1. ಸ್ಥೂಲಪರಿಚಯ

ಸೆಕ್ಷನ್ 194N ಸೇವೆಯ ಅಡಿಯಲ್ಲಿ ನಗದು ಹಿಂಪಡೆಯುವಿಕೆಯ ಟಿ.ಡಿ.ಎಸ್. ತೆರಿಗೆದಾರರು ತಾವು ಮಾಡಿದ ನಗದು ಹಿಂಪಡೆಯುವಿಕೆಯ ಮೇಲೆ ಅನ್ವಯವಾಗುವ ಟಿ.ಡಿ.ಎಸ್. ದರವನ್ನು ವೀಕ್ಷಿಸಲು ಅನುವು ಮಾಡಿಕೊಡುತ್ತದೆ. ಈ ಸೇವೆಯು ತೆರಿಗೆದಾರರ ಕೆಳಗಿನ ವರ್ಗಗಳಿಗೆ ಪೂರ್ವ-ಲಾಗಿನ್ ಲಭ್ಯವಿದೆ (ನೋಂದಾಯಿತ ಮತ್ತು ನೋಂದಾಯಿಸದ ಎರಡೂ):

• ವೈಯಕ್ತಿಕ ತೆರಿಗೆದಾರರು
• HUF
• ಕಂಪನಿ
• AOP ಅಥವಾ BOI
• ಪಾಲುದಾರಿಕೆ ಸಂಸ್ಥೆ ಅಥವಾ LLP
• ಸ್ಥಳೀಯ ಪ್ರಾಧಿಕಾರ

ಈ ಸೇವೆಯು ನೋಂದಾಯಿತ TAN ಬಳಕೆದಾರರಿಗೆ ಲಾಗಿನ್ ನಂತರ ಲಭ್ಯವಿರುತ್ತದೆ (ಅಂದರೆ, ಸಾರ್ವಜನಿಕ/ಖಾಸಗಿ/ಸಹಕಾರಿ ಬ್ಯಾಂಕುಗಳು, ಅಂಚೆ ಕಚೇರಿಗಳಿಗೆ). ಬೃಹತ್ ಅಪ್‌ಲೋಡ್ ಕ್ರಿಯಾತ್ಮಕತೆಯನ್ನು ಬಳಸಿಕೊಂಡು ತೆರಿಗೆದಾರರು ಮಾಡುವ ನಗದು ಹಿಂಪಡೆಯುವಿಕೆಯ ಮೇಲೆ ಅನ್ವಯವಾಗುವ ಟಿ.ಡಿ.ಎಸ್. ದರವನ್ನು ವೀಕ್ಷಿಸಲು ಇದು ಅವರಿಗೆ ಅನುವು ಮಾಡಿಕೊಡುತ್ತದೆ.

2. ಈ ಸೇವೆಯನ್ನು ಪಡೆಯಲು ಪೂರ್ವಾಪೇಕ್ಷಿತಗಳು

• ಮಾನ್ಯವಾದ ಮತ್ತು ಸಕ್ರಿಯ PAN/TAN
• ಮಾನ್ಯವಾದ ಮತ್ತು ಸಕ್ರಿಯ ಮೊಬೈಲ್ ಸಂಖ್ಯೆ
• ಇ-ಫೈಲಿಂಗ್ ಪೋರ್ಟಲ್‌ನಲ್ಲಿ ನೋಂದಾಯಿತವಾಗಿರುವ TAN ಬಳಕೆದಾರರು (ಮಾನ್ಯವಾದ ಬಳಕೆದಾರ ಐಡಿ ಮತ್ತು ಪಾಸ್‌ವರ್ಡ್‌ನೊಂದಿಗೆ)

3. ಹಂತ-ಹಂತದ ಮಾರ್ಗದರ್ಶಿ

3.1. ನಗದು ಹಿಂಪಡೆಯುವುಕೆಯ ಮೇಲೆ ಅನ್ವಯಿಸುವ ಟಿ.ಡಿ.ಎಸ್‌. ದರಗಳನ್ನು ವೀಕ್ಷಿಸಿ (ಪೂರ್ವ-ಲಾಗಿನ್)

ಹಂತ 1: ಇ - ಫೈಲಿಂಗ್ ಪೋರ್ಟಲ್ ಹೋಮ್ ಪೇಜ್‌ನಲ್ಲಿ, ಸೆಕ್ಷನ್ 194N ಅಡಿಯಲ್ಲಿನ ನಗದು ಹಿಂತೆಗೆದುಕೊಳ್ಳುವಿಕೆಯ ಮೇಲಿನ ಟಿ.ಡಿ.ಎಸ್. ಅನ್ನು ಕ್ಲಿಕ್ ಮಾಡಿ.

ಹಂತ 2: ಮುಂದಿನ ಪೇಜ್ ನಲ್ಲಿ, ನಿಮ್ಮ ಪ್ಯಾನ್ ಮತ್ತು ಮಾನ್ಯವಾದ ಮೊಬೈಲ್ ಸಂಖ್ಯೆ ನಮೂದಿಸಿ, ಘೋಷಣಾ ಚೆಕ್‌ಬಾಕ್ಸ್ ಆಯ್ಕೆಮಾಡಿ ಮತ್ತು ಮುಂದುವರಿಯಿರಿಅನ್ನು ಕ್ಲಿಕ್ ಮಾಡಿ.

ಹಂತ 3: ಹಿಂದಿನ ಹಂತದಲ್ಲಿ ನಮೂದಿಸಿದ ಮೊಬೈಲ್ ಸಂಖ್ಯೆಗೆ ನೀವು 6-ಅಂಕಿಯ ಓ.ಟಿ.ಪಿ. ಅನ್ನು ಸ್ವೀಕರಿಸುತ್ತೀರಿ. ಪರಿಶೀಲನೆ ಪೇಜ್ ನಲ್ಲಿ, ಓ.ಟಿ.ಪಿ ನಮೂದಿಸಿ ಮತ್ತು ಮುಂದುವರೆಯಿರಿ ಅನ್ನು ಕ್ಲಿಕ್ ಮಾಡಿ.

ಗಮನಿಸಿ:

• ಓ.ಟಿ.ಪಿ. ಗಳು 15 ನಿಮಿಷಗಳ ಕಾಲ ಮಾತ್ರ ಮಾನ್ಯವಾಗಿರುತ್ತವೆ.
• ಸರಿಯಾದ ಓ.ಟಿ.ಪಿ.ಯನ್ನು ನಮೂದಿಸಲು ನಿಮಗೆ 3 ಪ್ರಯತ್ನಗಳಿವೆ.
• ಸ್ಕ್ರೀನ್‌ನಲ್ಲಿ ಓ.ಟಿ.ಪಿ. ಅವಧಿ ಎಣಿಕೆಯ ಟೈಮರ್ ಓ.ಟಿ.ಪಿ ಅವಧಿ ಯಾವಾಗ ಮೀರುತ್ತದೆ ಎಂದು ನಿಮಗೆ ತಿಳಿಸುತ್ತದೆ.
• ಓ.ಟಿ.ಪಿ ಪುನಃ ಕಳುಹಿಸಿಅನ್ನು ಕ್ಲಿಕ್ ಮಾಡಿದಾಗ, ಹೊಸ ಓ.ಟಿ.ಪಿ.ಯನ್ನು ರಚಿಸಲಾಗುತ್ತದೆ ಮತ್ತು ಕಳುಹಿಸಲಾಗುತ್ತದೆ.

ಟಿ.ಡಿ.ಎಸ್. ದರ ಪೇಜ್ ನಲ್ಲಿ, ನಿಮಗೆ ಅನ್ವಯವಾಗುವ ಟಿ.ಡಿ.ಎಸ್. ದರವನ್ನು ಈ ಕೆಳಗಿನಂತೆ ಪ್ರದರ್ಶಿಸಲಾಗುತ್ತದೆ:

• ಕಳೆದ ಮೂರು ವರ್ಷಗಳಿಗೆ ನಿಮ್ಮ ರಿಟರ್ನ್ ಗಳನ್ನು ಸಲ್ಲಿಸಲಾಗಿದ್ದರೆ, ನೀವು ಈ ಸಂದೇಶವನ್ನು ಪಡೆಯುತ್ತೀರಿ: " ಹಣ ಹಿಂಪಡೆಯುವಿಕೆಯು ರೂ. 1 ಕೋಟಿಗಳನ್ನು ಮೀರಿದರೆ 2% ದರದಲ್ಲಿ ಟಿ.ಡಿ.ಎಸ್. ಅನ್ನು ಕಡಿತಗೊಳಿಸಲಾಗುತ್ತದೆ."

• ಹಿಂದಿನ ಮೂರು ವರ್ಷಗಳಲ್ಲಿ ನೀವು ಎಲ್ಲಾ ಅಥವಾ ಯಾವುದೇ ವರ್ಷಕ್ಕೆ ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸದಿದ್ದರೆ, ನೀವು ಈ ಸಂದೇಶವನ್ನು ಪಡೆಯುತ್ತೀರಿ: " ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 194N ನ ಅಗತ್ಯತೆಗಳನ್ನು ತೆರಿಗೆದಾರರು ಪಾಲಿಸದ ಕಾರಣ, ನಗದು ಹಿಂಪಡೆಯುವಿಕೆಯು ರೂ.20 ಲಕ್ಷಗಳನ್ನು ಮೀರಿದರೆ ಟಿ.ಡಿ.ಎಸ್. ಅನ್ನು 2% ದರದಲ್ಲಿ ಕಡಿತಗೊಳಿಸಬಹುದು, ಮತ್ತು ರೂ.1 ಕೋಟಿಗಳನ್ನು ಮೀರಿದರೆ 5% ದರದಲ್ಲಿ ಟಿ.ಡಿ.ಎಸ್. ಅನ್ನು ಕಡಿತಗೊಳಿಸಬಹುದು."

3.2 TAN ಲಾಗಿನ್ - ಸೆಕ್ಷನ್ 194N ಅಡಿಯಲ್ಲಿ ಅನ್ವಯಿಸುವಿಕೆಯ ಬೃಹತ್ ಪರಿಶೀಲನೆ (ಲಾಗಿನ್-ನಂತರ)

ಹಂತ 1: ನಿಮ್ಮ ಬಳಕೆದಾರರ ಐಡಿ ಮತ್ತು ಪಾಸ್‌ವರ್ಡ್‌ ಬಳಸಿಕೊಂಡು ಇ-ಫೈಲಿಂಗ್ ಪೋರ್ಟಲ್‌ಗೆ ಲಾಗ್ ಇನ್ ಮಾಡಿ.

ಹಂತ 2: ಸೇವೆಗಳು > ಸೆಕ್ಷನ್ 194 N ಅಡಿಯಲ್ಲಿ ಅನ್ವಯಿಸುವಿಕೆಯ ಬೃಹತ್ ಪರಿಶೀಲನೆ ಮೇಲೆ ಕ್ಲಿಕ್ ಮಾಡಿ. ಸೆಕ್ಷನ್ 194N ಅಡಿಯಲ್ಲಿ ಅನ್ವಯಿಸುವಿಕೆಯ ಬೃಹತ್ ಪರಿಶೀಲನೆ ಪೇಜ್ ನಲ್ಲಿ, ನೀವು ಎರಡು ಆಯ್ಕೆಗಳನ್ನು ನೋಡುತ್ತೀರಿ:

• ಬೃಹತ್ PAN ವಿವರಗಳನ್ನು ಅಪ್‌ಲೋಡ್ ಮಾಡಿ
• ಟೋಕನ್ ಸ್ಥಿತಿಯನ್ನು ಪರಿಶೀಲಿಸಿ

ಹಂತ 3:

3.1 ಬೃಹತ್ PAN ವಿವರಗಳನ್ನು ಅಪ್‌ಲೋಡ್ ಮಾಡಿ

ಬೃಹತ್ PAN ವಿವರಗಳ ಅಪ್‌ಲೋಡ್‌ ಜೊತೆಗೆ, ಪ್ರತಿ PANಗೆ ರಿಟರ್ನ್ ಫೈಲಿಂಗ್‌ನ ಸ್ಥಿತಿಗಾಗಿ ಸಿಸ್ಟಂ ಪರಿಶೀಲಿಸಬೇಕಾದ CSV ಟೆಂಪ್ಲೇಟ್‌ನಲ್ಲಿ (ಇ-ಫೈಲಿಂಗ್ ಒದಗಿಸಿದ) TAN ಬಳಕೆದಾರರು 1000 PAN‌ಗಳ ವಿವರಗಳನ್ನು ನಮೂದಿಸಬಹುದು. ಅದರಂತೆ, ಅಪ್‌ಲೋಡ್ ಮಾಡಲಾದ CSV ಫೈಲ್‌ನಲ್ಲಿ ಪ್ರತಿ PANಗೆ ಅನ್ವಯವಾಗುವ ನಗದು ಹಿಂಪಡೆಯುವಿಕೆಯ ಮೇಲೆ ಟಿ.ಡಿ.ಎಸ್.‌ ದರವನ್ನು ಸಿಸ್ಟಂ ತೋರಿಸುತ್ತದೆ.

ಹಂತ 3.1.1: ಅಪ್‌ಲೋಡ್‌ ಅನ್ನು ಕ್ಲಿಕ್ ಮಾಡಿ.

ಹಂತ 3.1.2: ಬೃಹತ್ ಪ್ಯಾನ್ ವಿವರಗಳ ಅಪ್‌ಲೋಡ್ ಪೇಜ್ ನಲ್ಲಿ, ಬೃಹತ್ ಪ್ಯಾನ್ ವಿವರಗಳಿಂದ ಭರ್ತಿಮಾಡಬೇಕಾದ CSV ಟೆಂಪ್ಲೇಟ್ ಅನ್ನು ಪಡೆಯಲು ಡೌನ್‌ಲೋಡ್ ಟೆಂಪ್ಲೇಟ್‌ ಅನ್ನು ಕ್ಲಿಕ್ ಮಾಡಿ.

ಹಂತ 3.1.3: ಬೃಹತ್ ಪ್ಯಾನ್ ವಿವರಗಳನ್ನು ಒಳಗೊಂಡ CSV ಫೈಲ್ ಅನ್ನು ಅಪ್‌ಲೋಡ್ ಮಾಡಲು ಫೈಲ್ ಲಗತ್ತಿಸಿ ಅನ್ನು ಕ್ಲಿಕ್ ಮಾಡಿ.

ಗಮನಿಸಿ: ನೀವು ಒಂದು CSV ಫೈಲ್ ಅಪ್‌ಲೋಡ್‌ಗಾಗಿ 1000 PAN ವಿವರಗಳನ್ನು ಸೇರಿಸಬಹುದು. ನಿಮ್ಮ ಕಂಪ್ಯೂಟರ್‌ನಲ್ಲಿನ ಆಯಾ ಫೋಲ್ಡರ್‌ನಿಂದ CSV ಫೈಲ್ ಅನ್ನು ಲಗತ್ತಿಸಿ.

ಹಂತ 3.1.4: ಫೈಲ್ ಅನ್ನು ಲಗತ್ತಿಸಿದ ನಂತರ, ಅಪ್‌ಲೋಡ್‌ ಅನ್ನು ಕ್ಲಿಕ್ ಮಾಡಿ.

ಅಪ್‌ಲೋಡ್‌ ಯಶಸ್ವಿಯಾದ ನಂತರ, ನೀವು ಮುಂದಿನ ಉಲ್ಲೇಖಕ್ಕಾಗಿ ವಹಿವಾಟು ಐಡಿ ಮತ್ತು ಟೋಕನ್ ಸಂಖ್ಯೆಯೊಂದಿಗೆ ಯಶಸ್ವಿ ಸಂದೇಶವನ್ನು ಪಡೆಯುತ್ತೀರಿ. TAN ಬಳಕೆದಾರರ ನೋಂದಾಯಿತ ಇಮೇಲ್ ಐಡಿ ಮತ್ತು ಮೊಬೈಲ್ ಸಂಖ್ಯೆಗೆ ಇಮೇಲ್ ಮತ್ತು ಎಸ್‌.ಎಂ.ಎಸ್‌ ಅನ್ನು ಕಳುಹಿಸಲಾಗುತ್ತದೆ.

3.2 ಟೋಕನ್ ಸ್ಥಿತಿಯನ್ನು ಪರಿಶೀಲಿಸಿ

'ಟೋಕನ್ ಸ್ಥಿತಿಯನ್ನು ಪರಿಶೀಲಿಸಿ' ಅಡಿಯಲ್ಲಿ, TAN ಬಳಕೆದಾರರು ಪ್ರತಿ PANಗೆ ಟಿ.ಡಿ.ಎಸ್ ದರಗಳೊಂದಿಗೆ ದಾಖಲೆಗಳನ್ನು (ಸಿಸ್ಟಮ್ ತುಂಬಿಸಿದ CSV ಫೈಲ್) ಡೌನ್‌ಲೋಡ್ ಮಾಡಬಹುದು.

ಹಂತ 3.2.1: ಟೋಕನ್ ಸ್ಥಿತಿ ಪರಿಶೀಲಿಸಿ ಆಯ್ಕೆಯ ಅಡಿಯಲ್ಲಿ, ಮುಂದುವರಿಯಿರಿ ಅನ್ನು ಕ್ಲಿಕ್ ಮಾಡಿ.

ಹಂತ 3.2.2: ಟೋಕನ್ ಸ್ಥಿತಿಯನ್ನು ಪರಿಶೀಲಿಸಿ ಪೇಜ್ ನಲ್ಲಿ, ಟೋಕನ್ ಸಂಖ್ಯೆ (ನೀವು ವಿನಂತಿಯನ್ನು ರಚಿಸಿದಾಗ ನಿಮ್ಮ ನೋಂದಾಯಿತ ಇಮೇಲ್ ಐಡಿ ಅಥವಾ ಮೊಬೈಲ್ ಸಂಖ್ಯೆಯಲ್ಲಿ ಸ್ವೀಕರಿಸಿರುತ್ತೀರಿ) ಅಥವಾ ಪ್ರಾರಂಭ ದಿನಾಂಕ ಮತ್ತು ಅಂತಿಮ ದಿನಾಂಕವನ್ನು (ಯಾವುದರ ನಡುವೆ ಇ-ಫೈಲಿಂಗ್ ಪೋರ್ಟಲ್‌ನಲ್ಲಿ ಟೋಕನ್ ಅನ್ನು ರಚಿಸಲಾಗಿದೆಯೋ ಅದು) ನಮೂದಿಸಿ.

ಹಂತ 3.2.3: ಸ್ಥಿತಿಯನ್ನು ಪರಿಶೀಲಿಸಿ ಅನ್ನು ಕ್ಲಿಕ್ ಮಾಡಿ.

ಹಂತ 3.2.4: ಆಯ್ದ ಮಾನದಂಡಗಳಿಗೆ ಹೊಂದಾಣಿಕೆಯಾಗುವ ದಾಖಲೆಗಳು ಕೋಷ್ಟಕದಲ್ಲಿ ಕೆಳಗೆ ಗೋಚರಿಸುತ್ತವೆ. ನೀವು ಡೌನ್‌ಲೋಡ್ ಮಾಡಲು ಬಯಸುವ (CSV ಫಾರ್ಮ್ಯಾಟ್) ದಾಖಲೆಗಾಗಿ ಡೌನ್‌ಲೋಡ್ ಅನ್ನು ಕ್ಲಿಕ್ ಮಾಡಿ .ಡೌನ್‌ಲೋಡ್ ಮಾಡಲಾದ CSV ಫೈಲ್‌ನಲ್ಲಿ ಪ್ರತಿ PAN‌ನಿಂದ ಮಾಡಿದ ಹಣ ಹಿಂಪಡೆಯುವಿಕೆಯ ಮೇಲೆ ಅನ್ವಯಿಸುವ ಟಿ.ಡಿ.ಎಸ್.‌ ದರವನ್ನು ನೀವು ವೀಕ್ಷಿಸಬಹುದು

4. ಸಂಬಂಧಿತ ವಿಷಯಗಳು

• ಹೋಮ್ ಪೇಜ್
• ಲಾಗಿನ್
• ಡ್ಯಾಶ್‌ಬೋರ್ಡ್