Form 10-IC User Manual

1. അവലോകനം

ആദായനികുതി ആക്ടിലെ വകുപ്പ് 115BAA പ്രകാരം, നിർദ്ദിഷ്ട കിഴിവുകളും ആനുകൂല്യങ്ങളും പ്രയോജനപ്പെടുത്തുന്നില്ലെങ്കിൽ, ആഭ്യന്തര കമ്പനികൾക്ക് 22% (കൂടാതെ ബാധകമായ അധികനികുതിയും സെസും) ഇളവോടുകൂടിയ നിരക്കിൽ നികുതി അടയ്ക്കാൻ അവസരമുണ്ട്. അസ്സെസ്സ്മെന്റ് വർഷം 2020-21 മുതൽ മാത്രമേ കമ്പനികൾക്ക് ഇളവോടുകൂടിയ നികുതി നിരക്കുകൾ തിരഞ്ഞെടുക്കാൻ കഴിയൂ.

വകുപ്പ് 115BAA പ്രകാരം ഇളവോടുകൂടിയ നിരക്കിൽ നികുതി അടയ്ക്കുന്നതിന് ഫോം 10 -IC ഫയൽ ചെയ്യേണ്ടത് അത്യാവശ്യമാണ്. ഈ ആനുകൂല്യം ലഭിക്കുന്നതിന്, വകുപ്പ് 139 ലെ ഉപവകുപ്പ് [1] പ്രകാരം മുൻവർഷത്തെ വരുമാനത്തിന്റെ റിട്ടേൺ നൽകുന്നതിന് നിർദ്ദേശിയ്ക്കപ്പെട്ടിട്ടുള്ള നിശ്ചിത തീയതിയിലോ അതിനു മുമ്പോ പ്രസ്തുത ഫോം ഫയൽ ചെയ്യേണ്ടതാണ്. ഒരു പ്രത്യേക സാമ്പത്തിക വർഷത്തിൽ ഒരിക്കൽ പ്രയോഗിച്ച അത്തരം ഓപ്ഷൻ പിന്നീട് പിൻവലിക്കാനാവില്ല.

ഫോം 10-IC ഓൺലൈൻ മോഡ് വഴി സമർപ്പിക്കാൻ കഴിയും. . ഇ-ഫയലിംഗ് പോർട്ടലിൽ ഓൺലൈൻ മോഡ് ഉപയോഗിച്ച് ഫോം 10-IC ഫയൽ ചെയ്യാൻ ഈ സേവനം രജിസ്റ്റർ ചെയ്ത ഉപയോക്താവിനെ പ്രാപ്തമാക്കുന്നു.

2. ഈ സേവനം ലഭ്യമാക്കുന്നതിനുള്ള മുൻവ്യവസ്ഥകൾ

സാധുവായ ഉപയോക്തൃനാമവും പാസ്‌വേഡും ഉള്ള ഇ-ഫയലിംഗ് പോർട്ടലിൽ രജിസ്റ്റർ ചെയ്ത ഉപയോക്താവ്
സാധുതയുള്ളതും സജീവവുമായ ഡിജിറ്റൽ സിഗ്നേച്ചർ സർട്ടിഫിക്കറ്റ് (ഡി എസ് സി ഉപയോഗിച്ച് ഇ-വെരിഫൈ ചെയ്യുക)
ആക്ട് ലെ 139(1] വകുപ്പ് പ്രകാരം റിട്ടേൺ നൽകാനുള്ള സമയപരിധി അവസാനിച്ചിട്ടില്ല

3. ഫോമിനെക്കുറിച്ച്

3.1. ഉദ്ദേശ്യം

ഇളവോടുകൂടിയ നിരക്കിൽ നികുതി അടയ്ക്കുന്നതിന് വകുപ്പ് 115BAA യുടെ ഉപവകുപ്പ് (5) പ്രകാരം ഓപ്ഷൻ ഉപയോഗിക്കുന്നതിനുള്ള അപേക്ഷ ഫോം 10-IC യിൽ നൽകണം. ആദായനികുതി ആക്ട്, 1961-ലെ വകുപ്പ് 115BAA പ്രകാരം, വകുപ്പ് 115BAA യിൽ നിർദ്ദേശിയ്ക്കപ്പെട്ടിട്ടുള്ള വ്യവസ്ഥകൾ നിറവേറ്റുന്നപക്ഷം ആഭ്യന്തര കമ്പനികൾക്ക് 22% [പ്ലസ് അധിക നികുതിയും സെസ്-ഉം) ഇളവോടുകൂടിയ നികുതിനിരക്കിൽ നികുതി അടയ്ക്കാനുള്ള ഓപ്ഷൻ ഉപയോഗിക്കാൻ കഴിയും.

3.2, ആർക്കാണ് ഇത് ഉപയോഗിക്കാൻ കഴിയുക?

ആഭ്യന്തര കമ്പനിയായി രജിസ്റ്റർ ചെയ്തിട്ടുള്ള എല്ലാ ഉപയോക്താക്കൾക്കും ഈ ഫോം ആക്സസ് ചെയ്യാൻ കഴിയും.

4. ഫോം ഒറ്റനോട്ടത്തിൽ

ഫോം 10-IC ക്ക് 4 വിഭാഗങ്ങൾ ഉണ്ട്:

അസസ്സിങ്ങ് ഓഫീസർ
അടിസ്ഥാന വിവരങ്ങൾ
കൂടുതൽ വിവരങ്ങൾ
വെരിഫിക്കേഷൻ

4.1 അസസ്സിംഗ് ഓഫീസറുടെ വിശദാംശങ്ങൾ

ഫോമിന്റെ ആദ്യ വിഭാഗം താങ്കളുടെ അസ്സെസ്സിങ് ഓഫീസറുടെ വിശദാംശങ്ങൾ ഉൾക്കൊള്ളുന്നു. ഈ വിഭാഗത്തിലെ വിശദാംശങ്ങൾ താങ്കൾ സ്ഥിരീകരിക്കുക മാത്രം ചെയ്താൽ മതി.

4.2. അടിസ്ഥാന വിവരങ്ങൾ

അടുത്ത വിഭാഗത്തിൽ ആഭ്യന്തര കമ്പനിയുടെ അടിസ്ഥാന വിശദാംശങ്ങൾ (വ്യക്തിഗത വിവരങ്ങളും ബിസിനസ്സ് പ്രവർത്തനങ്ങളുടെ സ്വഭാവവും ഉൾപ്പെടെ) അടങ്ങിയിരിക്കുന്നു. താങ്കൾക്ക് ബാധകമായ ബിസിനസ്സിന്റെ സ്വഭാവം അനുസരിച്ച് താങ്കൾ മേഖല തിരഞ്ഞെടുക്കേണ്ടതുണ്ട്.

4.3 അധിക വിവരങ്ങൾ

അടുത്ത വിഭാഗത്തിൽ IFSC യൂണിറ്റുകളുടെ വിശദാംശങ്ങളും (എന്തെങ്കിലുമുണ്ടെങ്കിൽ) 115BA വകുപ്പ് പ്രകാരം പ്രയോഗിച്ച ഓപ്ഷനും അടങ്ങിയിരിക്കുന്നു. 115BA വകുപ്പ് പ്രകാരം നികുതി ഏർപ്പെടുത്താൻ താങ്കൾ തിരഞ്ഞെടുത്തു വെങ്കിൽ, താങ്കൾ അത് പിൻവലിക്കേണ്ടതുണ്ട് എന്ന് ദയവായി അറിയുക.

4.4. വെരിഫിക്കേഷൻ

അവസാന വിഭാഗത്തിൽ, ആദായനികുതി ആക്ട്‌ 1961ലെ സെക്ഷൻ 115 BAA പ്രകാരമുള്ള മാനദണ്ഡങ്ങൾക്കനുസരിച്ച് ഒരു സ്വയം പ്രഖ്യാപന ഫോം അടങ്ങിയിരിക്കുന്നു. വെരിഫിക്കേഷൻ പേജിൽ പ്രദർശിപ്പിച്ചിരിക്കുന്ന നിബന്ധനകളും വ്യവസ്ഥകളും അംഗീകരിക്കുക.

5. എങ്ങനെ ആക്സസ് ചെയ്ത് സമർപ്പിക്കണം

ഇനിപ്പറയുന്ന രീതിയിലൂടെ താങ്കൾക്ക് ഫോം 10-IC പൂരിപ്പിച്ച് സമർപ്പിക്കാൻ കഴിയും :

ഓൺലൈൻ രീതി - ഇ-ഫയലിംഗ് പോർട്ടലിലൂടെ

ഓൺലൈൻ മോഡ് ലൂടെ ഫോം 10 -IC പൂരിപ്പിക്കാനും സമർപ്പിക്കാനും ചുവടെയുള്ള ഘട്ടങ്ങൾ പാലിക്കുക.

5.1 നികുതിദായകർക്ക് ഫോം 10 -IC ഫയൽ ചെയ്യാൻ (ഓൺലൈൻ മോഡ്)

ഘട്ടം 1: താങ്കളുടെ ഉപയോക്തൃ ID. യും പാസ്സ്‌വേർഡും ഉപയോഗിച്ച് ഇ-ഫയലിംഗ് പോർട്ടലിലേക്ക് ലോഗിൻ ചെയ്യുക.

ഘട്ടം2: താങ്കളുടെ ഡാഷ്‌ബോർഡിൽ, ഇ-ഫയൽ> ആദായനികുതി ഫോമുകൾ> ആദായനികുതി ഫോമുകൾ ഫയൽ ചെയ്യുക എന്നിവയിൽ ക്ലിക്ക് ചെയ്യുക.

ഘട്ടം 3: ഫയൽ ആദായനികുതി ഫോമുകൾ പേജിൽ, ഫോം 10-ICതിരഞ്ഞെടുക്കുക. അതല്ലെങ്കിൽ, ഫോം ഫയൽ ചെയ്യുന്നതിന് തിരയൽ ബോക്സിൽ ഫോം 10-ICഎന്ന്‌ നൽകുക.

ഘട്ടം 4: ഫോം 10-IC പേജിൽ, പ്രസക്തമായ അസ്സെസ്സ്മെന്റ് വർഷം തിരഞ്ഞെടുത്ത് തുടരുകഎന്നതിൽ ക്ലിക്ക് ചെയ്യുക.

ഘട്ടം 5: നിർദ്ദേശങ്ങൾ എന്ന പേജിൽ, നമുക്ക് ആരംഭിക്കാം എന്നത് ക്ലിക്ക് ചെയ്യുക.

ഘട്ടം 6: നമുക്ക് ആരംഭിക്കാം എന്നതിൽ ക്ലിക്ക് ചെയ്യുമ്പോൾ, ഫോം 10 -IC പ്രദർശിപ്പിക്കപ്പെടും. ആവശ്യമായ എല്ലാ വിശദാംശങ്ങളും പൂരിപ്പിച്ച് പ്രിവ്യൂ ക്ലിക്ക് ചെയ്യുക.

ഘട്ടം 7: പ്രിവ്യൂ പേജിൽ, വിശദാംശങ്ങൾ പരിശോധിച്ചുറപ്പിച്ച് ഇ-വെരിഫൈ ചെയ്യുന്നതിന് തുടരുകഎന്നതിൽ ക്ലിക്ക് ചെയ്യുക.

ഘട്ടം 8: സമർപ്പിക്കാൻ അതെ എന്നതിൽ ക്ലിക്ക് ചെയ്യുക.

ഘട്ടം 10: അതെ എന്നതിൽ ക്ലിക്കുചെയ്യുമ്പോൾ, ഡിജിറ്റൽ സിഗ്നേച്ചർ സർട്ടിഫിക്കറ്റ് ഉപയോഗിച്ച് താങ്കൾക്ക് വെരിഫൈ ചെയ്യാൻ കഴിയുന്ന ഇ-വെരിഫൈ ചെയ്യുക പേജിലേക്ക് താങ്കൾ നയിയ്ക്കപ്പെടും.

കുറിപ്പ്"കൂടുതലറിയാൻ ഇ-വെരിഫൈ ചെയ്യുന്നതെങ്ങനെഎന്നും ഡി എസ് സി രജിസ്റ്റർ ചെയ്യുക എന്നുമുള്ള ഉപയോക്തൃ മാനുവലുകൾ റെഫർ ചെയ്യുക.

വിജയകരമായ ഇ-വെരിഫിക്കേഷനുശേഷം, ഒരു ഇടപാട് ഐ.ഡി.യും അക്‌നോളഡ്ജ്‌മെന്റ് രസീത് നമ്പറും സഹിതം ഒരു വിജയസന്ദേശം പ്രദർശിപ്പിക്കപ്പെടും. ഭാവി റഫറൻസിനായി ഇടപാട് ഐ.ഡി.- യുടെയും അക്‌നോളഡ്ജ്‌മെന്റ് രസീത് നമ്പറിന്റെയും ഒരു കുറിപ്പ് ദയവായി സൂക്ഷിക്കുക.ഇ-ഫയലിംഗ് പോർട്ടലിൽ രജിസ്റ്റർ ചെയ്തിട്ടുള്ള ഇമെയിൽ ഐ.ഡി.-യിൽ ഒരു സ്ഥിരീകരണസന്ദേശവും താങ്കൾക്ക് ലഭിക്കുന്നതാണ്.