Do not have an account?
Already have an account?

ഫോം 29B ഉപയോക്തൃ മാനുവൽ

 

1. അവലോകനം

ആദായനികുതി നിയമം, 1961 ലെ വകുപ്പ് 115JB പ്രകാരം നിർദ്ദേശിച്ചിരിക്കുന്ന വ്യവസ്ഥകൾ അനുസരിച്ച്, ഒരു പ്രത്യേക മൂല്യനിർണ്ണയ വർഷത്തേക്ക് CA സാക്ഷ്യപ്പെടുത്തിയ ബുക്ക് പ്രോഫിറ്റ് വെളിപ്പെടുത്താൻ ഫോം 29B കമ്പനികളെ അനുവദിക്കുന്നു. ഈ ഫോം ഓൺലൈനായും ഓഫ്‌ലൈനായും സമർപ്പിക്കാം. 139(1) വകുപ്പ് പ്രകാരം റിട്ടേൺ സമർപ്പിക്കേണ്ട അവസാന തീയതിക്ക് ഒരു മാസം മുമ്പ് ഫോം 29B സമർപ്പിക്കണം അല്ലെങ്കിൽ വകുപ്പ് 142(1)(i) പ്രകാരമുള്ള നോട്ടീസിന് മറുപടിയായി സമർപ്പിച്ച വരുമാന റിട്ടേണിനൊപ്പം സമർപ്പിക്കണം.


2. ഈ സേവനം പ്രയോജനപ്പെടുത്തുന്നതിനുള്ള മുൻവ്യവസ്ഥകൾ

  • നികുതിദായകനും CA യും സാധുതയുള്ള യൂസർ ID യും പാസ്‌വേഡും ഉപയോഗിച്ച് ഇ-ഫയലിംഗ് പോർട്ടലിൽ രജിസ്റ്റർ ചെയ്തിരിക്കണം.
  • നികുതിദായകന്‍റെയും CA-യുടെയും പാനിന്‍റെ നിലവിലെ സ്ഥിതി സജീവമായിരിക്കണം
  • നികുതിദായകൻ ഫോം 29B സമർപ്പിക്കുന്നതിനായി എന്‍റെ CA എന്ന വിഭാഗത്തിനുകീഴിൽ ഒരു CA-യെ നിയമിച്ചിരിക്കണം.
  • CA യ്ക്ക് ഇ-ഫയലിംഗ് പോർട്ടലിൽ രജിസ്റ്റർ ചെയ്തിട്ടുള്ളതും കാലഹരണപ്പെടാത്തതുമായ ഒരു സാധുതയുള്ള ഡിജിറ്റൽ സിഗ്നേച്ചർ സർട്ടിഫിക്കറ്റ് (DSC) ഉണ്ടായിരിക്കണം.

3. ഫോമിനെക്കുറിച്ച്

3.1 ഉദ്ദേശ്യം

ആദായനികുതി നിയമം, 1961-ലെ വ്യവസ്ഥകൾക്കനുസൃതമായി ബുക്ക് പ്രോഫിറ്റ് കണക്കാക്കിയിട്ടുണ്ടെന്ന് സാക്ഷ്യപ്പെടുത്തുന്നതിനായി എല്ലാ കമ്പനികളും ഒരു അംഗീകൃത CA-യിൽ നിന്ന് ഫോം 29B-യിൽ ഒരു റിപ്പോർട്ട് നേടേണ്ടതാണ്.

3.2 ആർക്കൊക്കെ ഇത് ഉപയോഗിക്കാൻ കഴിയും?

കമ്പനികൾക്ക് ഫോം 29B രൂപത്തിലുള്ള ഓഡിറ്റ് റിപ്പോർട്ട് സമർപ്പിക്കുന്നതിനായി (ലോഗിൻ ചെയ്തശേഷം എന്‍റെ CA സേവനം ഉപയോഗിച്ച്) ഒരു CA-യെ നിയോഗിക്കണം. തുടർന്ന്, രജിസ്റ്റർ ചെയ്ത CA-യ്ക്ക് ഓഡിറ്റ് റിപ്പോർട്ട് സമർപ്പിക്കാനുള്ള അഭ്യർത്ഥന സ്വീകരിക്കുകയോ നിരസിക്കുകയോ ചെയ്യാം, (സ്വീകരിച്ചാൽ) ഫോം 29B തയ്യാറാക്കി സമർപ്പിക്കേണ്ടതാണ്.

4. ഫോം ഒറ്റനോട്ടത്തിൽ

ഫോം 29B-ൽ മൂന്ന് ഭാഗങ്ങളുണ്ട് – ഭാഗം A, ഭാഗം B / ഭാഗം C, കൂടാതെ ഒരു ഓഡിറ്റ് റിപ്പോർട്ട്. ഈ ഫോമിനൊപ്പം മൂന്ന് ഭാഗങ്ങളുള്ള അനുബന്ധങ്ങളും ഉൾപ്പെടുത്തിയിരിക്കുന്നു. ഒന്നാമത്തെ ഭാഗം എല്ലാ കമ്പനികൾക്കും ബാധകമാണ്. രണ്ടാമത്തെയും മൂന്നാമത്തെയും ഭാഗങ്ങൾ ചില വ്യവസ്ഥകളെ അടിസ്ഥാനമാക്കി ബാധകമാണ്.

ഫോം പൂരിപ്പിക്കാൻ ആരംഭിക്കുന്നതിനുമുമ്പ് ഭാഗം B യും ഭാഗം C യും ബാധകമാണോ എന്ന് രജിസ്റ്റർ ചെയ്ത CA-യോട് ചോദിക്കും. അതനുസരിച്ച്, പൂരിപ്പിക്കേണ്ട ഭാഗങ്ങൾ ലഭ്യമാകും.

Data responsive

4.1 ഭാഗം A

ഒന്നാമത്തെ ഭാഗത്തിൽ എല്ലാ കമ്പനികൾക്കും ബാധകമായ ബുക്ക് പ്രോഫിറ്റിന്‍റെ പൊതുവായ വിശദാംശങ്ങൾ അടങ്ങിയിരിക്കുന്നു.
 

Data responsive

4.2 ഭാഗം B / ഭാഗം C

ഭാഗം B-യിൽ ആദായനികുതി നിയമത്തിലെ വകുപ്പ് 115JB-യുടെ ഉപവകുപ്പ് (2A) അനുസരിച്ച് വർധിപ്പിക്കുകയോ കുറയ്ക്കുകയോ ചെയ്യേണ്ട തുകയുടെ വിശദാംശങ്ങൾ അടങ്ങിയിരിക്കുന്നു. ഭാഗം C-യിൽ വകുപ്പ് 115JB-യുടെ ഉപവകുപ്പ് (2C) അനുസരിച്ച് വർധിപ്പിക്കുകയോ കുറയ്ക്കുകയോ ചെയ്യേണ്ട തുകയുടെ വിശദാംശങ്ങൾ അടങ്ങിയിരിക്കുന്നു.
 

Data responsive

4.3 ഒരു അക്കൗണ്ടന്‍റിന്‍റെ റിപ്പോർട്ട്

അവസാന ഭാഗം CA-യുടെ ഓഡിറ്റ് റിപ്പോർട്ടാണ്.

Data responsive

5. എങ്ങനെ ലഭ്യമാക്കി സമർപ്പിക്കാം.

ഫോം 29B താഴെപ്പറയുന്ന രീതികളിലൂടെ പൂരിപ്പിച്ച് സമർപ്പിക്കാം:

  • ഓൺലൈൻ രീതി - ഇ-ഫയലിംഗ് പോർട്ടൽ മുഖേന
  • ഓഫ്‌ലൈൻ രീതി- ഓഫ്‌ലൈൻ സൗകര്യം മുഖേന

കുറിപ്പ്: കൂടുതലറിയാൻ ഓഫ്‌ലൈൻ സൗകര്യം (നിയമപരമായ ഫോമുകൾ) എന്ന ഉപയോക്തൃ മാനുവൽ പരിശോധിക്കുക.

ഓൺലൈൻ രീതിയിൽ ഫോം 29B ഫയൽ ചെയ്യാനും സമർപ്പിക്കാനും താഴെപ്പറയുന്ന ഘട്ടങ്ങൾ പാലിക്കുക.

5.1. നികുതിദായകൻ ഫോം 29B നൽകുന്നു

ഘട്ടം 1: നിങ്ങളുടെ യൂസർ ID-യും പാസ്‌വേഡും ഉപയോഗിച്ച് ഇ-ഫയലിംഗ് പോർട്ടലിൽ ലോഗിൻ ചെയ്യുക.

Data responsive

ഘട്ടം 2: നിങ്ങളുടെ ഡാഷ്‌ബോർഡിൽ, ഇ-ഫയൽ > ആദായനികുതി ഫോമുകൾ, ആദായനികുതി ഫോമുകൾ സമർപ്പിക്കുക എന്നതിൽ ക്ലിക്ക് ചെയ്യുക.

Data responsive

ഘട്ടം 3: 1961 ലെ ആദായനികുതി നിയമം അനുസരിച്ച് ഫോമുകളിൽ നിന്ന് ഫോം 29B തെരഞ്ഞെടുക്കുക/തെരയുക.

Data responsive

എന്‍റെ CA സേവനം ഉപയോഗിച്ച് ഒരു CAയെ നിയോഗിക്കുക (നിങ്ങൾ ഒരു CAയെയും നിയോഗിച്ചിട്ടില്ലെങ്കിൽ).

കുറിപ്പ്: കൂടുതലറിയാൻ എന്‍റെ CA ഉപയോക്തൃ മാനുവൽ പരിശോധിക്കുക. 

ഘട്ടം 4: മൂല്യനിർണ്ണയ വർഷം നൽകി എന്‍റെ CA സേവനം ഉപയോഗിച്ച് CA യെ നിയോഗിക്കുക. ആവശ്യമായ രേഖകൾ ചേർത്ത് തുടരുക എന്നതിൽ ക്ലിക്ക് ചെയ്യുക.
 

Data responsiveData responsive

ഫോം വിജയകരമായി CA-യ്ക്ക് സമർപ്പിച്ചിരിക്കുന്നു. ട്രാൻസാക്ഷൻ ID-ക്കൊപ്പം ഒരു വിജയസന്ദേശം പ്രദർശിപ്പിക്കും. ഭാവിയിലെ ആവശ്യങ്ങൾക്കായി ട്രാൻസാക്ഷൻ ID കുറിച്ചുവയ്ക്കുക.
 

5.2. CA മുഖേന ഫോം 29B സമർപ്പിക്കൽ

ഘട്ടം 1: നിങ്ങളുടെ യൂസർ ID-യും പാസ്‌വേഡും ഉപയോഗിച്ച് ഇ-ഫയലിംഗ് പോർട്ടലിൽ ലോഗിൻ ചെയ്യുക.

Data responsive

ഘട്ടം 2: നിങ്ങളുടെ ഡാഷ്‌ബോർഡിൽ , പൂർത്തിയാകാത്ത നടപടികൾ > പ്രവർത്തനപ്പട്ടിക എന്നതിൽ ക്ലിക്ക് ചെയ്യുക.
 

Data responsive

ഘട്ടം 3: ഫോം 29B സമർപ്പിക്കുന്നതിനുള്ള അഭ്യർത്ഥന അംഗീകരിക്കുക അല്ലെങ്കിൽ നിരസിക്കുക എന്നതിൽ ക്ലിക്ക് ചെയ്യുക.
 

Data responsive

കുറിപ്പ്:

  • നിങ്ങൾ നിരസിക്കാൻ തീരുമാനിക്കുകയാണെങ്കിൽ ബന്ധപ്പെട്ട കാരണം നിങ്ങൾക്ക് നൽകാം.
  • നിരസിക്കപ്പെടുമ്പോൾ, ഇ-ഫയലിംഗ് പോർട്ടലിൽ രജിസ്റ്റർ ചെയ്തിട്ടുള്ള ഇമെയിൽ ID-യിലും മൊബൈൽ നമ്പറിലും നികുതിദായകന് നിരസിക്കാനുള്ള കാരണങ്ങളുടെ വിശദാംശങ്ങൾ അടങ്ങിയ ഇമെയിലും SMS ഉം അയയ്ക്കും

അംഗീകരിച്ചതിനുശേഷം ഒരു വിജയസന്ദേശം പ്രദർശിപ്പിക്കും.
 

Data responsive

ഘട്ടം 4:  നിങ്ങളുടെ പ്രവർത്തനപ്പട്ടികയിൽ  ഫയൽ ഫോം തെരഞ്ഞെടുക്കുക.
 

Data responsive

ഘട്ടം 5: വിശദാംശങ്ങൾ സ്ഥിരീകരിച്ച് തുടരുക എന്നതിൽ ക്ലിക്ക് ചെയ്യുക.
 

Data responsive

Step 6: നിർദ്ദേശങ്ങൾ എന്ന പേജിൽ , ആരംഭിക്കാം എന്നതിൽ ക്ലിക്ക് ചെയ്യുക.

 

Data responsive

ഘട്ടം 7:ഫോം 29B യുടെ പാർട്ട് B യുടെയും C യുടെയും പ്രയോഗികത, ബന്ധപ്പെട്ട ഓപ്ഷനുകളിൽ ക്ലിക്ക് ചെയ്ത് തെരഞ്ഞെടുക്കുക, തുടർന്ന് തുടരുക എന്നതിൽ ക്ലിക്ക് ചെയ്യുക.

 

Data responsive

കുറിപ്പ്: നിങ്ങളുടെ തെരഞ്ഞെടുപ്പിന് അനുസൃതമായി ബാധകമായ ഭാഗങ്ങൾ മാത്രമേ ഫോം നമ്പർ 29B പേജിൽ ദൃശ്യമാകൂ.

ഘട്ടം 8: ബാധകമായ വിഭാഗങ്ങളിലെ - ഭാഗം A, ഭാഗം B / ഭാഗം C, ഒരു അക്കൗണ്ടന്‍റിന്‍റെ റിപ്പോർട്ട് എന്നീ ആവശ്യമായവയെല്ലാം പൂരിപ്പിക്കുക തുടർന്ന് പ്രിവ്യൂ ക്ലിക്ക് ചെയ്യുക.
 

Data responsive

ഘട്ടം 9: പ്രിവ്യൂ പേജിൽ, ഇ-വെരിഫൈ ചെയ്യാൻ തുടരുക എന്നതിൽ ക്ലിക്ക് ചെയ്യുക.
 

Data responsive

ഘട്ടം 10: സ്ഥിരീകരിക്കാൻ അതെ എന്നതിൽ ക്ലിക്ക് ചെയ്യുക.
 

Data responsive

ഘട്ടം 11: അതെ എന്ന് ക്ലിക്ക് ചെയ്യുമ്പോൾ നിങ്ങളെ ഇ-വെരിഫൈ പേജിലേക്ക് കൊണ്ടുപോകും.


കുറിപ്പ്: കൂടുതലറിയാൻ ഇ-വെരിഫൈ ചെയ്യുന്നതെങ്ങനെ എന്ന ഉപയോക്തൃ മാനുവൽ പരിശോധിക്കുക


വിജയകരമായ ഇ-വെരിഫിക്കേഷനുശേഷം ഒരു വിജയസന്ദേശം ട്രാൻസാക്ഷൻ ID-ക്കൊപ്പം പ്രദർശിപ്പിക്കും. ഫോം വിജയകരമായി സമർപ്പിച്ചു കഴിഞ്ഞാൽ, നികുതിദായകൻ ഇത് അംഗീകരിക്കുകയോ നിരസിക്കുകയോ ചെയ്യുന്നതിനുവേണ്ടി, ഇ-ഫയലിംഗ് പോർട്ടലിൽ രജിസ്റ്റർ ചെയ്തിട്ടുള്ള മൊബൈൽ നമ്പറിലേക്കും ഇമെയിൽ ID-യിലേക്കും ഒരു സ്ഥിരീകരണ സന്ദേശം അയക്കുന്നതാണ്.
 

Data responsive

5.3. നികുതിദായകർ പൂരിപ്പിച്ച ഫോം 29B അംഗീകരിക്കൽ

ഘട്ടം 1: യൂസർ ID യും പാസ്‌വേഡും ഉപയോഗിച്ച് ഇ-ഫയലിംഗ് പോർട്ടലിൽ ലോഗിൻ ചെയ്യുക.

Data responsive

ഘട്ടം 2: നിങ്ങളുടെ ഡാഷ്‌ബോർഡിൽ , പൂർത്തിയാകാത്ത നടപടികൾ പ്രവർത്തനപ്പട്ടിക എന്നതിൽ ക്ലിക്ക് ചെയ്യുക.
 

Data responsive

ഘട്ടം 3: CA അപ്‌ലോഡ് ചെയ്ത ഫോം അംഗീകരിക്കാൻ അംഗീകരിക്കുക തെരഞ്ഞെടുക്കുക / ഫോം നിരസിക്കാൻ നിരസിക്കുക തെരഞ്ഞെടുക്കുക, കൂടാതെ നിരസിക്കൽ സംബന്ധിച്ച അഭിപ്രായങ്ങൾ നൽകുക.
 

Data responsive

കുറിപ്പ്:

  • നിങ്ങൾ നിരസിക്കാൻ തീരുമാനിക്കുകയാണെങ്കിൽ ബന്ധപ്പെട്ട കാരണം നിങ്ങൾക്ക് നൽകാം.
  • നിരസിക്കുമ്പോൾ ഇ-ഫയലിംഗ് പോർട്ടലിൽ രജിസ്റ്റർ ചെയ്തിട്ടുള്ള ഇമെയിൽ IDയിലും മൊബൈൽ നമ്പറിലും നിരസിക്കാനുള്ള കാരണങ്ങളുടെ വിശദാംശങ്ങളോടുകൂടി CAയ്ക്ക് ഇമെയിലും SMS ഉം അയയ്ക്കും.

ഘട്ടം 5: അംഗീകരിക്കുക തെരഞ്ഞെടുക്കുമ്പോൾ, അപ്‌ലോഡ് ചെയ്‌ത ഫോം സ്ഥിരീകരിക്കാൻ കഴിയുന്ന ഇ-വെരിഫൈ പേജിലേക്ക് നിങ്ങളെ കൊണ്ടുപോകും.

കുറിപ്പ്: കൂടുതലറിയാൻ ഇ-വെരിഫൈ ചെയ്യുന്നതെങ്ങനെ എന്ന ഉപയോക്തൃ മാനുവൽ പരിശോധിക്കുക

വിജയകരമായ ഇ-വെരിഫിക്കേഷനുശേഷം ഒരു വിജയസന്ദേശം ഒരു അക്‌നോളജ്‌മെന്‍റ് രസീത് നമ്പറിനൊപ്പം പ്രദർശിപ്പിക്കും. നിങ്ങളുടെ ഫോം വിജയകരമായി സമർപ്പിച്ചതായി സ്ഥിരീകരിക്കുന്ന ഒരു ഇ-മെയിൽ നികുതിദായകരുടെയും ഇ-ഫയലിംഗ് പോർട്ടലിൽ രജിസ്റ്റർ ചെയ്തിട്ടുള്ള CA-യുടെയും ഇമെയിൽ ID-യിലേക്കും മൊബൈൽ നമ്പറിലേക്കും അയയ്ക്കും.
 

Data responsive