നിങ്ങളുടെ JAOയെ അറിയുക ഉപയോക്തൃ മാനുവൽ

1. അവലോകനം

സാധുതയുള്ള പാനുള്ള എല്ലാ നികുതിദായകർക്കും (ഇ-ഫയലിംഗ് പോർട്ടലിൽ രജിസ്റ്റർ ചെയ്തവർക്കും ചെയ്യാത്തവർക്കും) 'നിങ്ങളുടെ JAOയെ അറിയുക' എന്ന സേവനം ലഭ്യമാണ്. ഒരു നിർദ്ദിഷ്ട പാനിന്‍റെ ജൂറിസ്ഡിക്ഷൻ അസെസ്സിങ് ഓഫീസറുടെ (JAO) വിവരങ്ങൾ കാണാൻ ഈ സേവനം നിങ്ങളെ അനുവദിക്കുന്നു. ഈ സേവനം പ്രയോജനപ്പെടുത്തുന്നതിനായി നിങ്ങൾ ഇ-ഫയലിംഗ് പോർട്ടലിൽ ലോഗിൻ ചെയ്യേണ്ടതില്ല.

2. ഈ സേവനം പ്രയോജനപ്പെടത്തുന്നതിനുള്ള മുൻവ്യവസ്ഥകൾ

സാധുതയുള്ള പാൻ
സാധുതയുള്ള മൊബൈൽ നമ്പർ

3. ഘട്ടം ഘട്ടമായുള്ള മാർഗ്ഗനിർദ്ദേശങ്ങൾ

ഘട്ടം 1:ഇ-ഫയലിംഗ് പോർട്ടലിലെ ഹോംപേജിൽ പോയി'നിങ്ങളുടെ JAO അറിയുക'എന്നതിൽ ക്ലിക്ക് ചെയ്യുക.

ഘട്ടം 2:'നിങ്ങളുടെ ജൂറിസ്ഡിക്ഷൻ അസെസ്സിങ് ഓഫീസറെ അറിയുക' എന്ന പേജിൽ നിങ്ങളുടെ പാൻ നമ്പറും സാധുതയുള്ള ഒരു മൊബൈൽ നമ്പറും നൽകി 'തുടരുക' എന്നതിൽ ക്ലിക്കുചെയ്യുക.

ഘട്ടം 3:ഘട്ടം 2-ൽ നിങ്ങൾ രേഖപ്പെടുത്തിയ മൊബൈൽ നമ്പറിൽ 6 അക്ക OTP ലഭിക്കും. OTP നൽകി ' സാധൂകരിക്കുക'എന്നതിൽ ക്ലിക്ക് ചെയ്യുക.

കുറിപ്പ്:

OTP ക്ക് 15 മിനിറ്റ് മാത്രമേ സാധുതയുള്ളൂ.
ശരിയായ OTP നൽകുന്നതിന് നിങ്ങൾക്ക് 3 അവസരങ്ങളുണ്ട്.
സ്‌ക്രീനിലെ OTP കാലാവധി കൗണ്ട്‌ഡൗൺ ടൈമർ OTP എപ്പോൾ അവസാനിക്കുമെന്ന് കാണിക്കുന്നു
'OTP വീണ്ടും അയയ്ക്കുക' എന്നതിൽ ക്ലിക്കുചെയ്യുമ്പോൾ ഒരു പുതിയ OTP സൃഷ്ടിക്കപ്പെട്ട് അയയ്ക്കും.

OTP വിജയകരമായി സ്ഥിരീകരിച്ചാൽ നിങ്ങളുടെ ജൂറിസ്ഡിക്ഷൻ അസെസ്സിങ് ഓഫീസറുടെ വിശദാംശങ്ങൾ (ഉദാഹരണത്തിന് ഏരിയ കോഡ്, AO തരം, റേഞ്ച് കോഡ്, AO നമ്പർ, അധികാരപരിധി, വിലാസം, JAO-യുടെ ഇമെയിൽ ID എന്നിവ) കൂടാതെ നിങ്ങളുടെ പാനിന്‍റെ നിലവിലെ സ്ഥിതിയും നിങ്ങൾക്ക് കാണാൻ സാധിക്കും.