1. மேலோட்ட பார்வை

இந்த முந்தைய-உள்நுழைவு சேவை அனைத்து வரி செலுத்துவோருக்கும் கிடைக்கிறது. இந்த கையேடு, மின்னணு-தாக்கல் இணைய முகப்பில் பதிவு செய்து அணுக விரும்பும் அனைத்து வரி செலுத்துவோருக்கும் (மின்னணு-தாக்கல் இணைய முகப்பில் மற்றொரு பிரத்யேக பயனர் கையேட்டைக் கொண்ட நிறுவனங்கள் தவிர) பொருந்தும். பதிவு சேவை வரி செலுத்துவோர் வரி தொடர்பான அனைத்து நடவடிக்கைகளையும் அணுகவும் கண்காணிக்கவும் உதவுகிறது.

2. இந்த சேவையை பெறுவதற்கான முன் தேவைகள்

• பயன்பாட்டில் உள்ள மற்றும் செல்லத்தக்க PAN
• செல்லுபடியாகும் அலைபேசி எண்
• சரியான மின்னஞ்சல் ID

3. படிப்படியான வழிகாட்டி

படி 1: மின்னணு-தாக்கல் இணைய முகப்பில் முதன்மைப் பக்கத்திற்கு சென்று பதிவு செய்யவும் என்பதைக் கிளிக் செய்யவும்.

படி 2: வரி செலுத்துபவராகப் பதிவுசெய்தல் விருப்பத்தின் கீழ் உங்கள் PAN எண்ணைப் பதிவு செய்து சரிபார்க்கவும் என்பதைக் கிளிக் செய்யவும். PAN ஏற்கனவே பதிவு செய்யப்பட்டிருந்தால் அல்லது தவறானதாக இருந்தால், ஒரு பிழைச் செய்தித் தோன்றும்.

PAN மற்றும் ஆதார் இணைக்கப்பட்டிருந்தால், பாப்-அப் செய்தியில், UIDAI தரவுத்தளத்துடன் விவரங்களைச் சரிபார்க்க உறுதிப்படுத்த தேர்வுப்பெட்டியைத் தேர்ந்தெடுக்கவும்.

படி 3: அடிப்படை விவரங்கள் பக்கத்தில் உங்கள் PAN இன் படி பெயர், DOB / DOI, பாலினம் (பொருந்தினால்) மற்றும் குடியிருப்பு நிலை உள்ளிட்ட அனைத்து கட்டாய விவரங்களையும் உள்ளிட்டு தொடரவும் என்பதைக் கிளிக் செய்யவும்.

படி 4: PAN சரிபார்க்கப்பட்ட பிறகு, தனி நபர் வரி செலுத்துவோருக்குத் தொடர்பு விவரங்கள் பக்கம் தோன்றும். முதன்மை அலைபேசி எண், மின்னஞ்சல் ID மற்றும் முகவரி உள்ளிட்ட உங்கள் தொடர்பு விவரங்களை உள்ளிடவும்.தொடரவும் என்பதை கிளிக் செய்யவும்.

படி 5: குறிப்பிடப்பட்ட முதன்மை அலைபேசி எண் மற்றும் மின்னஞ்சல் IDக்கு இரண்டு தனித்தனி OTPகள் அனுப்பப்படும். மொபைல் எண் மற்றும் மின்னஞ்சல் IDயில் பெறப்பட்ட தனித்தனி 6 இலக்க OTPகளை உள்ளிட்டு தொடரவும் என்பதைக் கிளிக் செய்யவும்.

குறிப்பு:

• OTP ஆனது 15 நிமிடங்களுக்கு மட்டுமே செல்லுபடியாகும்.
• சரியான OTP ஐ உள்ளீடு செய்ய உங்களுக்கு 3 வாய்ப்புகள் உள்ளது.
• திரையில் தோன்றும் OTP காலாவதி இறங்குமுகக் கடிகை உங்களுக்கு OTP எப்போது காலாவதியாகும் என்பதை தெரிவிக்கும்.
• OTP ஐ மீண்டும் அனுப்பவும் என்பதை கிளிக் செய்தால், ஒரு புதிய OTP உருவாக்கப்பட்டு அனுப்பப்படும்.

படி 6: தேவைப்பட்டால் அந்தப் பக்கத்தில் உள்ள விவரங்களை மாற்றம் செய்து உறுதிப்படுத்தவும் என்பதை கிளிக் செய்யவும்.

படி 7: கடவுச்சொல் அமை பக்கத்தில், கடவுச்சொல் அமை மற்றும் கடவுச்சொல்லை உறுதிப்படுத்து ஆகிய இரண்டு உரைப் பெட்டிகளிலும் உங்களுக்கு விருப்பமான கடவுச்சொல்லை உள்ளிடவும். உங்கள் தனிப்பயனாக்கப்பட்ட செய்தியை உள்ளிட்டு பதிவு என்பதை கிளிக் செய்யவும்.

குறிப்பு:

• புதுப்பிக்கவும் அல்லது பின் செல்லவும் என்பதை கிளிக் செய்ய வேண்டாம்.
• உங்கள் புதிய கடவுச்சொல்லை உள்ளிடும்போது, கடவுச்சொல் கொள்கையில் கவனமாக இருங்கள்:
  • கடவுச்சொல் குறைந்தபட்சம் 8 எழுத்துகள் மற்றும் அதிகபட்சம் 14 எழுத்துகள் கொண்டதாக இருக்க வேண்டும்.
  • இது பெரிய எழுத்து மற்றும் ஒரு சிறிய எழுத்து இரண்டையும் கொண்டதாக இருக்க வேண்டும்.
  • இது ஒரு எண்ணையும் கொண்டிருக்க வேண்டும்.
  • இது ஒரு சிறப்பு எழுத்தையும் கொண்டிருக்க வேண்டும் (எ.கா. @#$%).

படி 8:நீங்கள் வெற்றிகரமாகப் பதிவு செய்ததும், உள்நுழைவு செயல்முறையைத் தொடங்க உள்நுழைவைத் தொடரவும் என்பதைக் கிளிக் செய்யவும்.

4. தொடர்புடைய தலைப்புகள்

• உள்நுழையவும்
• முகப்புப் பலகை
• PAN ஆதார் இணைப்பு
• வருமானவரி அறிக்கை