1. எனது வருமான வரியை இணையத்தின் மூலம் செலுத்த முடியுமா?
ஆம், உங்கள் வருமான வரியைப் பின்வரும் முறைகளைப் பயன்படுத்தி செலுத்தலாம்:

• அங்கீகரிக்கப்பட்ட வங்கி பற்று அட்டை, அல்லது
• அங்கீகரிக்கப்பட்ட வங்கியின் இணையச் சேவை வசதி, அல்லது
• கட்டண நுழைவாயில் (பற்று அட்டை / கடன் அட்டை / அங்கீகரிக்கப்படாத வங்கிகளின் இணையச் சேவை அல்லது ஒருங்கிணைந்த பணம் செலுத்தும் இடைமுகம் (UPI))

ஆன்லைன் பணம் செலுத்தும் சேவையைப் பயன்படுத்தி, சேமிக்கப்பட்ட செலுத்துச் சீட்டு வரைவுகளின் மீது நீங்கள் வரி செலுத்தலாம் அல்லது உருவாக்கப்பட்ட செலுத்துச் சீட்டுகள் என்ற தாவலின் கீழ் சேமிக்கப்பட்டுள்ள ஏற்கனவே உருவாக்கப்பட்ட செலுத்துச் சீட்டுப் படிவத்தின் மீது வரி செலுத்தலாம்.

2. எனது வரி செலுத்துதலை பிந்தைய தேதிக்கு திட்டமிட முடியுமா?
வங்கி இணையச் சேவை வசதியைப் பயன்படுத்தி உங்கள் வங்கிக் கணக்கிலிருந்து வரி செலுத்துதலைத் திட்டமிடலாம். இருப்பினும், கடன் / பற்று அட்டையைப் பயன்படுத்தி செய்யும் ஆன்லைன் கட்டண முறைக்கு இந்த வசதி கிடைக்கப்பெறாது.

3. செலுத்துச் சீட்டை உருவாக்கிய பிறகு பணம் செலுத்துவதற்கு ஏதேனும் கால அவகாசம் உள்ளதா?
செலுத்துச் சீட்டை உருவாக்கியதிலிருந்து 15 நாட்களுக்குள் நீங்கள் வரியைச் செலுத்த வேண்டும் (அதாவது, செலுத்துச் சீட்டு அடையாள எண்ணை (CRN) உருவாக்கிய தேதியிலிருந்து 15 நாட்களுக்குள்). முன்கூட்டிய வரியைப் பொறுத்தவரை, நீங்கள் செலுத்துச் சீட்டு அடையாள எண்ணை (CRN) உருவாக்கிய தேதியிலிருந்து 15 நாட்களுக்குள் அல்லது நடப்பு நிதியாண்டின் மார்ச் 31^ஆம் தேதிக்குள், எது முந்தையதோ அதற்குள், வரியைச் செலுத்த வேண்டும்.

4. பணம் செலுத்த விரும்பும் அங்கீகரிக்கப்பட்ட வங்கிக் கணக்கை என்னால் காண முடியாவிட்டால், நான் என்ன செய்ய வேண்டும்?
கட்டணம் செலுத்தும் முறையைத் தேர்ந்தெடுக்கும்போது, நீங்கள் செலுத்த விரும்பும் வங்கிக் கணக்கை முன்னதாகப் பார்க்க முடியாவிட்டால், பிற வங்கி கீழ்த்தோன்றலில் கிடைக்கும் வங்கிகளின் பட்டியலிலிருந்து நீங்கள் விரும்பிய அங்கீகரிக்கப்பட்ட வங்கியைத் தேர்ந்தெடுக்கலாம்

5. வங்கி இணையச் சேவை அல்லது பற்று அட்டை மூலம் நேரடியாகப் பணம் செலுத்துவதற்கு அங்கீகரிக்கப்பட்ட வங்கிகள் யாவை?
மின்னணுத் தாக்கல் இணைய முகப்புடன் ஒருங்கிணைக்கப்பட்டுள்ள வங்கிகளின் பட்டியலை மின்னணுத் தாக்கல் இணைய முகப்பில் உள்ள வங்கி இணையச் சேவையுடன் உள்நுழைக என்ற பக்கத்தில் காணலாம்.

6, எனது பரிவர்த்தனை வெற்றிகரமானதா என்பதை நான் எவ்வாறு அறிவது?
மின்னணு தாக்கல் இணைய முகப்பில் பதிவு செய்யப்பட்டுள்ள உங்கள் மின்னஞ்சல் (ID) மற்றும் அலைபேசி எண்ணில் உறுதிப்படுத்தல் செய்தியைப் பெறுவீர்கள். கூடுதலாக, வரி செலுத்து வரலாறு வரி செலுதியதை உறுதிப்படுத்த வங்கியால் வழங்கப்படும் செலுத்துச் சீட்டு அடையாள எண்ணுடன் (CIN) கூடிய வெற்றிகரமான நிலையைப் பிரதிபலிக்கும்,.

7. வங்கி இணையச் சேவை மூலம் வரி செலுத்துவதைத் திட்டமிட முடியுமா?
ஆமாம். இருப்பினும், இது நீங்கள் தேர்ந்தெடுத்த வங்கிக் கணக்கைப் பொறுத்தது, வங்கி இணையச் சேவை மூலம் கட்டணங்களைத் திட்டமிடுவதற்கான வசதி சில வங்கிக் கணக்குகளில் மட்டுமே கிடைக்கிறது. வங்கி இணையச் சேவையைப் பயன்படுத்தி வரி செலுத்துவதைத் திட்டமிட நீங்கள் தேர்வுசெய்திருந்தால், வரியை அனுப்பும் தேதியில், தேர்ந்தெடுக்கப்பட்டுள்ள வங்கிக் கணக்கில் போதுமான பணம் இருப்பதை உறுதிப்படுத்தவும்.