ITR-V વારંવાર પુછાતા પ્રશ્નો/30 દિવસની સમયરેખા રિટર્નની ઈ-ચકાસણી માટે

આવકવેરા રિટર્ન દાખલ કરવાની તારીખથી ઇ-ચકાસણી અથવા ITR-V સબમિટ કરવા માટેની સમય મર્યાદા 30 દિવસની રહેશે.
(વધુ માહિતી માટે સંદર્ભ લો: 01/04/2024 થી અમલમાં આવેલી અધિસુચના ક્રમાંક 2/2024 તારીખ 31.03.2024)

જો આવકવેરા રિટર્ન અપલોડ કરવામાં આવે અને અપલોડ કર્યાના 30 દિવસની અંદર ITR-V સબમિટ કરવામાં આવે, તો આવા કિસ્સાઓમાં આવકવેરા રિટર્ન અપલોડ કરવાની તારીખને આવકવેરા રિટર્ન રજૂ કરવાની તારીખ તરીકે ગણવામાં આવશે.

ITR ચકાસણી માટેની ઘટાડેલી સમય મર્યાદાની અસરનું ઉદાહરણ નીચે મુજબ છે.

(વધુ માહિતી માટે: 01/04/2024 થી અમલમાં આવેલી અધિસુચના ક્રમાંક 2/2024 તારીખ 31.03.2024 નો સંદર્ભ લો)

જ્યાં આવકવેરા રિટર્ન નિયત તારીખની અંદર અપલોડ કરવામાં આવ્યું હોય પરંતુ અપલોડ કર્યાના 30 દિવસ પછી ઇ-ચકાસણી અથવા ITR-V સબમિટ કરવામાં આવ્યું હોય, તેવા કિસ્સાઓમાં ઇ-ચકાસણી/ITR-V સબમિટ કરવાની તારીખને આવકવેરા રિટર્ન રજૂ કરવાની તારીખ તરીકે ગણવામાં આવશે અને અધિનિયમ હેઠળ રિટર્ન મોડું દાખલ કરવાના તમામ પરિણામો, જે લાગુ પડતા હોય તે મુજબ, ભોગવવા પડશે. 30 દિવસના સમયગાળાની આકારણીના હેતુ માટે,CPC ખાતે યોગ્ય રીતે ચકાસણી થયેલ ITR-V મળવાની તારીખને ધ્યાનમાં લેવામાં આવશે. વધુમાં સ્પષ્ટતા કરવામાં આવે છે કે જ્યાં અપલોડ કર્યા પછી આવકવેરા રિટર્નની ચકાસણી કરવામાં ન આવે, તેવા રિટર્નને અમાન્ય ગણવામાં આવશે, જો કે વાસ્તવિક વિલંબ માટે વિલંબ માફીની વિનંતી સબમિટ કરી શકાય છે.

ITR ચકાસણી માટે ઘટાડેલી સમય મર્યાદાની અસરનું ઉદાહરણ નીચે આપેલ છે.

(વધુ માહિતી માટે: 01/04/2024 થી અમલમાં આવેલી અધિસુચના ક્રમાંક 2/2024 તારીખ 31.03.2024 નો સંદર્ભ લો)

નિયત ફોર્મેટમાં અને નિયત પદ્ધતિથી યોગ્ય રીતે ચકાસણી કરેલ ITR-V કાં તો સામાન્ય ટપાલ અથવા સ્પીડ પોસ્ટ અથવા અન્ય કોઈ માધ્યમ દ્વારા માત્ર નીચેના સરનામે જ મોકલવાનું રહેશે:
કેન્દ્રીયકૃત પ્રક્રિયા કેન્દ્ર, આવકવેરા વિભાગ, બેંગલુરુ - 560500, કર્ણાટક.

(વધુ માહિતી માટે: 01/04/2024 થી અમલમાં આવેલી અધિસુચના ક્રમાંક 2/2024 તારીખ 31.03.2024 નો સંદર્ભ લો)

30 દિવસના સમયગાળાની આકારણીના હેતુ માટે, CPC ખાતે યોગ્ય રીતે ચકાસાયેલ ITR-V મળવાની તારીખને ધ્યાનમાં લેવામાં આવશે.

(વધુ માહિતી માટે: 01/04/2024 થી અમલમાં આવેલી અધિસુચના ક્રમાંક 2/2024 તારીખ 31.03.2024 નો સંદર્ભ લો)

ITR ચકાસણી આ પદ્ધતિઓમાંથી કોઈપણ દ્વારા ઇલેક્ટ્રોનિક રીતે અથવા જાતે પૂર્ણ કરી શકાય છે

ઈ-ચકાસણી

• PAN સાથે લિંક કરેલ આધાર કાર્ડ સાથે નોંધાયેલ કરદાતાના મોબાઈલ નંબર પર જનરેટ થયેલ OTP
• ઓનલાઇન પૂર્વ માન્ય બેંક ખાતા, ડીમેટ ખાતા, નેટ બેન્કિંગ અથવા ઓટોમેટેડ ટેલર મશીન દ્વારા જનરેટ કરાયેલ ઈલેક્ટ્રોનિક ચકાસણી કોડ(EVC)
• ડિજિટલ હસ્તાક્ષર પ્રમાણપત્ર (DSC)

જાતે ચકાસણી કરવી

સહી કરેલ ફોર્મ ITR-V ને કેન્દ્રીયકૃત પ્રક્રિયા કેન્દ્ર ખાતે મોકલવું