1. எனக்கு ஏற்ற வருமான வரி படிவத்தின் வகையை நான் எவ்வாறு தாக்கல் செய்ய அணுக முடியும்?
மின்னணு தாக்கல் பட்டியலில் இருக்கும் வருமான வரி படிவ விருப்பத்தேர்வின் கீழ், வகை வாரியாக சிறு விளக்கங்களுடன் அனைத்து வருமான வரிப் படிவங்களும் உங்களுக்கு கிடைக்கும். பட்டியலில் உள்ள அனைத்து வகை படிவங்களில் இருந்து நீங்கள் தாக்கல் செய்வதற்கு மிகவும் ஏற்ற படிவம்(களை) தேர்வு செய்யவும்.

2. எனக்கு கிடைக்கக்கூடிய பல்வேறு மின்னணு சரிபார்ப்பு விருப்ப தேர்வுகள் என்னென்ன?
பின்வரும் மின்னணு சரிபார்ப்பு பற்றிய விருப்ப தேர்வுகள் கிடைக்கின்றன. உங்களுக்கு மிகவும் தகுந்த ஒன்றை நீங்கள் தேர்வு செய்யலாம்:

• ஆதார் ஒற்றை பயன்பாட்டு கடவுச்சொல்
• மின்னணு சரிபார்ப்பு குறியீடு (EVC) (மின்னணு சரிபார்ப்பு குறியீடு (EVC) ஏற்கனவே உள்ளது அல்லது மின்னணு சரிபார்ப்பு குறியீடு (EVC) உருவாக்கப்பட வேண்டும்)
• இலக்கமுறை கையொப்பச் சான்றிதழ் (DSC)

சில படிவங்களுக்கு, இலக்கமுறை கையொப்பச் சான்றிதழை (DSC) ஐ மட்டுமே பயன்படுத்தி மின்னணு சரிபார்ப்பு செய்ய முடியும்.

3. பதிவேற்றுவதற்கு முன் படிவத்தில் மாற்றங்களை அகல்நிலையில் என்னால் செய்ய இயலுமா?
ஆம், படிவத்தை அகல்நிலையில் தயாரித்து உரிய பயன்பாட்டை உபயோகித்து மின்னணு தாக்கல் முகப்பில் பதிவேற்றலாம். அதற்குரிய பயன்பாட்டை மின்னணு தாக்கல் முகப்பில் இருந்து பதிவிறக்கம் செய்ய வேண்டும்.

4 வேறு யாராவது படிவங்களை எனது சார்பாக பதிவேற்ற முடியுமா?
ஆம், சில தருணங்களில், வரி செலுத்துபவர் தனது சார்பாக படிவங்களை பதிவேற்ற வேறொரு நபரைத் தேர்ந்தெடுத்து உரிமை வழங்க முடியும். யாரை பிரதிநிதியாக நியமிக்கலாம் என்பது குறித்த கூடுதல் தகவல்களை பிரதிநிதித்துவ உரிமை வழங்கல்/ பதிவு செய்தல் பற்றிய பயனர் கையேட்டில் காணலாம்.