AISపై తరచుగా అడిగే ప్రశ్నలు (వార్షిక సమాచార ప్రకటన)

Q-1 వార్షిక సమాచార ప్రకటన (AIS) అంటే ఏమిటి?

వార్షిక సమాచార ప్రకటన (AIS) అనేది ఫారమ్26ASలో ప్రదర్శించబడిన పన్ను చెల్లింపుదారుల సమాచారం యొక్క సమగ్ర వీక్షణ. AISలో ప్రదర్శించబడే సమాచారంపై పన్ను చెల్లింపుదారు అభిప్రాయాన్ని అందించగలరు. AIS ప్రతి విభాగం(అంటే TDS, SFT, ఇతర సమాచారం) కింద నివేదించబడిన విలువ మరియు సవరించిన విలువ (అంటే పన్ను చెల్లింపుదారుల అభిప్రాయాన్ని పరిగణనలోకి తీసుకున్న తర్వాత విలువ) రెండింటినీ చూపుతుంది.

AIS యొక్క లక్ష్యాలు:

ఆన్‌లైన్ ఫీడ్‌బ్యాక్‌ను క్యాప్చర్ చేసే సదుపాయంతో పన్ను చెల్లింపుదారుకి పూర్తి సమాచారాన్ని ప్రదర్శిస్తుంది
స్వచ్ఛంద సమ్మతిని ప్రోత్సహిస్తుంది మరియు అవరోధం లేకుండా రిటర్న్ ని ముందస్తుగా నింపడానికి వీలు కల్పిస్తుంది
నిబంధనలు పాటించకపోవడాన్ని అడ్డుకుంటుంది

మరింత సమాచారం కోసం, లాగిన్ అయిన తర్వాత ఇ-ఫైల్/AIS మెను క్రింద AISకి నావిగేట్ చేయండి.

Q-2 AIS మరియు ఫారం 26AS మధ్య తేడా ఏమిటి?

AIS అనేది ఫారమ్ 26AS యొక్క పొడిగింపు. ఫారమ్ 26AS ఆర్థిక సంవత్సరంలో జరిగిన ఆస్తి కొనుగోళ్లు, అధిక-విలువ పెట్టుబడులు మరియు TDS/TCS లావాదేవీల వివరాలను ప్రదర్శిస్తుంది. AIS అదనంగా సేవింగ్స్ ఖాతా వడ్డీ, డివిడెండ్, అందుకున్న అద్దె, సెక్యూరిటీలు/స్థిర ఆస్తుల కొనుగోలు మరియు అమ్మకం లావాదేవీలు, విదేశీ చెల్లింపులు, డిపాజిట్లపై వడ్డీ, GST స్థూల వ్యాపార ఆదాయము మొదలైనవాటిని కలిగి ఉంటుంది.

AIS కూడా పన్ను చెల్లింపుదారులకు నివేదించబడిన లావాదేవీలపై అభిప్రాయాన్ని తెలియజేయడానికి ఎంపికను అందిస్తుంది. ఇంకా, సమాచార మూలం స్థాయిలో లావాదేవీల సమాహారం కూడా TISలో నివేదించబడింది.

మరింత సమాచారం కోసం, లాగిన్ అయిన తర్వాత ఇ-ఫైల్/AIS మెను క్రింద AISకి నావిగేట్ చేయండి.

Q-3 నేను వార్షిక సమాచార ప్రకటనని ఎలా చూడగలను?

దిగువ పేర్కొన్న దశలను అనుసరించడం ద్వారా మీరు వార్షిక సమాచార ప్రకటన నిర్వాహకతని యాక్సెస్ చేయవచ్చు:

దశ 1: URL https://www.incometax.gov.in/కి లాగిన్ అవ్వండి
దశ2: లాగిన్ అయిన తర్వాత, డాష్‌బోర్డ్‌లోని వార్షిక సమాచార ప్రకటన (AIS) మెనుని క్లిక్ చేయండి.
దశ 3: కొనసాగండి బటన్‌పై క్లిక్ చేయండి అది మిమల్ని AIS పోర్టల్‌కి తీసుకెళ్తుంది, వార్షిక సమాచార ప్రకటనను చూడటానికిAIS టైల్‌పై క్లిక్ చేయండి.

ప్రత్యామ్నాయంగా,

దశ 1: URL https://www.incometax.gov.in/కి లాగిన్ అవ్వండి.
దశ 2: లాగిన్ అయిన తరువాత, ఇ-ఫైల్ మెనూ క్లిక్ చేయండి.
దశ 3: ఆదాయపు పన్ను రిటర్న్ > AIS చూడండిపై క్లిక్ చేయండి.
దశ 4: కొనసాగండి బటన్‌పై క్లిక్ చేయండి అది మిమల్ని AIS పోర్టల్‌కి తీసుకెళ్తుంది, వార్షిక సమాచార ప్రకటనను చూడటానికిAIS టైల్‌పై క్లిక్ చేయండి.

Q-4 వార్షిక సమాచార ప్రకటన (AIS) యొక్క భాగాలు ఏమిటి?

AISలో చూపబడిన సమాచారం రెండు భాగాలుగా విభజించబడింది:

పార్ట్ A- సాధారణ సమాచారం

పార్ట్ A PAN, మాస్క్డ్ ఆధార్ నంబర్, పన్ను చెల్లింపుదారు పేరు, పుట్టిన తేదీ/విలీనం/ఏర్పాటు, మొబైల్ నంబర్, ఇ-మెయిల్ చిరునామా మరియు పన్ను చెల్లింపుదారుల చిరునామాతో సహా మీకు సంబంధించిన సాధారణ సమాచారాన్ని ప్రదర్శిస్తుంది.

పార్ట్ B - TDS/TCS సమాచారం

మూలంలో మినహాయించబడిన/సేకరించిన పన్నుకి సంబంధించిన సమాచారం ఇక్కడ ప్రదర్శించబడుతుంది. TDS/TCS యొక్క సమాచార కోడ్, సమాచార వివరణ మరియు సమాచార విలువ చూపబడింది.

SFT సమాచారం: ఈ రకము కింద, ఆర్ధిక లావాదేవీ ప్రకటన (SFT) కింద నివేదించే సంస్థలనుండి అందుకున్న సమాచారం ప్రదర్శించబడుతుంది. SFT కోడ్, సమాచార వివరణ మరియు సమాచార విలువ అందుబాటులో ఉంచబడ్డాయి.
పన్నుల చెల్లింపు: ముందస్తు పన్ను మరియు స్వీయ మదింపు పన్ను వంటి వివిధ రకాల కింద పన్నుల చెల్లింపుకు సంబంధించిన సమాచారం చూపబడింది.
డిమాండ్ మరియు రీఫండ్: మీరు ఒక ఆర్థిక సంవత్సరంలో పెంచిన డిమాండ్ మరియు రీఫండ్ ప్రారంభించిన (AY మరియు మొత్తం) వివరాలను చూడగలరు. (డిమాండ్‌కు సంబంధించిన వివరాలు త్వరలో విడుదల చేయబడతాయి).
ఇతర సమాచారం: అనుబంధం II జీతం, రీఫండ్ పై వడ్డీ, బయటి విదేశీ చెల్లింపులు/విదేశీ కరెన్సీ కొనుగోలు మొదలైన వాటికి సంబంధించిన డేటా వంటి ఇతర మూలాధారాల నుండి అందుకున్న సమాచారం యొక్క వివరాలు ఇక్కడ ప్రదర్శించబడతాయి.

మరింత సమాచారం కోసం, లాగిన్ అయిన తర్వాత e-File/AIS మెను క్రింద AISకి నావిగేట్ చేయండి.

Q-5 AIS క్రింద సాధారణ సమాచార భాగం ఏమి కలిగి ఉంటుంది?

సాధారణ సమాచారం PAN, మాస్క్డ్ ఆధార్ నంబర్, పన్ను చెల్లింపుదారు పేరు, పుట్టిన తేదీ/ విలీనం/ ఏర్పాటు, మొబైల్ నంబర్, ఇ-మెయిల్ చిరునామా మరియు పన్ను చెల్లింపుదారుల చిరునామాతో సహా మీకు సంబంధించిన సాధారణ సమాచారాన్ని ప్రదర్శిస్తుంది.

Q-6 నేను AISలో కార్యాచరణ చరిత్రను ట్రాక్ చేయవచ్చా?

అవును, మీరు AIS హోమ్‌పేజీలోని కార్యాచరణ చరిత్ర బటన్‌పై క్లిక్ చేయడం ద్వారా AISలో కార్యాచరణ చరిత్రను ట్రాక్ చేయవచ్చు. AIS నిర్వాహకత నిర్వహించే కార్యాచరణ యొక్క సారాంశ వీక్షణ మీకు అందించబడుతుంది. నిర్వహించబడిన ప్రతి కార్యకలాపానికి సిస్టమ్ రూపొందించబడిన ID (కార్యకలాప ID) సృష్టించబడుతుంది మరియు కార్యాచరణ తేదీ, కార్యాచరణ వివరణ మరియు వివరాలు ఈ ట్యాబ్ క్రింద ప్రదర్శించబడతాయి.

Q-7 AIS కింద పన్ను చెల్లింపుదారు సమాచార సారాంశం (TIS) ఏమి ఉంటుంది?

పన్ను చెల్లింపుదారు సమాచార సారాంశం (TIS) అనేది పన్ను చెల్లింపుదారు కోసం వర్గం వారీగా సమగ్ర సమాచార సారాంశం. ఇది ప్రతి సమాచార వర్గం (ఉదా. జీతం, వడ్డీ, డివిడెండ్ మొదలైనవి) కింద ప్రాసెస్ చేయబడిన విలువ (అనగా ముందుగా నిర్వచించబడిన నియమాల ఆధారంగా సమాచారం యొక్క తగ్గింపు తర్వాత ఉత్పత్తి చేయబడిన విలువ) మరియు ఉత్పన్న విలువ (అంటే పన్ను చెల్లింపుదారుల అభిప్రాయం మరియు ప్రాసెస్ చేయబడిన విలువను పరిగణనలోకి తీసుకున్న తర్వాత పొందిన విలువ) చూపిస్తుంది. TISలోని ఉత్పన్నమైన సమాచారం వర్తిస్తే, రిటర్న్‌ను ముందస్తుగా పూరించడానికి ఉపయోగించబడుతుంది.

పన్ను చెల్లింపుదారుల సమాచార సారాంశంలో మీకు వివిధ వివరాలు చూపించబడతాయి, అవి

సమాచార వర్గం
సిస్టమ్ ద్వారా ప్రాసెస్ చేయబడిన విలువ
పన్ను చెల్లింపుదారు ద్వారా ఆమోదించబడిన విలువ

తరువాత సమాచార వర్గంలో, కింది సమాచారం చూపబడింది:

సమాచారం అందుకున్న భాగం
సమాచార వివరణ
సమాచారం మూలం
మొత్తం వివరణ
మొత్తం (మూలం ద్వారా నివేదించబడింది, సిస్టమ్ ద్వారా ప్రాసెస్ చేయబడింది, పన్ను చెల్లింపుదారు ద్వారా ఆమోదించబడింది)

Q-8 నేను నా AISని ఏ అన్ని ఫార్మాట్లలో డౌన్‌లోడ్ చేసుకోగలను?

మీరు PDF, JSON, CSV ఫైల్ ఫార్మాట్‌లలో వార్షిక సమాచార ప్రకటన (AIS)ని డౌన్‌లోడ్ చేసుకోవచ్చు.

Q-9 నేను సమాచారంపై అభిప్రాయాన్ని ఎలా సమర్పించాలి?

దిగువ పేర్కొన్న దశలను అనుసరించడం ద్వారా మీరు TDS/TCS సమాచారం, SFT సమాచారం లేదా ఇతర సమాచారం క్రింద ప్రదర్శించబడే క్రియాశీల సమాచారంపై అభిప్రాయాన్ని సమర్పించవచ్చు:

దశ 1: సంబంధిత సమాచారం కోసం ఫీడ్‌బ్యాక్ కాలమ్‌లో పేర్కొన్న ఐచ్ఛిక బటన్‌పై క్లిక్ చేయండి. మీరు అభిప్రాయం జోడించండి స్క్రీన్‌కి వెళ్తారు.
దశ 2: సంబంధిత అభిప్రాయం ఎంపికను ఎంచుకుని, అభిప్రాయం వివరాలను నమోదు చేయండి (అభిప్రాయం ఎంపికపై ఆధారపడి ఉంటుంది).
దశ 3: అభిప్రాయాన్ని సమర్పించడానికి సమర్పించండి క్లిక్ చేయండి

మరింత సమాచారం కోసం, లాగిన్ అయిన తర్వాత ఇ-ఫైల్/AIS మెను క్రింద AISకి నావిగేట్ చేయండి.

Q-10 నేను అభిప్రాయాన్ని సమర్పించిన తర్వాత ఏమి జరుగుతుంది?

AIS సమాచారంపై అభిప్రాయాన్ని విజయవంతంగా సమర్పించిన తర్వాత, ఫీడ్‌బ్యాక్ సమాచారంతో ప్రదర్శించబడుతుంది మరియు సమాచారం యొక్క సవరించిన విలువ కూడా నివేదించబడిన విలువతో కనిపిస్తుంది. కార్యాచరణ చరిత్ర ట్యాబ్ కూడా నవీకరించబడుతుంది మరియు మీరు గుర్తింపు రసీదుని డౌన్‌లోడ్ చేసుకోగలరు. అభిప్రాయాన్ని సమర్పించడానికి ఇమెయిల్ మరియు SMS నిర్ధారణలు కూడా పంపించబడతాయి.

Q-11 AIS ఫీడ్‌బ్యాక్‌ను సమర్పించినప్పుడు నాకు ఏదైనా నిర్ధారణ వస్తుందా?

అవును, AIS సమాచారంపై మీ అభిప్రాయాన్ని విజయవంతంగా సమర్పించిన తర్వాత, కార్యాచరణ చరిత్ర ట్యాబ్ అప్‌డేట్ చేయబడుతుంది మరియు మీరు దానికి సంబంధించిన గుర్తింపు రసీదుని డౌన్‌లోడ్ చేసుకోగలరు. అభిప్రాయాన్ని సమర్పించడానికి ఇమెయిల్ మరియు SMS నిర్ధారణలు కూడా పంపించబడతాయి.

Q-12 AIS ఏకీకృత ఫీడ్‌బ్యాక్ ఫైల్ అంటే ఏమిటి?

AIS ఏకీకృత ఫీడ్‌బ్యాక్ ఫైల్ (ACF) పన్ను చెల్లింపుదారులకు వారి అన్ని AIS ఫీడ్‌బ్యాక్ (ఫీడ్‌బ్యాక్ కాకుండా, ‘సమాచారం సరైనది’) సంబంధిత సమాచారాన్ని సులభంగా అర్థం చేసుకోవడానికి ఒక pdfలో వీక్షించే సౌకర్యాన్ని అందిస్తుంది. AIS యొక్క అభిప్రాయాన్ని సమర్పించిన తర్వాత, మీరు AIS ఏకీకృత ఫీడ్‌బ్యాక్ ఫైల్ (PDF)ని డౌన్‌లోడ్ చేసుకోవచ్చు.

Q-13 ఇచ్చిన అభిప్రాయాన్ని నేను ఎన్నిసార్లు సవరించగలననే దానిపై ఏదైనా పరిమితి ఉందా?

ప్రస్తుతం, మీరు గతంలో ఇచ్చిన అభిప్రాయాలను ఎన్నిసార్లు సవరించవచ్చనే దానిపై పరిమితి లేదు.

Q-14 నేను AISలో GST స్థూల వ్యాపార ఆదాయము వెరిఫై చేయవచ్చా?

అవును, AIS సమాచార కోడ్ (EXC-GSTR3B) క్రింద GST స్థూల వ్యాపార ఆదాయముకు సంబంధించిన సమాచారాన్ని ప్రదర్శిస్తుంది. AISలోని ఇతర సమాచార ట్యాబ్‌లో అదే కనిపిస్తుంది.

Q-15 AIS కోసం ఏదైనా వీడియో ట్యుటోరియల్ అందుబాటులో ఉందా?

అవును, AIS కోసం యూట్యూబ్ లో సమాచార వీడియో అందుబాటులో ఉంది. ఈ వీడియోను ఇక్కడ యాక్సెస్ చేయవచ్చు.

వార్షిక సమాచార ప్రకటన కార్యాచరణ- యూట్యూబ్ పై ప్రాథమిక సమాచారం.