റീഫണ്ട് വീണ്ടും കൊടുക്കൽ ഉപയോക്തൃ മാനുവൽ

1. അവലോകനം

ഇ-ഫയലിംഗ് പോർട്ടലിൽ രജിസ്റ്റർ ചെയ്ത ഉപയോക്താക്കൾക്ക് റീഫണ്ട് വീണ്ടും അനുവദിക്കുന്നതിനുള്ള അഭ്യർത്ഥന സൗകര്യം ലഭ്യമാണ്. അനുവദിച്ച റീഫണ്ട് ലഭിക്കുന്നതിൽ പരാജയം സംഭവിച്ചാൽ ഈ സൗകര്യം ഉപയോഗിച്ച് നിങ്ങൾക്ക് റീഫണ്ട് വീണ്ടും ലഭിക്കുന്നതിനായുള്ള അഭ്യർത്ഥന സമർപ്പിക്കാവുന്നതാണ്.

2. ഈ സേവനം പ്രയോജനപ്പെടുത്തുന്നതിനുള്ള മുൻവ്യവസ്ഥകൾ

സാധുതയുള്ള യൂസർ IDയും പാസ്‌വേഡും ഉപയോഗിച്ച് ഇ-ഫയലിംഗ് പോർട്ടലിൽ രജിസ്റ്റർ ചെയ്ത ഉപയോക്താവ്
ആദായനികുതി റിട്ടേൺ സമർപ്പിച്ചിട്ടുണ്ടെങ്കിലും റീഫണ്ട് ലഭിക്കുന്നതിൽ പരാജയം സംഭവിച്ചിട്ടുണ്ട്.
ഇ-ഫയലിംഗ് പോർട്ടലിൽ സാധൂകരിച്ച ബാങ്ക് അക്കൗണ്ട്.
ഏതെങ്കിലും ഒരു സ്ഥിരീകരണ മാർഗ്ഗത്തിലേക്കുള്ള ലഭ്യത:

• ആധാറിൽ രജിസ്റ്റർ ചെയ്ത മൊബൈൽ നമ്പർ
• സാധുതയുള്ളതും ഇ-ഫയലിംഗ് പോർട്ടലിൽ രജിസ്റ്റർ ചെയ്തതുമായ DSC
• ബാങ്ക് അക്കൗണ്ട് / ഡിമാറ്റ് അക്കൗണ്ട് / നെറ്റ് ബാങ്കിംഗ് മുഖേനയുള്ള EVC.

3. ഘട്ടം ഘട്ടമായുള്ള മാർഗ്ഗനിർദ്ദേശങ്ങൾ

റീഫണ്ട് വീണ്ടും അനുവദിക്കുന്നതിനുള്ള അഭ്യർത്ഥന

ഘട്ടം 1: നിങ്ങളുടെ യൂസർ IDയും പാസ്‌വേഡും ഉപയോഗിച്ച് ഇ-ഫയലിംഗ് പോർട്ടലിൽ ലോഗിൻ ചെയ്യുക.

ഘട്ടം 2: നിങ്ങളുടെ ഡാഷ്‌ബോർഡിലെ സേവനങ്ങൾ എന്നതിലേക്ക് പോയി റീഫണ്ട് വീണ്ടും അനുവദിക്കുക എന്നതിൽ ക്ലിക്ക് ചെയ്യുക.

ഘട്ടം 3: റീഫണ്ട് അനുവദിക്കുന്നതിനായി പുതിയൊരു അഭ്യർത്ഥന സൃഷ്ടിക്കാൻ, ‘+റീഫണ്ട് വീണ്ടും അനുവദിക്കുന്നതിനുള്ള അഭ്യർത്ഥന സൃഷ്ടിക്കുക’ എന്നതിൽ ക്ലിക്ക് ചെയ്യുക.

ഘട്ടം 4: റീഫണ്ട് വീണ്ടും അനുവദിക്കുന്നതിനുള്ള അഭ്യർത്ഥന സൃഷ്ടിക്കുക എന്ന പേജിൽ അഭ്യർത്ഥന സമർപ്പിക്കേണ്ട രേഖ തെരഞ്ഞെടുത്തശേഷം 'തുടരുക' എന്നതിൽ ക്ലിക്ക് ചെയ്യുക.

ഘട്ടം 5: ബാങ്ക് അക്കൗണ്ട് തെരഞ്ഞെടുക്കുക എന്ന പേജിൽ റീഫണ്ട് തുക ലഭിക്കാൻ നിങ്ങൾ ആഗ്രഹിക്കുന്ന ബാങ്ക് അക്കൗണ്ട് തെരഞ്ഞെടുത്തശേഷം 'സ്ഥിരീകരണം തുടരുക' എന്നതിൽ ക്ലിക്ക് ചെയ്യുക.

കുറിപ്പ്: സാധൂകരിച്ച ബാങ്ക് അക്കൗണ്ടുകളുടെ വിവരങ്ങൾ മാത്രമേ ഇവിടെ കാണിക്കുകയുള്ളൂ. സാധൂകരിച്ച അക്കൗണ്ട് അല്ലാതെ മറ്റേതെങ്കിലും ബാങ്ക് അക്കൗണ്ടിലേക്കാണ് നിങ്ങൾക്ക് റീഫണ്ട് ലഭിക്കേണ്ടതെങ്കിൽ മുകളിലെ സ്ക്രീനിൽ കാണിച്ചിരിക്കുന്ന “ബാങ്ക് അക്കൗണ്ട് ചേർക്കുക” എന്ന ലിങ്കിൽ ക്ലിക്ക് ചെയ്യുക അല്ലെങ്കിൽ ഇ-ഫയലിംഗ് പോർട്ടലിലെ “ബാങ്ക് അക്കൗണ്ട് ചേർക്കുക” എന്ന സൗകര്യം ഉപയോഗിക്കുക.

ഘട്ടം 6: ബാങ്ക് അക്കൗണ്ട് തെരഞ്ഞെടുത്തശേഷം 'ഇ-വെരിഫൈ' എന്ന പേജിൽ സ്ഥിരീകരണത്തിനായി നിങ്ങളുടെ മുൻഗണനാ ഓപ്ഷൻ തെരഞ്ഞെടുക്കുക. 'തുടരുക' എന്നതിൽ ക്ലിക്ക് ചെയ്യുക.

കുറിപ്പ്: കൂടുതലറിയാൻ ഇ-വെരിഫൈ ചെയ്യുന്നതെങ്ങനെ എന്ന ഉപയോക്തൃ മാനുവൽ പരിശോധിക്കുക.

വിജയകരമായി ഇ-വെരിഫിക്കേഷനുശേഷം ട്രാൻസാക്ഷൻ IDയോടൊപ്പം ഒരു വിജയസന്ദേശവും കാണിക്കുന്നതാണ്. ഭാവിയിലെ ആവശ്യങ്ങൾക്കായി ഈ ട്രാൻസാക്ഷൻ ID കുറിച്ചുവയ്ക്കുക. കൂടാതെ ഇ-ഫയലിംഗ് പോർട്ടലിൽ രജിസ്റ്റർ ചെയ്തിട്ടുള്ള നിങ്ങളുടെ ഇമെയിൽ IDയിലും മൊബൈൽ നമ്പറിലും സ്ഥിരീകരണസന്ദേശം ലഭിക്കുന്നതായിരിക്കും.

കുറിപ്പ്: നിങ്ങൾക്ക് റീഫണ്ട് വീണ്ടും അനുവദിക്കുന്നതിനുള്ള അഭ്യർത്ഥന കാണണമെന്നുണ്ടെങ്കിൽ 'റീഫണ്ട് വീണ്ടും അനുവദിക്കുന്നതിനുള്ള അഭ്യർത്ഥന കാണുക' എന്നതിൽ ക്ലിക്ക് ചെയ്യുക. ഇത് നിങ്ങളെ സമർപ്പിച്ച അഭ്യർത്ഥനകളുടെ നിലവിലെ സ്ഥിതി കാണാൻ സാധിക്കുന്ന റീഫണ്ട് വീണ്ടും അനുവദിക്കുന്നതിനുള്ള അഭ്യർത്ഥന കാണുക എന്ന പേജിലേക്ക് കൊണ്ടുപോകുന്നതാണ്.