1. மேலோட்டப்பார்வை
வருமான வரிச் சட்டம், 1961 இன் பிரிவு 159 இன் துணைப்பிரிவு (1) இன் படி, ஒரு நபர் இறந்தால், அவர் இருக்கும் போது செலுத்த வேண்டிய எந்தவொரு தொகையையும் அவரது சட்டப்பூர்வப் பிரதிநிதி செலுத்த பொறுப்பாவார்.
மேலும், அந்த பிரிவின் துணைப்பிரிவு (3) இன் படி, இறந்தவரின் சட்டப்பூர்வப் பிரதிநிதி ஒரு வரி விதிப்பிற்குரியவராக கருதப்படுவார். எனவே, இறந்த நபரின் சட்டப்பூர்வப் பிரதிநிதி, இறந்த நபரின் வரி விதிப்பிற்குரியவராகப் பெறப்பட்ட வருமானத்திற்கு அவர் சார்பாக வருமானவரிப் படிவத்தைத் தாக்கல் செய்ய வேண்டும்.
2. இந்தச் சேவையைப் பெறுவதற்கான முன்நிபந்தனைகள்
- சட்டப்பூர்வ வாரிசின் செல்லுபடியாகும் பயனர் ID மற்றும் கடவுச்சொல்
- இறந்தவரின் நிரந்தரக் கணக்கு எண் (PAN)
- இறந்தவரின் ஆதார் எண்ணுடன் PAN இணைக்கப்பட்டுள்ளது (பரிந்துரைக்கப்படுகிறது)
- சட்டப்பூர்வ வாரிசுப் பதிவுக்கு தேவையான ஆவணங்கள்:
- இறந்தவரின் PAN அட்டையின் நகல்
- இறப்பு சான்றிதழின் நகல்
- விதிமுறைகளின் படி சட்டப்பூர்வ வாரிசுச் சான்றின் நகல்
- இறந்தவரின் பெயரில் வழங்கப்பட்ட ஆணையின் நகல் (பதிவு செய்வதற்கான காரணமானது 'இறந்தவரின் பெயரில் அளிக்கப்பட்ட ஆணைக்கு எதிராக மேல்முறையீட்டைத் தாக்கல் செய்வதற்கு' என்றால் மட்டும் கட்டாயமாகும்)
- பிணைகாப்புக் கடிதத்தின் நகல் (விரும்பினால்)
3. செயல்முறை/படிப்படியான வழிகாட்டி
3.1 இறந்தவரின் சட்டப்பூர்வ வாரிசாகப் பதிவு செய்தல்
படி 1: மின்னணு-தாக்கல் இணைய முகப்பின் முதன்மை பக்கத்திற்குச் செல்லவும்.
படி 2: சட்டப்பூர்வ வாரிசின் பயனர் ID மற்றும் கடவுச்சொல்லை உள்ளிடவும்.
படி 3: அங்கீகரிக்கப்பட்ட பங்குதாரர்கள் என்பதற்கு சென்று பிரதிநிதி வரி விதிப்பிற்குரியவராகப் பதிவு செய் என்பதைக் கிளிக் செய்யவும்.
படி 4:தொடங்குவோம் என்பதைக் கிளிக் செய்யவும்.
படி 5: +புதிய கோரிக்கையை உருவாக்கு என்பதைக் கிளிக் செய்யவும்.
படி 6: நீங்கள் பிரதிநிதித்துவப்படுத்த விரும்பும் வரி விதிப்பிற்குரியவரின் வகையைத் தேர்ந்தெடுக்கவும்.
படி 7:வரி விதிப்பிற்குரியவரின் வகையாக இறந்தவர் (சட்ட வாரிசு) என்பதைத் தேர்ந்தெடுத்து, இறந்தவரின் கட்டாய விவரங்களான (PAN, பிறந்த தேதி இன்னபிறவற்றை) உள்ளிட்டு கட்டாய இணைப்புகளைப் பதிவேற்றவும்.
படி 8: கோரிக்கையை சரிபார்க்க, மின்னணு-தாக்கல் இணைய முகப்பில் பதிவு செய்யப்பட்ட சட்டப்பூர்வ வாரிசின் அலைபேசி எண் மற்றும் மின்னஞ்சல் ID இல் பெறப்பட்ட OTP ஐ உள்ளிடவும்.
படி 9: கோரிக்கை வெற்றிகரமாக சமர்ப்பிக்கப்பட்டது, 7 நாட்களுக்குள் வருமானவரித் துறையால் செயல்படுத்தப்படும்.
கோரிக்கையைக் காண கோரிக்கையைப் பார்க்க என்பதைக் கிளிக் செய்யவும்.
படி 10: வருமானவரித் துறை பிரதிநிதியின் கோரிக்கைக்கு ஒப்புதல் அளித்த பின்னர், சட்டப்பூர்வ வாரிசின் மின்னஞ்சல் மற்றும் SMS மூலம் தகவல் தெரிவிக்கப்படும். சட்டப்பூர்வ வாரிசு தன்னுடைய ஆதாரச்சான்றுகளுடன் மின்னணு-தாக்கல் இணைய முகப்பில் உள்நுழைந்த பிறகு, சுயவிவரப் பிரிவில் பிரதிநிதி வரி விதிப்பாளராக (சட்டப்பூர்வ வாரிசாக) நிலையை மாற்றலாம்.
