருமான வரி விதிகள், 2026-இன் கீழ் பரிந்துரைக்கப்பட்டுள்ள படிவ எண் 121-இல் இத்தகைய அறிவிப்பு வழங்கப்பட வேண்டும்.

படிவம் 15G ஆனது, நிர்ணயிக்கப்பட்ட வருமான வரம்புகளுக்கு உட்பட்டு, 60 வயதிற்குட்பட்ட குடியுரிமை பெற்ற தனிநபரால் அல்லது பிற தகுதியுள்ள நபர்களால் (நிறுவனங்கள் மற்றும் கூட்டாண்மை நிறுவனங்கள் தவிர்த்து) சமர்ப்பிக்கப்படலாம். படிவம் 15H ஆனது 60 வயது அல்லது அதற்கு மேற்பட்ட குடியுரிமை பெற்ற தனிநபரால் சமர்ப்பிக்கப்படலாம். 2025-ஆம் ஆண்டு சட்டத்தின் பிரிவு 393(6)-ன் கீழும் இந்தத் தகுதி வரம்புகள் எவ்வித மாற்றமுமின்றி அதேபோலவே தொடர்கின்றன.

முந்தைய நடைமுறையின் கீழ், பிரகடனம் செய்பவரின்  PAN மற்றும் வரி ஆண்டு ஆகியவை ஒன்றாகவே இருந்தாலும் பெறப்பட்ட ஒவ்வொரு படிவம் 15G/15H-க்கும் ஒரு தனித்தனி தனித்துவமான அடையாள எண்ணை (UIN) உருவாக்க வேண்டிய கட்டாயம் ஒவ்வொரு பணம் செலுத்துபவருக்கும் அல்லது வரி பிடித்தம் செய்பவருக்கும் இருந்தது. இது ஒரே விவரங்கள் இரட்டிப்பாவதற்கும் கணக்குகளைச் சரிபார்ப்பதில் நடைமுறைச் சிரமங்களுக்கும் வழிவகுத்தது.
மாற்றியமைக்கப்பட்ட புதிய கட்டமைப்பின் கீழ், ஒரு குறிப்பிட்ட வரி ஆண்டிற்கு, ஒவ்வொரு PAN-க்கும் ஓர் ஒற்றை UIN மட்டுமே வருமானவரித்துறையால் ஒதுக்கப்படும். ஒரே வரி செலுத்துவோர் வெவ்வேறு பணம் செலுத்துபவர்களிடம் சமர்ப்பிக்கும் அனைத்து பிரகடனங்களும் இந்த ஒரே ஒரு UIN-உடன் இணைக்கப்படும். இதன் மூலம் ஒருங்கிணைப்பு, எளிமையான கண்காணிப்பு மற்றும் விவரங்கள் இரட்டிப்பாவதைத் தவிர்ப்பது ஆகியவை உறுதி செய்யப்படுகின்றன. பணம் செலுத்துபவர்கள் வருமானவரித்துறையின் இணையமுகப்பிலிருந்து தங்களுக்குரிய UIN-ஐப் பெற்றுக்கொள்வதற்கான ஒரு வசதியும் அவர்களுக்கு வழங்கப்படும்.

முன்பு, வரி செலுத்துவோர் தங்களது தகுதியைத் தீர்மானித்து, படிவம் 15G அல்லது படிவம் 15H ஆகியவற்றுள் ஒன்றைச் சமர்ப்பிக்க வேண்டியிருந்தது. இது சில நேரங்களில் நிச்சயமற்ற தன்மையை ஏற்படுத்தியது. திருத்தப்பட்ட புதிய நடைமுறையானது, இவ்விரண்டு படிவங்களையும் படிவம் 121 என்ற ஒரே ஒருங்கிணைந்த படிவமாக இணைக்கிறது. இதன் மூலம், தெளிவற்ற நிலை நீக்கப்பட்டு
வரி செலுத்துவோர் மற்றும் வரி பிடித்தம் செய்பவர்கள் ஆகிய இருதரப்பினருக்குமான இணக்க நடைமுறை எளிமையாக்கப்பட்டுள்ளது.

வருமான வரிச் சட்டம் 2025-இன் பிரிவு 157, முன்பணமாகவோ அல்லது நிலுவையாகவோ பெறப்படும் சம்பளம், அல்லது பணிக்கொடை அல்லது ஆட்குறைப்பு இழப்பீடு அல்லது ஓய்வூதியத் தொகுப்பு ஆகியவற்றைப் பெறுகின்ற வரி செலுத்துவோருக்கு நிவாரணத்தை வழங்குகிறது. ஒரே நிதியாண்டில் மொத்தமாக வருமானம் குவிவதால் ஏற்படும் அதிக வரிச் சுமையைச் சமன் செய்வதே இதன் நோக்கமாகும். வருமான வரிச் சட்டம் 1961-இன் கீழ், இத்தகைய நிவாரணத்தைக் கோருவதற்கு வரி மதிப்பீட்டாளர் படிவம் 10E-ஐத் தாக்கல் செய்ய வேண்டியிருந்தது. எனினும், வருமான வரிச் சட்டம், 2025-இன் கீழ், இந்த நிவாரணத்தைக் கோருவதற்கு வரி மதிப்பீட்டாளர் இச்சட்டத்தின் பிரிவு 263(1)(c)-இன் கீழ் குறிப்பிடப்பட்டுள்ள குறிப்பிட்ட காலக்கெடுவிற்குள் அல்லது அதற்கு முன்பாக படிவம் எண் 39-ஐத் தாக்கல் செய்ய வேண்டும்.

படிவம் 39 இரண்டு பகுதிகளைக் கொண்டுள்ளது:
(i) பகுதி A — வரி செலுத்துவோரின் அடிப்படை விவரங்கள் மற்றும் நிவாரணம் கோரப்படும் வரி ஆண்டு;
(ii) பகுதி B — சீரான கணக்கீட்டு அட்டவணைகள் மற்றும் தானாகவே கணக்கிடப்படும் நிவாரணத்துடன் கூடிய வரவுகளின் விவரங்கள் (கூடுதல் சம்பளம், பணிக்கொடை, ஆட்குறைப்பு இழப்பீடு, ஓய்வூதியத் தொகுப்பு);

முன்னதாக, வரி செலுத்துவோர் ஒரே வகையான தனிப்பட்ட மற்றும் நிதி சார்ந்த விவரங்களை மீண்டும் மீண்டும் படிவம் எண் 10E-இல் உள்ளிட வேண்டியிருந்தது, இது இணக்கச் சுமையை அதிகரித்ததுடன் அதிக நேரத்தை எடுத்துக்கொண்டது மற்றும் பிழைகளுக்கும் வழிவகுத்தது. தரவுகள் தானாகவே நிரப்பப்படுதல், நிகழ்நேர சரிபார்ப்புகள், தரப்படுத்தப்பட்ட உள்ளீட்டுக் கருவிகள் (கீழிறங்குப் பட்டியல்கள் மற்றும் தேதித் தேர்வுக் கருவிகள்), தரவுத்தள ஒருங்கிணைப்பு, தேர்வுப் பெட்டி அடிப்படையிலான சரிபார்ப்பு போன்ற அம்சங்களைக் கொண்ட ஒரு சிறப்பான, தொழில்நுட்பம் சார்ந்த இடைமுகத்தின் மூலம் படிவம் 39 இந்தப் பிரச்சினைகளுக்குத் தீர்வாக அமைந்துள்ளது. இந்த மேம்பாடுகள் தரவுகள் மீண்டும் மீண்டும் உள்ளிடப்படுவதைக் குறைத்துத் துல்லியத்தை மேம்படுத்துவதோடு இணக்க நடைமுறையையும் எளிமையாக்குகின்றன.

முந்தைய படிவத்தில், 1961 ஆம் ஆண்டு சட்டத்தின் பிரிவு 89(1)-இன் கீழ் மொத்த
வருமானம் மற்றும் வரி நிவாரணத்தைக் கணக்கிடுவதற்கான முறையான கணக்கீட்டு அட்டவணைகள் இருக்கவில்லை. இந்தத் தெளிவின்மை
தகுதியான நிவாரணத் தொகையைத் தீர்மானிக்கும்போது வரி செலுத்துவோருக்குப் பெரும்பாலும் குழப்பத்தை ஏற்படுத்தியது.

இருப்பினும், படிவம் எண் 39-இல் கூடுதல் சம்பளம், பணிக்கொடை, ஓய்வூதியம் மற்றும் பிற தகுதியான நிலுவைகள்/வரவுகள் போன்ற ஒவ்வொரு வகையான  
வரவிற்கும் சீரான கணக்கீட்டு அட்டவணைகளைக் கொண்டுள்ளது. இந்த அட்டவணைகள் சூத்திரங்களையும் முறையான கணக்கீடுகளையும் தெளிவாக சித்தரித்துக் காட்டுவதால், வரி செலுத்துவோரின் உள்ளீடுகளை எளிமையாக்குவதுடன் கணினி அடிப்படையிலான சரிபார்ப்பையும் சாத்தியமாக்குகின்றன. இது மிகச் சிறந்த தெளிவு, வெளிப்படைத்தன்மை மற்றும் தாக்கல் செய்வதற்கான எளிமையை வழங்குகிறது.

மதிப்பீட்டு ஆண்டு (AY) 2026-27 க்கான வருமான வரிவிதிப்பானது வருமான வரிச் சட்டம், 1961-இன் கீழ் நிர்வகிக்கப்படும் என்பதால், பழைய சட்டத்தின் பிரிவு 89-இன் கீழ் எந்தவொரு நிவாரணத்தையும் கோருவதற்கு வரி மதிப்பீட்டாளர் படிவம் 10E-ஐ மட்டுமே தாக்கல் செய்ய வேண்டும். புதிய படிவம் எண் 39 என்பது வருமான வரிச் சட்டம், 2025-இன் கீழ் கோரப்படும் நிவாரணத்திற்கு மட்டுமே பொருந்தும் மற்றும் இது வரி ஆண்டு 2026-27 முதற்கொண்டு நடைமுறைக்கு வரும்.

படிவம் 15CA என்பது பணம் அனுப்புதலின் தன்மை மற்றும் அதற்குப் பொருந்தக்கூடிய TDS குறித்த விவரங்களை வழங்குவதற்காக, பணம் அனுப்புநரால் (குடியுரிமை இல்லாதவருக்குப் பணம் செலுத்தும் நபர்) அளிக்கப்படும் ஒரு சுயபிரகடனமாகும். படிவம் 15CB என்பது பணம் அனுப்புதலின் தன்மை, பொருந்தக்கூடிய DTAA விதிகள் மற்றும் TDS விகிதம் ஆகியவற்றைச் சான்றளித்து ஒரு பட்டயக் கணக்காளரால் வழங்கப்படும் சான்றிதழாகும். பழைய சட்டத்தின் கீழ், இவை வருமான வரிச் சட்டம், 1961-இன் பிரிவு 195(6)-ஆல் நிர்வகிக்கப்பட்டன.
வருமான வரிச் சட்டம் 2025-இன் கீழ், இதற்குச் சம்பந்தப்பட்ட விதிகள் பிரிவு 397(3)(d)-இல் இடம்பெற்றுள்ளன. புதிய சட்டத்தின் கீழ் இதற்குச் சம்பந்தப்பட்ட படிவங்கள் முறையே படிவம் எண் 145 (பழைய படிவம் 15CA-விற்கு இணையானது) மற்றும் படிவம் எண் 146 (பழைய படிவம் எண் 15CB-விற்கு இணையானது) ஆகும்.

ஆம் — 31 மார்ச் 2026-க்கு முன் பணம் அனுப்பியதற்காக ஏற்கனவே சமர்ப்பிக்கப்பட்ட படிவம் 15CA/15CB, புதிய வருமான வரிச் சட்டம் 1 ஏப்ரல் 2026 முதல் நடைமுறைக்கு வந்த பின்னரும் தொடர்ந்து செல்லுபடியாகும். ஆனால், அப்பணம் அனுப்புதல் படிவத்தில் குறிப்பிடப்பட்டுள்ள தேதியிலோ அல்லது அதற்கு முன்னரோ உண்மையில் நிகழ்ந்திருக்க வேண்டும். தற்போதைய நடைமுறையின்படி, தாக்கல் செய்யப்பட்ட படிவம் 15CA/15CB-இல் குறிப்பிடப்பட்டுள்ள பணம் அனுப்புதலுக்கு உத்தேசிக்கப்பட்ட தேதி வரை இப்படிவங்கள் செல்லுபடியாகும். ஏதேனும் காரணத்தினால் அந்த காலவரம்பிற்குள் பணம் அனுப்புதல் நிறைவடையவில்லை எனில், வரி செலுத்துவோர் பணப் பரிவர்த்தனையைச் செய்வதற்கு முன் மீண்டும் புதிய படிவங்களைத் தாக்கல் செய்ய வேண்டியிருக்கும்.

1 ஏப்ரல் 2026 அன்றோ அல்லது அதற்குப் பின்னரோ மேற்கொள்ளப்படும் பணம் அனுப்புதல்களுக்கு வருமான வரிச் சட்டம், 2025-இன் விதிகள் பொருந்தும். வருமான வரி விதிகள், 2026-இன் கீழ் பரிந்துரைக்கப்பட்ட படிவங்களைப் (படிவம் எண் 145 மற்றும் 146) பயன்படுத்த வேண்டியது அவசியமாகும். பணம் அனுப்புதல் பற்றிய விவரங்களை வழங்குதல், பரிந்துரைக்கப்பட்ட வரம்பிற்கு மேல் உள்ள தொகைகளுக்கு CA-வின் சான்றிதழைப் பெறுதல், TDS இணக்கத்தை உறுதி செய்தல் ஆகிய அடிப்படைத் தேவைகள் மாறாமல் அப்படியே இருக்கும்.

படிவம் எண் 145 (படிவம் 15CA-விற்கு இணையானது) என்ற தகவல் படிவத்தையும், படிவம் எண் 146 (படிவம் 15CB-விற்கு இணையானது) என்ற CA சான்றிதழையும் தாக்கல் செய்வதற்கான வரம்புகள் வருமான வரி விதிகள் 2026, விதி 220-இன் கீழ் பரிந்துரைக்கப்பட்டுள்ளன. வருமான வரி விதிகள் 2026, பழைய விதிகளின் கீழ் இருந்த சமமான வரம்புகளையே தக்கவைத்துக் கொண்டுள்ளன.

நடைமுறைச் சார்ந்த தேவைகள் (படிவம் 15CA/CB), பணம் அனுப்பப்படும் தேதியில் நடைமுறையில் உள்ள சட்டத்தின்படி (வருமான வரிச் சட்டம், 2025) நிர்ணயிக்கப்படும். இருப்பினும், அதற்கான அடிப்படை வருமானத்தின் வரிவிதிப்பு, அந்த வருமானம் ஈட்டப்பட்ட ஆண்டிற்குப் பொருந்தும் சட்டத்தின்படி (வருமான வரிச் சட்டம், 1961) நிர்வகிக்கப்படும்.

படிவம் எண் 145 நான்கு பகுதிகளைக் கொண்டுள்ளது:
(i) பகுதி A — பணம் அனுப்புதல் சட்டத்தின் கீழ் வரிவிதிப்புக்கு உட்பட்டதாக இருந்தால் அல்லது அந்த ஆண்டில் மொத்தத் தொகை ரூ. 5 லட்சத்திற்கு மிகாமல் இருந்தால் தாக்கல் செய்யப்பட வேண்டும்;
(ii) பகுதி B — பணம் அனுப்புதல் சட்டத்தின் கீழ் வரிவிதிப்புக்கு உட்பட்டதாக இருந்து, அது ரூ. 5 லட்சத்தைத் தாண்டி, பிரிவு 395(1)/395(2)-ன் கீழ் மதிப்பீட்டு அலுவலரிடமிருந்து சான்றிதழ் பெறப்பட்டிருந்தால் தாக்கல் செய்யப்பட வேண்டும்;
(iii) பகுதி C — பணம் அனுப்புதல் சட்டத்தின் கீழ் வரிவிதிப்புக்கு உட்பட்டதாக இருந்து, அது ரூ. 5 லட்சத்தைத் தாண்டி, CA சான்றிதழ் (படிவம் எண் 146) பெறப்பட்டிருந்தால் தாக்கல் செய்யப்பட வேண்டும்;
(iv) பகுதி D — பணம் அனுப்புதல் சட்டத்தின் கீழ் வரிவிதிப்புக்கு உட்பட்டது அல்ல எனில் தாக்கல் செய்யப்பட வேண்டும் {விதி 220(3)-ல் குறிப்பிடப்பட்டுள்ள கட்டணங்கள் தவிர்த்து}.

முக்கியப் பயன்: புதிய கட்டமைப்பின்கீழ், படிவம் 145-இல் பகுதி B சமர்ப்பிக்கப்பட்டிருந்தால் (AO
சான்றிதழ் பெறப்பட்டிருந்தால்), பகுதி C தேவையில்லை. இது பழைய அமைப்பின்கீழ் இருந்த இரட்டிப்பை
நீக்குகிறது.

ICAI API மூலம் நிகழ்நேர சரிபார்ப்புக்காக UDIN (தனித்துவமான ஆவண அடையாள எண்) அறிமுகப்படுத்தப்பட்டுள்ளது. இது CA-வின் சான்றிதழின் நம்பகத்தன்மையை உறுதி செய்வதோடு, மோசடிகளையும் தடுக்கிறது. உண்மையான படிவம் 146 சமர்ப்பிப்புகள் மட்டுமே ஏற்றுக்கொள்ளப்படுவதால், இது வரி செலுத்துவோர் மற்றும் வருமானவரித்துறை ஆகிய இரு தரப்பினற்கும் பயனளிக்கிறது.

இல்லை. படிவம் 145-இன் பகுதி B-ஐ (AO சான்றிதழுடன்) சமர்ப்பிக்கும் வரி செலுத்துவோர், பட்டய கணக்காளரிடமிருந்து படிவம் 146-ஐப் பெறத் தேவையில்லை. இது பணம் அனுப்புபவர்களுக்கான இணக்கச் சுமையையும் செலவையும் கணிசமாகக் குறைக்கிறது.

வருமான வரிச் சட்டம், 2025-இன் பிரிவு 63 (பழைய சட்டத்தின் பிரிவு 44AB-வுடன் சம்பந்தப்பட்டது) கணக்குகளைத் தணிக்கை செய்வதற்கான தேவையைப் பரிந்துரைக்கிறது. வரித் தணிக்கைக்கான வரம்புகள் பழைய சட்டத்தில் இருந்தவாறே தொடர்கின்றன:
(i) வணிகம்: மொத்த விற்பனை, வருவாய் அல்லது மொத்த ரசீதுகள் ரூ. 1 கோடியைத் தாண்டுதல் (மொத்த ரசீதுகளில் ரொக்கப் பரிவர்த்தனைகள் 5% மிகாமலும் மற்றும் மொத்தக் கொடுப்பனவுகளில் 5%-க்கு மிகாமல் இருக்கும் பட்சத்தில் ரூ. 10 கோடி);
(ii) தொழில்: மொத்த ரசீதுகள் ரூ. 50 லட்சத்தைத் தாண்டுதல்;
(iii) ஊக வரிவிதிப்பிலிருந்து விலகிப் பரிந்துரைக்கப்பட்ட வரம்பிற்குக் கீழே வருமானத்தை அறிவிக்கும் நபர்கள்.

FY 2025-26 (மதிப்பீட்டு ஆண்டு(AY) 2026-27)-க்கான வரித் தணிக்கை அறிக்கை, வருமான வரிச் சட்டம், 1961-இன்கீழ் பரிந்துரைக்கப்பட்டுள்ள நடைமுறையிலுள்ள படிவங்களான — படிவம் 3CA (வேறு சட்டத்தின்கீழ் தணிக்கை செய்யப்படும் நபர்களுக்கு), படிவம் 3CB (மற்ற அனைவருக்கும்) மற்றும் படிவம் 3CD (1961 சட்டத்தின் பிரிவு 44AB-இன்கீழ் விவரங்களின் அறிக்கை) ஆகியவற்றைப் பயன்படுத்தித் தாக்கல் செய்யப்பட வேண்டும். மதிப்பீட்டு ஆண்டு(AY) 2026-27-க்கான வரித் தணிக்கை அறிக்கையைத் தாக்கல் செய்வதற்கான காலக்கெடு 2026 செப்டம்பர் 30 ஆகும்.

2026-27 வரி ஆண்டுக்கான வரித் தணிக்கை அறிக்கை, வருமான வரி விதிகள், 2026-இன் கீழ் பரிந்துரைக்கப்பட்டுள்ள படிவ எண் 26-ஐப் பயன்படுத்தித் தாக்கல் செய்யப்பட வேண்டும். படிவ எண் 26 ஆனது இதற்கு முன் நடைமுறையிலிருந்த படிவ எண் 3CA, படிவம் 3CB மற்றும் படிவம் 3CD ஆகியவற்றை ஒன்றிணைக்கிறது. 2026-27 வரி ஆண்டுக்கான வரித் தணிக்கை அறிக்கையைத் தாக்கல் செய்வதற்கான காலக்கெடு 2027 செப்டம்பர் 30 ஆகும்.

புதிய படிவம் எண் 26-இன் முக்கிய அம்சங்கள் பின்வருமாறு சுருக்கமாக வழங்கப்பட்டுள்ளன:
(i) முன்பிருந்த மூன்று தணிக்கைப் படிவங்களும் (படிவம் எண் 3CA, படிவம் எண் 3CB மற்றும் படிவம் எண் 3CD) கட்டமைக்கப்பட்ட மற்றும் தரப்படுத்தப்பட்ட அறிக்கையிடல் வசதியுடன், ஸ்மார்ட்டான ஒருங்கிணைந்த படிவமாக மாற்றப்பட்டுள்ளன.
(ii) தணிக்கை அறிக்கைக்கும் வருமான வரி அறிக்கைக்கும் இடையே சீரான தன்மையை உறுதி செய்வதற்காக, தணிக்கை விதிகளும் வெளிப்படுத்தல்களும் முறைப்படுத்தப்பட்டு, ITR கட்டமைப்போடு இணக்கமாக்கப்பட்டுள்ளன.
(iii) அனுமதிக்கப்படாத செலவினங்கள் தொடர்பான விதி, விரிவான உருப்படி வாரியான அறிக்கையிடலுக்குப் பதிலாக ஒரே ஒரு ஒருங்கிணைந்த வெளிப்படுத்தலாக எளிமையாக்கப்பட்டுள்ளது.
(iv) கூடுதல் வெளிப்படைத்தன்மைக்காக, அட்டவணை - நஷ்டங்கள், தேய்மானம் மற்றும் கழிவுகள், அட்டவணை - முந்தைய காலம், அட்டவணை - ரசீது/வருமானக் கணக்கீடு, அட்டவணை - செலவினக் கணக்கீடு போன்ற தனித்தனி அட்டவணை வடிவங்கள் சேர்க்கப்பட்டுள்ளன.
(v) தணிக்கையாளரின் உறுப்பினர் எண், நிறுவனப் பதிவு எண்
மற்றும் UDIN ஆகியவற்றைக் குறிப்பிடுவது கட்டாயமாக்கப்பட்டுள்ளது. லாப நட்டக் கணக்கில் கொண்டுவரப்படாத மூலதன ரசீதுகள் மற்றும் கருதப்படும் வருமானங்களை அறிக்கை செய்வதற்காகப் பிரத்யேகப் புலங்கள் அறிமுகப்படுத்தப்பட்டுள்ளன.

வருமான வரிச் சட்டம் 2025, பிரிவு 536 (2) (j)-இன் விதிகளின்படி, வருமான வரிச் சட்டம் 1961-இன் கீழ் வழங்கப்பட்ட எந்தவொரு ஒப்புதலும் அல்லது அங்கீகாரமும் புதிய 2025 ஆம் ஆண்டு சட்டத்தின் தொடர்புடைய விதிகளுக்கு முரணாக இல்லாதவரை தொடர்ந்து நடைமுறையில் இருக்கும். எனவே, பழைய சட்டத்தின் கீழ் ஓர் அறக்கட்டளை நிறுவனத்திற்கு வழங்கப்பட்ட தற்காலிக ஒப்புதலானது, புதிய சட்டம் 01.04.2026 அன்று நடைமுறைக்கு வருகிறது என்ற காரணத்திற்காக மட்டுமே செல்லாததாகிவிடாது.

01.04.2026 அன்று அல்லது அதற்குப் பிறகு புதிதாகத் தாக்கல் செய்யப்படும் அனைத்து விண்ணப்பங்களும் வருமான வரிச் சட்டம் 2025-இன் விதிகளுக்கு உட்பட்டதாக இருக்கும். எனவே, 01.04.2026-க்குப் பிறகு, எந்தவொரு அறக்கட்டளை நிறுவனமும் தனது விண்ணப்பத்தைப் படிவம் எண் 104-இல் (முந்தைய படிவம் எண் 10A-க்கு இணையானது) தாக்கல் செய்ய வேண்டும்.

பிரிவு 536(2)(e)-இன் விதிகளின்படி, அத்தகைய விண்ணப்பங்கள் அனைத்தும் வருமான வரிச் சட்டம், 1961-இன் விதிகளின் கீழேயே பரிசீலித்து முடிக்கப்படும். எனவே, புதிய சட்டம் 01.04.2026 அன்று நடைமுறைக்கு வருகிறது என்ற காரணத்திற்காக மட்டுமே புதிய விண்ணப்பத்தை மீண்டும் தாக்கல் செய்ய வேண்டிய அவசியமில்லை.

புதிய படிவம் எண் 104-இன் முக்கிய அம்சங்கள் பின்வருமாறு சுருக்கமாகக் கூறப்பட்டுள்ளன:
(i) படிவம் எண் 104 ஒட்டுமொத்தமாகப் பெருமளவில் எளிமையாக்கப்பட்டு, அதன் நீளமும் கணிசமாகக் குறைக்கப்பட்டுள்ளது.
(ii) சொத்துக்கள் மற்றும் பொறுப்புகள் பற்றிய விவரங்கள் முதன்மைப் படிவத்திலிருந்து நீக்கப்பட்டுள்ளன. விண்ணப்பதாரர் தனது வருமான வரி அறிக்கையைத் தாக்கல் செய்யாத பட்சத்தில் மட்டுமே தற்போது அவ்விவரங்களைப் பதிவேற்ற வேண்டும்.
(iii) கடந்த மூன்று வரி ஆண்டுகளுக்கான மொத்த வருமானத்தின் விவரப்பிரிப்பு மற்றும் சமயச் செலவினங்களின் விவரங்களை வழங்க வேண்டும் என்ற கட்டாயம் இந்தப் படிவத்திலிருந்து முற்றிலும் நீக்கப்பட்டுள்ளது.

ஆம். இம்மாற்றுக் காலத்தில், மின்னணுத் தாக்கல் இணையமுகப்பானது பழைய படிவங்கள் (மதிப்பீட்டு ஆண்டு (AY) 2026-27 மற்றும் அதற்கு முந்தையவை) மற்றும் புதிய படிவங்கள் (வரி ஆண்டு 2026-27 முதல்) ஆகிய இரண்டையும் ஒரே நேரத்தில் ஆதரிப்பதை உறுதி செய்ய அரசு தகுந்த நடவடிக்கைகளை எடுத்து வருகிறது. வரி செலுத்துவோர் சரியான ஆண்டை (AY அல்லது TY) தேர்ந்தெடுப்பதை உறுதி செய்ய வேண்டும். அதற்கேற்ப இணையமுகப்பு அவர்களைச் சரியான படிவத்திற்கு வழிநடத்தும்.