1. EVC ಎಂದರೇನು?
ಎಲೆಕ್ಟ್ರಾನಿಕ್ ವೆರಿಫಿಕೇಶನ್ ಕೋಡ್ (EVC) ಎಂಬುದು 10-ಅಂಕಿಯ ಆಲ್ಫಾನ್ಯೂಮೆರಿಕ್ ಕೋಡ್ ಆಗಿದ್ದು, ಇದನ್ನು ನಿಮ್ಮ ನೋಂದಾಯಿತ ಮೊಬೈಲ್‌ನಲ್ಲಿ ವಿದ್ಯುನ್ಮಾನವಾಗಿ ಪರಿಶೀಲಿಸಲು, ಇ-ಫೈಲಿಂಗ್ ಪೋರ್ಟಲ್‌ಗೆ ಲಾಗಿನ್ ಮಾಡಲು ಅಥವಾ ಪಾಸ್‌ವರ್ಡ್ ಮರುಹೊಂದಿಸಲು ಬಳಸಲಾಗುತ್ತದೆ. ಒಂದು ಐಟಂ ಅನ್ನು ವಿದ್ಯುನ್ಮಾನವಾಗಿ ಪರಿಶೀಲಿಸಲು ನೀವು EVC ಅನ್ನು ಬಳಸಬಹುದು (ಶಾಸನಬದ್ಧ ಫಾರ್ಮ್‌ಗಳನ್ನು ಇ-ಪರಿಶೀಲಿಸುವುದು, ಆದಾಯ ತೆರಿಗೆ ರಿಟರ್ನ್ಸ್ ಅನ್ನು ಇ-ಪರಿಶೀಲಿಸುವುದು, ಮರುಪಾವತಿ ಮರು-ವಿತರಣೆ ವಿನಂತಿ, ಯಾವುದೇ ಸೂಚನೆಯ ವಿರುದ್ಧ ಪ್ರತಿಕ್ರಿಯೆ), ಇ-ಫೈಲಿಂಗ್ ಪೋರ್ಟಲ್‌ಗೆ ಲಾಗಿನ್ ಮಾಡಿ ಅಥವಾ ಪಾಸ್‌ವರ್ಡ್ ಮರುಹೊಂದಿಸುವುದು.

2. ನಾನು ಬೇರೆಯವರಿಗಾಗಿ EVC ರಚಿಸಲು ಸಾಧ್ಯವಿದೆಯೇ ಅಥವಾ ನನ್ನ ಪರವಾಗಿ EVC ಅನ್ನು ಬೇರೆ ಯಾರಾದರೂ ರಚಿಸಬಹುದೇ?
ವೈಯಕ್ತಿಕ ತೆರಿಗೆ ಪಾವತಿದಾರನು ಸ್ವತಃ ಮತ್ತು ಇತರೆ ಕೆಲವು PAN (ಕಂಪನಿಯನ್ನು ಹೊರತುಪಡಿಸಿ) ಅಥವಾ TAN ಗಾಗಿ ಆತ ನಿರ್ದಿಷ್ಟ ಘಟಕದ ಪ್ರಧಾನ ಸಂಪರ್ಕವಾಗಿದ್ದರೆ, EVC ಅನ್ನು ರಚಿಸಬಹುದು. ವೈಯಕ್ತಿಕ ತೆರಿಗೆ ಪಾವತಿದಾರನು ನಿರ್ದಿಷ್ಟ PAN ‌ನ ಪ್ರತಿನಿಧಿಯಾಗಿ ಅಧಿಕಾರ ಪಡೆದಿದ್ದರೆ ಇತರೆ ಕೆಲವು PAN ಬಳಕೆದಾರರಿಗಾಗಿಯೂ EVC ಅನ್ನು ರಚಿಸಬಹುದು.

3. ಕಂಪನಿಯು ತಮ್ಮ ರಿಟರ್ನ್ ಗಳನ್ನು EVC ಮೂಲಕ ಪರಿಶೀಲಿಸಬಹುದೇ?
ಇಲ್ಲ. ಕಂಪನಿಯು EVC ರಚಿಸುವ ಮೂಲಕ ತಮ್ಮ ರಿಟರ್ನ್ ಅನ್ನು ಪರಿಶೀಲಿಸಲು ಸಾಧ್ಯವಿಲ್ಲ. ಅವರು ತಮ್ಮ ರಿಟರ್ನ್ ಗಳನ್ನು DSC ಮೂಲಕ ಪರಿಶೀಲಿಸಬೇಕಾಗುತ್ತದೆ.

4. EVC ರಚಿಸಲು ನಾನು ಪ್ರಯತ್ನಿಸುತ್ತಿರುವ ಖಾತೆಯೊಂದಿಗೆ ನನ್ನ PAN ಲಿಂಕ್ ಮಾಡುವುದು ಕಡ್ಡಾಯವೇ?
ಹೌದು, EVC ರಚಿಸಲು ನೀವು ಯಾವ ಖಾತೆ ಬಳಸುತ್ತಿರುವಿರೋ ಅದಕ್ಕೆ PAN ಲಿಂಕ್ ಮಾಡುವುದು ಕಡ್ಡಾಯವಾಗಿದೆ.
ನೆಟ್‌ ಬ್ಯಾಂಕಿಂಗ್ ಅಥವಾ ಬ್ಯಾಂಕ್ ATM ಮೂಲಕ, ಮೌಲ್ಯೀಕರಿಸಿದ ಬ್ಯಾಂಕ್ ಖಾತೆಯನ್ನು ಬಳಸಿಕೊಂಡು ನೀವು EVC ಯನ್ನು ರಚಿಸುತ್ತಿದ್ದರೆ, ನಿಮ್ಮ PAN ಅನ್ನು ಅದೇ ಬ್ಯಾಂಕ್ ಖಾತೆಯೊಂದಿಗೆ ಲಿಂಕ್ ಮಾಡಬೇಕು.
ಡಿಮ್ಯಾಟ್ ಖಾತೆಯನ್ನು ಬಳಸಿಕೊಂಡು ನೀವು EVC ಯನ್ನು ರಚಿಸುತ್ತಿದ್ದರೆ, ನೀವು ನಿಮ್ಮ PAN ಅನ್ನು ಅದೇ ಡಿಮ್ಯಾಟ್ ಖಾತೆಯೊಂದಿಗೆ ಲಿಂಕ್ ಮಾಡಬೇಕು.

5. ರಚಿಸಿದ EVC ಯು ಎಷ್ಟು ಸಮಯ ಮಾನ್ಯವಾಗಿರುತ್ತದೆ?
ರಚಿಸಿದ EVC ರಚಿಸಿದ ಸಮಯದಿಂದ 72ಗಂಟೆಗಳವರೆಗೆ ಮಾನ್ಯವಾಗಿರುತ್ತದೆ.

6. ವಿಭಿನ್ನ ರಿಟರ್ನ್‌ಗಳನ್ನು ಇ-ಪರಿಶೀಲನೆ ಮಾಡಲು ನಾನು ಒಂದೇ EVC ಅನ್ನು 72 ಗಂಟೆಗಳ ಒಳಗೆ ಅನೇಕ ಬಾರಿ ಬಳಸಬಹುದೇ?
ಇಲ್ಲ, ವಿಭಿನ್ನ ರಿಟರ್ನ್‌ಗಳನ್ನು ಇ-ಪರಿಶೀಲನೆ ಮಾಡಲು ನೀವು ಒಂದೇ EVC ಅನ್ನು ಬಳಸಲು ಸಾಧ್ಯವಿಲ್ಲ. ನೀವು ವಿದ್ಯುನ್ಮಾನವಾಗಿ ಪರಿಶೀಲಿಸಲು ಬಯಸುವ ಪ್ರತಿಯೊಂದು ಐಟಂಗೆ ನೀವು ಹೊಸ EVC ರಚಿಸಬೇಕಾಗುತ್ತದೆ.

7. ನಾನು EVC ಬಳಸಿ ನನ್ನ ರಿಟರ್ನ್ ಅನ್ನು ಪರಿಶೀಲಿಸಿದ್ದೇನೆ, ನಾನು ಇನ್ನೂ ಭೌತಿಕ ITR V ಅನ್ನು CPC ಬೆಂಗಳೂರಿಗೆ ಕಳುಹಿಸಬೇಕೇ?
ಇಲ್ಲ. ಒಮ್ಮೆ ನೀವು EVC ಬಳಸಿಕೊಂಡು ನಿಮ್ಮ ರಿಟರ್ನ್ ಅನ್ನು ಇ-ಪರಿಶೀಲಿಸಿದರೆ, ನೀವು ITR V ಯ ಭೌತಿಕ ಪ್ರತಿಯನ್ನು CPC ಬೆಂಗಳೂರಿಗೆ ಕಳುಹಿಸುವ ಅಗತ್ಯವಿಲ್ಲ.

8. EVC ರಚಿಸಲು ನಾನು ನನ್ನ ಬ್ಯಾಂಕ್ ಖಾತೆಯನ್ನು ಬಳಸಲು ಬಯಸುತ್ತೇನೆ. ನಾನು ಯಾವುದೇ ಬ್ಯಾಂಕ್ ಖಾತೆಯನ್ನು ಬಳಸಬಹುದೇ ಅಥವಾ ಇ-ಫೈಲಿಂಗ್ ಪೋರ್ಟಲ್‌ನೊಂದಿಗೆ ಸಂಪರ್ಕ ಹೊಂದಿದ ಖಾತೆಯನ್ನು ಮಾತ್ರ ಬಳಸಬೇಕೇ?
ಇ-ಫೈಲಿಂಗ್ ಪೋರ್ಟಲ್‌ನೊಂದಿಗೆ ಲಿಂಕ್ ಮಾಡಲಾದ ಮತ್ತು ಮೌಲ್ಯೀಕರಿಸಿದ ಬ್ಯಾಂಕ್ ಖಾತೆಯೊಂದಿಗೆ ಮಾತ್ರ ನೀವು EVC ಅನ್ನು ರಚಿಸಬಹುದು.

9. ಪರಿಶೀಲನೆಗಾಗಿ ಬಾಕಿ ಇರುವ ನನ್ನ ಹಿಂದಿನ ಫೈಲ್ ಮಾಡಿದ ರಿಟರ್ನ್‌ಗಳನ್ನು ನಾನು ಪರಿಶೀಲಿಸಬಹುದೇ?
ಹೌದು, ಪರಿಶೀಲನೆಗಾಗಿ ಸಮಯ ಮಿತಿ ಮುಗಿದಿಲ್ಲದಿದ್ದರೆ ಅಥವಾ ವಿಳಂಬವನ್ನು ಸಮರ್ಥ ಆದಾಯ ತೆರಿಗೆ ಪ್ರಾಧಿಕಾರವು ಮನ್ನಿಸಿದ್ದರೆ.

10. ಬ್ಯಾಂಕ್ ATM ಆಯ್ಕೆಯ ಮೂಲಕ EVC ಅನ್ನು ನಾನು ಹೇಗೆ ರಚಿಸಬಹುದು?
ಬ್ಯಾಂಕ್ ATM ಆಯ್ಕೆಯ ಮೂಲಕ EVC ಅನ್ನು ರಚಿಸಲು, ನೀವು ನಿಮ್ಮ PAN ಅನ್ನು ಸಂಬಂಧಪಟ್ಟ ಬ್ಯಾಂಕ್ ಖಾತೆಯೊಂದಿಗೆ ಲಿಂಕ್ ಮಾಡಿರಬೇಕು ಮತ್ತು ಅದೇ PAN ಅನ್ನು ಇ-ಫೈಲಿಂಗ್ ಪೋರ್ಟಲ್‌ನಲ್ಲಿ ನೋಂದಾಯಿಸಿಕೊಳ್ಳಬೇಕು. ಅದನ್ನು ಲಿಂಕ್ ಮಾಡಿದ ನಂತರ, ನೀವು ATM ನಲ್ಲಿ ನಿಮ್ಮ ಡೆಬಿಟ್ ಕಾರ್ಡ್ ಅನ್ನು ಸ್ವೈಪ್ ಮಾಡಬಹುದು/ಒಳಸೇರಿಸಬಹುದು ಮತ್ತು "ಆದಾಯ ತೆರಿಗೆ ಫೈಲ್ ಮಾಡಲು PIN" ಆಯ್ಕೆಯನ್ನು ಆರಿಸಬೇಕು. EVC ಅನ್ನು ಇ-ಫೈಲಿಂಗ್ ಪೋರ್ಟಲ್‌ನಲ್ಲಿ ನೋಂದಾಯಿಸಲಾದ ನಿಮ್ಮ ಮೊಬೈಲ್ ಸಂಖ್ಯೆ ಮತ್ತು ಇಮೇಲ್ ID ಗೆ ಕಳುಹಿಸಲಾಗುತ್ತದೆ.

11. ಬ್ಯಾಂಕ್ ಖಾತೆಯ ಮೂಲಕ EVC ರಚಿಸಲು ಯಾವ ಬ್ಯಾಂಕುಗಳು ನನಗೆ ಅವಕಾಶ ನೀಡುತ್ತವೆ?
ಇ-ಫೈಲಿಂಗ್ ಪೋರ್ಟಲ್‌ನೊಂದಿಗೆ ಲಿಂಕ್ ಮಾಡಲ್ಪಟ್ಟ ಮತ್ತು ಮೌಲ್ಯೀಕರಿಸಲ್ಪಟ್ಟ ಈ ಕೆಳಗಿನ ಯಾವುದೇ ಬ್ಯಾಂಕುಗಳ ಮೂಲಕ ನೀವು EVC ಅನ್ನು ರಚಿಸಬಹುದು:

• ಅಲಹಾಬಾದ್ ಬ್ಯಾಂಕ್
• ಆಂಧ್ರ ಬ್ಯಾಂಕ್
• ಬ್ಯಾಂಕ್ ಆಫ್ ಬರೋಡಾ
• ಕೆನರಾ ಬ್ಯಾಂಕ್
• ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ
• ಫೆಡರಲ್ ಬ್ಯಾಂಕ್
• ಎಚ್.ಡಿ.ಎಫ್.ಸಿ. ಬ್ಯಾಂಕ್
• ಐ.ಸಿ.ಐ.ಸಿ.ಐ. ಬ್ಯಾಂಕ್
• ಐ.ಡಿ.ಬಿ.ಐ. ಬ್ಯಾಂಕ್
• ಕರೂರ್ ವೈಶ್ಯ ಬ್ಯಾಂಕ್
• ಕೋಟಕ್ ಮಹಿಂದ್ರ ಬ್ಯಾಂಕ್
• ಓರಿಯಂಟಲ್ ಬ್ಯಾಂಕ್ ಆಫ್ ಕಾಮರ್ಸ್
• ಪಂಜಾಬ್ ನ್ಯಾಷನಲ್ ಬ್ಯಾಂಕ್
• ಸಾರಸ್ವತ್ ಬ್ಯಾಂಕ್
• ಸೌತ್ ಇಂಡಿಯನ್ ಬ್ಯಾಂಕ್
• ಭಾರತೀಯ ಸ್ಟೇಟ್ ಬ್ಯಾಂಕ್
• ಸಿಂಡಿಕೇಟ್ ಬ್ಯಾಂಕ್
• ಯುಕೋ ಬ್ಯಾಂಕ್
• ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ
• ಯುನೈಟೆಡ್ ಬ್ಯಾಂಕ್ ಆಫ್ ಇಂಡಿಯಾ

12. ನನ್ನ ಬ್ಯಾಂಕ್ ಖಾತೆ ಅಥವಾ ಡಿಮ್ಯಾಟ್ ಖಾತೆಯನ್ನು ಬಳಸಿಕೊಂಡು EVC ರಚಿಸುವ ಮೊದಲು ನನ್ನ ಬ್ಯಾಂಕ್ ಖಾತೆ ಅಥವಾ ನನ್ನ ಡಿಮ್ಯಾಟ್ ಖಾತೆಯನ್ನು ಮುಂಚಿತವಾಗಿ ಮೌಲ್ಯೀಕರಿಸುವ ಅಗತ್ಯವಿದೆಯೇ?
ಹೌದು, EVC ರಚಿಸುವ ಮೊದಲು ನಿಮ್ಮ ಬ್ಯಾಂಕ್ ಖಾತೆ ಅಥವಾ ನಿಮ್ಮ ಡಿಮ್ಯಾಟ್ ಖಾತೆಯನ್ನು ನೀವು ಮುಂಚಿತವಾಗಿ ಮೌಲ್ಯೀಕರಿಸುವ ಅಗತ್ಯವಿದೆ.