1. 26AS ഫോം എന്താണ്?
ഒരു പ്രത്യേക സാമ്പത്തിക വർഷത്തേക്കുള്ള (FY) ഏകീകൃത വാർഷിക വിവര പ്രസ്താവനയാണിത്. ഇതിൽ ഇനിപ്പറയുന്നവയുടെ വിശദാംശങ്ങൾ അടങ്ങിയിരിക്കുന്നു:

• ഉറവിടത്തിൽ നിന്ന് കിഴിവ് ചെയ്ത നികുതി (TDS).
• ഉറവിടത്തിൽനിന്നും കളക്റ്റ് ചെയ്ത നികുതി (TCS).
• നിക്ഷേപിച്ച മുൻകൂർ നികുതി / സെൽഫ് അസസ്സ്മെന്റ് നികുതി / പതിവ് വിലയിരുത്തൽ നികുതി
• ഒരു സാമ്പത്തിക വർഷത്തിൽ ലഭിച്ച റീഫണ്ട് (എന്തെങ്കിലും ഉണ്ടെങ്കിൽ)
• ഏതെങ്കിലും നിർദ്ദിഷ്ട സാമ്പത്തിക ഇടപാടുകളുടെ വിശദാംശങ്ങൾ (SFT) (എന്തെങ്കിലും ഉണ്ടെങ്കിൽ)
• വകുപ്പ് 194IA പ്രകാരം സ്ഥാവര വസ്‌തുക്കളുടെ വിൽപ്പന സമയത്ത് നികുതി കിഴിവ് ചെയ്തതിന്റെ വിശദാംശങ്ങൾ (അത്തരം വസ്തുവകകൾ വിൽക്കുന്നയാളുടെ കാര്യത്തിൽ)
• TDS അപാകതകൾ (എന്തെങ്കിലും ഉണ്ടെങ്കിൽ)
• ഡിമാൻഡും റീഫണ്ടും സംബന്ധിച്ച വിവരങ്ങൾ
• തീർ‌ച്ചപ്പെടുത്തിയിട്ടില്ലാത്തതും പൂർ‌ത്തിയാക്കിയതുമായ നടപടികളുമായി ബന്ധപ്പെട്ട വിവരങ്ങൾ‌

2. എൻ്റെ വാർഷിക നികുതിവിവരക്കണക്കില്‍ (26AS) സെൽഫ് അസസ്സ്മെന്റ് /മുൻ‌കൂർ നികുതിയിൽ ഞാൻ നിക്ഷേപിച്ച തുക കാണപ്പെടുന്നില്ല. ഞാൻ ഇനി എന്താണ് ചെയ്യേണ്ടത്?
അത്തരം സന്ദർഭങ്ങളിൽ നിങ്ങൾ ചലാൻ നമ്പറും നിങ്ങളുടെ പാൻ നമ്പറും സാധൂകരിക്കേണ്ടതുണ്ട്.

3. നികുതി ക്രെഡിറ്റിൽ പൊരുത്തക്കേട് ഉണ്ടെങ്കിൽ എനിക്ക് എങ്ങനെ അറിയാൻ കഴിയും?
നികുതി ക്രെഡിറ്റ് പൊരുത്തക്കേട് പേജിൽ, നിങ്ങളുടെ വിശദാംശങ്ങൾ നൽകിയ ശേഷം, ബന്ധപ്പെട്ട TDS / TCS / മറ്റേതെങ്കിലും ചലാൻ തുകയും 26AS പ്രകാരമുള്ള തുകയും തമ്മിൽ എന്തെങ്കിലും പൊരുത്തക്കേട് ഉണ്ടോയെന്ന് പരിശോധിക്കുക. അനുബന്ധ തുകകൾ വ്യത്യസ്തമാണെങ്കിൽ ഒരു നികുതി ക്രെഡിറ്റ് പൊരുത്തക്കേടുണ്ട്. അത്തരം സന്ദർഭങ്ങളിൽ, പൊരുത്തക്കേട് ഉണ്ട് എന്ന സന്ദേശം പ്രദർശിപ്പിക്കും.

നികുതി ക്രെഡിറ്റ് പൊരുത്തക്കേട് ഇല്ലെങ്കിൽ, 26AS-ൽ ലഭ്യമായ നികുതി ക്രെഡിറ്റുമായി ക്ലെയിം ചെയ്തിട്ടുളള നികുതി ക്രെഡിറ്റ് പൂർണ്ണമായും പൊരുത്തപ്പെടുന്നു" എന്ന സന്ദേശം പ്രദർശിപ്പിക്കപ്പെടും.

4. ഞാൻ സമർപ്പിച്ച ആദായനികുതി റിട്ടേണുകളിൽ എതെങ്കിലും ഒന്നിൽ നികുതി-ക്രെഡിറ്റ് പൊരുത്തക്കേട് ഉണ്ടെങ്കിൽ എനിക്ക് എന്ത് ചെയ്യാൻ സാധിക്കും?
TDS-ൽ പൊരുത്തക്കേട് ഉണ്ടെങ്കിൽ -

• നിങ്ങളുടെ വരുമാനത്തിൽ നിന്ന് TDS കുറയ്ക്കുന്നതിന് ഉത്തരവാദിത്തമുള്ള തൊഴിലുടമയെ / ഡിഡക്‌ടറെ അറിയിക്കുക. നിങ്ങളുടെ തൊഴിലുടമ / കിഴിവ് വരുത്തുന്നയാൾ ഒരു പുതുക്കിയ TDS റിട്ടേൺ ഫയൽ ചെയ്യേണ്ടതുണ്ട്.

താങ്കൾ നൽകിയിട്ടുള്ള ആദായനികുതി റിട്ടേണിൽ മറ്റ് നികുതി ക്രെഡിറ്റ് പൊരുത്തക്കേടുകള്‍ (AT / SAT) ഉണ്ടെങ്കിൽ :

• സെക്ഷൻ 143 (1) പ്രകാരം നിങ്ങൾക്ക് ഒരു അറിയിപ്പ് ലഭിച്ചിട്ടില്ലെങ്കിൽ, നിങ്ങൾക്ക് ഒരു പുതുക്കിയ റിട്ടേൺ ഫയൽ ചെയ്യാം; അല്ലെങ്കിൽ
• തിരുത്തൽ അഭ്യർഥന സേവനത്തിലൂടെ ഒരു തിരുത്തൽ അപേക്ഷ ഫയൽ ചെയ്യാൻ നിങ്ങൾക്ക് സാധിക്കും. (143(1) വകുപ്പ് പ്രകാരം ഒരു അറിയിപ്പ് ലഭിച്ചിട്ടുണ്ടെങ്കിൽ മാത്രം താങ്കൾ ചെയ്യേണ്ടത്)
• ആദായനികുതി റിട്ടേണില്‍ ചലാൻ വിശദാംശങ്ങൾ താങ്കൾ ശരിയായി കൊടുത്തിട്ടുണ്ടെന്ന് ദയവായി ഉറപ്പുവരുത്തുക.
• ITR-ൽ ക്ലെയിം ചെയ്യുന്ന നികുതി ക്രെഡിറ്റ് നിങ്ങളുടെ ഫോം 26 AS-ൽ പ്രതിഫലിക്കുന്ന തുകയായി നിയന്ത്രിക്കുവാൻ/ നൽകുവാൻ ശ്രദ്ധിക്കുക