1. AY 2024-25-ൽ ITR-2 ഫയൽ ചെയ്യാൻ യോഗ്യരായവർ ആരൊക്കെയാണ്?

ITR-2 ഇനിപ്പറയുന്ന വ്യക്തികൾക്കോ ​​HUF കൾക്കോ ​​ഫയൽ ചെയ്യാം:

• ITR-1 (സഹജ്) ഫയല്‍ ചെയ്യാന്‍ യോഗ്യതയില്ല
• ബിസിനസ്സ് അല്ലെങ്കിൽ തൊഴിലിന്റെ ലാഭത്തിൽ നിന്നും നേട്ടത്തിൽ നിന്നും വരുമാനം ഉണ്ടായിരിക്കരുത്, കൂടാതെ ഇനിപ്പറയുന്ന രീതിയിൽ ബിസിനസ്സിന്റെയോ തൊഴിലിന്റെയോ ലാഭത്തിൽ നിന്നോ നേട്ടത്തിൽ നിന്നോ വരുമാനം ഉണ്ടായിരിക്കരുത്:

• പലിശ
• ശമ്പളം
• ബോണസ്
• ഒരു പങ്കാളിത്ത സ്ഥാപനത്തിൽ നിന്ന്, പ്രതിഫലം അല്ലെങ്കിൽ കമ്മീഷൻ, പേര് ഏതുമാവട്ടെ, സ്വീകരിച്ച/ലഭിക്കാനുള്ള വ്യക്തി

• ജീവിതപങ്കാളി, പ്രായപൂർത്തിയാകാത്ത കുട്ടി തുടങ്ങി മറ്റൊരു വ്യക്തിയുടെ വരുമാനം സ്വന്തം വരുമാനവുമായി ചേർക്കാൻ കഴിയുന്ന വരുമാനമുള്ളവർ - ക്ലബ്ബ് ചെയ്യാനുള്ള വരുമാനം മുകളിൽ പറഞ്ഞ ഏതെങ്കിലും വിഭാഗങ്ങളിൽ പെടുന്നുവെങ്കിൽ.

2. AY 2024-25-ലേക്ക് ITR-2 ഫയൽ ചെയ്യാൻ ആർക്കാണ് യോഗ്യതയില്ലാത്തത്?

വർഷത്തിലെ മൊത്തം വരുമാനത്തിൽ ബിസിനസിൽ നിന്നോ തൊഴിലിൽ നിന്നോ ഉള്ള ലാഭത്തിൽ നിന്നും നേട്ടങ്ങളിൽ നിന്നുമുള്ള വരുമാനം ഉൾപ്പെടുന്ന, കൂടാതെ ഇനിപ്പറയുന്ന പ്രകാരമുള്ള വരുമാനം ഉള്ള ഏതെങ്കിലും വ്യക്തിക്കോ HUF-നോ ITR-2 ഫയൽ ചെയ്യാൻ കഴിയില്ല:

• പലിശ
• ശമ്പളം
• ബോണസ്
• നികുതിദായകന്, ഒരു പങ്കാളിത്തസ്ഥാപന ത്തിൽനിന്ന്, ഏത് പേരിലെങ്കിലുമാവട്ടെ, ലഭിച്ച അല്ലെങ്കിൽ ലഭിക്കാനുള്ള കമ്മീഷൻ അല്ലെങ്കിൽ പ്രതിഫലം,

ജീവിതപങ്കാളി, പ്രായപൂർത്തിയാകാത്ത കുട്ടി തുടങ്ങി മറ്റൊരു വ്യക്തിയുടെ വരുമാനം സ്വന്തം വരുമാനവുമായി ചേർക്കാൻ കഴിയുന്ന വരുമാനമുള്ളവർ - ക്ലബ്ബ് ചെയ്യാനുള്ള വരുമാനം മുകളിൽ പറഞ്ഞ ഏതെങ്കിലും വിഭാഗങ്ങളിൽ പെടുന്നുവെങ്കിൽ.

3. മുന്‍ വർഷങ്ങളെ അപേക്ഷിച്ച് ITR-2 ലെ മാറ്റങ്ങൾ എന്തൊക്കെയാണ്?

പുതിയ നികുതി വ്യവസ്ഥ, ഒരു വ്യക്തിയെന്ന നിലയിലോ HUF എന്ന നിലയിലോ ഉള്ള നികുതിദായകരുടെ സ്ഥിരസ്ഥിതി നികുതി വ്യവസ്ഥയാക്കുന്നതിനായി സെക്ഷൻ 115-BAC-യിലെ വ്യവസ്ഥകൾ 2023--ലെ ധനകാര്യ നിയമം മൂലം ഭേദഗതി ചെയ്തിട്ടുള്ളതാണ്. ഒരു നികുതിദായകന് പുതിയ നികുതി വ്യവസ്ഥ അനുസരിച്ച് നികുതി അടയ്ക്കാൻ താൽപ്പര്യമില്ലെങ്കിൽ, അയാൾ അതിൽ നിന്ന് വ്യക്തമായി പിന്മാറുകയും, പഴയ നികുതി വ്യവസ്ഥ പ്രകാരം നികുതി അടക്കുവാൻ സന്നദ്ധനാകുകയും വേണം.

 പുതിയ നികുതി വ്യവസ്ഥയിൽ, 87A വകുപ്പുപ്രകാരമുള്ള ഇളവ് പരിധി വർദ്ധിപ്പിച്ചു. നിങ്ങളുടെ ആകെ വരുമാനം രൂ.7 ലക്ഷം വരെയാണെങ്കിൽ, 87A വകുപ്പുപ്രകാരമുള്ള ഇളവ് അനുവദനീയമാണ് കൂടാതെ നികുതികൾ പൂജ്യമായിരിക്കും. 7 ലക്ഷം രൂപയ്ക്ക് മുകളിലുള്ള വരുമാനത്തിന് സ്ലാബ് നിരക്ക് അനുസരിച്ച് നികുതി നൽകേണ്ടതുണ്ട്.

 ഫോം 10-IA വിശദാംശങ്ങൾക്കൊപ്പം ബന്ധപ്പെട്ട വകുപ്പിന് കീഴിൽ ക്ലെയിം ചെയ്ത വൈകല്യത്തിന്റെ വിശദാംശങ്ങൾ നൽകുന്നതിന് ഷെഡ്യൂൾ 80DD, ഷെഡ്യൂൾ 80U എന്നിവ ചേർത്തിരിക്കുന്നു. ഈ സെക്ഷനുകള്‍ക്ക് കീഴിൽ കിഴിവ് ലഭിക്കുന്നതിന് ഫോം 10IA ഫയൽ ചെയ്യേണ്ടത് നിർബന്ധമാണെന്ന കാര്യം ദയവായി ശ്രദ്ധിക്കുക. ITR ഫയൽ ചെയ്യുന്നതിന് മുമ്പായി ഫോം 10IA ഫയൽ ചെയ്യാൻ നിർദ്ദേശിക്കുന്നു.

 രാഷ്ട്രീയ പാർട്ടിക്ക് നൽകിയ സംഭാവനകളുടെ വിശദാംശങ്ങൾ നൽകുന്നതിന് ഷെഡ്യൂൾ 80GGC ചേർത്തിട്ടുണ്ട്

 റിസർവ് ബാങ്ക് നടത്തുന്ന കേന്ദ്രീകൃത പേയ്മെന്റ് സംവിധാനങ്ങൾ ഉപയോഗിച്ച് സ്ഥാപനം ഏറ്റെടുക്കുന്ന 50 കോടി രൂപയോ അതിൽ കൂടുതലോ മൂല്യമുള്ള എല്ലാ പേയ്മെന്റ് ഇടപാടുകൾക്കും LEI സിസ്റ്റംസ് ഏർപ്പെടുത്തിയിട്ടുണ്ട്. റിയൽ ടൈം ഗ്രോസ് സെറ്റിൽമെന്റ് (RTGS), നാഷണൽ ഇലക്ട്രോണിക് ഫണ്ട് ട്രാൻസ്ഫർ (NEFT). 50 കോടിയിലധികം തുക റീഫണ്ട് ക്ലെയിം ചെയ്ത കേസുകളിൽ LEI നമ്പർ നൽകേണ്ടതുണ്ട്.

4. ITR-2 ഫയൽ ചെയ്യുന്നതിനായി എനിക്ക് എന്തൊക്കെ രേഖകൾ ആവശ്യമാണ്?

1. നിങ്ങൾക്ക് ശമ്പള വരുമാനം ഉണ്ടെങ്കിൽ, നിങ്ങളുടെ തൊഴിലുടമ നൽകുന്ന ഫോം 16 ആവശ്യമാണ്.
2. സ്ഥിര നിക്ഷേപത്തിൽ നിന്നോ അല്ലെങ്കിൽ സേവിംഗ്സ് ബാങ്ക് അക്കൗണ്ടിൽ നിന്നോ നിങ്ങൾക്ക് പലിശ ലഭിക്കുകയും അതിൽ TDS കുറയ്ക്കുകയും ചെയ്തിട്ടുണ്ടെങ്കിൽ, നിങ്ങൾക്ക് ഡിഡക്റ്റർമാർ നൽകുന്ന TDS സർട്ടിഫിക്കറ്റുകൾ അതായത്, ഫോം 16A ആവശ്യമാണ്.
3. ശമ്പളത്തിന്റെ TDS-ഉം ശമ്പളം ഒഴികെയുള്ള TDS-ഉം പരിശോധിക്കുന്നതിനായി നിങ്ങൾക്ക് ഫോം 26AS ആവശ്യമാണ്. ഫോം 26AS ഇ-ഫയലിംഗ് പോർട്ടലിൽ നിന്ന് ഡൗൺലോഡ് ചെയ്യാൻ കഴിയും.
4. താങ്കൾ വാടകയ്‌ക്കെടുത്ത സ്ഥലത്താണ് താമസിക്കുന്നതെങ്കിൽ, HRA കണക്കാക്കുന്നതിന് വാടക അടച്ച രസീതുകൾ (താങ്കൾ അവ തൊഴിലുടമയ്ക്ക് സമർപ്പിച്ചിട്ടില്ലെങ്കിൽ) താങ്കളുടെ പക്കൽ ഉണ്ടായിരിക്കേണ്ടതാണ്.
5. താങ്കൾക്ക് ഷെയറുകളിൽ എന്തെങ്കിലും മൂലധന നേട്ട ഇടപാടുകൾ ഉണ്ടെങ്കിൽ, മൂലധന നേട്ടം കണക്കാക്കുന്നതിന്, ഒരു വർഷത്തിൽ നടത്തിയ ഷെയറുകളുടെയോ സെക്യൂരിറ്റികളുടെയോ മൂലധന നേട്ട ഇടപാടുകളുടെ ഒരു സംഗ്രഹം അല്ലെങ്കിൽ ലാഭ / നഷ്ട സ്റ്റേറ്റ്മെന്റ് താങ്കളുടെ പക്കൽ ഉണ്ടായിരിയ്ക്കേണ്ടതാണ്..
6. പലിശവരുമാനം കണക്കാക്കാൻ താങ്കളുടെ ബാങ്ക് പാസ്‌ബുക്ക്, സ്ഥിര നിക്ഷേപ രസീതുകൾ (FDR) എന്നിവ ആവശ്യമാണ്.
7. വാടകയ്ക്ക് കൊടുത്ത താമസസ്ഥലത്തുനിന്ന് താങ്കൾക്ക് വാടക ലഭിച്ചിട്ടുണ്ടെങ്കിൽ, അത്തരം വരുമാനം കണക്കാക്കാൻ ലഭിച്ച വാടകയുടെ വിവരങ്ങൾ / ലോക്കൽ ടാക്സ് പേയ്മെന്റ് /കടമെടുത്ത മൂലധനത്തിന്മേ ലുള്ള പലിശ (എന്തെങ്കിലും ഉണ്ടെങ്കിൽ) എന്നിവയുടെ വിശദാംശങ്ങൾ ആവശ്യമാണ്.
8. നിലവിലെ വർഷത്തിൽ ഉണ്ടായ ഏതെങ്കിലും നഷ്ടം ക്ലെയിം ചെയ്യാൻ താങ്കൾ ആഗ്രഹിക്കുന്നുവെങ്കിൽ, നഷ്ടം കാണിക്കുന്ന പ്രസക്തമായ രേഖകൾ താങ്കളുടെ പക്കൽ ഉണ്ടായിരിയ്ക്കേണ്ടതാണ്.
9. മുൻ വർഷത്തെ നഷ്ടം നിങ്ങൾ ക്ലെയിം ചെയ്യാൻ ആഗ്രഹിക്കുന്നുവെങ്കിൽ, പ്രസ്‌തുത നഷ്ടം വെളിപ്പെടുത്തി മുൻ വർഷത്തെ ITR-V യുടെ ഒരു പകർപ്പ് നിങ്ങൾക്ക് ആവശ്യമാണ്.
10. നിങ്ങളുടെ ഫോം 16-ൽ പരിഗണിച്ചില്ലെങ്കിൽ, 80C, 80D, 80G, 80GG വകുപ്പുപ്രകാരം നികുതി ലാഭിക്കൽ കിഴിവുകൾ ക്ലെയിം ചെയ്യുന്നതിനായി ലൈഫ്, ആരോഗ്യ ഇൻഷുറൻസ് രസീതുകൾ, സംഭാവന രസീതുകൾ, വാടക രസീതുകൾ, ട്യൂഷൻ ഫീസിൻ്റെ രസീതുകൾ തുടങ്ങിയവ പോലെയുള്ള രേഖകളോ തെളിവുകളോ നിങ്ങൾക്ക് ആവശ്യമാണ്.

5. എന്റെ ITR ഫയൽ ചെയ്യുമ്പോൾ പ്രശ്നങ്ങൾ ഉണ്ടാകാതിരിക്കാൻ ഞാൻ എന്തെല്ലാം മുൻകരുതലുകളാണ് എടുക്കേണ്ടത്?

റിട്ടേൺ ഫയൽ ചെയ്യുന്നതിലും റീഫണ്ട് ലഭിക്കുന്നതിലും ഉള്ള പ്രശ്നങ്ങൾ ഒഴിവാക്കാൻ, ഇനിപ്പറയുന്നവ ചെയ്തുവെന്ന് താങ്കൾ ഉറപ്പാക്കേണ്ടതാണ്:

• ആധാറും പാനും ലിങ്ക് ചെയ്തു.
• താങ്കൾ റീഫണ്ട് സ്വീകരിക്കാൻ ആഗ്രഹിക്കുന്ന ബാങ്ക് അക്കൗണ്ട് മുൻകൂട്ടി സാധൂകരിച്ചു (പ്രീവാലിഡേറ്റ് ചെയ്തു) എന്ന് ഉറപ്പാക്കണം.
• ഫയൽ ചെയ്യുന്നതിന് മുമ്പ് ശരിയായ ITR തിരഞ്ഞെടുക്കുക; അല്ലാത്തപക്ഷം ഫയൽ ചെയ്ത റിട്ടേൺ വികലമായി കണക്കാക്കും, കൂടാതെ നിങ്ങൾ ശരിയായ ഫോം ഉപയോഗിച്ച് പുതുക്കിയ ITR ഫയൽ ചെയ്യേണ്ടി വരും.
• നിര്‍ദ്ദിഷ്‌ടമായ സമയപരിധിക്കുള്ളില്‍ റിട്ടേണ്‍ ഫയല്‍ ചെയ്തു.
• നിങ്ങളുടെ റിട്ടേൺ പരിശോധിച്ചുറപ്പിക്കുക - നിങ്ങൾക്ക് ഇ-വെരിഫിക്കേഷൻ തിരഞ്ഞെടുക്കാം, (ശുപാർശ ചെയ്ത ഓപ്ഷൻ - ഇപ്പോൾ ഇ-വെരിഫൈ ചെയ്യുക) നിങ്ങളുടെ ITR പരിശോധിക്കുന്നതിനുള്ള ഏറ്റവും എളുപ്പമുള്ള മാർഗമാണ്.

6. ഒരു HUF / ഫേമിന് 87A വകുപ്പുപ്രകാരമുള്ള ഇളവ് ക്ലെയിം ചെയ്യാൻ കഴിയുമോ?

ഇല്ല. സെക്ഷൻ 87A പ്രകാരമുള്ള ഇളവ് ഒരു വ്യക്തിക്ക് മാത്രമേ ലഭ്യമാകൂ, അതിനാൽ, ഒരു വ്യക്തിക്ക് പുറമെ മറ്റൊരാൾക്കും സെക്ഷൻ 87A പ്രകാരമുള്ള ഇളവ് ക്ലെയിം ചെയ്യാൻ കഴിയില്ല.

7. ഞാൻ ഒരു പ്രവാസി ആണ്. 87A വകുപ്പുപ്രകാരം എനിക്ക് റിബേറ്റ് ക്ലെയിം ചെയ്യാൻ കഴിയുമോ?

ഇല്ല. സെക്ഷൻ 87A പ്രകാരമുള്ള ഇളവ് ഇന്ത്യയിൽ താമസിക്കുന്ന ഒരു വ്യക്തിക്ക് മാത്രമേ ലഭ്യമാകൂ, അതിനാൽ, സെക്ഷൻ 87A പ്രകാരമുള്ള ഇളവ് പ്രവാസികൾക്ക് ക്ലെയിം ചെയ്യാൻ കഴിയില്ല .

8. എനിക്ക് രണ്ട് വീടുകളുണ്ട്. അതിലൊന്ന് ഞാൻ എല്ലാ ആഴ്ചയും സന്ദർശിക്കുന്ന ഒരു ഫാംഹൗസാണ്, മറ്റേത് എന്റെ താമസസ്ഥലം ആണ്. ഈ രണ്ട് വസതികളെയും സ്വയം താമസിക്കാനുള്ളവയായി കണക്കാക്കാമോ?

AY 2019-20 വരെ, നിങ്ങൾക്ക് ഒരു സ്വത്ത് മാത്രമേ സ്വന്തമായി താമസിക്കുന്ന വസ്തുവായി ക്ലെയിം ചെയ്യാൻ കഴിയൂ, മറ്റ് സ്വത്തുക്കൾ വാടകയ്ക്ക് നൽകുന്നതായി കണക്കാക്കും.

AY 2020-21 മുതൽ, നിർദ്ദിഷ്‌ട വ്യവസ്ഥകൾ പാലിക്കുന്നതിന് വിധേയമായി, രണ്ട് വീടുകളും റെസിഡൻഷ്യൽ ഉദ്ദേശ്യങ്ങൾക്കായി സ്വന്തമായി താമസിക്കുന്ന വസ്തുവായി കണക്കാക്കാം.

9. വർഷത്തിൻ്റെ ഒരു ഭാഗത്തിൽ സ്വന്തമായി താമസിക്കുന്നതും വർഷത്തിൻ്റെ ഒരു ഭാഗത്തിൽ വാടകയ്ക്ക് നൽകുന്നതുമായ ഒരു വസ്തുവിൽ നിന്നുള്ള വരുമാനം എങ്ങനെ കണക്കാക്കാം?

ഈ സാഹചര്യത്തിൽ, വരുമാന നികുതി കണക്കാക്കുന്നതിനായി വീട്ടുസ്വത്തിൽ നിന്നുള്ള വരുമാനം എന്ന ശീർഷകത്തിൽ നികുതി ഈടാക്കാവുന്ന വരുമാനത്തിന്റെ കണക്കെടുപ്പ് ചെയ്യുമ്പോൾ, അത്തരം സ്വത്ത് മുഴുവൻ വർഷവും വാടകയ്‌ക്ക് നൽകിയതെന്ന നിലയിലാണ് പരിഗണിക്കുന്നത്, അതനുസരിച്ച് വരുമാനം കണക്കാക്കപ്പെടും.

എന്നിരുന്നാലും, അത്തരം ഒരു സ്വത്തിന്റെ കാര്യത്തിൽ നികുതി ചുമത്താവുന്ന വരുമാനം കണക്കാക്കുമ്പോൾ, യഥാർത്ഥ വാടക, വാടകയ്ക്കെടുക്കൽ കാലയളവിലേക്ക് മാത്രമേ പരിഗണിക്കുകയുള്ളൂ.

10. മൂലധന നേട്ടം എന്ന ഹെഡിന് കീഴിൽ നികുതി ഈടാക്കാവുന്ന വരുമാനങ്ങള്‍ ഏതൊക്കെയാണ്?

വവർഷത്തിൽ ഒരു മൂലധന ആസ്തി കൈമാറ്റം ചെയ്യുന്നതിലൂടെ ഉണ്ടാകുന്ന ഏതെങ്കിലും ലാഭമോ നേട്ടമോ 'മൂലധന നേട്ടം' എന്ന ശീര്‍ഷകത്തിന് കീഴിൽ നികുതി ഈടാക്കുന്നു.

11. മൂലധന ആസ്തിയുടെ അർത്ഥമെന്താണ്?

1961-ലെ ആദായനികുതി നിയമത്തിലെ സെക്ഷൻ 2(14) പ്രകാരം മൂലധന ആസ്തിയെ നിർവചിച്ചിരിക്കുന്നത്:

എ) നികുതിദായകന്റെ ബിസിനസ്സുമായോ തൊഴിലുമായോ ബന്ധമുണ്ടെങ്കിലും ഇല്ലെങ്കിലും നികുതിദായകന്റെ കൈവശമുള്ള ഏതെങ്കിലും തരത്തിലുള്ള സ്വത്ത്.

b) SEBI നിയമം, 1992 പ്രകാരം സൃഷ്ടിച്ച ചട്ടങ്ങൾക്കനുസൃതമായി നിക്ഷേപം നടത്തിയ FII കൈവശം വയ്ക്കുന്ന ഏതെങ്കിലും സെക്യൂരിറ്റികൾ (ചില ഒഴിവാക്കലുകൾക്ക് വിധേയമായിരിക്കും).

12. ദീർഘകാല മൂലധന ആസ്തി എന്ന പദത്തിന്റെ അർത്ഥമെന്താണ്?
    • കൈമാറ്റ തീയതിക്ക് തൊട്ടുമുമ്പ് 36 മാസത്തിൽ കൂടുതൽ കൈവശം വച്ചിരിക്കുന്ന ഏതൊരു മൂലധന ആസ്തിയും ദീർഘകാല മൂലധന ആസ്തിയായി കണക്കാക്കും.
    • എന്നിരുന്നാലും, ഇന്ത്യയിലെ അംഗീകൃത സ്റ്റോക്ക് എക്സ്ചേഞ്ചിൽ ലിസ്റ്റുചെയ്തിരിക്കുന്ന ഷെയറുകൾ (ഇക്വിറ്റി അല്ലെങ്കിൽ മുൻഗണന) പോലുള്ള ചില ആസ്തികളുടെ കാര്യത്തിൽ, ഇക്വിറ്റി അടിസ്ഥാനമാക്കിയുള്ള മ്യൂച്വൽ ഫണ്ടുകളുടെ യൂണിറ്റുകൾ, കടപ്പത്രങ്ങൾ, സർക്കാർ സെക്യൂരിറ്റികൾ തുടങ്ങിയ ലിസ്റ്റുചെയ്ത സെക്യൂരിറ്റികൾ, UTI-യുടെ യൂണിറ്റുകൾ, സീറോ കൂപ്പൺ ബോണ്ടുകൾ, എന്നിവ കൈവശം വയ്ക്കുന്ന കാലയളവ് 36 മാസത്തിനുപകരം 12 മാസമായാണ് പരിഗണിക്കുന്നത്.
    • ഒരു കമ്പനിയിൽ ലിസ്റ്റുചെയ്യാത്ത ഓഹരികളുടെ കാര്യത്തിൽ, പരിഗണിക്കേണ്ട കാലയളവ് 36 മാസത്തിന് പകരം 24 മാസമാണ്.
    • AY 2018-19 മുതൽ, സ്ഥാവര സ്വത്ത് (ഭൂമി അല്ലെങ്കിൽ കെട്ടിടം അല്ലെങ്കിൽ രണ്ടും) കൈവശം വയ്ക്കുന്ന കാലയളവ് 36 മാസത്തിന് പകരം 24 മാസമായി കണക്കാക്കും.

13. ആദായനികുതി നിയമം അനുസരിച്ച്, മൂലധന ആസ്തി കൈമാറ്റം ചെയ്യുന്നതിലൂടെ ഉണ്ടാകുന്ന നേട്ടത്തിന് "മൂലധന നേട്ടം" എന്ന ശീർഷകത്തിനു കീഴിൽ നികുതി ഈടാക്കുന്നു. ആദായനികുതി നിയമപ്രകാരം കൈമാറ്റം എന്നാൽ എന്താണ്?

സാധാരണയായി, കൈമാറ്റം എന്നാൽ വിൽപ്പന എന്നാണ് അർത്ഥമാക്കുന്നത്, എന്നിരുന്നാലും, 1961 ലെ ആദായനികുതി നിയമത്തിലെ സെക്ഷൻ 2(47) പ്രകാരം ഒരു മൂലധന ആസ്തിയുമായി ബന്ധപ്പെട്ട് ഇനിപ്പറയുന്നവ ഉൾപ്പെടുന്നു:

• ആസ്തിയുടെ വിൽപ്പന, കൈമാറ്റം അല്ലെങ്കിൽ അവകാശം ഒഴിഞ്ഞു കൊടുക്കൽ;
• ഒരു മൂലധന ആസ്തിയുമായി ബന്ധപ്പെട്ട് ഏതെങ്കിലും അവകാശങ്ങൾ ഇല്ലാതാക്കൽ;
• ഒരു ആസ്തിയുടെ നിർബന്ധിത ഏറ്റെടുക്കൽ;
• മൂലധന ആസ്തിയെ സ്റ്റോക്ക്-ഇൻ-ട്രേഡ് ആയി പരിവർത്തനം ചെയ്യുക;
• ഒരു സീറോ കൂപ്പൺ ബോണ്ടിന്റെ കാലാവധി പൂർത്തിയാവുക അല്ലെങ്കിൽ അതിന്റെ വില തിരിച്ചുവാങ്ങൽ;
• 1882-ലെ സ്വത്ത് കൈമാറ്റ നിയമത്തിലെ സെക്ഷൻ 53A പരാമർശിക്കുന്ന രീതിയിലുള്ള കരാറിന്റെ ഭാഗിക പ്രകടനത്തിൽ സ്ഥാവരവസ്തുക്കൾ കൈവശം വയ്ക്കാൻ വാങ്ങുന്നയാളെ അനുവദിക്കുക;
• സ്ഥാവര സ്വത്തുക്കളുടെ കൈമാറ്റം നടപ്പിൽ വരുത്തുന്ന [അല്ലെങ്കിൽ അവ അനുഭവിയ്ക്കാൻ പ്രാപ്തമാക്കുന്ന] ഏത് ഇടപാടും; അഥവാ
• ഒരു ആസ്തിയേ ഒഴിവാക്കുകയോ അല്ലെങ്കിൽ അതിലുള്ള താൽപര്യ വിടുതൽ ചെയ്യുക അല്ലെങ്കിൽ ഏതെങ്കിലും ആസ്തിയിൽ താൽപര്യ സൃഷ്ടിക്കുക.

14. മൂലധന നഷ്ടം ക്യാരി ഫോർവേഡ് ചെയ്യുന്നതിനും തട്ടിക്കിഴിക്കുന്നതിനുമായി ആദായ നികുതി നിയമപ്രകാരം രൂപപ്പെടുത്തിയ വ്യവസ്ഥകൾ എന്തൊക്കെയാണ്?

• ഒരു വർഷത്തിൽ മൂലധനനേട്ടങ്ങൾ എന്ന ഹെഡിന് കീഴിൽ സംഭവിച്ച നഷ്ടം അതേ വർഷത്തിൽ ക്രമീകരിക്കാൻ കഴിയുന്നില്ലെങ്കിൽ, പുനഃക്രമീകരിക്കാത്ത മൂലധന നഷ്ടം അടുത്ത വർഷത്തേക്ക് മുന്നോട്ട് കൊണ്ടുപോകാൻ കഴിയും.
• തുടർന്നുള്ള വർഷത്തിൽ (ങ്ങളിൽ), മൂലധന നേട്ടങ്ങൾക്ക് കീഴിൽ നികുതി ഈടാക്കാവുന്ന വരുമാനവുമായി മാത്രമേ അത്തരം നഷ്ടം ക്രമീകരിക്കാൻ കഴിയൂ, എന്നിരുന്നാലും, ദീർഘകാല മൂലധന നേട്ടങ്ങളുമായി മാത്രമേ ദീർഘകാല മൂലധന നഷ്ടം ക്രമീകരിക്കാൻ കഴിയൂ. ഹ്രസ്വകാല മൂലധനനഷ്ടം ദീർഘകാല മൂലധന നേട്ടങ്ങളുമായും ഹ്രസ്വകാല മൂലധന നേട്ടങ്ങളുമായും ക്രമീകരിക്കാം.
• അത്തരം നഷ്ടം സംഭവിച്ച വർഷത്തിനു തൊട്ടു പിറകെ വരുന്ന അടുത്ത എട്ടു വർഷങ്ങളിലേയ്ക്ക് അത്തരം നഷ്ടം ക്യാരി ഫോർവേഡ് ചെയ്യാൻ കഴിയും.
• 139(1) വകുപ്പുപ്രകാരം, നഷ്ടം സംഭവിച്ച വർഷത്തെ വരുമാനത്തിന്റെയോ അല്ലെങ്കിൽ നഷ്ടത്തിന്റെയോ റിട്ടേൺ സമർപ്പിക്കുന്ന തീയതിക്കോ അതിനുമുമ്പോ, നഷ്ടം സംഭവിക്കുന്ന വർഷത്തിലെ വരുമാനത്തിന്റെയോ അല്ലെങ്കിൽ നഷ്ടത്തിന്റെയോ റിട്ടേൺ സമർപ്പിച്ചാൽ മാത്രമേ അത്തരം ക്യാരി ഫോർവേഡ് ചെയ്യാൻ കഴിയൂ.

15. 2(47A) വകുപ്പുപ്രകാരം നിർവചിച്ചിരിക്കുന്ന വെർച്വൽ ഡിജിറ്റൽ ആസ്തികൾക്ക് എത്ര നികുതിയാണ് ഈടാക്കുന്നത്?

വെർച്വൽ ഡിജിറ്റൽ ആസ്തികളിൽ നിന്നുള്ള ലാഭങ്ങൾ സെക്ഷൻ 115BBH പ്രകാരം 30% നികുതിയ്ക്ക് (ബാധകമായ സർചാർജും 4% സെസും ഉൾപ്പെടെ) വിധേയമാണ്.

16. ITR ഫോമിൽ VDA വരുമാനം എങ്ങനെയാണ് വെളിപ്പെടുത്തുക?

ITR-2, 3 ഫോമുകളിൽ നിങ്ങളുടെ ഡിജിറ്റൽ ആസ്തി വരുമാനത്തിന്റെ ഇടപാടുകൾ ഓരോന്നായും വെളിപ്പെടുത്താൻ "ഷെഡ്യൂൾ VDA" എന്ന പ്രത്യേക ഷെഡ്യൂൾ ലഭ്യമാണ്. ഇത് "മൂലധന നേട്ടം" എന്ന ശീർഷകത്തിന് കീഴിൽ 30 % പ്രത്യേക നിരക്കിൽ നികുതിക്ക് വിധേയമാകും.