படிவம் 1 (65/2022) பயனர் கையேடு

1. மேலோட்டப்பார்வை

படிவம் 1, அறிவிப்பு எண் 65/2022 அடிப்படையில் தாக்கல் செய்யப்படுகிறது. இது விமானக் குத்தகை தொடர்பான குத்தகை வாடகை அல்லது கூடுதல் குத்தகை வாடகை பணப்பரிவர்த்தனைகளில் வருமானவரி சட்டம் 2025 இன் பிரிவு 393(1) (அட்டவணை வரிசை எண்.2) கீழ் வழங்கப்படும் TDS விலக்கு பெறுவதற்காகும். (01.04.2026-க்கு முந்தைய ஆண்டுகளுக்கு வருமானவரி சட்டம் 1962 இன் பிரிவு 194-I பொருந்தும்.)இந்த விலக்கு, குத்தகை வாடகை மூலம், IFSC-இல் .
அமைந்துள்ள குத்தகைக்கு விடுபவருக்குச் செலுத்தப்படும் தொகைகளுக்கு பொருந்தும். இந்த நன்மையைப் பெற, குத்தகையாளர் நிறுவனம் படிவம் No. 1 (65/2022) (விமானக் குத்தகை வணிகம்) படிவத்தை குத்தகையாளருக்கு சமர்ப்பிக்க வேண்டும்.

குத்தகைக்கு விடுபவர் படிவம் எண் 1 (65/2022)-ஐப் பெற்றவுடன், குத்தகைக்கு விடுபவர் அறிவித்த காலத்திற்கு, அவர்கள் TDS பிடித்தம் செய்ய வேண்டிய அவசியமில்லை.

2. படிவத்தை தாக்கல் செய்வதற்கு முன் தேவையான முன்னறிவிப்புகள்

படிவம் எண் 1 -ஐத் தாக்கல் செய்வதற்கு முன்னால், பின்வரும் நிபந்தனைகள் கண்டிப்பாகப் பூர்த்தி செய்யப்பட வேண்டும்:

✅ குத்தகைக்கு விடுபவருக்கு (IFSC-இல் அமைந்துள்ள அலகு)

அந்த நிறுவனம் விமான வணிகத் தொழிலில் ஈடுபட்டிருக்க வேண்டும்.
SEZ சட்ட வரையறைகளின்படி, அந்த நிறுவனம் IFSC-இல் அமைந்திருக்க வேண்டும்.
அந்த அலகு வருமான வரிச் சட்டத்தின் பிரிவு 147-இன் கீழ் வரி பிடித்தம் செய்யத் தகுதியுடையதாக இருக்க வேண்டும்.
இந்த அலகு பின்வருவனவற்றைக் கொண்டிருக்க வேண்டும்:
- வங்கியியல் ஒழுங்குமுறைச் சட்டம், 1949-இன் பிரிவு 23(1)(a)-இன் கீழ் அனுமதி, அல்லது
- இந்திய பங்கு மற்றும் பரிவர்த்தனை வாரியச் சட்டம், 1992 -இன் கீழ் தேவையான அனுமதி அல்லது பதிவு பெற்றிருக்க வேண்டும்.
- சர்வதேச நிதிச் சேவைகள் மைய ஆணையச் சட்டத்தின் கீழ் தேவையான அனுமதி பெற்றிருக்க வேண்டும்.
அந்த அலகு, அனுமதி பெறப்பட்ட வரி ஆண்டிலிருந்து தொடங்கும் பதினைந்து ஆண்டுகளில், பிரிவு 147-இன் கீழ் பிடித்தம் செய்து கொள்வதற்காகக் கோரும் பத்து தொடர்ச்சியான வரி ஆண்டுகளை தீர்மானிக்க வேண்டும்.

✅குத்தகை விடுபவருக்காக

குத்தகைக்கு விடுபவரிடமிருந்து படிவம் எண் 1 நகலைப் பெற வேண்டும்.
படிவம் 1-ஐப் பெற்ற பிறகு, குத்தகை கட்டணங்களின் மீது எந்தவிதமான TDS-பிடிக்கப்படாமல் இருப்பதை உறுதி செய்ய வேண்டும்.

3. படிவம் 1 (65/2022)-இன் நோக்கம்

படிவம் எண் 1 (65/2022) என்பது IFSC-இல் அமைந்துள்ள விமானக் குத்தகை அலகு, குத்தகைதாரருக்கு வழங்கும் ஒரு அறிக்கையுடன் கூடிய பிரகடனமாகச் செயல்படுகிறது. இதன் நோக்கம் பின்வருவனவாகும்:

அந்த நிறுவனம் விமானக் குத்தகை பணியில் ஈடுபட்டுள்ளது என்றும், வருமானவரி சட்டம் '2025 -இன் பிரிவு 147(1)(b) மற்றும் பிரிவு 147(2)(b) (மேலும் 01.04.2026-க்கு முந்தைய ஆண்டுகளுக்கு வருமானவரிச் சட்டம்' 1961 இன் பிரிவு 80LA(1A)) படி பிடித்தத்திற்குத் தகுதியுடையது என்றும் அறிவிக்கப்படுகிறது.
குத்தகைதாரருக்கு குத்தகைக்கு விடுபவர் தேர்ந்தெடுத்துள்ள குறிப்பிட்ட 10 ஆண்டுகால வரி விடுமுறை காலத்தைத் தெரிவிக்கவும்.
தொடர்புடைய ஆண்டில் அந்த அலகு IFSC-இல் தொடர்ந்து செயல்படுவதை உறுதிப்படுத்தவும்.
அறிவிப்பில் அனுமதிக்கப்பட்டபடி, குத்தகை வாடகை கட்டணங்களில் TDS பிடித்தம் செய்வதை நிறுத்த குத்தகையாளர்க்கு அனுமதி வழங்கவும்.

எளிமையான சொற்களில், படிவம் எண் 1 குத்தகை வாடகைதாரருக்கு உணர்த்துவது இதுதான்:

"குத்தகைக்கு விடுபவர் வரிச் சலுகைகளுக்குப் பொருத்தமானவர்—எனவே, இந்த ஆண்டுகளுக்கு நீங்கள் குத்தகை வாடகையின் மீது TDS பிடித்தம் செய்ய வேண்டிய அவசியமில்லை."

4. படிவம் எண் 1-ஐத் தாக்கல் செய்வதற்கான படிப்படியான வழிகாட்டி.

படிநிலை 1: உங்கள் பயனர் ID மற்றும் கடவுச் சொல்லைப் பயன்படுத்தி மின்னணுத்-தாக்கல் இணைய முகப்பில் உள்நுழையவும்.

படிநிலை 2: > பயனர் ID (PAN) மற்றும் கடவுச்சொல்லை உள்ளிடவும்.

படிநிலை 3: மின்னணு-தாக்கல் பகுதிக்குச் செல்லவும் > வருமானவரிப் படிவங்கள் > வருமானவரிப் படிவங்களைத் தாக்கல் செய்யவும்.

படிநிலை 4: “வருமான வரிச் சட்டம் 2025-இன் படி படிவங்கள்” என்ற தாவலைத் தேர்ந்தெடுக்கவும்.

படிநிலை 5: படிவம் 1 (65/2022) என்பதைத் தேர்ந்தெடுத்து / தேடவும்.

படிநிலை 6: வரி ஆண்டைத் தேர்ந்தெடுத்து தொடரவும் என்பதைக் கிளிக் செய்யவும்.

படிநிலை 7: தொடங்குவோம் என்பதைக் கிளிக் செய்யவும்.

படிநிலை 8: பயனர் “தொடங்குவோம்” , என்பதைக் கிளிக் செய்யும்போது, படிவம் 1 (65/2022) திரையில் தோன்றும். பயனர் அனைத்துக் காலி இடங்களையும் நிரப்ப வேண்டும். நட்சத்திரக் குறியீடு (*) இடப்பட்ட புலங்கள் கட்டாயமானவை. கட்டாயத் தகவல்கள்

பயனர் பின்வருவனவற்றை உள்ளிட வேண்டும்:

குத்தகைக்கு விடுபவரின் IFSC-இல் அமைந்துள்ள அலகின் பெயர், முகவரிப் பிரிவில் கட்டாயமாக நிரப்ப வேண்டிய புலங்கள் மற்றும் இடம்.
புலம் 8(i)-இல் உள்ள கீழ்தோன்றும் பட்டியலில் தொடர்புடைய சட்டத்தின் கீழ் பெறப்பட்ட அனுமதி அல்லது பதிவைத் தேர்ந்தெடுக்க வேண்டும்; புலம் 8(ii)-இல் அந்த அனுமதி/பதிவு பெறப்பட்ட ஆணையத்தின் பெயரை உள்ளிட வேண்டும்; புலம் 8(iii)-இல் அந்த அனுமதி/பதிவு பெறப்பட்ட தேதியை உள்ளிட வேண்டும்; மேலும் புலம் 8(iv)-இல் பதிவு அல்லது சான்றிதழ் எண்ணை உள்ளிட வேண்டும்.
புலம் எண் 9(i) மற்றும் 9(ii) ஆகியவை, புலம் எண் 10-இல் தேர்ந்தெடுக்கப்பட்ட வரி ஆண்டு/நிதி ஆண்டின் அடிப்படையில் தானாகவே நிரப்பப்படும்.

முன்கூட்டியே நிரப்பப்பட்ட தகவல்கள்

படிவத்தில் சில விவரங்கள் தானாகவே முன்கூட்டியே நிரப்பப்படும், அவை:

குத்தகைக்கு விடுபவரின் பெயர், PAN எண், முகவரி, மின்னஞ்சல் ID, தகவல் தொடர்பு எண்

அறிக்கை மற்றும் உறுதிமொழி

முதன்மைத் தொடர்பு விவரங்களும் எனது சுயவிவரத்தில் உள்ள முக்கிய நபர் தகவலின் அடிப்படையில் முன்கூட்டியே நிரப்பப்படும்.

குறிப்பு: பயனர் முன்கூட்டியே நிரப்பப்பட்ட விவரங்களை அல்லது முதன்மைத் தொடர்பு விவரங்களைப் புதுப்பிக்க வேண்டியிருந்தால்:

பலகையில் வழங்கப்பட்டுள்ள ஹைப்பர்லிங்க் மூலம் எனது சுயவிவரம் பகுதிக்குச் செல்லவும்.
தேவையான தகவல்களைச் சரிபார்த்து, அதற்கேற்ப மேம்படுத்தவும்.

படிநிலை 9: முன்னோட்டம் என்பதைக் கிளிக் செய்தவுடன், நீங்கள் முன்னோட்டத் திரைக்கு மாற்றப்படுவீர்கள். அங்கு நிரப்பியுள்ள தகவல்களை மீண்டும் சரிபார்த்து, பின்னர் மின்னணு-சரிபார்ப்புக்குத் தொடரவும் பட்டனைக் கிளிக் செய்யவும்.

படிநிலை 10: மின்னணு-சரிபார்ப்புக்குத் தொடரவும் என்பதைக் கிளிக் செய்த பிறகு ஒரு பாப்-அப் செய்தி தோன்றும். தொடர்வதற்கு ஆம் என்பதைத் தேர்ந்தெடுக்கவும்.

படிநிலை 11: ஆம் என்பதை கிளிக் செய்தவுடன், நீங்கள் மின்னணு-சரிபார்ப்பு பக்கத்திற்கு அழைத்துச் செல்லப்படுவீர்கள்.

EVC உள்ளிடப்பட்டதும், மின்னணு-சரிபார்ப்பு பட்டன் செயல்படுத்தப்படும். தொடர்ந்து செல்ல, பயனர் மின்னணு-சரிபார்ப்பு பட்டனைக் கிளிக் செய்ய வேண்டும்.

குறிப்பு: மேலும் அறிய மின்னணு-சரிபார்ப்பு செய்வது எப்படி என்ற பயனர் கையேட்டைப் பார்க்கவும்.

படிநிலை 12: ஆம் என்பதை கிளிக் செய்தவுடன், படிவம் வெற்றிகரமாக சமர்ப்பிக்கப்படும்.