நஷ்டங்களை ஈடுகட்டுதல்/அடுத்தஆண்டுக்குக் கொண்டு செல்லுதல்

ஆம். இந்த நிலைப்பாடு, 2025 ஆம் ஆண்டு வருமான வரிச் சட்டத்தின் பிரிவு 536-இல் உள்ள நீக்கம் மற்றும் சேமிப்பு விதியின் கீழ் மிகத் தெளிவாக விளக்கப்பட்டுள்ளது. பிரிவு 536(2)-இன் உட்பிரிவுகள் (m) மற்றும் (n), 2026 ஏப்ரல் 1-க்கு முன் தொடங்கும் வரி ஆண்டுகளுக்குரிய முன்னெடுத்து வரப்பட்ட நட்டங்கள், நீக்கப்பட்ட பழைய சட்டத்தின் அதற்கு இணையான விதிகளில் வழங்கப்பட்டுள்ள நடைமுறையின்படியே புதிய சட்டத்தின் கீழும் தொடர்ந்து முன்னெடுத்துச் செல்லப்பட்டு நேர்செய்யப்படும் என்று திட்டவட்டமாகக் குறிப்பிடுகின்றன.
உதாரணம்: (1961 ஆம் ஆண்டு வருமான வரிச் சட்டத்தின் கீழ், AY 2023-24)-இல் ஏற்பட்ட தகுதிவாய்ந்த வணிக நட்டத்தை, புதிய 2025 ஆம் ஆண்டு வருமான வரிச் சட்டத்தின் கீழ் தொடர்ந்து முன்னெடுத்துச் செல்ல முடியும்; ஆனால், அவ்வாறு முன்னெடுத்துச் செல்லும் மொத்தக் கால அளவு, AY 2023-24 இலிருந்து கணக்கிடப்படும் அசல் எட்டாண்டுக் கால வரம்பை தாண்டக் கூடாது.

ஆம். 2026 ஏப்ரல் 1-க்கு முந்தைய ஆண்டுகளிலிருந்து கொண்டு வரப்பட்ட வீட்டுச் சொத்து வாயிலாக ஏற்பட்ட நட்டம், பழைய சட்டத்தின் பிரிவு 71B-இல் விவரிக்கப்பட்டுள்ள அதே முறையில், புதிய சட்டத்தின் கீழும் சரி செய்யவும் மற்றும் அடுத்தடுத்த ஆண்டுகளுக்குக் கொண்டு செல்லவும் முடியும்.
உதாரணமாக, திருமதி. R அவர்களுக்கு 2024-25 AY-இல் வீட்டுச் சொத்து வாயிலாக நட்டம் ஏற்பட்டிருந்தால், அந்த நட்டத்தைப் புதிய சட்டத்தின் கீழ் வரும் பிந்தைய ஆண்டுகளில், வீட்டுச் சொத்து வாயிலாகக் கிடைக்கும் வருமானத்திற்கு எதிராகச் சரிக்கட்ட முடியும்.

ஆம். 2026 ஏப்ரல் 1-க்கு முந்தைய ஆண்டுகளிலிருந்து கொண்டு வரப்பட்ட வணிக நட்டங்களை, பழைய சட்டத்தின் பிரிவு 72-இல் வழங்கப்பட்டுள்ள அதே முறையில், புதிய சட்டத்தின் கீழும் வணிக வருமானத்திற்கு எதிராக மட்டுமே சரி செய்யவும் மற்றும் அடுத்தடுத்த ஆண்டுகளுக்குக் கொண்டு செல்லவும் முடியும். 
உதாரணமாக, ஒரு வரிசெலுத்துபவருக்கு 2023-24 AY-இல் ஏற்பட்ட வணிக நட்டத்தை, நிர்ணயிக்கப்பட்ட நிபந்தனைகளை நிறைவு செய்வதற்கு உட்பட்டு, புதிய சட்டத்தின் கீழ் 2026-27 வரி ஆண்டிற்கான அவரது வணிக வருமானத்திற்கு எதிராகப் பூர்த்தி செய்ய முடியும்.

அவை புதிய சட்டத்தின் கீழ் கணக்கிடப்படும் மூலதன ஆதாயங்களுக்கு எதிராகக் கொண்டு செல்லப்பட்டு சரி செய்யப்படலாம்; ஆனால், பழைய சட்டம் அனுமதித்த அதே முறையில் மட்டுமே இது அனுமதிக்கப்படும்.
உதாரணமாக, ஒரு வரிசெலுத்துபவருக்கு 2024-25 AY -இல் ஏற்பட்ட நீண்ட கால மூலதன நட்டத்தை, பழைய சட்டத்தில் நிர்ணயிக்கப்பட்டுள்ள நிபந்தனைகளைப் பின்பற்றி, பிந்தைய ஆண்டுகளில் அவருக்குக் கிடைக்கும் நீண்ட கால மூலதன ஆதாயங்களுக்கு எதிராக மட்டுமே சரி செய்யப் பயன்படுத்த முடியும்.

1961 ஆம் ஆண்டு வருமான வரிச் சட்டத்தின் பிரிவு 72A-இன் கீழ் நிர்ணயிக்கப்பட்ட சட்டப்பூர்வ நிபந்தனைகள் — அதாவது வணிகத்தைத் தொடர்ந்து நடத்துதல் அல்லது சொத்துக்களைக் குறிப்பிட்ட அளவு பராமரித்தல் போன்றவை — 2026 ஏப்ரல் 1 அன்றோ அல்லது அதற்குப் பிறகோ தொடங்கும் ஒரு வரி ஆண்டில் (உதாரணமாக நிதி ஆண்டு 2026-27 இல்) மீறப்பட்டால், அந்த விதிமீறலின் விளைவுகள் 2025 ஆம் ஆண்டு வருமான வரிச் சட்டத்தின் பிரிவு 536(2)(o)-இன் படி தீர்மானிக்கப்படும். இப்பிரிவு குறிப்பாக என்ன கூறுகிறது என்றால், 2026 ஏப்ரல் 1-க்கு முன்னர்ப் பழைய சட்டத்தின் பிரிவு 72A-இன் கீழ் ஏதேனும் நட்டங்களை சரி செய்தலோ அல்லது தேய்மானச் சலுகையைப் பெற்றிருப்பதோ செய்யப்பட்டு, அதற்குரிய நிபந்தனைகள் பின்னாளில் பின்பற்றப்படாமல் போல், அவ்வாறு ஈடு செய்யப்பட்ட தொகை முழுவதும், விதிமீறல் நடந்த அந்த வரி ஆண்டில் இணைக்கப்பட்ட (அல்லது பின்வந்த) நிறுவனத்தின் வருமானமாகக் கருதப்படும். அதன்படி, 2026-27 வரி ஆண்டில் உருவாகும் இந்தக் கருதப்படும் வருமானமானது, 2025 ஆம் ஆண்டு வருமான வரிச் சட்டத்தின் கீழ் வரிவிதிப்புக்கு உள்ளாக்கப்படும்.

2025 ஆம் ஆண்டு வருமான வரிச் சட்டமானது, 1961 ஆம் ஆண்டு வருமான வரிச் சட்டத்தின் கீழ் நிர்ணயிக்கப்பட்ட நட்டங்களை வேறு வருமானத் தலைப்புகளுக்குள் வகைமாற்றம் செய்யவில்லை. பிரிவு 536 (ரத்து மற்றும் சேமிப்பு விதி) அத்தகைய நட்டங்களின் அசல் தன்மையை மிகத் தெளிவாகப் பாதுகாக்கிறது. பிரிவுகள் 536(2)(m) மற்றும் (n)-இன் கீழ், நட்டங்கள் தங்களின் அசல் தன்மையை — அதாவது வணிக நட்டம், ஊக வணிக நட்டம், மூலதன நட்டம் போன்ற தன்மைகளை — அப்படியே தக்கவைத்துக் கொள்கின்றன. மேலும் அவை நீக்கப்பட்ட பழைய சட்டத்தின் தொடர்புடைய விதிகளின்படியே அடுத்தடுத்த ஆண்டுகளுக்குக் கொண்டு செல்லப்பட்டு சரிசெய்யப்படுகின்றன. எனவே, பழைய ரத்துக்கள் புதிய சட்டத்தில் மாற்றப்படவோ அல்லது மறு - வகைப்படுத்தப்படவோ இல்லை. அவற்றைக் கொண்டு செல்லும் மற்றும் சரி செய்யும் நடைமுறை மட்டுமே 2025 ஆம் ஆண்டுச் சட்டத்தின் தொடர்புடைய தலைப்பின் கீழ் தொடர்ந்து அனுமதிக்கப்படுகிறது.

இல்லை. 2024-25 AY-யைக்கான நட்டக் கணக்குத் தாக்கல் காலதாமதமாகச் செய்யப்பட்டிருந்து, அது 1961 ஆம் ஆண்டு வருமான வரிச் சட்டத்தின் பிரிவு 80 உடன் இணைத்துப் படிக்கப்படும் பிரிவு 139(3)-இன் நிபந்தனைகளைப் பூர்த்திச் செய்யவில்லை எனில், அந்த நட்டத்தை அடுத்தடுத்த ஆண்டுகளுக்குக் கொண்டு செல்ல முடியாது. குறிப்பிட்ட அந்த வரி ஆண்டு 2026 ஏப்ரல் 1-க்கு முன் வருவதால், அதை அடுத்தடுத்த ஆண்டுகளுக்குக் கொண்டு செல்வதற்கான தகுதி பழைய சட்டத்தின் வாயிலாக மட்டுமே தீர்மானிக்கப்படும். 2025 ஆம் ஆண்டு வருமான வரிச் சட்டத்தின் பிரிவு 536-இல் உள்ள ரத்து மற்றும் சேமிப்பு விதி, சட்டப்பூர்வமாகச் சரியாக நிர்ணயிக்கப்பட்ட நட்டங்களை மட்டுமே பாதுகாக்கிறது; மாறாக, முந்தைய தவறுகளைச் சரிசெய்யவோ அல்லது தகுதியற்ற கோரிக்கைகளுக்கு மீண்டும் உயிர் கொடுக்கவோ செய்யாது. எனவே, 1961 ஆம் ஆண்டுச் சட்டத்தின் கீழ் அடுத்தடுத்த ஆண்டுகளுக்குக் கொண்டு செல்ல தகுதியற்ற நட்டங்களை, 2025 ஆம் ஆண்டுச் சட்டத்தின் கீழும் கொண்டு செல்ல முடியாது.

இல்லை. இந்தக்கட்டுப்பாடு கொள்கை அளவில் மாறாமல் அப்படியே உள்ளது. 1961 ஆம் ஆண்டு வருமான வரிச் சட்டத்தின் பிரிவு 79A-ஐப் போலவே, 2025 ஆம் ஆண்டு வருமான வரிச் சட்டத்தின் பிரிவு 120-உம், ஒரு வரிசெலுத்துபவருக்கு நடத்தப்படும் சோதனை, கோரிக்கை ஆவணப் பறிமுதல் அல்லது ஆய்வு நடவடிக்கைகளின் விளைவாக அவரது மொத்த வருமானத்தில் சேர்க்கப்படும் கணக்கில் காட்டப்படாத வருமானத்திற்கு எதிராக, முந்தைய ஆண்டுகளில் இருந்து கொண்டு வரப்பட்ட நட்டங்களையோ அல்லது சரி செய்யப்படாத தேய்மானங்களையோ சரிக்கட்டுவதைத் தடை செய்கிறது.

இல்லை. 2025 ஆம் ஆண்டு வருமான வரிச் சட்டத்தின் பிரிவு 123, தனிநபர்கள் அல்லது HUF குறிப்பிட்ட சேமிப்புத் திட்டங்களுக்காக வழங்கப்பட்டு வந்த மொத்த தள்ளுபடி வரம்பான ₹1.5 லட்சத்தை அப்படியே தக்கவைத்துள்ளது. இது வடிவமைப்பு ரீதியாக 1961 ஆம் ஆண்டு வருமான வரிச் சட்டத்தின் பிரிவு 80CCE உடன் இணைத்துப் படிக்கப்படும் பிரிவு 80C-ஐப் போன்றதே ஆகும். தற்போது இதற்குத் தகுதியான சேமிப்புத் திட்டங்கள் அட்டவணை XV-இல் சேர்க்கப்பட்டுள்ளன; இருப்பினும், ஆயுள் காப்பீடு, வருங்கால வைப்பு நிதி, கல்விக் கட்டணம் போன்ற தகுதிவாய்ந்த கட்டணங்களின் அசல் தன்மை சாராம்சத்தில் எந்த மாற்றமும் இன்றி அப்படியே தொடர்கிறது.

இல்லை. பிரிவு 202-இன் கீழ் வரும் புதிய சலுகை வரி விதிப்பு முறையைத் தேர்ந்தெடுக்கும் வரிசெலுத்துபவருக்கு, இந்தச் சட்டத்தின் பிரிவு 123-இன் படியான கழிவு அனுமதிக்கப்படாது.

ஆம். 2025 ஆம் ஆண்டு வருமான வரிச் சட்டத்தின் அத்தியாயம் VIII-இன் பகுதி C-இன் கீழ் கழிவுகளைக் கோருவதற்கு, வருமான வரிச் கணக்கை நிர்ணயிக்கப்பட்ட காலக்கெடுவுக்குள் தாக்கல் செய்வது சட்டப்படியான ஒரு முன்தேவையாகும் என்று புதிய சட்டத்தின் பிரிவு 122(5) குறிப்பிடுகிறது. இது, பழைய சட்டத்தின் பிரிவு 80AC-இல் முன்பு பிரதிபலித்த சட்டமியற்றல் கொள்கையையே இப்போதும் தொடர்கிறது; அதாவது, கழிவுப் பலன்களைப் பெறுவதற்கு வருமான வரிச் கணக்கைக் காலக்கெடுவுக்குள் தாக்கல் செய்வது இன்றியமையாத ஒன்றாகும்.

ஆம், ஆனால் அது மீதமுள்ள காலத்திற்கு மற்றும் 1961 ஆம் ஆண்டு வருமான வரிச் சட்டத்தின் அசல் விதிகளில் வழங்கப்பட்டுள்ள நடைமுறையின்படி மட்டுமே அனுமதிக்கப்படும். 2025 ஆம் ஆண்டு வருமான வரிச் சட்டமானது, குறிப்பிட்ட இடைக்கால விதிகளையும் (எ.கா. பிரிவுகள் 138, 139, 141, 142 போன்றவை) உள்ளடக்கியுள்ளது. பழைய 1961 ஆம் ஆண்டுச் சட்டம் நீக்கப்படாமல் இருந்திருந்தால், எந்தவொரு தகுதிவாய்ந்த வணிக நிறுவனத்திற்கு கழிவைப் பெறத் தகுதி நீடித்திருக்குமோ, அந்த நிறுவனங்கள் புதிய சட்டத்தின் கீழும் கழிவுகளைத் தொடர்ந்து பெற இந்த இடைக்கால விதிகள் அனுமதிக்கின்றன. இந்தக் கழிவானது புதிய சட்டத்தின் கீழ் புதிதாக வழங்கப்படவில்லை; மாறாக, பழைய சட்டத்தின் ஒரு தொடர்ச்சியாகவே அனுமதிக்கப்படுகிறது.
இந்தத் தொடர்ச்சியானது மிகக் கடுமையான காலவரையறைக்கு உட்பட்டது. 1961 ஆம் ஆண்டு வருமான வரிச் சட்டத்தின் கீழ், ஒரு கழிவு தொடர்ந்து பத்து ஆண்டுகளுக்குக் கிடைக்கப் பெற்றிருந்தால், அந்த வரிசெலுத்துபவர் பழைய சட்டத்தின் கீழ் எவ்வாறு கோரியிருப்பாரோ அவ்வாறே 2026 ஏப்ரல் 1-க்குப் பிறகும் மீதமுள்ள ஆண்டுகளுக்கான கழிவைக் கோரலாம்; ஆனால், சட்டப்பூர்வமாக நிர்ணயிக்கப்பட்ட அந்தக் கால வரம்பிற்கு அப்பால் அந்தச் சலுகையை நீட்டிக்க முடியாது.

இந்தக் குறிப்பிட்ட சிக்கலானது, 2025 ஆம் ஆண்டு வருமான வரிச் சட்டத்தின் பிரிவு 536(2)(h)-இன் (நீக்கம் மற்றும் சேமிப்பு) கீழ் பிரத்தியேகமாக நிர்வகிக்கப்படுகிறது. இப்பிரிவு என்ன கூறுகிறது என்றால், நீக்கப்பட்ட பழைய சட்டத்தின்படி ஏதேனும் ஒரு தொகை, நிபந்தனை மீறலின் போது மொத்த வருமானத்தில் சேர்க்கப்பட வேண்டும் என்று இருந்திருந்தால், அதே தொகையானது அந்த விதிமீறல் நடக்கும் வரி ஆண்டிற்கான வரிசெலுத்துபவரின் வருமானமாகக் கருதப்படும்; மேலும், அது நீக்கப்பட்ட பழைய சட்டத்தின் கீழ் எந்த வருமானத் தலைப்பின் கீழ் சேர்க்கப்பட்டிருக்குமோ, அதே தலைப்பின் கீழேயே புதிய சட்டத்திலும் சேர்க்கப்படும்.

ஆம். 2025 ஆம் ஆண்டு வருமான வரிச் சட்டத்தின் பிரிவு 536(2)(c), இந்தச் சட்டம் நடைமுறைக்கு வரும் தேதியில் நிலுவையில் உள்ள அல்லது அதற்கடுத்ததாக 2026 ஏப்ரல் 1-க்கு முன் தொடங்கும் வரி ஆண்டுகளுக்குரிய, அனைத்து நடவடிக்கைகளும் நீக்கப்பட்ட பழைய சட்டத்தின் விதிகளின்படியே தொடர்ந்து நிர்வகிக்கப்படும் என்று மிகத் தெளிவாகக் கூறுகிறது. இதில் வரி மதிப்பீடு, மறு-மதிப்பீடு, திருத்தம், மறுஆய்வு, அபராத நடவடிக்கைகள் மற்றும் மேல்முறையீட்டு நடவடிக்கைகள் ஆகிய அனைத்தும் அடங்கும். இதன்படி, பிரிவு 80P அல்லது 80-IA இன் கீழான கழிவுகள் மறுக்கப்பட்டதற்கு எதிரான மேல்முறையீடு ஏதேனும் நிலுவையில் இருந்தால், அந்த விவகாரம் 1961 ஆம் ஆண்டு வருமான வரிச் சட்டத்தின் கீழ் மட்டுமே முடிவு செய்யப்படும். அதேபோல், அத்தியாயம் VI-A இன் கீழ் ஒரு கழிவு தவறாக அனுமதிக்கப்பட்டிருந்தால், பழைய சட்டம் நீக்கப்பட்டிருந்தாலும் கூட, அதே 1961 ஆம் ஆண்டு வருமான வரிச் சட்டத்தின் விதிகளின் கீழ் மறு-மதிப்பீட்டு நடவடிக்கைகளை இன்னும் தொடங்க முடியும்.

ஆம். இது 2025 ஆம் ஆண்டு வருமான வரிச் சட்டத்தின் பிரிவு 142-க்கு உட்பட்டது; இப்பிரிவானது, 1961 ஆம் ஆண்டுச் சட்டத்தின் பிரிவு 80-IBA நீக்கப்படாததைப் போன்றே, அதன் கீழ் அனுமதிக்கப்பட்டிருக்க வேண்டிய வரி ஆண்டுகளுக்கான கழிவை வழங்க அனுமதிக்கிறது. இதன்படி, ஒரு வீட்டு வசதித் திட்டம் 1961 ஆம் ஆண்டு வருமான வரிச் சட்டத்தின் பிரிவு 80-IBA-இன் கீழ் முறையாகத் தகுதி பெற்றிருந்தால், அதற்கான அசல் விதியின் அனைத்து நிபந்தனைகளும் தொடர்ந்து பூர்த்திச் செய்யப்படும் பட்சத்தில், மீதமுள்ள காலத்திற்கும் அந்தக் கழிவு தொடர்ந்து கிடைக்கப் பெறும். இதற்கான கணக்கீடும் தகுதியும் நீக்கப்பட்ட பழைய சட்டத்தின் கட்டமைப்பாலேயே தொடர்ந்து நிர்வகிக்கப்படும், ஆனால் கழிவானது 2025 ஆம் ஆண்டு வருமான வரிச் சட்டத்தின் பிரிவு 142-இன் கீழ் வழங்கப்படும்

ஆம். இது 2025 ஆம் ஆண்டு வருமான வரிச் சட்டத்தின் பிரிவு 536(2)(f)-க்கு உட்பட்டது. இப்பிரிவானது, நீக்கப்பட்ட 1961 ஆம் ஆண்டு வருமான வரிச் சட்டத்தின் கீழ் பயன்படுத்தப்பட்டு, 2025 ஆம் ஆண்டு வருமான வரிச் சட்டம் நடைமுறைக்கு வருவதற்குத் தொட்டு முன்பு வரை அமலில் இருந்த எந்தவொரு விருப்பத் தேர்வு அல்லது பிரகடனமும், புதிய சட்டத்தின் அதற்கு இணையான விதியின் கீழ் பயன்படுத்தப்பட்டதாகவே கருதப்படும் என்று கூறுகிறது. இதன் வாயிலாக, புதிய சட்டத்தில் அதற்கு இணையான அல்லது ஒப்பிடக்கூடிய விதி இருக்கும் பட்சத்தில், அதன் தொடர்ச்சி பாதுகாக்கப்படுகிறது. 
இருப்பினும், 2025 ஆம் ஆண்டு வருமான வரிச் சட்டத்தில் அதற்கு இணையான ஒரு விதி இல்லாதபட்சத்தில், பழைய சட்டத்தின் கீழ் அளிக்கப்பட்ட விருப்பத் தேர்வு, காப்பு விதியால் பாதுகாக்கப்பட்ட வரம்பிற்கு அப்பால் சுதந்திரமாகச் செல்லுபடியாகாது. புதிய சட்டத்தில் அதற்கு இணையான ஒரு சட்டக் கட்டமைப்பு எந்த அளவிற்கு இருக்கிறதோ, அந்த அளவிற்கு மட்டுமே இந்தச் சட்டரீதியான அனுமானம் செயல்படும்.

ஆம். 2026 ஏப்ரல் 1 அன்றோ அல்லது அதற்குப் பிறகோ தொடங்கும் வரி ஆண்டுகளுக்கு, பிடித்தமானது 1961 ஆம் ஆண்டு வருமான வரிச் சட்டத்திலிருந்து பாதுகாக்கப்பட்டிருந்தாலும், வணிக வருமானமானது 2025 ஆம் ஆண்டு வருமான வரிச் சட்டத்தின் கீழ்தான் கணக்கிடப்படும். பிடித்தம்ப் பெறுவதற்கான தகுதி பழைய சட்டத்தின் பாதுகாக்கப்பட்ட விதிகளிலிருந்து வந்தாலும், தகுதிபெறும் லாபத்தின் அளவு புதிய சட்டத்தின் கணக்கீட்டு முறையின்படியே தீர்மானிக்கப்படும். சுருக்கமாகச் சொன்னால், பித்தம் கோருவதற்கான உரிமை பழைய சட்ட முறையிலிருந்து வரலாம், ஆனால் அது கணக்கிடப்படும் லாப விவரம் புதிய சட்ட முறையின் மூலமே வரும்.
உதாரணமாக: (1961 ஆம் ஆண்டு வருமான வரிச் சட்டத்தின்) பிரிவு 80-IA-இன் கீழ் தகுதிபெற்ற ஒரு நிறுவனத்திற்கு, 01.04.2026-க்குப் பிறகு இரண்டு ஆண்டுகளுக்கான பிடித்த்ம் மீதமுள்ளது என வைத்துக்கொள்வோம். 2027-28 FY-ற்கான அதன் வணிக வருமானம், 2025 ஆம் ஆண்டு வருமான வரிச் சட்டத்தின் கீழ்தான் கணக்கிடப்படும். புதிய சட்டத்தின் கீழ் மறுகணக்கீடு செய்யப்பட்ட வணிக லாபம், பழைய சட்டத்தின்படி வரும் ரூ. 8.5 கோடிக்கு பதிலாக ரூ. 8 கோடியாக இருந்தால், அந்தத் தள்ளுபடியானது ரூ. 8 கோடிக்குத்தான் பொருந்துமே தவிர, ரூ. 8.5 கோடிக்கு அல்ல.

ஆம், ஆனால் புதிய சரிபார்ப்பின் போது அந்த நிறுவனம், 2025 ஆம் ஆண்டு வருமான வரிச் சட்டத்தின் கீழ் உள்ள தகுதி நிபந்தனைகளைத் சுயாதீனமாகப் பூர்த்திச் செய்தால் மட்டுமே இது சாத்தியமாகும். புதிய சட்டத்தில் அதற்கு இணையான அல்லது ஒத்த பிடித்தம் செய்தல் விதி இருக்கும் பட்சத்தில், வரிசெலுத்துபவரின் கோரிக்கை 2025 ஆம் ஆண்டு வருமான வரிச் சட்டத்தின் நிபந்தனைகளின் கீழ் பரிசீலிக்கப்படும். அத்தகைய சூழ்நிலையில், இக்கோரிக்கை பழைய உரிமையின் தொடர்ச்சியாகக் கருதப்படாது; மாறாக, இது புதிய சட்டத்தின் கீழ் கோரப்படும் ஒரு புதிய கோரிக்கையாகவே கருதப்படும். அந்த நிறுவனம், சம்பந்தப்பட்ட வரி ஆண்டிற்கான 2025 ஆம் ஆண்டு வருமான வரிச் சட்டத்தில் கோரப்பட்டுள்ள அனைத்து நிபந்தனைகளையும் கட்டாயம் பூர்த்திச் செய்ய வேண்டும்.

இந்த விவகாரம் 1961 ஆம் ஆண்டு வருமான வரிச் சட்டத்தின் கீழ்தான் நிர்வகிக்கப்படும். 2025 ஆம் ஆண்டு வருமான வரிச் சட்டத்தின் பிரிவு 536(2)(c), (d) மற்றும் (e)-இன் படி, 2026 ஏப்ரல் 1-க்கு முன்பு தொடங்கும் ஒரு வரி ஆண்டு தொடர்பான எந்தவொரு நடைமுறையும் — மேல்முறையீடு, மறுமதிப்பீடு, திருத்தம் அல்லது அபராதம் உட்பட — 1961 ஆம் ஆண்டு வருமான வரிச் சட்டம் ரத்து செய்யப்படாதது போலவே தொடரப்பட்டு, தீர்வு காணப்படும். எனவே, மேல்முறையீட்டு அதிகாரம் அந்த உரிமையை 1961 ஆம் ஆண்டு வருமான வரிச் சட்டத்தின் விதிகளின் கீழ் மட்டுமே கண்டிப்பாகத் தீர்மானிக்கும். இருப்பினும், மேல்முறையீட்டு முடிவு அதற்குப் பிந்தைய வரி ஆண்டுகளில் தாக்கத்தை ஏற்படுத்தினால் (உதாரணமாக, நஷ்டங்களை அடுத்தடுத்த ஆண்டுகளுக்குக் கொண்டு செல்லுதல் அல்லது ஈடுகட்டப்படாத தேய்மானத்தின் அளவு போன்றவற்றை பாதித்தால்), 01.04.2026 மற்றும் அதற்குப் பிறகு தொடங்கும் வரி ஆண்டுகளுக்கான அதன் எதிர்காலத் தாக்கம், 2025 ஆம் ஆண்டு வருமான வரிச் சட்டத்தின் கணக்கீட்டு முறைக்கு உட்பட்டே செயல்படும்.
உதாரணமாக: AY 2025-26 இல், ஒரு வரிசெலுத்துபவர் பிரிவு 80-IA-இன் கீழ் ரூ. 10 கோடி தள்ளுபடி கோரியிருந்தார், ஆனால் AO அதனை ரூ. 7 கோடியாகக் குறைத்தார் என்று வைத்துக்கொள்வோம். பழைய சட்டம் ரத்துச் செய்யப்பட்ட பிறகு, FY 2026-27 இல் இந்த மேல்முறையீட்டின் மீது பழைய சட்டத்தின் விதிகளின்படி முடிவு எடுக்கப்பட்டு, மேல்முறையீட்டு அதிகாரம் ரூ. 10 கோடி தள்ளுபடியையும் முழுமையாக அனுமதிக்கிறது. இந்தச் சூழ்நிலையில், மீதமுள்ள ரூ. 3 கோடி தள்ளுபடி அனுமதிக்கத்தக்கதா இல்லையா என்ற கேள்வி, 1961 ஆம் ஆண்டு வருமான வரிச் சட்டத்தின் கீழ்தான் தீர்மானிக்கப்படும்.
அந்த முடிவானது, 2026-27 TY மற்றும் அதற்குப் பிந்தைய ஆண்டுகளுக்கான வணிக நஷ்டம் அல்லது MAT கிரெடிட் ஆகியவற்றை அடுத்த ஆண்டுகளுக்குக் கொண்டு செல்வதைப் பாதிக்குமானால், பிரிவு 536-இன் அடிப்படையில் அத்தகைய 'கொண்டு செல்லுதல்' தொடர்ந்து செல்லுபடியாகும்; இருப்பினும், எதிர்கால ஆண்டுகளில் அவற்றைப் பயன்படுத்துவது 'வருமான வரிச் சட்டம், 2025'-இன் விதிகளுக்கு உட்பட்டதாக இருக்கும்.

இல்லை, இதில் எந்த மாற்றமும் இல்லை. 1961 ஆம் ஆண்டு வருமான வரிச் சட்டத்தின் பிரிவு 80A-இன் கீழ், அத்தியாயம் VI-A மூலமான பிடித்தம் செய்தல் மொத்த ஒட்டுமொத்த வருமானத்தை விட (GTI) அதிகமாக இருக்க முடியாது. இதே கொள்கை 2025 ஆம் ஆண்டு வருமான வரிச் சட்டத்தின் பிரிவு 122-இன் மூலமும் தொடர்கிறது — அதாவது, மொத்த பிடித்தம் வரிசெலுத்துபவரின் மொத்த ஒட்டுமொத்த வருமானத்தை (GTI) விட அதிகமாக இருக்கக் கூடாது.

1961 ஆம் ஆண்டு வருமான வரிச் சட்டமே இதற்குப் பொருந்தும். 2026 ஏப்ரல் 1-க்கு முன்பு ஒரு சோதனை/தேடுதல் நடவடிக்கை தொடங்கப்பட்டிருந்தால், அதற்கான மதிப்பீட்டு ஆணை 01.04.2026-க்குப் பிறகு பிறப்பிக்கப்பட்டாலும் கூட — மதிப்பீடு, மறுமதிப்பீடு, அபராதம் மற்றும் மேல்முறையீடு உள்ளிட்ட ஒட்டுமொத்த நடைமுறைகளும் — 1961 ஆம் ஆண்டு வருமான வரிச் சட்டத்தின் கீழ்தான் தொடர்ந்து நடைபெறும். இந்த நிலைப்பாடு, 2025 ஆம் ஆண்டு வருமான வரிச் சட்டத்தின் பிரிவு 536(2)(v)-இல் உள்ள விதிவிலக்குக் பிரிவின் வாயிலாக வெளிப்படையாகப் பாதுகாக்கப்பட்டுள்ளது. அந்தப் பிரிவின்படி, 2025 ஆம் ஆண்டு வருமான வரிச் சட்டம் அமலுக்கு வருவதற்கு முன்பு, பிரிவு 132-இன் கீழ் ஒரு சோதனை (அல்லது பிரிவு 132A-இன் கீழ் கோரிக்கை) தொடங்கப்பட்டிருந்தால், புதிய சட்டம் இயற்றப்படாதது போலவே ரத்துச் செய்யப்பட்ட பழைய சட்டத்தின் விதிகள் தொடர்ந்து பொருந்தும் என்று கூறப்பட்டுள்ளது.

ஆம், அது செல்லுபடியாகும். AY 2024-25 என்பது 2026 ஏப்ரல் 1-க்கு முன்பு தொடங்கும் ஒரு வரி ஆண்டாகும். 2025 ஆம் ஆண்டு வருமான வரிச் சட்டத்தின் பிரிவு 536(2)(c) மற்றும் (e)-இன் படி, 2026 ஏப்ரல் 1-க்கு முந்தைய ஒரு வரி ஆண்டுத் தொடர்பான — திருத்த நடவடிக்கை உள்ளிட்ட — எந்தவொரு நடைமுறையும், 1961 ஆம் ஆண்டு வருமான வரிச் சட்டம் ரத்து செய்யப்படாதது போலவே தொடர்ந்து நடத்தப்பட்டு, தீர்வு காணப்படும்.

விதிவிலக்குக் பிரிவு அதனைத் திட்டவட்டமாகப் பாதுகாத்தால் மட்டுமே அது தொடரும். 2025 ஆம் ஆண்டு வருமான வரிச் சட்டத்தின் பிரிவு 536(2)(f)-இன் படி, 1961 ஆம் ஆண்டு வருமான வரிச் சட்டத்தின் கீழ் அளிக்கப்பட்ட ஏதேனும் ஒரு விருப்பத் தேர்வு பிரகடனம் அல்லது நடைமுறையில் இருந்த விருப்ப உரிமை, பழைய சட்டம் ரத்து செய்யப்படுவதற்கு உடனடியாக முன்பு வரை அமலில் இருந்திருந்தால், அது 2025 ஆம் ஆண்டு வருமான வரிச் சட்டத்தின் தொடர்புடைய விதியின் கீழ் அளிக்கப்பட்டதாகவே கருதப்படும் — ஆனால், அதற்கு இணையான ஒரு விதி புதிய சட்டத்தில் இருந்தால் மட்டுமே இது பொருந்தும். இதன் பொருள் என்னவென்றால், புதிய சட்டத்தில் அதற்கு இணையான ஒரு தொடர்ச்சி இருந்தால் மட்டுமே பழைய விருப்பத் தேர்வு நீடித்திருக்கும். இது எந்தவொரு நிரந்தரமான அல்லது சுதந்திரமான உரிமையையும் உருவாக்காது.

ஆம். நிறுவனத்தின் உள்-பிரிவுகளுக்கு இடையேயான பரிமாற்றங்கள் மூலமாக, தகுதியான ஒரு பிரிவின்/நிறுவனத்தின் லாபத்தை செயற்கையாக உயர்த்திப் காட்டுவதைத் தடுப்பதற்கான ஒத்த முறைகேடு-தடுப்புப் பாதுகாப்பு விதிகளை 1961 ஆம் ஆண்டு வருமான வரிச் சட்டமும் மற்றும் 2025 ஆம் ஆண்டு வருமான வரிச் சட்டமும் கொண்டுள்ளன.

பழைய வருமான வரிச் சட்டத்தின் கீழ் முந்தைய ஆண்டுகளில் வழங்கப்பட்ட ஒரு பிடித்தம் சில நிபந்தனைகளுக்கு உட்பட்டதாக இருந்து, அந்த நிபந்தனைகள் புதிய சட்டம் அமலுக்கு வந்ததற்குப் பிந்தைய ஒரு வருடத்தில் மீறப்பட்டால், முன்பு அனுமதிக்கப்பட்ட அந்த வரிச் சலுகை ரத்துச் செய்யப்படும். அவ்வாறு முன்பு பிடித்தம் செய்யப்பட்ட (அல்லது மொத்த வருமானத்தில் இருந்து விலக்கப்பட்ட) தொகையானது, விதிமீறல் நடந்த வருடத்தில் புதிய சட்டத்தின் விதிகளின்படி வரிக்குரிய வருமானமாகக் கருதப்பட்டு வரி விதிக்கப்படும்.

1961 ஆம் ஆண்டு வருமான வரிச் சட்டத்தின் பிரிவு 54, 54B, 54F போன்றவற்றின் கீழ் தொடக்கத்தில் வரிவிலக்கு கோரப்பட்டு, பின்னர் வாங்கப்பட்ட புதிய சொத்தானது 2026 ஏப்ரல் 1-க்குப் பிறகு, ஆனால் நிர்ணயிக்கப்பட்ட உள்நுழைவு காலத்திற்குள் மாற்றப்பட்டால் (விற்பனை செய்யப்பட்டால்), 2025 ஆம் ஆண்டுச் சட்டத்தின் பிரிவு 536(2)(h) பொருந்தும். ரத்துச் செய்யப்பட்ட பழைய சட்டத்தின் கீழ் வழங்கப்பட்ட ஒரு பிடித்தம் அல்லது வரிவிலக்குடன் இணைக்கப்பட்ட நிபந்தனைகள், புதிய சட்டம் அமலுக்கு வந்ததற்குப் பிறகு மீறப்பட்டால், முன்பு வரிவிலக்குக் கோரப்பட்ட தொகையானது, விதிமீறல் நடந்த வருடத்தில் வரிசெலுத்துபவரின் வருமானமாகக் கருதப்படும் என்று இப்பிரிவு விவரிக்கிறது. உதாரணமாக, மூலதன ஆதாய வரிவிலக்கைப் பெறுவதற்காக 2025 மார்ச்சில் வாங்கப்பட்ட ஒரு வீடு (புதிய சொத்து), 2027 மே மாதத்தில் (மூன்று ஆண்டுகளுக்குள்) விற்கப்பட்டால், முன்பு வரிவிலக்கு அளிக்கப்பட்ட மூலதன ஆதாயத்திற்கு 2025 ஆம் ஆண்டு வருமான வரிச் சட்டத்தின் கீழ் 2027-28 வரி ஆண்டில் வரி விதிக்கப்படும்; ஆனால், அந்த வரியைத் தூண்டும் நிபந்தனையும் மற்றும் வரிக்குரிய தொகையின் அளவும் பழைய சட்டத்தின் பிரிவு 54-இன் படியே தீர்மானிக்கப்படும்.

ஒரு வரிசெலுத்துபவர், பயன்படுத்தப்படாத மூலதன ஆதாயங்களை 2026 ஏப்ரல் 1-க்கு முன்பு 1961 ஆம் ஆண்டு வருமான வரிச் சட்டத்தின் கீழ் உள்ள மூலதன ஆதாயக் கணக்குத் திட்டத்தில் டெபாசிட் செய்திருந்தால், அந்த டெபாசிட் தொடர்ந்து பழைய சட்டத்தின் நிபந்தனைகளின் படியே நிர்வகிக்கப்படும். நிர்ணயிக்கப்பட்ட கால வரம்பிற்குள் (உதாரணமாக, பிரிவு 54-இன் கீழ் மூன்று ஆண்டுகள்) அந்தத் தொகை பயன்படுத்தப்படாவிட்டால், பிரிவு 536(2)(h)-இன் படி, பயன்படுத்தப்படாத அந்தப் பகுதி கால வரம்பு முடியும் ஆண்டில் வரிய விதிக்கப்படும். உதாரணமாக, சொத்து மாற்றம் 2024 ஜூன் மாதத்தில் நிகழ்ந்து, அந்த டெபாசிட் தொகை 2027 ஜூன் வரை பயன்படுத்தப்படாமல் இருந்தால், அந்தத் தொகை புதிய சட்டத்தின் கீழ் 2027-28 வரி ஆண்டில் வரிக்குரியதாக மாறும்; ஆனால், அதற்கான வரி கணக்கீடு பழைய வரிவிலக்கு கட்டமைப்பையே பின்பற்றும்.

"1961 ஆம் ஆண்டுச் சட்டத்தின் பிரிவுகள் 47(xiii), 47(xiiib) மற்றும் 47(xiv) ஆகியவை முறையே, ஒரு கூட்டாண்மை நிறுவனத்தை நிறுவனமாகவும், ஒரு நிறுவனத்தை LLP-யாகவும், மற்றும் ஒரு தனிநபர் வணிகத்தை நிறுவனமாகவும் மாற்றுவதற்கு, அதன் தொடர்ச்சி மற்றும் பங்குரிமை நிபந்தனைகளுக்கு உட்பட்டு, மூலதன ஆதாய வரியிலிருந்து விலக்கு அளித்திருந்தன. இந்த நிபந்தனைகள் பின்பற்றப்படாவிட்டால், பிரிவு 47A-இன் கீழ் அந்த வரிவிலக்குத் திரும்பப் பெறப்படும். 2025 ஆம் ஆண்டுச் சட்டத்தின் பிரிவு 536(2)(q)(B)-இன் படி, இத்தகைய விதிமீறல்கள் 2026 ஏப்ரல் 1-க்குக்குப் பிறகு ஏற்பட்டால், முன்பு வரிவிலக்கு அளிக்கப்பட்ட மூலதன ஆதாயங்கள், விதிமீறல் நடந்த ஆண்டில் 2025 சட்டத்தின் கீழ் வரிக்குரியதாகக் கருதப்படும். எனவே, பழைய சட்டம் ரத்துச் செய்யப்பட்டது என்பதற்காக, நிறுவனங்கள் தங்களின் மாற்றத்திற்குப் பிந்தைய உள்நுழைவு நிபந்தனைகளைப் பின்பற்றுவதிலிருந்து விலக்கு பெற முடியாது.

ஆம். வருமான வரிச் சட்டம், 2025-இன் பிரிவு 536(2)(s)-இன் படி, நிபந்தனைகள் பூர்த்திச் செய்யப்படும் பட்சத்தில், புதிய சட்டத்தின் கீழ் மீதமுள்ள ஆண்டுகளுக்கும் இந்தக் கழிவுகள் தொடர்ந்து கிடைக்கும். உதாரணமாக, M/s. ABC நிறுவனம் 2025-26 AY-இன் முதல் ஐந்து சமமான பகுதிகளாக ஆரம்பக்கட்ட செலவுக் கழிவைக் கோரத் தொடங்கியிருந்தால், அது புதிய சட்டத்தின் கீழ் 2026-27 AY-லும் அதற்குப் பிந்தைய ஆண்டுகளிலும் மீதமுள்ள பகுதிகளைத் தொடர்ந்து பெறும்.

இல்லை. நிபந்தனைகள் பூர்த்திச் செய்யப்படும் பட்சத்தில், புதிய சட்டத்தின் கீழ் மீதமுள்ள ஆண்டுகளுக்கும் இந்தக் கழிவு தொடர்ந்து கிடைக்கும்.
உதாரணமாக, XYZ டெலிகாம் லிமிடெட் நிறுவனம், FY 2024-25-இல் உரிமக் கட்டணத்தைச் செலுத்தி, புதிய சட்டம் அமலுக்கு வருவதற்கு முன்பே இரண்டு ஆண்டுகளுக்கான பிடித்தத்தைக் கோரியிருந்தது. 2026-27 வரி ஆண்டு முதல், மீதமுள்ள கழிவானது புதிய சட்டத்தின் ஒத்திவைக்கப்பட்ட செலவினக் கொடுப்பனவின் ஒரு பகுதியாக மாறும்; மேலும் அந்நிறுவனம் பரிந்துரைக்கப்பட்ட நிபந்தனைகளைப் பூர்த்திச் செய்வதற்கு உட்பட்டு, ஒவ்வொரு ஆண்டும் அதைத் தொடர்ந்து கோரலாம்.

ஆம். பாதுகாப்பு விதியின் அடிப்படையில், தன்மை மற்றும் கால வரம்பு (அல்லது கால வரம்பு இல்லாமை) ஆகியவை மாறாமல் அப்படியே நீடிக்கின்றன.