1. மதிப்பீட்டு ஆண்டு 2021-22 க்கு ITR-2 தாக்கல் செய்யத் தகுதியானவர் யார்?
ITR-2 கீழ்க்கண்ட தனிநபர்கள் அல்லது HUF-களால் தாக்கல் செய்யப்படலாம்:

• வருமான வரிப் படிவம்-ITR-1 (சஹஜ்) தாக்கல் செய்யத் தகுதியற்றவர்கள்
• வணிகத்திலிருந்து இலாபம் அல்லது தொழிலின் ஆதாயங்களிலிருந்து வருமானம் இல்லாதவர்கள், மேலும் வணிக இலாபங்கள் அல்லது தொழிலின் ஆதாயங்களிலிருந்து கீழ்க்கண்ட வகையில் வருமானம் இல்லாதவர்கள்:
  • வட்டி
  • சம்பளம்
  • போனஸ்
  • ஒரு கூட்டு பங்குதாரர் வியாபார நிறுவனத்திடமிருந்து ஒருவர் பெற வேண்டிய அல்லது பெறப்பட்ட , தரகு அல்லது கைம்மாறு ஊதியம் என்று எந்தவொரு பெயரில் அழைக்கப்பட்டாலும்
• எவர் ஒருவரின் வருமானத்துடன் இணைக்கப்பட வேண்டிய வாழ்க்கைத் துணையின் வருமானம், மைனர் குழந்தை போன்ற மற்றொரு நபரின் வருமானம் இருக்கிறதோ அவர்கள் – அவர்களின் இணைக்கப்பட வேண்டிய வருமானம் மேற்கூறிய எந்தவொரு வகையைச் சேர்ந்ததாகவும் இருக்கலாம்.

2. மதிப்பீட்டு ஆண்டு 2021-22க்கு ITR-2ஐ தாக்கல் செய்யத் தகுதியற்றவர்கள் யார்?
வணிகத்திலிருந்து இலாபம் அல்லது தொழிலின் ஆதாயங்களிலிருந்து வருமானம் பெறும் தனிநபர்கள் மற்றும் HUF, மேலும் வணிக இலாபங்கள் அல்லது தொழிலின் ஆதாயங்களிலிருந்து கீழ்க்கண்ட வகையில் வருமானம் பெறும் தனிநபர்கள் மற்றும் HUFஆல் ITR-2 ஐ தாக்கல் செய்ய இயலாது.

• வட்டி
• சம்பளம்
• போனஸ்
• ஒரு பங்குதாரர் கூட்டு நிறுவனத்திடமிருந்து பெற வேண்டிய அல்லது பெறப்பட்ட தரகு அல்லது கைம்மாறு ஊதியம் என எந்தவொரு பெயரில் இருந்தாலும்

3. முந்தைய ஆண்டுகளுடன் ஒப்பிடும்போது ITR-2 இல் செய்யப்பட்டுள்ள மாற்றங்கள் என்னென்ன?
மதிப்பீட்டு ஆண்டு 2021-22 இன் ITR-2 இல் காணும் மாற்றமானது, பிரிவு-115BAC இன் கீழ் வரும் புதிய வரி முறையை தேர்ந்தெடுக்கலாம். பிரிவு 115BAC -இன் கீழ் புதிய வரி விதிப்பு முறையைத் தேர்ந்தெடுப்பதற்கான விருப்பத்தேர்வு, பிரிவு 139(1) இன் கீழ் வருமான வரி தாக்கல் செய்வதற்கான கடைசித் தேதி வரை மட்டுமே கிடைக்கும் என்பதைக் கவனத்தில் கொள்ளவும்.

4. ITR-2 ஐ தாக்கல் செய்வதற்கு எனக்கு தேவைப்படும் ஆவணங்கள் என்னென்ன?

• உங்களுக்கு ஊதிய வருமானம் இருந்தால், உங்கள் பணியமர்த்தியவர் வழங்கிய படிவம்-16 தேவை.
• நிலையான வைப்புத்தொகை அல்லது சேமிப்பு வங்கி கணக்கில் நீங்கள் வட்டி பெற்றிருந்தால், அதற்கு மூலத்தில் வரி பிதிக்கப்பத்திருந்தால்(TDS), TDS சான்றிதழ்கள் தேவை. அதாவது, வரி பிடிப்பவர்களால் வழங்கப்பட்ட படிவம்-16A.
• சம்பளத்தில் மூலத்தில் வரி பிடித்தம் (TDS) மற்றும் சம்பளத்தைத் தவிர வேறு TDS ஆகியவற்றை சரிபார்க்க உங்களுக்கு படிவம்-26AS தேவைப்படும். படிவம்-26AS-ஐ மின்னணு-தாக்கல் இணைய முகப்பிலிருந்து பதிவிறக்கம் செய்யலாம்.
• நீங்கள் வாடகை வீட்டில் வசிக்கிறீர்களானால், வீட்டு வாடகைத் தள்ளுபடி(HRA) கணக்கிட உங்களுக்கு வாடகை கட்டண ரசீதுகள் தேவை (நீங்கள் அதை உங்கள் பணியமர்த்தியவரிடம் சமர்ப்பிக்கவில்லை என்றால் மட்டும்).
• உங்களிடம் மூலதனப் பங்குகளை விற்று பரிவர்த்தனைகள் மூலம் ஆதாயம் ஏதும் பெற்று இருந்தால், மூலதன ஆதாயத்தை கணக்கிடுவதற்கு ஒரு வருடத்தில் பங்குகள் அல்லது பத்திரங்களின் மூலதன ஆதாய பரிவர்த்தனைகளின் சுருக்கமான விவரம் அல்லது லாபம் / இழப்பு அறிக்கை ஆகியன இருந்தால் மூலதன ஆதாயத்தைக் கணக்கிடுவதற்கு உங்களுக்குத் தேவைப்படும்.
• வட்டி வருமானத்தின் அளவைக் கணக்கிட உங்கள் வங்கி பாஸ் புக், நிலையான வைப்பு நிதி ரசீதுகள் (FDR) தேவைப்படும்.
• உங்கள் வீட்டை வாடகைக்கு விட்டு வருமானம் பெற்றிருந்தால், வீட்டுச் சொத்திலிருந்து வருமானத்தைக் கணக்கிட உங்கள் வாடகைக்தாரர் குறித்த தகவல் / உள்ளாட்சி வரி செலுத்திய விவரம் / கடன் வாங்கிய மூலதனத்திற்கான வட்டியின் விவரம் (ஏதேனும் இருப்பின்) தேவைப்படும்.
• நடப்பு ஆண்டில் ஏதேனும் இழப்பை நீங்கள் கோர விரும்பினால், இழப்பு குறித்த விவரம் மற்றும் அவற்றின் ஆவணங்கள் உங்களுக்குத் தேவைப்படும்.
• முந்தைய ஆண்டின் இழப்பை நீங்கள் கோர விரும்பினால், அந்த இழப்பை வெளிப்படுத்தி இருக்கும் முந்தைய ஆண்டுக்கான வருமான வரிப் படிவத்தின்-ITR-V நகல் உங்களுக்குத் தேவைப்படும், .
• பிரிவு 80C, 80D, 80G, 80GG போன்ற ஆயுள் மற்றும் சுகாதார காப்பீட்டு ரசீதுகள், நன்கொடை ரசீதுகள், வாடகை ரசீதுகள், கல்விக் கட்டணத்திற்கான ரசீதுகள் ஆகியவற்றின் கீழ் வரிச் சேமிப்பு விலக்குகளைக் கோருவதற்கான ஆவணங்கள் அல்லது சான்றுகள் ஏற்கனவே படிவம்-16 ல் கோரவில்லை என்றால் தேவைப்படும்.

5. எனது ITR ஐ தாக்கல் செய்யும் போது ஏற்படும் சிக்கல்களைத் தவிர்க்க நான் என்னென்ன முன்னெச்சரிக்கை நடவடிக்கைகளை எடுக்க வேண்டும்?
உங்கள் வருமானவரி அறிக்கையை தாக்கல் செய்வதிலும் உங்கள் பணத்தைத் திரும்பப் பெறுவதிலும் உள்ள சிக்கல்களைத் தவிர்க்க, பின்வருவனவற்றை செய்வதை உறுதிப்படுத்திக் கொள்ளுங்கள்:

• ஆதாருடன் இணைக்கப்பட்ட PAN.
• உங்கள் உபரி வரிப்பணத்தைத் திரும்பப்பெற விரும்பும் உங்கள் முன்-சரிபார்க்கப்பட்ட வங்கிக் கணக்கு.
• ITR தாக்கல் செய்வதற்கு முன் சரியான ITR ஐ தேர்வு செய்யவும்; இல்லையெனில் தாக்கல் செய்த வருமானவரி அறிக்கை குறைபாடுள்ளதாகக் கருதப்படும், மேலும் நீங்கள் திருத்தப்பட்ட ITR ஐ சரியான படிவத்தைப் பயன்படுத்தி தாக்கல் செய்ய வேண்டியிருக்கும்.
• குறிப்பிட்ட காலக்கெடுவுக்குள் வருமான வரி அறிக்கையை தாக்கல் செய்யவும்.
• உங்கள் வருமான வரி அறிக்கையை சரிபார்க்கவும் - நீங்கள் மின்னணு-சரிபார்ப்பை தேர்வு செய்யலாம் (மின்னணு முறையில் இப்போதே சரிபார்க்கவும் எனும் வழிமுறை பரிந்துரைக்கப்படுகிறது) இது உங்கள் ITR ஐ சரிபார்க்க எளிதான வழியாகும்.

6. ஒரு HUF / நிறுவனம் பிரிவு-87A-ன் கீழ் தள்ளுபடியை கோர முடியுமா?
பிரிவு 87A ன் கீழ் தனிநபரால் மட்டுமே தள்ளுபடியை கோர முடியும். எனவே தனிநபர் தவிர்த்த யாரும் பிரிவு 87A ன் கீழ் தள்ளுபடியை கோர முடியாது.

7. நான் ஒரு வெளிநாடு வாழ் இந்தியர். நான் பிரிவு-87A-ன் கீழ் தள்ளுபடியைக் கோர முடியுமா?
பிரிவு 87A ன் கீழ் இந்தியாவில் வசிக்கும் தனிநபரால் மட்டுமே தள்ளுபடியை கோர முடியும். எனவே வெளிநாடு வாழ் இந்தியரால் பிரிவு 87A ன் கீழ் தள்ளுபடியை கோர முடியாது.

8. எனக்கு இரண்டு வீடுகள் உள்ளன. ஒன்று நான் ஒவ்வொரு வாரமும் சென்று வரும் ஒரு பண்ணை இல்லம், மற்றொன்று எனது உபயோகதிற்கான வீடு. இந்த இரண்டு குடியிருப்புகளையும் சுய ஆக்கிரமிப்பு என்று கருத முடியுமா?
மதிப்பிட்டு ஆண்டு (AY) 2019-20 வரை, நீங்கள் ஒரு சொத்தை மட்டுமே சுய உபயோகிப்புச் சொத்தாகக் கோர முடியும், மற்ற சொத்துக்கள் வாடகைக்கு விடப்பட்டதாகக் கருதப்படும். மதிப்பிட்டு ஆண்டு (AY) 2020-21 முதல், இரு வீடுகளும் குறிப்பிட்ட நிபந்தனைகளைப் பூர்த்தி செய்வதற்கு உட்பட்டு குடியிருப்பு நோக்கத்திற்காக சுய உபயோகிப்புச் சொத்துக்களாக கருதப்படலாம்.

9. ஆண்டின் ஒரு பகுதி சுயமாக ஆக்கிரமிக்கப்பட்டு ஆண்டின் எஞ்சிய பகுதி வாடகைக்கு விடப்பட்ட ஒரு சொத்திலிருந்து வருமானத்தை எவ்வாறு கணக்கிடுவது?
இந்தச் சூழலில், வீட்டுச் சொத்திலிருந்து வருமானம் என்ற தலைப்பின் கீழ் வரி வசூலிக்கக்கூடிய வருமானத்தை கணக்கிடும் நோக்கத்திற்காக, அத்தகைய சொத்து ஆண்டு முழுவதும் வாடகைக்கு விடுபட்டதாகக் கருதப்படும், அதற்கேற்ப வருமானம் கணக்கிடப்படும். இருப்பினும், அத்தகைய சொத்திலிருந்து கிடைக்கும் வருமானத்தை வரி விதிக்கக் கணக்கிடும்போது, உண்மையான வாடகை விடப்பட்ட காலத்திற்கு மட்டுமே கருதப்படும்.

10. சொத்துப் பரிவர்த்தனையின் மூலம் கிடைக்கும் ஆதாயங்கள் என்ற தலைப்பின் கீழ் எந்த வருமானங்களுக்கு வரி விதிக்கப்படுகிறது?
ஒரு வருடத்தில் மூலதனச் சொத்தை பரிமாற்றுவதன் மூலம் கிடைக்கும் எந்தவொரு இலாபமும் அல்லது ஆதாயமும் மூலதன ஆதாயங்கள் என்ற தலைப்பில் வரி விதிக்கப்படும்.

11. மூலதன சொத்து என்பதன் பொருள் என்ன?
வருமான வரிச் சட்டம், 1961-ன் பிரிவு 2(14) இன் கீழ் இன் கீழ் வரையறுக்கப்படும் மூலதனச் சொத்து என்பது:

• மதிப்பீட்டாளரின் வணிகத்துடனோ அல்லது தொழிலுடனோ இணைக்கப்பட்டிருந்தாலும் இல்லாவிட்டாலும் மதிப்பீட்டாளரின் எந்தவொரு சொத்தும்.
• SEBI சட்டம், 1992-ன் கீழ் செய்யப்பட்ட விதிமுறைகளுக்கு இணங்க, அத்தகைய பத்திரங்களில் முதலீடு செய்துள்ள ஒரு வெளிநாட்டு நிறுவன முதலீட்டாளர் (FII) வைத்திருக்கும் எந்தவொரு பத்திரங்களும் (சில விதிவிலக்குகளுக்கு உட்பட்டு).

12. நீண்ட கால மூலதன சொத்து என்ற வார்த்தையின் பொருள் என்ன?

• எந்தவொரு மூலதனச் சொத்தும் அதன் பரிமாற்ற தேதியிலிருந்து 36 மாதங்களுக்கும் மேலாக ஒருவரிடம் இருந்தால் அது அவரிடத்தில் நீண்ட கால மூலதன சொத்தாகக் கருதப்படும். இருப்பினும், இந்தியாவில் அங்கீகரிக்கப்பட்ட பங்குச் சந்தையில் பட்டியலிடப்பட்டுள்ள பங்குகள் (ஈக்விட்டி அல்லது முன்னுரிமை) போன்ற சில சொத்துக்கள், பங்கு சார்ந்த பரஸ்பர நிதிகளின் அலகுகள், பத்திரங்கள் மற்றும் அரசு பத்திரங்கள் போன்ற பட்டியலிடப்பட்ட பத்திரங்கள், UTI அலகுகள் மற்றும் ஜீரோ கூப்பன் பத்திரங்கள், கருத்தில் கொள்ள வேண்டிய காலம் 36 மாதங்களுக்கு பதிலாக 12 மாதங்கள் ஆகும்.
• பங்குச் சந்தையில் விற்கவோ வாங்கவோ கூடாத ஒரு நிறுவனத்தின் பட்டியலிடப்-படாத பங்குகள் விஷயத்தில். வைத்துக் கொள்ளப்படும் காலம் 36 மாதங்களுக்குப் பதிலாக 24 மாதங்கள் ஆகும்.
• மதிப்பிட்டு ஆண்டு (AY) 2018-19 முதல், அசையாச் சொத்தை வைத்திருக்கும் காலம் (நிலம் அல்லது கட்டிடம் அல்லது இரண்டும்) 36 மாதங்களுக்குப் பதிலாக 24 மாதங்களாகக் கருதப்படும்.

13. வருமான வரிச் சட்டத்தின் படி, மூலதன சொத்தை பரிமாற்றம் செய்வதன் மூலம் எழும் ஆதாயம் மூலதனப் பரிமாற்ற ஆதாயங்கள் என்ற தலைப்பின் கீழ் வரி விதிக்கப்படுகிறது. வருமான வரிச் சட்டத்தின்படி பரிமாற்றம் என்றால் என்ன?
பொதுவாக, பரிமாற்றம் என்பது விற்பனை என்று பொருள், இருப்பினும், வருமான வரிச் சட்டம், 1961-ன் பிரிவு-2(47)-ன்படி , மூலதன சொத்து தொடர்பாக, மாற்றம் என்பதில் பின்வருவனவும் அடங்கும்:

• சொத்தின் விற்பனை, பரிமாற்றம் அல்லது உரிமையை கைவிடல்;
• மூலதன சொத்துப் பரிவர்த்தனை தொடர்பாக எந்தவொரு உரிமையையும் முடிவுக்கு கொண்டு வருதல்;
• ஒரு சொத்தை கட்டாயமாக கையகப்படுத்துதல்;
• மூலதன சொத்தை வர்த்தகப் பங்காக மாற்றுதல்;
• ஜீரோ கூப்பன் பத்திரத்தின் முதிர்வு அல்லது மீட்பு;
• சொத்து மாற்றச் சட்டம், 1882-ன் பிரிவு-53A-ல் குறிப்பிடப்பட்டுள்ள இயல்பிலான ஒப்பந்தத்தைப் பகுதியளவு செயல்படுத்தும் வகையில் வாங்குபவருக்கு அசையா சொத்துக்களை வைத்திருப்பதை அனுமதித்தல்;
• அசையாச் சொத்தை மாற்றும் விளைவை ஏற்படுத்தும் (அல்லது அனுபவிக்கும் உரிமையை உருவாக்கும்) எந்தவொரு பரிவர்த்தனையும்; அல்லது
• ஒரு சொத்தைநோ அல்லது அதில் எந்த உரிமையையோ நீக்குதல் அல்லது பிரித்தல் அல்லது எந்தவொரு சொத்திலும் எந்தவொரு வகையிலும் எந்தவொரு உரிமையையும் உருவாக்குதல்.

14. மூலதன இழப்பை முன்னெடுத்துச் செல்வதற்கும், ஈடுசெய்வதற்கும் தொடர்பாக வருமான வரிச் சட்டத்தின் கீழ் வடிவமைக்கப்பட்ட விதிகள் யாவை?

• ஒரு வருடத்தில் ஏற்பட்ட மூலதனச் சொத்துப் பரிவர்த்தனை மூலம் கிடைத்த ஆதாயங்கள் அதே தலைப்பின் கீழ் ஏற்பட்ட இழப்பை அதே ஆண்டில் ஈடுசெய்ய முடியவில்லை என்றால், ஈடுசெய்யப்படாத மூலதன இழப்பை அடுத்த ஆண்டில் முன்னெடுக்க முடியும்.
• அடுத்தடுத்த ஆண்டு(களில்), இத்தகைய இழப்பை மூலதன சொத்துப் பரிவர்த்தனை மூலம் ஆதாயங்கள் என்ற தலைப்பில் வரி விதிக்கப்படக்கூடிய வருமானத்திற்கு எதிராக மட்டுமே சரிசெய்ய முடியும், இருப்பினும், நீண்ட கால மூலதன இழப்பை நீண்ட கால மூலதன ஆதாயங்களுக்கு எதிராக மட்டுமே சரிசெய்ய முடியும். குறுகிய கால மூலதன இழப்பை நீண்டகால மூலதன ஆதாயங்களுக்கும் மற்றும் குறுகிய கால மூலதன ஆதாயங்களுக்கு எதிராகவும் ஈடுசெய்ய முடியும்.
• இழப்பு ஏற்பட்ட ஆண்டைத் தொடர்ந்து அடுத்தடுத்து எட்டு ஆண்டுகளுக்கு இத்தகைய இழப்பை முன்னெடுக்க முடியும்.
• பிரிவு 139(1) இன் கீழ் வரையறுக்கப்பட்டுள்ளபடி, இழப்பு ஏற்பட்ட ஆண்டின் வருமான வரி அறிக்கையை சமர்ப்பித்தால் மட்டுமே அத்தகைய இழப்பை முன்னெடுத்துச் செல்ல முடியும்.