1. ਮੈਨੂੰ ਫਾਰਮ 67 ਸਬਮਿਟ ਕਰਨ ਕਰਨ ਦੀ ਲੋੜ ਕਿਉਂ ਹੈ?

ਜੇਕਰ ਤੁਸੀਂ ਭਾਰਤ ਤੋਂ ਬਾਹਰ ਕਿਸੇ ਦੇਸ਼ ਜਾਂ ਨਿਰਧਾਰਿਤ ਪ੍ਰਦੇਸ਼ ਵਿੱਚ ਭੁਗਤਾਨ ਕੀਤੇ ਗਏ ਵਿਦੇਸ਼ੀ ਕਰ ਦੇ ਕ੍ਰੈਡਿਟ ਦਾ ਦਾਅਵਾ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਫਾਰਮ 67 ਸਬਮਿਟ ਕਰਨ ਦੀ ਲੋੜ ਹੋਵੇਗੀ। ਜਦੋਂ ਚਾਲੂ ਸਾਲ ਦੀ ਹਾਨੀ ਨੂੰ ਕੈਰੀ ਬੈਕਰਵਰਡ ਕਰਨ ਦੇ ਨਤੀਜੇ ਵਜੋਂ ਵਿਦੇਸ਼ੀ ਕਰ ਦਾ ਰਿਫੰਡ ਹੁੰਦਾ ਹੈ ਜਿਸ ਲਈ ਕਿਸੇ ਵੀ ਪਿਛਲੇ ਸਾਲਾਂ ਵਿੱਚ ਕ੍ਰੈਡਿਟ ਦਾ ਦਾਅਵਾ ਕੀਤਾ ਗਿਆ ਸੀ ਤਾਂ ਤੁਹਾਨੂੰ ਅਜਿਹੇ ਮਾਮਲੇ ਵਿੱਚ ਫਾਰਮ 67 ਵੀ ਸਬਮਿਟ ਕਰਨਾ ਪਵੇਗਾ ।

2. ਉਹ ਕਿਹੜੇ ਮੋਡ ਹਨ ਜਿਨ੍ਹਾਂ ਵਿੱਚ ਫਾਰਮ 67 ਸਬਮਿਟ ਕੀਤਾ ਜਾ ਸਕਦਾ ਹੈ?

ਫਾਰਮ 67 ਈ-ਫਾਈਲਿੰਗ ਪੋਰਟਲ 'ਤੇ ਕੇਵਲ ਆਨਲਾਈਨ ਸਬਮਿਟ ਕੀਤਾ ਜਾ ਸਕਦਾ ਹੈ। ਈ-ਫਾਈਲਿੰਗ ਪੋਰਟਲ ਵਿੱਚ ਲੌਗਇਨ ਕਰਨ ਤੋਂ ਬਾਅਦ, ਫਾਰਮ 67 ਚੁਣੋ, ਫਾਰਮ ਤਿਆਰ ਕਰੋ ਅਤੇ ਸਬਮਿਟ ਕਰੋ।

3. ਫਾਰਮ 67 ਨੂੰ ਈ-ਵੈਰੀਫਾਈ ਕਿਵੇਂ ਕੀਤਾ ਜਾ ਸਕਦਾ ਹੈ?

ਕਰਦਾਤਾ ਆਧਾਰ OTP, EVC ਜਾਂ DSC ਦੀ ਵਰਤੋਂ ਕਰਕੇ ਫਾਰਮ ਨੂੰ ਈ-ਵੈਰੀਫਾਈ ਕਰ ਸਕਦਾ ਹੈ। ਤੁਸੀਂ ਹੋਰ ਜਾਣਨ ਲਈ ਯੂਜ਼ਰ ਮੈਨੂਅਲ ਨੂੰ ਈ-ਵੇਰੀਫਾਈ ਕਿਵੇਂ ਕਰੀਏ ਦਾ ਹਵਾਲਾ ਦੇ ਸਕਦੇ ਹੋ।

4. ਕੀ ਫਾਰਮ 67 ਸਬਮਿਟ ਕਰਨ ਲਈ CA ਸਰਟੀਫਿਕੇਟ ਪ੍ਰਾਪਤ ਕਰਨਾ ਲਾਜ਼ਮੀ ਹੈ?

ਨਹੀਂ, ਤੁਹਾਡੇ ਦੁਆਰਾ ਦਾਅਵਾ ਕੀਤੇ ਗਏ ਵਿਦੇਸ਼ੀ ਟੈਕਸ ਕ੍ਰੈਡਿਟ ਦੇ ਵੇਰਵਿਆਂ ਦੀ ਤਸਦੀਕ ਕਰਨ ਅਤੇ ਪੁਸ਼ਟੀ ਕਰਨ ਲਈ CA ਸਰਟੀਫਿਕੇਟ ਪ੍ਰਾਪਤ ਕਰਨਾ ਲਾਜ਼ਮੀ ਨਹੀਂ ਹੈ।

5. ਕੀ ਮੈਂ ਆਪਣੀ ਵੱਲੋਂ ਫਾਰਮ 67 ਫਾਈਲ ਕਰਨ ਲਈ ਇੱਕ ਅਧਿਕਾਰਿਤ ਪ੍ਰਤੀਨਿਧੀ ਨੂੰ ਸ਼ਾਮਿਲ ਕਰ ਸਕਦਾ ਹਾਂ?

ਹਾਂ, ਤੁਸੀਂ ਆਪਣੀ ਵੱਲੋਂ ਫਾਰਮ 67 ਫਾਈਲ ਕਰਨ ਲਈ ਇੱਕ ਅਧਿਕਾਰਿਤ ਪ੍ਰਤੀਨਿਧੀ ਨੂੰ ਸ਼ਾਮਿਲ ਕਰ ਸਕਦੇ ਹੋ।

6. ਫਾਰਮ 67 ਭਰਨ ਦੀ ਸਮਾਂ ਸੀਮਾ ਕੀ ਹੈ?

ਫਾਰਮ 67 ਨੂੰ ਧਾਰਾ 139(1) ਦੇ ਤਹਿਤ ਦਰਸਾਏ ਅਨੁਸਾਰ ਰਿਟਰਨ ਫਾਈਲ ਕਰਨ ਦੀ ਨਿਯਤ ਮਿਤੀ ਤੋਂ ਪਹਿਲਾਂ ਫਾਈਲ ਕੀਤਾ ਜਾਣਾ ਚਾਹੀਦਾ ਹੈ।