1. DSC என்றால் என்ன அது எதற்காக தேவைப்படுகிறது?
DSC என்பது உணரக்கூடிய காகித சான்றிதழின் மின்னணு வடிவமாகும். ஒரு குறிப்பிட்ட நோக்கத்திற்காக DSC ஆனது தனிநபர் அல்லது அமைப்பின் அடையாளச் சான்றாக நிகழ்நிலையில்/கணினியில் செயல்படுகிறது. கையால் எழுதப்பட்ட/ அச்சிடப்பட்ட ஆவணத்தை, கையொப்பம் எவ்வாறு அங்கீகரிக்கிறதோ, அது போன்று DSC மின்னணு ஆவணங்களை அங்கீகரிக்கிறது. வரி செலுத்துவோர் தாக்கல் செய்யும் வருமான வரி அறிக்கையை மின்னணு-உறுதிப்படுத்த DSC ஐ பயன்படுத்தலாம், மேலும் சில சந்தர்ப்பங்களில் DSC ஐ பயன்படுத்துவது கட்டாயமாகும்.

2. DSC எதற்காக தேவைப்படுகிறது?
இந்த வசதியைத் தேர்ந்தெடுத்துள்ள மின்னணு-தாக்கல் பயனர்கள் வருமான வரி அறிக்கைகள் / சட்டப்பூர்வ படிவங்கள் மற்றும் வருமான வரித் துறையால் வழங்கப்பட்ட அறிவிப்புகளுக்கு எதிரான பதிலைச் சரிபார்க்க, பணத்தைத் திரும்பப்பெறும் கோரிக்கையை மீண்டும் அளிக்க DSC ஐ பயன்படுத்தி கையொப்பமிட வேண்டும். எந்தவொரு ஆவணத்திலும் கையொப்பமிட அல்லது உறுதிப்படுத்த பயனர் முதலில் தங்கள் DSC ஐ மின்னணு-தாக்கல் முகப்பில் பதிவு செய்திருக்க வேண்டும்.

3. எம்சைனர் என்றால் என்ன?
எம்சைனர் என்பது DSC பதிவுக்கு தேவைப்படும் ஒரு பயன்பாடாகும். இது வெவ்வேறு வலைத்தளங்களுக்கு ஏற்றவகையில் பல்வேறு விதமான பதிப்புகளைக் கொண்டுள்ளது. DSC ஐ பதிவு செய்வதற்கு, எம்சைனர் பயன்பாட்டைப் பதிவிறக்கி நிறுவுவதற்கான ஹைப்பர்லிங்க் மின்னணு-தாக்கல் முகப்பில் கிடைக்கிறது.

4. என்னுடைய DSC ஐ நான் எப்போது மறுபதிவு செய்ய வேண்டும்?
தற்போது இருக்கும் DSC காலாவதியாகி விட்டாலோ அல்லது ஏற்கனவே பதிவு செய்யப்பட்டு இருக்கும் DSC ஐ புதுப்பிக்க வேண்டுமென்றாலோ நீங்கள் உங்களுடைய DSC ஐ மறு பதிவு செய்ய வேண்டும்.

5. DSC ஐ நான் எங்கு பெற முடியும்?
ஒரு செல்லுபடியாகும் DSC ஐ சான்றளிக்கும் அதிகாரியிடமிருந்து பெறலாம் மேலும் அதை மின்னணு-தாக்கல் முகப்பில் உள்நுழைந்தவுடன் பதிவு செய்ய வேண்டும்.

6. DSC எப்போதும் பயனரின் PAN எண்ணுக்கு எதிராக பதிவு செய்யப்படுகிறதா?
ஒரு வெளிநாட்டு நிறுவனத்தின் குடியுரிமை இல்லாத இயக்குனரைத் தவிர்த்து, தனிப்பட்ட பயனரின் PANக்கு எதிராக DSC பதிவு செய்யப்படும். ஒரு வெளிநாட்டு நிறுவனத்தின் குடியுரிமை இல்லாத இயக்குநராக இருந்தால், அவரின் மின்னஞ்சல் IDக்கு எதிராக DSC பதிவு செய்யப்படும். ஒரு வெளிநாட்டு நிறுவனத்தின் குடியுரிமை இல்லாத இயக்குநராக இருந்தால், அவர்களின் மின்னஞ்சல் IDக்கு எதிராக DSC பதிவு செய்யப்படும்.

7. Is DSC mandatory for certain services / users?
நிறுவனங்கள் மற்றும் அரசியல் கட்சிகள் மற்றும் வருமான வரிச் சட்டத்தின் பிரிவு 44AB இன் கீழ் தணிக்கை செய்யப்பட வேண்டிய கணக்குகள் கொண்ட பிற நபர்களால் தாக்கல் செய்யப்படும் வருமான வரி அறிக்கையின் மின்னணு-சரிபார்ப்பு போன்ற சில சேவைகள் / பயனர் வகைகளுக்கு DSC கட்டாயமாகும். இதர சந்தர்ப்பங்களில், இது விருப்பம் சார்ந்தது.

8. DSC ஐ பதிவு செய்யும் போது, 'இலக்கமுறை கையொப்பச் சான்றிதழ்' ஏற்கனவே பதிவு செய்யப்பட்டுள்ளது' என்ற செய்தி தோன்றுகிறது. நான் மேற்கொள்ள வேண்டிய செயல் என்னவாக இருக்க வேண்டும்?
ஒரே DSC ஐ பல பயனர்கள் பதிவு செய்ய முடியாது. பிழை செய்தியானது DSC ஏற்கனவே மற்றொரு வரி செலுத்துபவருக்கு எதிராக பதிவு செய்யப்பட்டுள்ளது என்பதைக் குறிப்பிடலாம். DSC உங்களுக்கு உரியது என்பதையும் PAN மற்றும் மின்னஞ்சல் முகவரி குறியாக்கம் செய்யப்பட்டுள்ளது என்பதையும் உறுதி செய்து கொள்ளவும். இருப்பினும், இதற்கு விதிவிலக்காக, தனிநபர் மற்றும் நிறுவனத்திற்கு DSC பதிவு செய்வதற்கு ஒரு முதன்மைத் தொடர்பாளர், ஒரே DSC ஐப் பயன்படுத்தலாம். பொருந்தாத PAN மற்றும் காலாவதியான DSC போன்ற பிழைச் செய்திகளுக்கு, முறையே PAN சரிபார்க்கப்பட வேண்டும் மற்றும் முறையே சரியான DSC பதிவு செய்யப்பட வேண்டும்.

9. நிறுவனம் / அமைப்பு / HUF இன் ITRகளை மின்னணு-தாக்கல் செய்ய யாருடைய DSC பயன்படுத்தப்பட வேண்டும்?
தனிநபர்களைத் தவிர அனைத்துப் பிரிவினருக்கும் ITRகளை மின்னணு-தாக்கல் செய்ய முதன்மைத் தொடர்பாளரின் DSC (HUF ஆக இருந்தால் கர்த்தா) தேவை.

10. என்னிடம் ஏற்கனவே ஒரு DSC இருக்கும் பட்சத்தில், மின்னணு-தாக்கல் செய்ய எனக்கு புதிய DSC வேண்டுமா?
வேறு ஏதேனும் பயன்பாட்டிற்கான குறிப்பிட்ட பிரிவு 2 அல்லது 3 DSC உங்களிடம் இருந்தால், அந்த DSC காலாவதியாகாத வரை அல்லது திரும்பப் பெறப்படாத வரை மின்னணு-தாக்கல் செய்யப் பயன்படுத்தலாம்.

11. DSC பின் என்றால் என்ன? அதை நான் எங்கு பெற முடியும்?
DSC பின் (PIN) என்பது இலக்கமுறை கையொப்பத்தின் சந்தாதாரர் இலக்கமுறை கையொப்பத்தை பதிவேற்றும் போது பயன்படுத்தும் கடவுச்சொல் ஆகும். ஒவ்வொரு DSC வில்லையும் ஒரு இயல்புநிலை PIN உடன் வருகிறது.நிறுவப்பட்ட DSC இயக்கி மென்பொருள் மூலம் PIN ஐ மாற்ற நீங்கள் தேர்வு செய்யலாம் (உங்கள் கணினியின் USB போர்ட்டில் உங்கள் DSC வில்லையை நுழைத்த பிறகு).

12. புதிய மின்னணு-தாக்கல் முகப்பில் எனது DSC ஐ மீண்டும் பதிவு செய்ய வேண்டுமா?
ஆம், நீங்கள் முன்பு பதிவு செய்த DSC செயலில் இருந்தாலும் புதிய மின்னணு-தாக்கல் முகப்பில் மீண்டும் DSC ஐ பதிவு செய்ய வேண்டும். தொழில்நுட்ப மற்றும் தகவல் பாதுகாப்பு சிக்கல்கள் காரணமாக DSC இன் தகவல் பழைய முகப்பில் இருந்து மாற்றப்படவில்லை.