1. అవలోకనం

ఆదాయపు పన్ను చట్టం, 1961 లోని సెక్షన్ 139AA లేదా ఆదాయపు పన్ను చట్టం, 2025 లోని సెక్షన్ 262 నిబంధనల ప్రకారం, PANను ఆధార్‌తో అనుసంధానం చేయడం తప్పనిసరి. కొత్తగా PAN కార్డు కోసం దరఖాస్తు చేసే వారి విషయంలో, దరఖాస్తు ప్రక్రియలోనే ఆధార్–PAN అనుసంధానం స్వయంచాలకంగా పూర్తవుతుంది. 01-07-2017 లేదా అంతకుముందు PAN పొందిన ప్రస్తుత PAN హోల్డర్లకు PANను ఆధార్‌తో అనుసంధానం చేయడం తప్పనిసరి. ఆధార్–PAN అనుసంధాన సేవ ఈ-ఫైలింగ్ పోర్టల్‌లో నమోదు చేసుకున్న మరియు నమోదు చేయని వ్యక్తిగత పన్ను చెల్లింపుదారులందరికీ అందుబాటులో ఉంది. మీరు మీ PANను ఆధార్‌తో అనుసంధానం చేయకపోతే, మీ PAN అమలులో లేనిదిగా మారుతుంది. అయితే, మినహాయింపు వర్గానికి చెందిన కొంతమంది వ్యక్తులపై PAN అమలులో లేనిదిగా మారడం వల్ల కలిగే ప్రభావాలు వర్తించవు.

ఆధార్‌ను PAN‌తో అనుసంధానం చేయడానికి రెండు ప్రధాన దశలు ఉన్నాయి.

1. ఈ-ఫైలింగ్ పోర్టల్‌లో ఆధార్–PAN‌ అనుసంధాన రుసుము చెల్లింపు (ఒకే చలాన్‌లో, మేజర్ హెడ్ 0021 పరిధిలోని మైనర్ హెడ్ 500 కింద).

ఈ-ఫైలింగ్ పోర్టల్‌లో ఆధార్‌ను PANతో అనుసంధానం చేయండి.

ఆధార్‌ను PANతో అనుసంధానం చేసిన తర్వాత, ‘లింక్ ఆధార్ స్టేటస్’ సౌకర్యాన్ని ఉపయోగించి దాని స్థితిని తనిఖీ చేయవచ్చు.

2.ఈ సేవను పొందడానికి ముందస్తు అర్హతలు:

• చెల్లుబాటయ్యే PAN
• ఆధార్ సంఖ్య
• చెల్లుబాటయ్యే మొబైల్ నంబర్

3. ఈ-ఫైలింగ్ పోర్టల్‌లో ఆధార్–PAN అనుసంధాన రుసుమును ఎలా చెల్లించాలి

దశ 1:ఈ-ఫైలింగ్ పోర్టల్ హోమ్ పేజీని సందర్శించండి.

‘క్విక్ లింక్స్’ విభాగంలో ఉన్న ‘లింక్ ఆధార్’ పై క్లిక్ చేయండి. ప్రత్యామ్నాయంగా, ఈ-ఫైలింగ్ పోర్టల్‌లో లాగిన్ అయి, ‘ప్రొఫైల్’ విభాగంలో ఉన్న ‘లింక్ ఆధార్’ పై క్లిక్ చేయండి.

దశ 2:‘లింక్ ఆధార్’ విభాగంలో ‘కంటిన్యూ’ పై క్లిక్ చేయండి.

దశ 3: మీ PAN మరియు ఆధార్ సంఖ్యను నమోదు చేసి, ‘వాలిడేట్’ పై క్లిక్ చేయండి.

దశ 4:‘ఈ-పే ట్యాక్స్ ద్వారా చెల్లింపును కొనసాగించండి’ పై క్లిక్ చేయండి.

దశ 5:వర్తించే ఆదాయపు పన్ను చట్టం, 2025ను ఎంపిక చేసి, ‘కంటిన్యూ’ పై క్లిక్ చేయండి.

దశ 6:మీ PAN, PAN నిర్ధారణ సంఖ్య మరియు OTP స్వీకరించడానికి ఏదైనా చెల్లుబాటు అయ్యే మొబైల్ నంబర్‌ను నమోదు చేయండి.

దశ 7: OTP ధ్రువీకరణ పూర్తయిన తర్వాత, మీరు ఈ-పే ట్యాక్స్ పేజీకి దారి మళ్లించబడతారు. ‘కంటిన్యూ' పై క్లిక్ చేయండి.

దశ 8:‘ఆదాయపు పన్ను’ టైల్‌లో ఉన్న ‘ప్రొసీడ్’ పై క్లిక్ చేయండి.

దశ 9:సంబంధిత పన్ను సంవత్సరాన్ని ఎంపిక చేసి, చెల్లింపు రకంగా ‘ఇతర రశీదులు (500)’ మరియు చెల్లింపు ఉప-రకంగా ‘PAN‌ను ఆధార్‌తో ఆలస్యంగా అనుసంధానం చేసినందుకు రుసుము’ను ఎంపిక చేసి, ‘కంటిన్యూ’ పై క్లిక్ చేయండి.

దశ 10:వర్తించే మొత్తం ‘ఇతరాలు’ ఎదురుగా ముందే నమోదు చేయబడి ఉంటుంది. ‘కంటిన్యూ’ పై క్లిక్ చేయండి.

ఇప్పుడు చలాన్ రూపొందించబడుతుంది. తర్వాత స్క్రీన్ పై, మీరు చెల్లింపు విధానాన్ని ఎంపిక చేయాలి. చెల్లింపు విధానాన్ని ఎంపిక చేసిన తర్వాత, మీరు బ్యాంక్ వెబ్‌సైట్‌కు మళ్లించబడతారు. అక్కడ మీరు చెల్లింపును పూర్తి చేయవచ్చు.

రుసుము చెల్లించిన అనంతరం, మీరు ఈ-ఫైలింగ్ పోర్టల్‌లో మీ ఆధార్‌ను PAN‌తో అనుసంధానం చేయవచ్చు.

4. రుసుము చెల్లించిన తర్వాత ఆధార్–PAN అనుసంధాన అభ్యర్థనను ఎలా సమర్పించాలి

ఆధార్–PAN అనుసంధాన అభ్యర్థనను పోస్ట్-లాగిన్ మరియు ప్రీ-లాగిన్ రెండు విధాలుగా సమర్పించవచ్చు.

ప్రతి విధానానికి సంబంధించిన దశలను క్రింద ఒక్కొక్కటిగా వివరించబడ్డాయి:

ఆధార్–PAN అనుసంధాన అభ్యర్థనను సమర్పించడం (పోస్ట్-లాగిన్):

దశ 1:ఈ-ఫైలింగ్ పోర్టల్‌కు వెళ్లి ‘లాగిన్’ పై క్లిక్ చేయండి. డ్యాష్‌బోర్డ్‌లో, ప్రొఫైల్ విభాగంలోని ‘లింక్ ఆధార్ టు PAN’ ఎంపిక కింద ఉన్న ‘లింక్ ఆధార్’ పై క్లిక్ చేయండి.

లేదా ప్రత్యామ్నాయంగా, వ్యక్తిగత వివరాల విభాగంలో ఉన్న ‘లింక్ ఆధార్’ పై క్లిక్ చేయండి.

దశ 2:ఆధార్ సంఖ్యను నమోదు చేసి, ‘వాలిడేట్’ పై క్లిక్ చేయండి.

ఆధార్–PAN అనుసంధాన అభ్యర్థనను సమర్పించడం (ప్రీ-లాగిన్):

దశ 1:ఈ-ఫైలింగ్ పోర్టల్ హోమ్ పేజీకి వెళ్లి, ‘క్విక్ లింక్స్’ కింద ఉన్న ‘లింక్ ఆధార్’ పై క్లిక్ చేయండి.

దశ 2:‘లింక్ ఆధార్’ విభాగంలో ‘కంటిన్యూ’ పై క్లిక్ చేయండి

దశ 3:PAN మరియు ఆధార్ సంఖ్యను నమోదు చేసి, ‘వాలిడేట్’ పై క్లిక్ చేయండి.

మీరు ఆధార్–PAN అనుసంధాన రుసుమును చెల్లించి ఉంటే, చెల్లింపు వివరాలు ధ్రువీకరించబడతాయి. ‘కంటిన్యూ’ పై క్లిక్ చేయండి.

దశ 4:అవసరమైన తప్పనిసరి వివరాలను నమోదు చేసి, ‘లింక్ ఆధార్’ పై క్లిక్ చేయండి.

దశ 5:మునుపటి దశలో పేర్కొన్న మొబైల్ నంబర్‌కు వచ్చిన 6 అంకెల OTPను నమోదు చేసి, ‘వాలిడేట్’ పై క్లిక్ చేయండి.

దశ 6:ఆధార్ అనుసంధాన అభ్యర్థన విజయవంతంగా సమర్పించబడింది. ఇప్పుడు మీరు ఆధార్–PAN అనుసంధాన స్థితిని తనిఖీ చేయవచ్చు.

సందర్భం 1: ఈ-ఫైలింగ్ పోర్టల్‌లో చెల్లింపు వివరాలు ధ్రువీకరించబడకపోతే.

దశ 1:PAN మరియు ఆధార్‌ను వాలిడేట్ చేసిన తర్వాత, మీకు ఒక పాప్-అప్ సందేశం కనిపిస్తుంది.

‘చెల్లింపు వివరాలు కనుగొనబడలేదు’ అనే సందేశం కనిపిస్తుంది. ఆధార్–PAN అనుసంధాన అభ్యర్థనను సమర్పించడానికి రుసుము చెల్లించడం తప్పనిసరి కాబట్టి, రుసుము చెల్లించేందుకు ‘ఈ-పే ట్యాక్స్ ద్వారా చెల్లింపును కొనసాగించండి’ పై క్లిక్ చేయండి.

గమనిక: మీరు ఇప్పటికే రుసుము చెల్లించి ఉంటే, 4–5 పని దినాలు వేచి ఉండండి. ఆ తర్వాత మీరు అభ్యర్థనను సమర్పించవచ్చు.

గమనిక: దయచేసి మీ PAN‌తో సరైన ఆధార్‌ను అనుసంధానం చేస్తున్నారని నిర్ధారించుకోండి.

ఒకవేళ ఆధార్ మరియు PAN ఇప్పటికే అనుసంధానించబడి ఉన్నా, లేదా PAN మరొక ఆధార్‌తో అనుసంధానించబడి ఉన్నా, లేదా లేదా దీనికి విరుద్ధంగా జరిగితే, మీకు క్రింది లోపాలు కనిపిస్తాయి:

సందర్భం 2: PAN ఇప్పటికే ఆధార్‌తో లేదా మరొక ఆధార్‌తో అనుసంధానించబడి ఉంటే:

మీరు మీ అధికార పరిధిలోని అసెస్సింగ్ అధికారిని సంప్రదించి, తప్పుగా ఉన్న పాన్ నంబర్‌తో మీ ఆధార్‌ను డీలింక్ చేయమని అభ్యర్థనను సమర్పించాల్సి రావచ్చు.

మీ JAO సంప్రదింపు వివరాలను తెలుసుకోవడానికి, https://eportal.incometax.gov.in/iec/foservices/#/pre-login/knowYourAO(Prelogin) ను సందర్శించండి.

లేదా, ఈ-ఫైలింగ్ పోర్టల్‌లో లాగిన్ అయిన తర్వాత ‘జూరిస్డిక్షన్ డీటెయిల్స్’ (పోస్ట్-లాగిన్) విభాగాన్ని సందర్శించండి.

సందర్భం 3: మీరు చలాన్ ద్వారా చెల్లింపు చేసి ఉండి, ఆ చెల్లింపు వివరాలు ఈ-ఫైలింగ్ పోర్టల్‌లో ధ్రువీకరించబడినట్లయితే.

దశ 1:PAN మరియు ఆధార్‌ను వాలిడేట్ చేసిన తర్వాత, ‘మీ చెల్లింపు వివరాలు ధ్రువీకరించబడ్డాయి’ అనే పాప్-అప్ సందేశం కనిపిస్తుంది. ఆధార్–PAN అనుసంధాన అభ్యర్థనను సమర్పించడానికి, దయచేసి ఆ పాప్-అప్ సందేశంలో ‘కంటిన్యూ’ పై క్లిక్ చేయండి.

దశ 2:అవసరమైన వివరాలను నమోదు చేసి, ‘లింక్ ఆధార్’ బటన్‌పై క్లిక్ చేయండి.

దశ 3:ఆధార్–PAN అనుసంధాన అభ్యర్థన విజయవంతంగా సమర్పించబడింది. ఇప్పుడు మీరు ఆధార్–PAN అనుసంధాన స్థితిని తనిఖీ చేయవచ్చు.

5. ఆధార్–PAN అనుసంధాన స్థితిని వీక్షించడం (ప్రీ-లాగిన్)

దశ 1:ఈ-ఫైలింగ్ పోర్టల్ హోమ్ పేజీలో, ‘క్విక్ లింక్స్’ కింద ఉన్న ‘లింక్ ఆధార్/వ్యూ స్టేటస్’ పై క్లిక్ చేయండి.

దశ 2:‘వ్యూ స్టేటస్’ టైల్‌లో ఉన్న ‘కంటిన్యూ’ పై క్లిక్ చేయండి.

దశ 3:మీ PAN మరియు ఆధార్ సంఖ్యను నమోదు చేసి, ‘వ్యూ లింక్ ఆధార్ స్టేటస్’ పై క్లిక్ చేయండి.

విజయవంతమైన ధ్రువీకరణ అనంతరం, మీ ఆధార్–PAN అనుసంధాన స్థితికి సంబంధించిన సందేశం ప్రదర్శించబడుతుంది.

ఆధార్–PAN అనుసంధాన ప్రక్రియ పురోగతిలో ఉన్నట్లయితే:

ఆధార్–PAN అనుసంధానం విజయవంతంగా పూర్తయి ఉంటే:

6. ఆధార్–PAN అనుసంధాన స్థితిని వీక్షించడం (పోస్ట్-లాగిన్)

దశ 1:లాగిన్ అయిన తర్వాత, మీ డ్యాష్‌బోర్డ్‌లో ‘లింక్ ఆధార్’ పై క్లిక్ చేయండి.

దశ 2:ప్రత్యామ్నాయంగా, ‘మై ప్రొఫైల్’ > ‘లింక్ ఆధార్ స్టేటస్’ కు వెళ్లవచ్చు.

(మీ ఆధార్ ఇప్పటికే అనుసంధానించబడి ఉంటే, ఆధార్ సంఖ్య ప్రదర్శించబడుతుంది. ఆధార్ అనుసంధానించబడకపోతే ‘లింక్ ఆధార్ స్టేటస్’ ప్రదర్శించబడుతుంది.)

గమనిక:

• ధ్రువీకరణ విఫలమైతే, స్టేటస్ పేజీలోని ‘లింక్ ఆధార్’ పై క్లిక్ చేయండి. అనంతరం, మీ PAN మరియు ఆధార్‌ను అనుసంధానం చేయడానికి దశలను మళ్లీ అనుసరించాలి.
• మీ PAN మరియు ఆధార్ అనుసంధాన అభ్యర్థన UIDAI వద్ద ధ్రువీకరణ కోసం పెండింగ్‌లో ఉంటే, మీరు తర్వాత స్థితిని మళ్లీ తనిఖీ చేయాలి.
• ఈ క్రింది పరిస్థితుల్లో ఆధార్ మరియు PAN అనుసంధానాన్ని తొలగించడానికి మీరు సంబంధిత AO (అసెస్సింగ్ ఆఫీసర్)ను సంప్రదించాల్సి రావచ్చు:
  • మీ ఆధార్ మరొక PANతో అనుసంధానించబడి ఉంటే.
  • మీ PAN మరొక ఆధార్‌తో అనుసంధానించబడి ఉంటే.

పూర్తి ధ్రువీకరణ అనంతరం, మీ ఆధార్–PAN అనుసంధాన స్థితికి సంబంధించిన సందేశం ప్రదర్శించబడుతుంది.

నిరాకరణ:

ఈ యూజర్ మాన్యువల్ సమాచారం మరియు సాధారణ మార్గదర్శక ప్రయోజనాల కోసం మాత్రమే జారీ చేయబడింది. పన్ను చెల్లింపుదారులు తమ కేసులకు వర్తించే ఖచ్చితమైన సమాచారం, వివరణలు మరియు స్పష్టీకరణల కోసం సంబంధిత సర్క్యులర్లు, నోటిఫికేషన్లు, నియమాలు మరియు ఆదాయపు పన్ను చట్టంలోని నిబంధనలను పరిశీలించాలి. ఈ యూజర్ మాన్యువల్ ఆధారంగా తీసుకున్న చర్యలు మరియు/లేదా చేసిన నిర్ణయాలకు శాఖ బాధ్యత వహించదు.