உங்களுடைய JAO-ஐ அறிந்துகொள்ளுங்கள் பயனர் கையேடு

1. மேலோட்டப்பார்வை

உங்களுடைய JAO-ஐ அறிந்துகொள்ளுங்கள் சேவை, செல்லுபடியாகும் PAN எண் கொண்ட வரி செலுத்துவோருக்கானது. (மின்னணு-தாக்கல் இணைய முகப்பில் பதிவு செய்தவர்கள் அல்லது பதிவு செய்யாதவர்கள்). இந்தச் சேவையைப் பயன்படுத்தி, குறிப்பிட்ட PAN எண்ணுக்குரிய அதிகார வரம்பு மதிப்பீட்டு அதிகாரி (JAO) குறித்த விவரங்களை நீங்கள் தெரிந்துகொள்ளலாம். இந்தச் சேவையைப் பெற, நீங்கள் மின்னணு-தாக்கல் இணைய முகப்பில் உள்நுழைய வேண்டிய அவசியமில்லை.

2. இந்தச் சேவையைப் பெறுவதற்கான முன்தேவைகள்

செல்லுபடியாகும் PAN
செல்லுபடியாகும் அலைபேசி எண்

3. படிப்படியான வழிகாட்டி

படிநிலை 1: மின்னணு-தாக்கல் இணைய முகப்பின் பக்கத்திற்குச் சென்று, ‘உங்கள் JAO-வை அறியவும்’ என்பதைக் கிளிக் செய்யவும்.

படிநிலை 2: ‘உங்கள் அதிகார வரம்பிற்குட்பட்ட மதிப்பீட்டு அலுவலரை அறிய’ பக்கத்தில், உங்கள் PAN மற்றும் செல்லுபடியாகும் அலைபேசி எண்ணை உள்ளிட்டு ‘தொடரவும்’ என்பதைக் கிளிக் செய்யவும்.

படிநிலை 3: படிநிலை 2-இல் நீங்கள் உள்ளிட்ட அலைபேசி எண்ணுக்கு 6 இலக்க OTP அனுப்பப்படும். OTP-ஐ உள்ளிட்டு,‘சரிபார்க்கவும்’ என்பதைக் கிளிக் செய்யவும்.

குறிப்பு:

OTP 15 நிமிடங்களுக்கு மட்டுமே செல்லுபடியாகும்.
சரியான OTP-ஐ உள்ளிட நீங்கள் அதிகபட்சம் 3 முறை முயற்சி செய்யலாம்.
திரையில் காட்டப்படும் OTP காலாவதி கவுண்ட்டவுன் டைமர், OTP எப்போது காலாவதியாகும் என்பதை உங்களுக்குத் தெரிவிக்கும்.
OTPஐ மீண்டும் அனுப்பவும் என்பதைக் கிளிக் செய்தவுடன், புதிய OTP உருவாக்கப்பட்டு உங்களுக்கு அனுப்பி வைக்கப்படும்.

OTP வெற்றிகரமாகச் சரிபார்க்கப்பட்டதும், உங்கள் PAN-இன் நிலையைப் பொறுத்து அதிகார வரம்பு மதிப்பீட்டு அலுவலர் விவரங்கள் (உதாரணமாக பகுதி குறியீடு, AO வகை,வரம்பு குறியீடு, AO எண், அதிகார வரம்பு, முகவரி மற்றும் JAO-வின் மின்னஞ்சல் ID) திரையில் காண்பிக்கப்படும்.