சேவைக் கோரிக்கையைச் சரிபார்க்கவும் பயனர் கையேடு

1. மேலோட்டப்பார்வை

மின்னணு-தாக்கல் இணைய முகப்பில் உள்ள அனைத்து பயனர்களுக்கும் ERI-களின் சேவை கோரிக்கையைச் சரிபார்த்தல் வசதி கிடைக்கிறது. இந்தச் சேவையின் மூலம், வருமான வரி அறிக்கை மற்றும் படிவங்களைத் தாக்கல் செய்வது உள்ளிட்ட குறிப்பிட்ட செயல்பாடுகளை மின்னணு-தாக்கல் இணைய முகப்பில் உங்கள் சார்பாக மேற்கொள்ளும்போது, ஒரு ERI சமர்ப்பித்த கோரிக்கையை உங்களால் சரிபார்க்க முடியும்.

ERI-கள் தங்கள் வாடிக்கையாளர்கள் சார்பாகப் பின்வரும் சேவைகளை மேற்கொள்ளலாம்:

வாடிக்கையாளரைச் சேர்க்கவும் (பதிவுசெய்யப்பட்ட மற்றும் பதிவுசெய்யப்படாத பயனாளர்)
வாடிக்கையாளரைச் செயல்படுத்தவும்
வாடிக்கையாளர் சரிபார்த்தலை மேம்படுத்துதல்
சேவை சரிபார்த்தலை மேம்படுத்துதல்
சேவையைச் சேர்த்தல்
ITR-V-ஐச் சமர்ப்பிப்பதில் ஏற்பட்ட தாமதத்தை பொருட்படுத்தாதுவிடல் கோரிக்கை
அங்கீகரிக்கப்பட்ட பிரதிநிதியைச் சேர்க்கவும்
சுயமாகச் செயல்பட மற்றொரு நபரை அங்கீகரிக்கவும்
மதிப்பீட்டு பிரதிநிதியாகப் பதிவு செய்தல்
மற்றொரு நபரின் சார்பாகச் செயல்படப் பதிவு செய்யுங்கள்
வருமான வரிப் படிவங்களைத் தாக்கல் செய்யவும்
உபரி வரி திரும்பப்பெறுதல் மறுவெளியீட்டிற்கான கோரிக்கை
சரிசெய்தல் கோரிக்கை
காலக்கெடு முடிந்த பிறகு ITR தாக்கல் செய்வதற்கான காலதாமதத்தை பொருட்படுத்தாதுவிடல் கோரிக்கை
வங்கி கணக்கில் சரிபார்க்கப்பட்ட தொடர்பு விவரங்களின்படி, முதன்மைத் தொடர்பு விவரங்களைப் புதுப்பிக்கவும்.
டிமேட் கணக்கில் சரிபார்க்கப்பட்ட தொடர்பு விவரங்களின்படி, முதன்மைத் தொடர்பு விவரங்களைப் புதுப்பிக்கவும்

உங்கள் வாடிக்கையாளர் சரிபார்த்த பிறகு மட்டுமே, ERI-ஆல் சமர்ப்பிக்கப்பட்ட கோரிக்கை நிறைவு செய்யப்படும்.

2. இச்சேவையைப் பெறுவதற்கான முன்தேவைகள்

செல்லுபடியாகும் மற்றும் செயல்பாட்டில் உள்ள PAN / TAN
ஒரு மின்னணு-வருமானவரி அறிக்கை இடைத்தரகர் கோரிக்கையைத் தொடங்கியிருக்க வேண்டும்
ERI-ஆல் சமர்ப்பிக்கப்பட்ட கோரிக்கையின் பரிவர்த்தனை ID
சமர்ப்பிக்கப்பட்ட கோரிக்கையைச் சரிபார்க்கும் நேரத்தில், அதன் பரிவர்த்தனை ID செல்லுபடியாகும் நிலையில்/செயல்பாட்டில் இருக்க வேண்டும்

3. படிப்படியான வழிகாட்டி

படிநிலை 1: மின்னணு-தாக்கல் இணைய முகபபின் முதன்மை பக்கத்திற்குச் சென்று, சேவை கோரிக்கையை சரிபார்க்கவும் என்பதைக் கிளிக் செய்யவும்.

படிநிலை 2: சேவைக் கோரிக்கையைச் சரிபார்த்தல் பக்கத்தில், மின்னணு-தாக்கல் இணைய முகப்பில் பதிவு செய்யப்பட்ட உங்கள் மின்னஞ்சல் ID மற்றும் அலைபேசி எண்ணுக்குப் பெறப்பட்ட கோரிக்கையின் பரிவர்த்தனை ID மற்றும் PAN / TAN ஆகியவற்றை உள்ளிடவும். பின்னர் சரிபார்என்பதைக் கிளிக் செய்யவும்.

குறிப்பு: நீங்கள் இணையமுகப்பில் பதிவு செய்யவில்லை என்றால், கோரிக்கையைச் சமர்ப்பிக்கும்போது ERI-ஆல் வழங்கப்பட்ட மின்னஞ்சல் ID மற்றும் அலைபேசி எண்ணுக்குப் பெறப்பட்ட பரிவர்த்தனை ID-ஐ உள்ளிடவும்.

படிநிலை 3: சரிபார்ப்பு வெற்றிகரமாக முடிந்த பிறகு, தொடரவும் என்பதைக் கிளிக் செய்யவும்.

படிநிலை 4: சரிபார்ப்பு முறை, EAR-ஆல் சமர்ப்பிக்கப்பட்ட கோரிக்கையின் வகையைப் பொறுத்து அமையும்.

கோரிக்கை சமர்ப்பிக்கப்பட்ட வகை	சரிபார்ப்பு முறை
வாடிக்கையாளரைச் சேர்க்கவும் (பதிவு செய்யத பயனர்கள்) வாடிக்கையாளரைச் செயல்படுத்துதல் வாடிக்கையாளர் சரிபார்த்தலை மேம்படுத்துதல் சேவை சரிபார்த்தலை மேம்படுத்துதல் சேவையைச் சேர்க்கவும் ITR-V-ஐச் சமர்ப்பிப்பதில் ஏற்பட்ட தாமதத்தை பொருட்படுத்தாதுவிடல் கோரிக்கை அங்கீகரிக்கப்பட்ட முகவரைச் சேர்க்கவும் சுயமாகச் செயல்பட மற்றொரு நபரை அங்கீகரிக்கவும் மதிப்பீட்டுக்குரியவரின் பிரதிநிதியாகப் பதிவு செய்தல் மற்றொரு நபரின் சார்பாகச் செயல்படப் பதிவு செய்யுங்கள். வங்கி அல்லது டிமேட் கணக்கில் சரிபார்க்கப்பட்ட தொடர்பு விவரங்களின்படி, முதன்மைத் தொடர்பு விவரங்களைப் புதுப்பிக்கவும்.	மின்னணு-தாக்கல் இணைய முகப்பில் பதிவு செய்யப்பட்ட அலைபேசி எண் மற்றும் மின்னஞ்சல் ID -க்கு 6-இலக்க OTP-கள் பெறப்பட்டன
வாடிக்கையாளரைப் பதிவு செய்யவும் வாடிக்கையாளரைச் சேர்க்கவும் (பதிவு செய்யப்படாத பயனர்கள்)	மின்னணு-தாக்கல் இணைய முகப்பில் பதிவு செய்யப்பட்ட அலைபேசி எண் மற்றும் மின்னஞ்சல் ID -க்கு இரண்டு தனித்தனி 6-இலக்க OTP-கள் பெறப்பட்டன.
வருமானவரிப் படிவங்களைத் தாக்கல் செய்யவும் உபரி வரி திரும்பப்பெறுதல் மறுவெளியீட்டிற்கான கோரிக்கை சரிசெய்தல் கோரிக்கை காலக்கெடு முடிந்த பிறகு ITR தாக்கல் செய்ததற்கான பொருட்படுத்தாதுவிடல் கோரிக்கை	மின்னணு-சரிபார்ப்பு

படிநிலை 5a: 6-இலக்க OTP/OTP-களை உள்ளிடவும் (கூடுதல் விவரங்களுக்குப் படிநிலை 4-இல் உள்ள அட்டவணையைப் பார்க்கவும்). தொடரவும் என்பதைக் கிளிக் செய்யவும்.

குறிப்பு:

15 நிமிடங்களுக்கு மட்டுமே OTP -கள் செல்லுபடியாகும்
சரியான OTP-ஐ உள்ளிட உங்களுக்கு 3 வாய்ப்புகள் மட்டுமே உள்ளன
திரையில் உள்ள OTP காலாவதியாகும் நேரத்தைக் காட்டும் கவுண்டவுன் டைமர், OTP எப்போது காலாவதியாகும் என்பதை உங்களுக்குத் தெரிவிக்கிறது.
OTP-ஐ மீண்டும் அனுப்பவும், என்பதைக் கிளிக் செய்யும்போது, ஒரு புதிய OTP உருவாக்கப்பட்டு அனுப்பப்படும்.
நீங்கள் பதிவு செய்யாத பயனராக இருந்தால், ஒரு வாடிக்கையாளராக உங்களைச் சேர்க்கும்போது உங்கள் ERI-யால் பதிவு செய்யப்பட்ட உங்கள் மின்னஞ்சல் ID மற்றும் அலைப்பேசி எண்ணுக்கு அனுப்பப்படும் இரண்டு தனித்தனி 6-இலக்க OTP-களை நீங்கள் உள்ளிட வேண்டியிருக்கும்.

படிநிலை 5b: வருமான வரி தாக்கல் செய்யும் படிவங்களைச் சமர்ப்பித்தல், திரும்பப் பெறும் தொகையை மீண்டும் வழங்கக் கோருதல், சரிசெய்தல் கோரிக்கை அல்லது காலக்கெடு முடிந்த பிறகு ITR-ஐச் சமர்ப்பிப்பதற்கான பொருட்படுத்தாதுவிடல் கோரிக்கை போன்ற சேவைகளை உங்கள் சார்பாக மேற்கொள்ள ERI கோரியிருந்தால், கிடைக்கக்கூடிய விருப்பங்களைப் பயன்படுத்தி அந்தக் கோரிக்கையை நீங்கள் மின்னணு-சரிபார்ப்பு செய்ய வேண்டும்.

குறிப்பு: மேலும் அறிய,எவ்வாறு மின்னணு சரிபார்ப்பு செய்வது பயனர் கையேட்டைப் பார்க்கவும்.

வெற்றிகரமாகச் சரிபார்க்கப்பட்டதும், பரிவர்த்தனை ID-உடன் கூடிய வெற்றிச் செய்தி திரையில் தோன்றும். எதிர்காலத் தேவைக்காக அந்தப் பரிவர்த்தனை ID-ஐ குறித்து வைத்துக்கொள்ளவும். மேலும், மின்னணு-தாக்கல் இணைய முகப்பில் பதிவு செய்யப்பட்டுள்ள உங்கள் மின்னஞ்சல் ID மற்றும் அலைபேசி எண்ணுக்கும் உறுதிப்படுத்தல் செய்தி அனுப்பப்படும்.