1. దిద్దుబాటు అంటే ఏమిటి?
దిద్దుబాటు అనేది మీ ఆదాయపు పన్ను రిటర్న్‌లో రికార్డు నుండి కనిపించే పొరపాటును సరిదిద్దడానికి ఆదాయపు పన్ను శాఖ మీకు అందించిన ఎంపిక. CPC ద్వారా సెక్షన్ 143(1) కింద జారీ చేయబడిన సమాచారం లేదా మీ AO ద్వారా సెక్షన్ 154 కింద జారీ చేయబడిన ఆర్డర్‌లో మీకు తెలియజేయబడిన మీ పన్ను రిటర్న్‌లో రికార్డు నుండి ఏదైనా పొరపాటు స్పష్టంగా కనిపించినట్లయితే మీరు దిద్దుబాటు అభ్యర్థన సమర్పించాలి. CPC ద్వారా ఇప్పటికే ప్రాసెస్ చేయబడిన రిటర్న్‌ల కోసం మాత్రమే దిద్దుబాటు అభ్యర్థన సమర్పించటానికి వీలవుతుంది.

2. నేను గతంలో దాఖలు చేసిన సరిదిద్దే అభ్యర్థన ఇంకా ప్రాసెస్ చేయబడలేదు. నేను అదే రకమైన అభ్యర్థనకి మరొక దిద్దుబాటు అభ్యర్థనను సమర్పించవచ్చా లేదా ఫైల్ చేయవచ్చా?
లేదు. మీరు మదింపు సంవత్సరం మరియు CPC ఆర్డర్ నంబర్ కోసం సరిదిద్దే అభ్యర్థనను , అదే కలయిక కోసం గతంలో దాఖలు చేసిన సరిదిద్దే అభ్యర్థన ప్రాసెస్ చేయబడితే తప్ప, సమర్పించలేరు.

3. నేను సమర్పించిన దిద్దుబాటు అభ్యర్థనను నేను ఉపసంహరించుకోవచ్చా?
లేదు. మీరు ఇప్పటికే సమర్పించిన దిద్దుబాటు అభ్యర్థనను ఉపసంహరించుకోలేరు. ఒకసారి సమర్పించిన దిద్దుబాటు అభ్యర్థన దిద్దుబాటు ఆర్డర్ ఆమోదించబడిన తర్వాత మాత్రమే మూసివేయబడుతుంది.

4. నేను నా దిద్దుబాటు సూచన సంఖ్య ఎక్కడ చూడవచ్చు?
మీరు మీ దిద్దుబాటు అభ్యర్థనను సమర్పించిన తర్వాత, మీరు మీ 15-అంకెల దిద్దుబాటు సూచన సంఖ్యను మీకు తెలియజేసే మెయిల్ లేదా సందేశాన్ని అందుకుంటారు. మీరు మీ ఇ-ఫైలింగ్ ఖాతాకు లాగిన్ చేసిన తర్వాత దిద్దుబాటు స్టేటస్ కింద మీ 15-అంకెల దిద్దుబాటు నంబర్‌ను కూడా చూడవచ్చు.

5. పన్ను చెల్లింపుదారు పేపర్ మోడ్ ద్వారా దిద్దుబాటు కోసం ఫైల్ చేయవచ్చా?
లేదు, ఎలక్ట్రానిక్ విధానంలో దాఖలు చేసిన తరువాత సిపిసి ద్వారా ప్రాసెస్ చేయబడిన రిటర్నులకు, సరిదిద్దే దరఖాస్తును కూడా ఆన్‌లైన్‌లో మాత్రమే దాఖలు చేయాలి.

6. ఆన్‌లైన్‌లో దిద్దుబాటు అభ్యర్థన ఫైల్ చేస్తున్నప్పుడు నేను ఏ CPC నంబర్/ఆర్డర్ తేదీని అప్‌డేట్ చేయాలి?
సెక్షన్ 143(1) లేదా 154 కింద CPC నుండి అందిన కొత్త ఆర్డర్/సమాచారం ప్రకారం మీరు కమ్యూనికేషన్ రిఫరెన్స్ నంబర్/ఆర్డర్ తేదీని అప్‌డేట్ చేయాలి.

7. నా ఇ -ఫైల్డ్ ఆదాయపు పన్ను రిటర్న్ CPC ద్వారా ప్రాసెస్ అయ్యే క్రమంలో డిమాండ్ పెంచడం/తక్కువ రిఫండ్ ని మదింపు చేసినట్లయితే, దానిని సరిదిద్దడానికి నేను ఎవరిని సంప్రదించాలి?
సంబంధిత మదింపు సంవత్సరానికి సంబంధించిన మీ ఆదాయపు పన్ను రిటర్న్‌ను CPC ప్రాసెస్ చేసినట్లయితే, మీరు మీ ఇ-ఫైలింగ్ ఖాతాకు లాగిన్ అయిన తర్వాత CPCతో ఆన్‌లైన్ దిద్దుబాటు ఫైల్ చేయవచ్చు. మీరు ఇప్పటికే దిద్దుబాటు అభ్యర్థన దాఖలు చేసినట్లయితే మరియు దిద్దుబాటు అభ్యర్థన AOకి బదిలీ చేయబడినట్లయితే, AO మీ అభ్యర్ధన పై స్వయంగా నిర్ణయం తీసుకుంటారు. అవసరమైతే AO మీ నుంచి కొన్ని వివరణలను కూడా కోరవచ్చు. అయితే, మీకు ఆలస్యం అవుతుందని అనిపిస్తే, మీరు పరిష్కారం కోసం మీ AOని సంప్రదించవచ్చు.

8. నేను ఆఫ్‌లైన్‌లో నా దిద్దుబాటు స్థితిని తనిఖీ చేయవచ్చా?
లేదు, మీరు ఆ స్థితిని ఆఫ్‌లైన్‌లో చూడలేరు. దిద్దుబాటు స్థితిని చూడటానికి మీరు ఇ-ఫైలింగ్ పోర్టల్‌కి లాగిన్ అవ్వాలి.

9. మాఫీ కోరుతూ చేసే నా అభ్యర్థనతో పాటు సమర్పించిన నా దిద్దుబాటు అభ్యర్థన యొక్క స్థితిని నేను చూడవచ్చా?
మాఫీ అభ్యర్ధనని ఆదాయపు పన్ను శాఖ ఆమోదించిన తర్వాత, మీరు దిద్దుబాటు అభ్యర్ధన స్థితి సేవ ద్వారా మీ దిద్దుబాటు అభ్యర్థన స్థితిని చూడగలరు.