Do not have an account?
Already have an account?

 

 

 

ವ್ಯಕ್ತಿಗಳ ಸಂಘ (AOP) / ವ್ಯಕ್ತಿಗಳ ಸಮೂಹ (BOI) / ಟ್ರಸ್ಟ್ / ಕೃತಕ ನ್ಯಾಯಾಂಗ ವ್ಯಕ್ತಿ (AJP) ಗಳಿಗೆ ಅನ್ವಯಿಸುವ ಆದಾಯ ತೆರಿಗೆ ರಿಟರ್ನ್‌ಗಳು ಮತ್ತು ಫಾರ್ಮ್‌ಗಳು – ಮೌಲ್ಯಮಾಪನ ವರ್ಷ 2026-27

 

ಘೋಷಣೆ: ಈ ಪುಟದಲ್ಲಿರುವ ವಿಷಯವು ಕೇವಲ ಸಾಮಾನ್ಯ ತಿಳುವಳಿಕೆ / ಮಾರ್ಗದರ್ಶನ ನೀಡುವ ಉದ್ದೇಶದಿಂದ ಮಾತ್ರವಾಗಿದ್ದು, ಸಂಪೂರ್ಣ ವಿವರಗಳನ್ನು ಒಳಗೊಂಡಿಲ್ಲ. ಸಂಪೂರ್ಣ ಮಾಹಿತಿಗಾಗಿ ಮತ್ತು ಮಾರ್ಗಸೂಚಿಗಳಿಗಾಗಿ ದಯವಿಟ್ಟು ಆದಾಯ ತೆರಿಗೆ ಕಾಯ್ದೆ, 1961 ರ ನಿಯಮಗಳು ಹಾಗೂ ಅಧಿಸೂಚನೆಗಳನ್ನು ನೋಡಿ.

 

 

ವ್ಯಕ್ತಿಗಳ ಸಂಘ (AOP) ಅಥವಾ ವ್ಯಕ್ತಿಗಳ ಸಮೂಹ (BOI), ಅದು ಸಂಯೋಜಿತವಾಗಿರಲಿ ಅಥವಾ ಇಲ್ಲದಿರಲಿ, ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 2(31) ಅಡಿಯಲ್ಲಿ “ವ್ಯಕ್ತಿ (Person)” ಎಂದು ಪರಿಗಣಿಸಲಾಗುತ್ತದೆ. AOP ಅಥವಾ BOI ಅನ್ನು ಆದಾಯ, ಲಾಭ ಅಥವಾ ಲಾಭಾಂಶಗಳನ್ನು ಗಳಿಸುವ ಉದ್ದೇಶದಿಂದ ಸ್ಥಾಪಿಸಲ್ಪಟ್ಟಿದೆಯೇ ಇಲ್ಲವೇ ಎಂಬುದನ್ನು ಪರಿಗಣಿಸದೆ, ಅದನ್ನು “ವ್ಯಕ್ತಿ” ಎಂದು ಗಣನೆ ಮಾಡಲಾಗುತ್ತದೆ ಎಂಬುದು ಗಮನಾರ್ಹವಾಗಿದೆ.

ಪೂರ್ಣವಾಗಿ ಧಾರ್ಮಿಕ ಅಥವಾ ದಾನಧರ್ಮ ಉದ್ದೇಶಗಳಿಗಾಗಿ ಸ್ಥಾಪಿಸಲಾದ ಟ್ರಸ್ಟ್‌ಗಳಿಗೆ ಆದಾಯ ತೆರಿಗೆ ಕಾಯ್ದೆಯ ಅಡಿಯಲ್ಲಿ ವಿವಿಧ ಸೌಲಭ್ಯಗಳು ಲಭ್ಯವಿದ್ದು, ಅವುಗಳಲ್ಲಿ ಸೆಕ್ಷನ್ 11 ಅಡಿಯಲ್ಲಿ ತೆರಿಗೆ ವಿನಾಯಿತಿಯೂ ಸೇರಿದೆ.

ಕೃತಕ ನ್ಯಾಯಾಂಗ ವ್ಯಕ್ತಿ - ಒಬ್ಬ ತೆರಿಗೆದಾರ “ವ್ಯಕ್ತಿ” ಎಂಬ ವ್ಯಾಖ್ಯಾನದಲ್ಲಿ ಒಳಗೊಂಡಿರುವ ಇತರ ಯಾವುದೇ ವರ್ಗಗಳಿಗೆ ಸೇರದಿದ್ದರೆ, ಅದನ್ನು ಕೃತಕ ನ್ಯಾಯಾಂಗ ವ್ಯಕ್ತಿ ಎಂದು ಪರಿಗಣಿಸಲಾಗುತ್ತದೆ. ಈ ಅಸ್ತಿತ್ವಗಳು ಸಹಜ ವ್ಯಕ್ತಿಗಳಲ್ಲ ಆದರೆ ಕಾನೂನಿನ ಪ್ರಕಾರ ಪ್ರತ್ಯೇಕ ಅಸ್ತಿತ್ವಗಳಾಗಿವೆ.

 

1. ITR-5

 

ಈ ಫಾರ್ಮ್ ಅನ್ನು ಬಳಸಬಹುದಾದ ವ್ಯಕ್ತಿಯೆಂದರೆ:

  1. ವ್ಯವಹಾರ ಸಂಸ್ಥೆ
  2. ಸೀಮಿತ ಬಾಧ್ಯತೆ ಪಾಲುದಾರಿಕೆ (LLP)
  3. ವ್ಯಕ್ತಿಗಳ ಸಂಘ (AOP)
  4. ವ್ಯಕ್ತಿಗಳ ಸಂಸ್ಥೆ (BOI)
  5. ಸೆಕ್ಷನ್ 2(31) ರ ಅಡಿಯಲ್ಲಿನ ಅಧಿನಿಯಮ (vii) ನಲ್ಲಿ ಉಲ್ಲೇಖಿಸಲಾದ ಕೃತಕ ನ್ಯಾಯಾಂಗ ವ್ಯಕ್ತಿ (AJP)
  6. ಸೆಕ್ಷನ್ 2(31) ರ ಅಧಿನಿಯಮ (vi) ನಲ್ಲಿ ಉಲ್ಲೇಖಿಸಲಾಗಿರುವ ಸ್ಥಳೀಯ ಪ್ರಾಧಿಕಾರ
  7. ಆದಾಯ ತೆರಿಗೆ ಕಾಯ್ದೆ, 1961ರ ಸೆಕ್ಷನ್ 160(1)(iii) ಅಥವಾ (iv) ರಲ್ಲಿ ಉಲ್ಲೇಖಿಸಲಾದ ತೆರಿಗೆದಾರನ ಪ್ರತಿನಿಧಿ
  8. ಸಹಕಾರಿ ಸಂಘ
  9. ಸೊಸೈಟಿಗಳ ನೋಂದಣಿ ಕಾಯಿದೆ, 1860 ಅಥವಾ ಯಾವುದೇ ರಾಜ್ಯದ ಯಾವುದೇ ಇತರ ಕಾನೂನಿನ ಅಡಿಯಲ್ಲಿ ನೋಂದಾಯಿಸಲಾದ ಸೊಸೈಟಿ
  10. ಫಾರ್ಮ್ ITR-7 ಅನ್ನು ಸಲ್ಲಿಸಲು ಅರ್ಹವಾದ ಟ್ರಸ್ಟ್‌ಗಳನ್ನು ಹೊರತುಪಡಿಸಿ ಇತರ ಟ್ರಸ್ಟ್‌ಗಳು
  11. ಮೃತ ವ್ಯಕ್ತಿಯ ಎಸ್ಟೇಟ್
  12. ದಿವಾಳಿಯಾದವರ ಎಸ್ಟೇಟ್
  13. ಆದಾಯ ತೆರಿಗೆ ಕಾಯ್ದೆ 1961ರ, ಸೆಕ್ಷನ್ 139 (4E) ರಲ್ಲಿ ಉಲ್ಲೇಖಿಸಲಾದ ವ್ಯವಹಾರ ಟ್ರಸ್ಟ್
  14. ಆದಾಯ ತೆರಿಗೆ ಕಾಯ್ದೆ 1961ರ, ಸೆಕ್ಷನ್ 139(4F) ನಲ್ಲಿ ಉಲ್ಲೇಖಿಸಲಾದ ಹೂಡಿಕೆ ನಿಧಿ

ಗಮನಿಸಿ: ಆದಾಯ ತೆರಿಗೆ ಕಾಯ್ದೆ 1961ರ, ಸೆಕ್ಷನ್ 139(4A) or 139(4B) or 139(4D) ಅಡಿಯಲ್ಲಿ ರಿಟರ್ನ್ ಸಲ್ಲಿಸಬೇಕಾದ ವ್ಯಕ್ತಿಯು ಈ ಫ಼ಾರ್ಮ್ ಬಳಸುವಂತಿಲ್ಲ

 

 

2. ITR-7 

 

ಆದಾಯ ತೆರಿಗೆ ಕಾಯ್ದೆ 1961ರ, ಸೆಕ್ಷನ್ 139(4A) or 139(4B) or 139(4D) ಅಡಿಯಲ್ಲಿ ರಿಟರ್ನ್ ಸಲ್ಲಿಸಬೇಕಾದ ವ್ಯಕ್ತಿ, ಹಾಗೂ ಕಂಪನಿಗಳಿಗೆ ಈ ಫ಼ಾರ್ಮ್ ಅನ್ವಯಿಸುತ್ತದೆ.

139(4A) – 
ದತ್ತಿ ಅಥವಾ ಧಾರ್ಮಿಕ ಉದ್ದೇಶಗಳಿಗಾಗಿ ಸಂಪೂರ್ಣವಾಗಿ / ಭಾಗಶಃ ಟ್ರಸ್ಟ್ ಅಡಿಯಲ್ಲಿ ಹೊಂದಿರುವ ಆಸ್ತಿಯಿಂದ ಪಡೆದ ಆದಾಯ

139(4B) –
ಪ್ರತಿಯೊಂದು ರಾಜಕೀಯ ಪಕ್ಷದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ

139(4C) – 
ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 10 ರಲ್ಲಿ ಉಲ್ಲೇಖಿಸಲಾದ ಸಂಶೋಧನಾ ಸಂಘ, ಸುದ್ದಿ ಸಂಸ್ಥೆ, ಇತ್ಯಾದಿಗಳಂತಹ ವಿವಿಧ ಘಟಕಗಳು

139(4D) –
ಸೆಕ್ಷನ್ 35 ರಲ್ಲಿ ಉಲ್ಲೇಖಿಸಲಾದ ವಿಶ್ವವಿದ್ಯಾಲಯ, ಕಾಲೇಜು ಅಥವಾ ಇತರ ಸಂಸ್ಥೆಗಳು

 

 

ಗಮನಿಸಿ: ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 10 ರ ವಿವಿಧ ಉಪವಿಧಿಗಳ ಅಡಿಯಲ್ಲಿ ಷರತ್ತಿಲ್ಲದೆ ತೆರಿಗೆ ವಿನಾಯಿತಿ ಹೊಂದಿರುವ ಹಾಗೂ ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 139 ರ ನಿಯಮಗಳ ಪ್ರಕಾರ ಆದಾಯ ತೆರಿಗೆ ರಿಟರ್ನ್ ಸಲ್ಲಿಸುವುದು ಕಡ್ಡಾಯವಲ್ಲದ ವರ್ಗದ ವ್ಯಕ್ತಿಗಳು ಈ ಫಾರ್ಮ್ ಅನ್ನು ಆದಾಯ ತೆರಿಗೆ ರಿಟರ್ನ್ ಸಲ್ಲಿಸಲು ಬಳಸಬಹುದು (ಉದಾಹರಣೆಗೆ – ಸ್ಥಳೀಯ ಪ್ರಾಧಿಕಾರ).

 

 

 

ಆದಾಯ ತೆರಿಗೆ ಕಾಯ್ದೆ, 1961ರ ಪ್ರಕಾರ ಅನ್ವಯಿಸುವ ಫಾರ್ಮ್‌ಗಳು

 

1. ಫ಼ಾರ್ಮ್ 26AS

 

ಫ಼ಾರ್ಮ್ 26AS

AIS (ವಾರ್ಷಿಕ ಮಾಹಿತಿ ಸ್ಟೇಟ್‌ಮೆಂಟ್)

ಒದಗಿಸಿದವರು:

ಆದಾಯ ತೆರಿಗೆ ಇಲಾಖೆ (ಇದು e-Filing ಪೋರ್ಟಲ್‌ನಲ್ಲಿ ಲಭ್ಯವಿದೆ:)

ಲಾಗಿನ್ > ಇ-ಫೈಲ್ > ಆದಾಯ ತೆರಿಗೆ ರಿಟರ್ನ್ > 26AS ಫಾರ್ಮ ನೋಡಿ

ಫಾರ್ಮ್‌ನಲ್ಲಿ ನೀಡಲಾಗಿರುವ ವಿವರಗಳು:

ಮೂಲದಲ್ಲೇ ಕಡಿತಗೊಂಡ/ಸಂಗ್ರಹಿಸಿದ ತೆರಿಗೆ

ಒದಗಿಸಿದವರು:

ಆದಾಯ ತೆರಿಗೆ ಇಲಾಖೆ (ಆದಾಯ ತೆರಿಗೆ ಇ-ಫೈಲಿಂಗ್ ಪೋರ್ಟಲ್‌ಗೆ ಲಾಗಿನ್ ಮಾಡಿದ ನಂತರ ಇದನ್ನು ಪ್ರವೇಶಿಸಬಹುದು)

ಇ-ಫೈಲಿಂಗ್ ಪೋರ್ಟಲ್ > ಲಾಗಿನ್ > AIS ಗೆ ಹೋಗಿ

ಫಾರ್ಮ್‌ನಲ್ಲಿ ನೀಡಲಾಗಿರುವ ವಿವರಗಳು:

  • ಮೂಲದಲ್ಲೇ ಕಡಿತಗೊಂಡ/ಸಂಗ್ರಹಿಸಿದ ತೆರಿಗೆ
  • SFT ಮಾಹಿತಿ
  • ತೆರಿಗೆ ಪಾವತಿ
  • ಬೇಡಿಕೆ / ಮರುಪಾವತಿ

ಇತರೆ ಮಾಹಿತಿ (ಉದಾಹರಣೆಗೆ ಬಾಕಿ ಇರುವ/ಪೂರ್ಣಗೊಂಡ ಪ್ರಕರಣಗಳು, GST ಮಾಹಿತಿ, ವಿದೇಶಿ ಸರ್ಕಾರದಿಂದ ಪಡೆದ ಮಾಹಿತಿ ಇತ್ಯಾದಿ)

ಗಮನಿಸಿ: ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 194IA, 194IB ಮತ್ತು 194M ಅಡಿಯಲ್ಲಿ ಮುಂಗಡ ತೆರಿಗೆ/ಸ್ವಯಂ ಮೌಲ್ಯಮಾಪನ ತೆರಿಗೆ (Advance Tax/SAT), ಮರುಪಾವತಿ ವಿವರಗಳು, SFT ವಹಿವಾಟುಗಳು ಹಾಗೂ TDS ಪೂರ್ವನಿಯೋಜನೆಗಳಿಗೆ ಸಂಬಂಧಿಸಿದ ಮಾಹಿತಿಗಳು, ಈ ಹಿಂದೆ 26AS ನಲ್ಲಿ ಲಭ್ಯವಿದ್ದವು. ಈಗ ಈ ಮಾಹಿತಿಗಳು AIS (ವಾರ್ಷಿಕ ಮಾಹಿತಿ ಹೇಳಿಕೆ) ನಲ್ಲಿ ಲಭ್ಯವಿವೆ.

 

 

2. ಫಾರ್ಮ್ 3CA-3CD

 

ಒದಗಿಸಿದವರು

ಫಾರ್ಮ್ ನಲ್ಲಿ ಕೊಟ್ಟಿರುವ ವಿವರಗಳು

ಆದಾಯ ತೆರಿಗೆ ಕಾಯಿದೆ, 1961 ರ 44AB ಸೆಕ್ಷನ್ ಅಡಿಯಲ್ಲಿ ಅಕೌಂಟೆಂಟ್ ಮೂಲಕ ತನ್ನ ಖಾತೆಗಳನ್ನು ಆಡಿಟ್ ಮಾಡಿಸಬೇಕಾದ ತೆರಿಗೆದಾರರು. ಆದಾಯ ತೆರಿಗೆ ಕಾಯಿದೆ, 1961 ರ ಸೆಕ್ಷನ್ 139 ರ ಸಬ್ ಸೆಕ್ಷನ್ (1) ಅಡಿಯಲ್ಲಿ ಆದಾಯ ರಿಟರ್ನ್ ಸಲ್ಲಿಸುವ ಅಂತಿಮ ದಿನಾಂಕಕ್ಕಿಂತ ಒಂದು ತಿಂಗಳು ಮುಂಚಿತವಾಗಿ ಸಲ್ಲಿಸಬೇಕು.

ಆದಾಯ ತೆರಿಗೆ ಕಾಯಿದೆ, 1961 ರ 44AB ಸೆಕ್ಷನ್ ಅಡಿಯಲ್ಲಿ ಒದಗಿಸಬೇಕಾದ ಲೆಕ್ಕಪತ್ರಗಳ ಲೆಕ್ಕಪರಿಶೋಧನೆಯ ವರದಿ ಮತ್ತು ವಿವರಗಳ ಹೇಳಿಕೆ.

 

3. ಫಾರ್ಮ್ 3CB-3CD

 

ಸಲ್ಲಿಸಿದವರು

ಫಾರ್ಮ್‌ನಲ್ಲಿ ಕೊಟ್ಟಿರುವ ವಿವರಗಳು

ಆದಾಯ ತೆರಿಗೆ ಕಾಯಿದೆ, 1961 ರ 44AB ಸೆಕ್ಷನ್ ಅಡಿಯಲ್ಲಿ ಅಕೌಂಟೆಂಟ್ ಮೂಲಕ ತನ್ನ ಖಾತೆಗಳನ್ನು ಆಡಿಟ್ ಮಾಡಿಸಬೇಕಾದ ತೆರಿಗೆದಾರರು. ಆದಾಯ ತೆರಿಗೆ ಕಾಯಿದೆ, 1961 ರ ಸೆಕ್ಷನ್ 139 ರ ಸಬ್ ಸೆಕ್ಷನ್ (1) ಅಡಿಯಲ್ಲಿ ಆದಾಯ ರಿಟರ್ನ್ ಸಲ್ಲಿಸುವ ಅಂತಿಮ ದಿನಾಂಕಕ್ಕಿಂತ ಒಂದು ತಿಂಗಳು ಮುಂಚಿತವಾಗಿ ಸಲ್ಲಿಸಬೇಕು.

ಆದಾಯ ತೆರಿಗೆ ಕಾಯಿದೆ, 1961 ರ 44AB ಸೆಕ್ಷನ್ ಅಡಿಯಲ್ಲಿ ಒದಗಿಸಬೇಕಾದ ಲೆಕ್ಕಪತ್ರಗಳ ಲೆಕ್ಕಪರಿಶೋಧನೆಯ ವರದಿ ಮತ್ತು ವಿವರಗಳ ಹೇಳಿಕೆ.

 

4. ಫ಼ಾರ್ಮ್ 10B ಮತ್ತು ಫ಼ಾರ್ಮ್ 10BB

 

ಸಲ್ಲಿಸಿದವರು

ಫ಼ಾರ್ಮ್ 10B ನಲ್ಲಿ ಲೆಕ್ಕಪರಿಶೋಧನೆ ವರದಿ

ಆದಾಯ ತೆರಿಗೆ ಕಾಯಿದೆ, 1961ರ ಸೆಕ್ಷನ್ 12A(1)(b) ಅಥವಾ ಸೆಕ್ಷನ್ 10(23C) ಅಡಿಯಲ್ಲಿ ಅಕೌಂಟೆಂಟ್‌ನಿಂದ ವರದಿಯನ್ನು ಪಡೆದುಕೊಳ್ಳಬೇಕಾದ ತೆರಿಗೆದಾರರು, ಸೆಕ್ಷನ್ (10(23C) ರ ಸಬ್-ಕ್ಲಾಸ್ (iv) ಅಥವಾ ಸಬ್-ಕ್ಲಾಸ್ (v) ಅಥವಾ ಸಬ್-ಕ್ಲಾಸ್ (vi) ಅಥವಾ  ಸಬ್-ಕ್ಲಾಸ್ (via) ಅಡಿಯಲ್ಲಿ ಉಲೇಖಿಸಲಾದ ದತ್ತಿ ಅಥವಾ ಧಾರ್ಮಿಕ ಟ್ರಸ್ಟ್‌ಗಳು ಅಥವಾ ಸಂಸ್ಥೆ ಅಥವಾ ಯಾವುದೇ ವಿಶ್ವವಿದ್ಯಾಲಯ ಅಥವಾ ಇತರ ಶಿಕ್ಷಣ ಸಂಸ್ಥೆ ಅಥವಾ ಯಾವುದೇ ಆಸ್ಪತ್ರೆ ಅಥವಾ ಇತರ ವೈದ್ಯಕೀಯ ಸಂಸ್ಥೆ.

  • ಟ್ರಸ್ಟ್ ಅಥವಾ ಸಂಸ್ಥೆಯ ಒಟ್ಟು ಆದಾಯವು ಹಿಂದಿನ ಹಣಕಾಸು ವರ್ಷದಲ್ಲಿ  ರೂ.5 ಕೋಟಿ ಮೀರಿದ್ದರೆ.
  • ಒಂದು ವೇಳೆ ಟ್ರಸ್ಟ್ ಅಥವಾ ಸಂಸ್ಥೆಯು ಯಾವುದೇ ಪ್ರಮಾಣದ ವಿದೇಶಿ ದೇಣಿಗೆಯನ್ನು ಪಡೆಯುತ್ತಿದ್ದರೆ. ಆ ಸಂಸ್ಥೆಯು ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 12A ಅಡಿಯಲ್ಲಿ ನೋಂದಾಯಿತವಾಗಿರದಿದ್ದರೂ ಅಥವಾ ಸೆಕ್ಷನ್ 10(23C) ಅಡಿಯಲ್ಲಿ ಅನುಮೋದಿತವಾಗಿರದಿದ್ದರೂ ಸಹ, ಅದು ಕಡ್ಡಾಯವಾಗಿ ಫ಼ಾರ್ಮ್ 10B ಸಲ್ಲಿಸಬೇಕು.
  • ಒಂದು ವೇಳೆ ಯಾವುದೇ ಸಂಸ್ಥೆ ಅಥವಾ ಟ್ರಸ್ಟ್ ಹಿಂದಿನ ವರ್ಷದಲ್ಲಿ ಭಾರತದ ಹೊರಗೆ ತನ್ನ ಆದಾಯವನ್ನು ಬಳಸಿದ್ದರೆ.

ಫ಼ಾರ್ಮ್ 10BB ಯಲ್ಲಿ ಲೆಕ್ಕಪರಿಶೋಧನೆ ವರದಿ

ಎಲ್ಲಾ ಇತರ ಸಂದರ್ಭಗಳಲ್ಲಿ, ಫಾರ್ಮ್ 10BB ಅನ್ವಯಿಸುತ್ತದೆ.

 

5. ಫ಼ಾರ್ಮ್ 10-IEA, ಫ಼ಾರ್ಮ್ 10-IFA

 

ಘೋಷಿಸುವವರು

 ಫ಼ಾರ್ಮ್ 10-IEA

ತೆರಿಗೆದಾರರಿಂದ ಇಲಾಖೆಗೆ

ಹೊಸ ತೆರಿಗೆ ಪದ್ದತಿಯನ್ನು FY 2023-24ರಿಂದ ಪೂರ್ವನಿಯೋಜಿತ ಪದ್ದತಿಯನ್ನಾಗಿ ಮಾಡಿರುವುದರಿಂದ, ಹಳೆಯ ಪದ್ಧತಿ ಅಡಿಯಲ್ಲಿ ತೆರಿಗೆಗಳನ್ನು ಪಾವತಿಸಲು ಆಯ್ಕೆ ಮಾಡಲು ಬಯಸುವ ತೆರಿಗೆದಾರರು ಫಾರ್ಮ್ 10-IEA ಅನ್ನು ಸಲ್ಲಿಸಬೇಕಾಗುತ್ತದೆ. ವ್ಯವಹಾರ ಅಥವಾ ವೃತ್ತಿಯಿಂದ ಆದಾಯ ಹೊಂದಿರುವ ತೆರಿಗೆದಾರರು ಈ ಫಾರ್ಮ್ ಅನ್ನು ಸಲ್ಲಿಸಬೇಕು.

ಫಾರ್ಮ್ 10-IFA

ಹಣಕಾಸು ಕಾಯಿದೆ, 2023 ಸರಕು ಅಥವಾ ವಸ್ತುಗಳ ಉತ್ಪಾದನೆಯಲ್ಲಿ ತೊಡಗಿರುವ ನಿವಾಸಿ ಸಹಕಾರಿ ಸಂಘಗಳಿಗೆ ಸೆಕ್ಷನ್ 115BAE ಅಡಿಯಲ್ಲಿ ಹೊಸ ತೆರಿಗೆ ಯೋಜನೆಯನ್ನು ಪರಿಚಯಿಸಿತು. ಸಹಕಾರಿ ಸಂಘವು ಈ ಯೋಜನೆಯನ್ನು ಆರಿಸಿದರೆ, ಆದಾಯವು ರಿಯಾಯಿತಿ ದರದಲ್ಲಿ ತೆರಿಗೆಗೆ ಒಳಪಡುತ್ತದೆ. ನಿವಾಸಿ ಸಹಕಾರ ಸಂಘವು, ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 115BAE(5) ಅಡಿಯಲ್ಲಿ ಲಭ್ಯವಿರುವ ಆಯ್ಕೆಯನ್ನು ಫ಼ಾರ್ಮ್ 10-IFA ಅನ್ನು ಸಲ್ಲಿಸುವ ಮೂಲಕ ಬಳಸಿಕೊಳ್ಳಬಹುದು.

 

6. ಫಾರ್ಮ್ 10

 

ಸಲ್ಲಿಸಿದವರು

ಫಾರ್ಮ್‌ನಲ್ಲಿ ಕೊಟ್ಟಿರುವ ವಿವರಗಳು

ದತ್ತಿ ಅಥವಾ ಧಾರ್ಮಿಕ ಟ್ರಸ್ಟ್ ಅಥವಾ ಸಂಸ್ಥೆ ಅಥವಾ ಸಂಘ

ನಿರ್ದಿಷ್ಟ ಉದ್ದೇಶಕ್ಕಾಗಿ ದತ್ತಿ ಅಥವಾ ಧಾರ್ಮಿಕ ಟ್ರಸ್ಟ್ ಅಥವಾ ಸಂಸ್ಥೆ ಅಥವಾ ಸಂಘದಿಂದ ಆದಾಯವನ್ನು ಒಟ್ಟುಗೂಡಿಸಲು ಅಥವಾ ಬೇರ್ಪಡಿಸಲು ಒದಗಿಸಲಾದ ಹೇಳಿಕೆ. ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 139(1) ಅಡಿಯಲ್ಲಿ ನಿಗದಿಪಡಿಸಲಾದ ಆದಾಯ ತೆರಿಗೆ ರಿಟರ್ನ್ ಸಲ್ಲಿಕೆಯ ಅಂತಿಮ ದಿನಾಂಕಕ್ಕಿಂತ ಕನಿಷ್ಠ ಎರಡು ತಿಂಗಳುಗಳ ಮುಂಚಿತವಾಗಿ ಇದನ್ನು ಸಲ್ಲಿಸಬೇಕು.

 

7. ಫಾರ್ಮ್ 10A

 

ಸಲ್ಲಿಸಿದವರು

ಫಾರ್ಮ್‌ನಲ್ಲಿ ಕೊಟ್ಟಿರುವ ವಿವರಗಳು

ದತ್ತಿ ಅಥವಾ ಧಾರ್ಮಿಕ ಟ್ರಸ್ಟ್ ಅಥವಾ ಸಂಸ್ಥೆ ಅಥವಾ ಸಂಘ ಅಥವಾ ಕಂಪನಿ

ಧಾರ್ಮಿಕ ಅಥವಾ ದಾನಧರ್ಮ ಟ್ರಸ್ಟ್, ಸಂಸ್ಥೆ ಅಥವಾ ಸಂಘದ ನೋಂದಣಿ ಅಥವಾ ತಾತ್ಕಾಲಿಕ ನೋಂದಣಿ, ಮಾಹಿತಿ ನೀಡಿಕೆ (Intimation), ಅನುಮೋದನೆ ಅಥವಾ ತಾತ್ಕಾಲಿಕ ಅನುಮೋದನೆಗಾಗಿ ಅರ್ಜಿ.

 

8. ಫ಼ಾರ್ಮ್ 10BD

 

ಸಲ್ಲಿಸಿದವರು

ಫಾರ್ಮ್ ನಲ್ಲಿ ಕೊಟ್ಟಿರುವ ವಿವರಗಳು

ದತ್ತಿ ಅಥವಾ ಧಾರ್ಮಿಕ ಟ್ರಸ್ಟ್

ನಿರ್ದಿಷ್ಟ ಆರ್ಥಿಕ ವರ್ಷಕ್ಕಾಗಿ ಸ್ವೀಕರಿಸಿದ ದೇಣಿಗೆಯ ವಿವರಗಳ ಹೇಳಿಕೆಯನ್ನು ದೇಣಿಗೆಯನ್ನು ಸ್ವೀಕರಿಸಿದ ಆರ್ಥಿಕ ವರ್ಷವನ್ನು ಅನುಸರಿಸಿ ಆರ್ಥಿಕ ವರ್ಷದ ಮೇ 31 ರಂದು ಅಥವಾ ಮೊದಲು ಸಲ್ಲಿಸಬೇಕು

 

9. ಫ಼ಾರ್ಮ್ 9A

 

ಸಲ್ಲಿಸಿದವರು

ಫಾರ್ಮ್‌ನಲ್ಲಿ ಕೊಟ್ಟಿರುವ ವಿವರಗಳು

ದತ್ತಿ ಅಥವಾ ಧಾರ್ಮಿಕ ಟ್ರಸ್ಟ್

ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 11(1) ರ ವಿವರಣೆಯ ಉಪವಿಧಿ (2) ಅಡಿಯಲ್ಲಿ ಲಭ್ಯವಿರುವ ಆಯ್ಕೆಯನ್ನು ಬಳಸಿಕೊಳ್ಳಲು ಸಲ್ಲಿಸಬೇಕಾದ ಅರ್ಜಿ. ಟ್ರಸ್ಟ್ ಅಥವಾ ಸಂಸ್ಥೆಯ ಆದಾಯದ ಕನಿಷ್ಠ 85% ಅನ್ನು ಬಳಸಲು ಸಾಧ್ಯವಾಗದಿದ್ದಲ್ಲಿ, ಅಂದರೆ ಆದಾಯವು ಬಾರದ ಕಾರಣದಿಂದ ಅಥವಾ ಇತರ ಕಾರಣಗಳಿಂದ 85% ಕ್ಕಿಂತ ಕಡಿಮೆ ಪ್ರಮಾಣದಲ್ಲಿ ಬಳಕೆಯಾಗಿದ್ದಲ್ಲಿ, ಈ ಅರ್ಜಿಯನ್ನು ಸಲ್ಲಿಸಬಹುದು. ಆದಾಯವು ಬಾರದ ಕಾರಣವಾದರೆ, ಅದು ಯಾವ ವರ್ಷದಲ್ಲಿ ಬರುತ್ತದೆಯೋ ಅದರ ಹಿಂದಿನ ವರ್ಷಕ್ಕೆ ಬಳಕೆಯನ್ನು ಅನ್ವಯಿಸಬಹುದು. ಇತರ ಕಾರಣವಾದರೆ, ಹಿಂದಿನ ವರ್ಷದ ಮರುವರ್ಷಕ್ಕೆ ಅದನ್ನು ಬಳಸಬಹುದು. ಸಂಬಂಧಿತ ಮೌಲ್ಯಮಾಪನ ವರ್ಷದ ಆದಾಯ ತೆರಿಗೆ ರಿಟರ್ನ್ ಸಲ್ಲಿಸಲು ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 139(1) ಅಡಿಯಲ್ಲಿ ನಿಗದಿಪಡಿಸಲಾದ ಅವಧಿ ಮುಕ್ತಾಯಗೊಳ್ಳುವ ಮೊದಲು ಈ ಫಾರ್ಮ್ ಅನ್ನು ಸಲ್ಲಿಸಬೇಕು.

 

10. ಫ಼ಾರ್ಮ್ 16A

 

ಒದಗಿಸಿದವರು

ಫಾರ್ಮ್ ನಲ್ಲಿ ಕೊಟ್ಟಿರುವ ವಿವರಗಳು

ತೆರಿಗೆ ಕಡಿತ ಮಾಡುವವರಿಂದ ತೆರಿಗೆ ಕಡಿತಕ್ಕೆ ಒಳಪಡುವವರಿಗೆ

ಫಾರ್ಮ್ 16A ತ್ರೈಮಾಸಿಕದಲ್ಲಿ ನೀಡಲಾದ ಮೂಲದಲ್ಲಿ ಕಡಿತಗೊಳಿಸಲಾದ ತೆರಿಗೆ (TDS) ಪ್ರಮಾಣಪತ್ರವಾಗಿದ್ದು, ಇದು TDS, ಪಾವತಿಗಳ ಸ್ವರೂಪ ಮತ್ತು ಆದಾಯ ತೆರಿಗೆ ಇಲಾಖೆಯಲ್ಲಿ ಠೇವಣಿ ಮಾಡಿದ TDS ಪಾವತಿಗಳ ಮಾಹಿತಿಯನ್ನು ಹೊಂದಿದೆ.

 

 

ಮೌಲ್ಯಮಾಪನ ವರ್ಷ 2026-27ಕ್ಕೆ ತೆರಿಗೆ ಸ್ಲ್ಯಾಬ್‌ಗಳು

 

ಹೊಸ ತೆರಿಗೆ ಪದ್ದತಿ ಹೋಲಿಕೆ ಹೊಸ ತೆರಿಗೆ ಪದ್ದತಿ

AOP / BOI / AJP ಗಳ ತೆರಿಗೆ ದರಗಳನ್ನು ಈ ಕೆಳಗೆ ನೀಡಲಾಗಿದೆ, ಆದಾಗ್ಯೂ ಅವುಗಳು ನಂತರ ವಿವರಿಸಿದ ಮುಂದಿನ ಷರತ್ತುಗಳಿಗೆ ಒಳಪಟ್ಟಿರುತ್ತವೆ.

 

ಗಮನಿಸಿ: ಸಂಬಂಧಿತ ಆದಾಯ ತೆರಿಗೆ ನಿಯಮಗಳ ಪ್ರಕಾರ ತೆರಿಗೆ ವಿನಾಯಿತಿಗೆ ಅರ್ಹವಾಗಿರದ ಹಾಗೂ ಆದಾಯ ತೆರಿಗೆ ಕಾಯ್ದೆಯ ಅಡಿಯಲ್ಲಿ ಅಗತ್ಯ ಅನುಮೋದನೆಗಳು / ನೋಂದಣಿಗಳನ್ನು ಪಡೆಯಬೇಕಾದ ಟ್ರಸ್ಟ್‌ಗಳನ್ನು, ತೆರಿಗೆ ಮೌಲ್ಯಮಾಪನದ ಉದ್ದೇಶಕ್ಕಾಗಿ AOP (ವ್ಯಕ್ತಿಗಳ ಸಂಘ) ಎಂದು ಪರಿಗಣಿಸಲಾಗುತ್ತದೆ.

ಹಣಕಾಸು ಕಾಯಿದೆ, 2023 ರ ಮೂಲಕ, ಮೌಲ್ಯಮಾಪನ ವರ್ಷ 2024–25 ರಿಂದ ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 115BAC ರ ವಿಧಿಗಳನ್ನು ತಿದ್ದುಪಡಿ ಮಾಡಲಾಗಿದೆ. ಇದರ ಪ್ರಕಾರ, ವ್ಯಕ್ತಿ (Individual), ಹಿಂದೂ ಅವಿಭಜಿತ ಕುಟುಂಬ (HUF), ವ್ಯಕ್ತಿಗಳ ಸಂಘ (AOP) (ಸಹಕಾರ ಸಂಘಗಳನ್ನು ಹೊರತುಪಡಿಸಿ), ವ್ಯಕ್ತಿಗಳ ಸಮೂಹ (BOI) ಅಥವಾ ಕೃತಕ ನ್ಯಾಯಿಕ ವ್ಯಕ್ತಿ ಇವರಿಗೆ ಹೊಸ ತೆರಿಗೆ ಪದ್ಧತಿಯನ್ನು ಪೂರ್ವ ನಿಯೋಜಿತ (Default) ತೆರಿಗೆ ಪದ್ಧತಿಯಾಗಿ ಮಾಡಲಾಗಿದೆ. ಆದಾಗ್ಯೂ, ಅರ್ಹ ತೆರಿಗೆದಾರರಿಗೆ ಹೊಸ ತೆರಿಗೆ ಪದ್ಧತಿಯಿಂದ ಹೊರಬಂದು ಹಳೆಯ ತೆರಿಗೆ ಪದ್ಧತಿಯನ್ನು ಆಯ್ಕೆಮಾಡುವ ಅವಕಾಶ ಇದೆ. ಹಳೆಯ ತೆರಿಗೆ ಪದ್ಧತಿ ಎಂದರೆ, ಹೊಸ ತೆರಿಗೆ ಪದ್ಧತಿ ಜಾರಿಗೆ ಬರುವ ಮೊದಲು ಇದ್ದ ಆದಾಯ ತೆರಿಗೆ ಲೆಕ್ಕಾಚಾರ ಮತ್ತು ತೆರಿಗೆ ಶ್ರೇಣಿಗಳ ವ್ಯವಸ್ಥೆ. ಈ ಪದ್ಧತಿಯಲ್ಲಿ ತೆರಿಗೆದಾರರು ವಿವಿಧ ತೆರಿಗೆ ಕಡಿತಗಳು ಮತ್ತು ವಿನಾಯಿತಿಗಳನ್ನು ಪಡೆಯುವ ಆಯ್ಕೆ ಇದೆ.

 

ವ್ಯವಹಾರವಲ್ಲದ ಪ್ರಕರಣಗಳು:

 

"ವ್ಯವಹಾರೇತರ ಪ್ರಕರಣಗಳಲ್ಲಿಗಳಲ್ಲಿ", ತೆರಿಗೆ ಪದ್ಧತಿಯನ್ನು ಆಯ್ಕೆಮಾಡುವ ಅವಕಾಶವನ್ನು ಪ್ರತಿ ವರ್ಷ ನೇರವಾಗಿ ಆದಾಯ ತೆರಿಗೆ ರಿಟರ್ನ್ (ITR) ನಲ್ಲಿ ಬಳಸಬಹುದಾಗಿದ್ದು, ಸೆಕ್ಷನ್ 139(1) ಅಡಿಯಲ್ಲಿ ನಿಗದಿಪಡಿಸಲಾದ ಅಂತಿಮ ದಿನಾಂಕದೊಳಗೆ ಅಥವಾ ಅದಕ್ಕೂ ಮೊದಲು ಸಲ್ಲಿಸಬೇಕು.

 

ವ್ಯವಹಾರ ಪ್ರಕರಣಗಳು:

ಅರ್ಹ ತೆರಿಗೆದಾರರು ವ್ಯವಹಾರ ಮತ್ತು ವೃತ್ತಿಯಿಂದ ಆದಾಯವನ್ನು ಹೊಂದಿದ್ದರೆ ಮತ್ತು ಹೊಸ ತೆರಿಗೆ ಪದ್ದತಿಯಿಂದ ಹೊರಗುಳಿಯಲು ಬಯಸಿದರೆ, ಆದಾಯದ ರಿಟರ್ನ್‌ ಅನ್ನು ಸಲ್ಲಿಸಲು ಸೆಕ್ಷನ್ 139(1) ಅಡಿಯಲ್ಲಿ ನಿಗದಿತ ದಿನಾಂಕದಂದು ಅಥವಾ ಮೊದಲು ಫಾರ್ಮ್-10 IEA ಅನ್ನು ಸಲ್ಲಿಸಬೇಕಾಗುತ್ತದೆ. ಹಾಗೆಯೇ, ಅಂತಹ ಆಯ್ಕೆಯನ್ನು ಹಿಂತೆಗೆದುಕೊಳ್ಳುವ ಉದ್ದೇಶಕ್ಕಾಗಿ ಅಂದರೆ ಹಳೆಯ ತೆರಿಗೆ ಪದ್ಧತಿಯಿಂದ ಹೊರಗುಳಿಯುವುದನ್ನು ಸಹ ಫಾರ್ಮ್ ಸಂ.10-IEA ಅನ್ನು ಸಲ್ಲಿಸುವ ಮೂಲಕವೇ ಮಾಡಲಾಗುತ್ತದೆ.

ಮೌಲ್ಯಮಾಪನ ವರ್ಷ 2024-25 ರಿಂದ ಸಹಕಾರಿ ಸಂಘಗಳು ಹೊಸ ತೆರಿಗೆ ಪದ್ದತಿಯನ್ನು ಆಯ್ಕೆ ಮಾಡಿಕೊಳ್ಳಲು ಫಾರ್ಮ್ 10-IFA ಅನ್ವಯಿಸುತ್ತದೆ. (ಸೆಪ್ಟೆಂಬರ್ 29, 2023ರ ಅಧಿಸೂಚನೆ ಸಂಖ್ಯೆ 83/2023 ರ ಮೂಲಕ ಸೂಚಿಸಲಾಗಿದೆ).

ಹೊಸ ಉತ್ಪಾದನಾ ಸಹಕಾರಿ ಸಂಘಕ್ಕೆ ರಿಯಾಯಿತಿ ತೆರಿಗೆ

ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 115BAE ಅಡಿಯಲ್ಲಿ, 01.04.2023 ಅಥವಾ ಅದರ ನಂತರ ನೋಂದಾಯಿಸಲ್ಪಟ್ಟ ಹೊಸ ಉತ್ಪಾದನಾ ಸಹಕಾರ ಸಂಘಗಳಿಗೆ, 15% ರ ರಿಯಾಯಿತಿ ತೆರಿಗೆ ದರದ ಆಯ್ಕೆಯನ್ನು ಒದಗಿಸಲಾಗಿದೆ. ಆದರೆ, ಈ ಸೌಲಭ್ಯ ಪಡೆಯಲು ಸಂಬಂಧಿತ ಸಂಘವು 31 ಮಾರ್ಚ್ 2024 ರೊಳಗೆ ಯಾವುದೇ ವಸ್ತು ಅಥವಾ ಉತ್ಪನ್ನದ ಉತ್ಪಾದನೆ ಅಥವಾ ತಯಾರಿಕೆಯನ್ನು ಆರಂಭಿಸಿರಬೇಕು. ಆದಾಗ್ಯೂ, ಯಾವುದೇ ಹಿಂದಿನ ವರ್ಷಕ್ಕೆ ಆಯ್ಕೆಯನ್ನು ಚಲಾಯಿಸಿದ ನಂತರ, ಅದನ್ನು ಅದೇ ಅಥವಾ ಯಾವುದೇ ಹಿಂದಿನ ವರ್ಷಕ್ಕೆ ಹಿಂತೆಗೆದುಕೊಳ್ಳಲು ಸಾಧ್ಯವಿಲ್ಲ.

 

ತೆರಿಗೆ ಹಂತಗಳು

 

AOP (ಸಹಕಾರಿ ಸಂಘಗಳಲ್ಲದ), BOI ಮತ್ತು ಕೃತಕ ನ್ಯಾಯಾಂಗ ವ್ಯಕ್ತಿಗೆ ಎರಡು ತೆರಿಗೆ ಪದ್ಧತಿಯ ಅಡಿಯಲ್ಲಿ ತೆರಿಗೆ ದರಗಳನ್ನು ಕೆಳಗೆ ನೀಡಲಾಗಿದೆ:

 

ಹಳೆಯ ತೆರಿಗೆ ಪದ್ಧತಿ

ಆದಾಯ ತೆರಿಗೆ ಕಾಯ್ದೆ, 1961 ಸೆಕ್ಷನ್ 115BAC ಅಡಿಯಲ್ಲಿ ಹೊಸ ತೆರಿಗೆ ಪದ್ಧತಿ

ಆದಾಯ ತೆರಿಗೆ ಸ್ಲ್ಯಾಬ್

ಆದಾಯ ತೆರಿಗೆ ದರ

 

ಆದಾಯ ತೆರಿಗೆ ಸ್ಲ್ಯಾಬ್

ಆದಾಯ ತೆರಿಗೆ ದರ

 

₹ 2,50,000ದ ವರೆಗೂ

ಶೂನ್ಯ

 

₹ 4,00,000 ಗಳವರೆಗೆ

ಶೂನ್ಯ

 

₹ 2,50,001 - ₹ 5,00,000

₹ 2,50,000 ಮೇಲ್ಪಟ್ಟ ಆದಾಯಕ್ಕೆ 5%

 

₹ 4,00,001 - ₹ 8,00,000

₹ 4,00,000 ಮೇಲ್ಪಟ್ಟ ಆದಾಯಕ್ಕೆ 5%

 

₹ 5,00,001 - ₹ 10,00,000

₹5,00,000 ಮೇಲ್ಪಟ್ಟ ಆದಾಯದ 20% + ₹ 12,500

 

₹ 8,00,001 - ₹ 12,00,000

₹8,00,000 ಮೇಲ್ಪಟ್ಟ ಆದಾಯದ 10% + ₹ 20,000

 

₹ 10,00,000 ಮೇಲ್ಪಟ್ಟು

₹10,00,000 ಮೇಲ್ಪಟ್ಟ ಆದಾಯದ 30% + ₹ 1,12,000

 

 

₹12,00,000 ಮೇಲ್ಪಟ್ಟ ಆದಾಯದ 15% + ₹ 60,000

 

 

 

 

₹ 12,00,001 - ₹ 16,00,000

 

 

 

 

 

₹ 16,00,001 - ₹ 20,00,000

₹1,20,000 ಮೇಲ್ಪಟ್ಟ ಆದಾಯದ 20% + ₹ 1,20,000

 

 

 

 

₹ 20,00,001 - ₹ 24,00,000

₹20,00,000 ಮೇಲ್ಪಟ್ಟ ಆದಾಯದ 25% + ₹ 2,00,000

 

 

 

 

₹ 24,00,000 ಮೇಲ್ಪಟ್ಟು

 

 

₹24,00,000 ಮೇಲ್ಪಟ್ಟ ಆದಾಯದ 30% + ₹ 3,00,000

 

 

 

 

 

 

 


 

 

 

 

 

 

 

 

      

 

ಆದಾಯ ಮಿತಿ

ಆದಾಯ ತೆರಿಗೆ ಮೊತ್ತದ ಮೇಲೆ ವಿಧಿಸಲಾಗುವ ಸರ್‌ಚಾರ್ಜ್ ದರ

 

(ಹೊಸ ತೆರಿಗೆ ಪದ್ಧತಿ)

ಆದಾಯ ತೆರಿಗೆ ಮೊತ್ತದ ಮೇಲೆ ವಿಧಿಸಲಾಗುವ ಸರ್‌ಚಾರ್ಜ್ ದರ  

 

(ಹಳೆಯ ತೆರಿಗೆ ಪದ್ಧತಿ)

 

ರೂ.50 ಲಕ್ಷ ಗಳವರೆಗೆ

ಶೂನ್ಯ

ಶೂನ್ಯ

₹50 ಲಕ್ಷದಿಂದ ₹1 ಕೋಟಿವರೆಗೆ

10%

10%

ರೂ. 1 ಕೋಟಿಯಿಂದ ರೂ. 2 ಕೋಟಿಯವರೆಗೆ

15%

15%

ರೂ. 2 ಕೋಟಿಯಿಂದ ರೂ. 5 ಕೋಟಿಯವರೆಗೆ

25%

25%

ರೂ. 5 ಕೋಟಿಗಳಿಗಿಂತ ಹೆಚ್ಚು

25%

37%

 

 

 

 

*ಗಮನಿಸಿ: ಹೆಚ್ಚಿಸಿದ ಸರ್‌ಚಾರ್ಜ್ ದರವಾದ 25% ಮತ್ತು 37% ಅನ್ನು, ಸಂದರ್ಭಾನುಸಾರವಾಗಿ, ಆದಾಯ ತೆರಿಗೆ ಕಾಯ್ದೆ 1961, ಸೆಕ್ಷನ್ 111A, 112, 112A ಅಡಿಯಲ್ಲಿ ತೆರಿಗೆಗೊಳಪಟ್ಟ ಆದಾಯ ಹಾಗೂ ಲಾಭಾಂಶ ಆದಾಯ (Dividend Income) ಮೇಲೆ ವಿಧಿಸಲಾಗುವುದಿಲ್ಲ. ಆದ್ದರಿಂದ, ಇಂತಹ ಆದಾಯಗಳ ಮೇಲೆ ಪಾವತಿಸಬೇಕಾದ ತೆರಿಗೆಯ ಗರಿಷ್ಠ ಹೆಚ್ಚುವರಿ ತೆರಿಗೆ ದರ 15% ಆಗಿರುತ್ತದೆ. ಆದರೆ ಆದಾಯವು ಆದಾಯ ತೆರಿಗೆ ಕಾಯ್ದೆ 1961, ಸೆಕ್ಷನ್ 115A, 115AB, 115AC, 115ACA ಮತ್ತು 115E ಅಡಿಯಲ್ಲಿ ತೆರಿಗೆಗೊಳಪಟ್ಟ ಸಂದರ್ಭಗಳಲ್ಲಿ ಇದು ಅನ್ವಯಿಸುವುದಿಲ್ಲ.ಕೇವಲ ಕಂಪನಿಗಳನ್ನೇ ಸದಸ್ಯರಾಗಿ ಹೊಂದಿರುವ ವ್ಯಕ್ತಿಗಳ ಸಂಘದ (AOP) ಸಂದರ್ಭದಲ್ಲಿ, ಆದಾಯ ತೆರಿಗೆಯ ಮೇಲಿನ ಸರ್‌ಚಾರ್ಜ್ ದರವು ಗರಿಷ್ಠ 15% ಆಗಿರುತ್ತದೆ. ಈ ನಿಯಮವು ಮೌಲ್ಯಮಾಪನ ವರ್ಷ 2023-24 ರಿಂದ ಅನ್ವಯವಾಗುತ್ತದೆ.

 

**ಸೂಚನೆ: ಎರಡೂ ತೆರಿಗೆ ಪದ್ಧತಿಗಳಲ್ಲಿ, ಆದಾಯ ತೆರಿಗೆ ಮೊತ್ತ ಹಾಗೂ ಸರ್‌ಚಾರ್ಜ್ (ಇದ್ದಲ್ಲಿ) ಒಟ್ಟು ಮೊತ್ತದ ಮೇಲೆ 4% ದರದಲ್ಲಿ ಆರೋಗ್ಯ ಮತ್ತು ಶಿಕ್ಷಣ ಸೆಸ್ ಪಾವತಿಸಬೇಕು.

 

AOP / BOI ಸದಸ್ಯರ ಪಾಲು ತಿಳಿದಿದೆಯೇ ಅಥವಾ ಇಲ್ಲವೇ ಎಂಬುದರ ಮೇಲೆ AOP / BOI ಗಳ ತೆರಿಗೆ ಹೊಣೆಗಾರಿಕೆ ಅವಲಂಬಿತವಾಗಿರುತ್ತದೆ. ಅದರಂತೆಯೇ, ಮುಂದಿನ ಷರತ್ತುಗಳು ಅನ್ವಯಿಸುತ್ತವೆ:

 

AOP / BOI ಸ್ವರೂಪ

ಮೌಲ್ಯಮಾಪನ ಮಾಡಲಾದ - AOP / BOI -

ಮೌಲ್ಯಮಾಪನ ಮಾಡಲಾದ - ಸದಸ್ಯ

ಪಾಲು ನಿರ್ಧರಿತ

ಆದಾಯ ತೆರಿಗೆಗೆ ಒಳಪಡದ ಗರಿಷ್ಠ ಮೊತ್ತವನ್ನು (ಅಂದರೆ, ಮೂಲ ವಿನಾಯಿತಿ ಮಿತಿ), ಯಾವುದೇ ಸದಸ್ಯರ ಆದಾಯವು ಮೀರದಿದ್ದರೆ, AOP / BOI ನ ಆದಾಯಕ್ಕೆ ವ್ಯಕ್ತಿಗೆ ಅನ್ವಯವಾಗುವ ದರದಲ್ಲಿ ತೆರಿಗೆ ವಿಧಿಸಲಾಗುತ್ತದೆ.

AOP / BOIನ ಯಾವುದಾದರು ಸದಸ್ಯರ ಆದಾಯವು ಆದಾಯ ತೆರಿಗೆ ವಿಧಿಸಲಾಗದ ಗರಿಷ್ಠ ಮೊತ್ತವನ್ನು (ಅಂದರೆ, ಮೂಲ ವಿನಾಯಿತಿ ಮಿತಿ) ಮೀರಿದಲ್ಲಿ AOP ಯ ಆದಾಯವನ್ನು ಗರಿಷ್ಠ ಪರಿಮಿತ ದರದಲ್ಲಿ ಮೌಲ್ಯಮಾಪನ ಮಾಡಲಾಗುತ್ತದೆ.

ಆದರೆ, AOP / BOI ಯ ಯಾವುದೇ ಸದಸ್ಯರ ಒಟ್ಟು ಆದಾಯವು ಗರಿಷ್ಠ ಪರಿಮಿತ ದರಕ್ಕಿಂತ (Maximum Marginal Rate) ಹೆಚ್ಚಿನ ದರದಲ್ಲಿ ತೆರಿಗೆಗೆ ಒಳಪಟ್ಟಿದ್ದರೆ, AOP / BOI ಯ ಆದಾಯದ ಮೇಲೆ ಕೆಳಗಿನ ರೀತಿಯಲ್ಲಿ ತೆರಿಗೆ ವಿಧಿಸಲಾಗುತ್ತದೆ:

  • ಅಂತಹ ಸದಸ್ಯರಿಗೆ ಸೇರುವ ಆದಾಯದ ಭಾಗವನ್ನು ಆ ಸದಸ್ಯರಿಗೆ ಅನ್ವಯವಾಗುವ ಉನ್ನತ ದರದಲ್ಲಿ ತೆರಿಗೆಗೆ ಒಳಪಡಿಸಲಾಗುತ್ತದೆ
  • ಆದಾಯದ ಉಳಿದ ಭಾಗವನ್ನು ಗರಿಷ್ಠ ಪರಿಮಿತ ತೆರಿಗೆ ದರದಲ್ಲಿ ತೆರಿಗೆಗೆ ಒಳಪಡಿಸಲಾಗುತ್ತದೆ (ಅಂದರೆ, 30% ಮತ್ತು ಅನ್ವಯವಾಗುವ ಸರ್‌ಚಾರ್ಜ್ ಮತ್ತು ವೈದ್ಯಕೀಯ ಮತ್ತು ಶಿಕ್ಷಣ ಸೆಸ್(HEC))

ಸದಸ್ಯರು ಪಡೆಯುವ ಲಾಭದ ಪಾಲಿನ ಮೇಲೆ ಸದಸ್ಯರ ಹೆಸರಿನಲ್ಲಿ ಯಾವುದೇ ತೆರಿಗೆ ವಿಧಿಸಲಾಗುವುದಿಲ್ಲ.

ಪಾಲು ಅನಿರ್ದಿಷ್ಟ ಅಥವಾ ಅಜ್ಞಾತ

ಆದಾಯವನ್ನು ಗರಿಷ್ಠ ಪರಿಮಿತ ದರದಲ್ಲಿ ಮೌಲ್ಯಮಾಪನ ಮಾಡಲಾಗುತ್ತದೆ. ಆದಾಗ್ಯೂ, ಯಾವುದೇ ಸದಸ್ಯರ ಒಟ್ಟು ಆದಾಯವನ್ನು ಗರಿಷ್ಠ ಪರಿಮಿತ ದರಕ್ಕಿಂತ ಹೆಚ್ಚಿನ ದರದಲ್ಲಿ ಮೌಲ್ಯಮಾಪನ ಮಾಡಿದರೆ, AOP / BOI ಯ ಆದಾಯವನ್ನು ಆ ಹೆಚ್ಚಿನ ದರದಲ್ಲಿ ಮೌಲ್ಯಮಾಪನ ಮಾಡಲಾಗುತ್ತದೆ

ಸದಸ್ಯರು ಪಡೆಯುವ ಲಾಭದ ಪಾಲಿನ ಮೇಲೆ ಸದಸ್ಯರ ಹೆಸರಿನಲ್ಲಿ ಯಾವುದೇ ತೆರಿಗೆ ವಿಧಿಸಲಾಗುವುದಿಲ್ಲ.

 

ಗಮನಿಸಿ: AOP / BOI ಯ ಸರಿಹೊಂದಿಸಿದ ಒಟ್ಟು ಆದಾಯವು (Adjusted Total Income) ₹20 ಲಕ್ಷಕ್ಕಿಂತ ಹೆಚ್ಚಿದ್ದರೆ, ಸರಿಹೊಂದಿಸಿದ ಒಟ್ಟು ಆದಾಯದ 18.5% ದರದಲ್ಲಿ ಪರ್ಯಾಯ ಕನಿಷ್ಠ ತೆರಿಗೆ (AMT) ( ಮತ್ತು ಅನ್ವಯಿಸುವಂತೆ ಸರ್‌ಚಾರ್ಜ್ ಮತ್ತು ಆರೋಗ್ಯ ಮತ್ತು ಶಿಕ್ಷಣ ಸೆಸ್ ಸೇರಿ) ಪಾವತಿಸಬೇಕಾಗುತ್ತದೆ. ಆದರೆ ಸಾಮಾನ್ಯ ತೆರಿಗೆ ಬಾಧ್ಯತೆ (Normal Tax Liability) ಸರಿಹೊಂದಿಸಿದ ಒಟ್ಟು ಆದಾಯದ 18.5% ಕ್ಕಿಂತ ಕಡಿಮೆಯಿದ್ದರೆ ಮಾತ್ರ ಈ AMT ಅನ್ವಯಿಸುತ್ತದೆ.

 

 

ತೆರಿಗೆ ಸೌಲಭ್ಯ ಲಭ್ಯವಿರುವ ಹೂಡಿಕೆಗಳು / ಪಾವತಿಗಳು / ಆದಾಯಗಳು

 

ಆದಾಯ ತೆರಿಗೆ ಕಾಯ್ದೆ, 1961 ರ ಸೆಕ್ಷನ್ 115BAC ಅಥವಾ ಸೆಕ್ಷನ್ 115BAE ಅಡಿಯಲ್ಲಿ ಹೊಸ ತೆರಿಗೆ ವ್ಯವಸ್ಥೆಯನ್ನು ಆಯ್ಕೆ ಮಾಡಿಕೊಂಡಿರುವ ತೆರಿಗೆದಾರರಿಗೆ ಲಭ್ಯವಿರುವ ಕಡಿತಗಳು:

 

  1. 1.  ಸೆಕ್ಷನ್ 24(b) – ಗೃಹ ಸಾಲದ ಮೇಲೆ ಪಾವತಿಸಿದ ಬಡ್ಡಿಯ ಮೇಲೆ ಮನೆ ಆಸ್ತಿಯಿಂದ ಬರುವ ಆದಾಯದ ಮೇಲಿನ ತೆರಿಗೆ ಕಡಿತ:

ಆಸ್ತಿಯ ಸ್ವರೂಪ

ಸಾಲದ ಉದ್ದೇಶ

ಅನುಮತಿಸಲ್ಪಟ್ಟ ಗರಿಷ್ಠ ಮಿತಿ

ಬಾಡಿಗೆಗೆ ಕೊಟ್ಟಿರುವ ಗೃಹ ಆಸ್ತಿ

ಗೃಹ ಆಸ್ತಿಯ ನಿರ್ಮಾಣ ಅಥವಾ ಖರೀದಿ

ಯಾವುದೇ ಮಿತಿಯಿಲ್ಲದೆ ವಾಸ್ತವ ಮೌಲ್ಯ

 

  1. 2. ಆದಾಯ ತೆರಿಗೆ ಕಾಯ್ದೆ, 1961 ರ ಅಧ್ಯಾಯ VI A ಅಡಿಯಲ್ಲಿ ನಿರ್ದಿಷ್ಟಪಡಿಸಲಾದ ತೆರಿಗೆ ಕಡಿತಗಳು

 

ಸೆಕ್ಷನ್ 80JJA

 

ಜೈವಿಕ ವಿಘಟನೀಯ ತ್ಯಾಜ್ಯವನ್ನು ಸಂಗ್ರಹಿಸುವ ಮತ್ತು ಸಂಸ್ಕರಿಸುವ ವ್ಯವಹಾರದಿಂದ ಲಾಭ ಮತ್ತು ಗಳಿಕೆಗಳಿಗೆ ಸಂಬಂಧಿಸಿದಂತೆ ತೆರಿಗೆ ಕಡಿತ

(ಕೆಲವು ಷರತ್ತುಗಳಿಗೆ ಒಳಪಟ್ಟಿರುತ್ತದೆ)

 

ತೆರಿಗೆದಾರರ ಒಟ್ಟು ಗಳಿಕೆಯ ಆದಾಯದಲ್ಲಿ ಜೈವಿಕ ವಿಘಟನೀಯ ತ್ಯಾಜ್ಯವನ್ನು (Biodegradable Waste) ಸಂಗ್ರಹಿಸುವುದು, ಸಂಸ್ಕರಿಸುವುದು ಅಥವಾ ಶೋಧಿಸುವ ವ್ಯವಹಾರದಿಂದ ಉಂಟಾಗುವ ಲಾಭ ಮತ್ತು ಆದಾಯ ಒಳಗೊಂಡಿದ್ದರೆ 100% ಲಾಭದ ಕಡಿತವು 5 ಮೌಲ್ಯಮಾಪನ ವರ್ಷಗಳ ಅವಧಿಗೆ ಲಭ್ಯವಿರುತ್ತದೆ.

 

ಆದಾಯ ತೆರಿಗೆ ಕಾಯ್ದೆ, 1961 ರ ಪ್ರಕಾರ ಹಳೆಯ ತೆರಿಗೆ ಪದ್ಧತಿಯನ್ನು ಆಯ್ಕೆ ಮಾಡಿಕೊಂಡಿರುವ ತೆರಿಗೆದಾರರಿಗೆ ಲಭ್ಯವಿರುವ ಕಡಿತಗಳು

 

  1. ಸೆಕ್ಷನ್ 24(b) – ಗೃಹ ಸಾಲದ ಮೇಲಿನ ಬಡ್ಡಿ ಹಾಗೂ ಗೃಹ ಸುಧಾರಣೆ ಸಾಲದ ಮೇಲಿನ ಬಡ್ಡಿಗೆ ಸಂಬಂಧಿಸಿದಂತೆ “ಮನೆ ಆಸ್ತಿಯಿಂದ ಆದಾಯ”ದಿಂದ ಕಡಿತ. ಸ್ವಯಂ ವಾಸಿಸುವ ಗೃಹಆಸ್ತಿಯ ಸಂದರ್ಭದಲ್ಲಿ, ಗೃಹ ಸಾಲದ ಮೇಲಿನ ಬಡ್ಡಿಗೆ ಅನುಮತಿಸಲಾದ ಗರಿಷ್ಠ ಕಡಿತ ಮಿತಿ ₹2 ಲಕ್ಷವಾಗಿದೆ. ಸೆಕ್ಷನ್ 24(b) ಅಡಿಯಲ್ಲಿ ಅನುಮತಿಸಲಾದ ಸಾಲದ ಮೇಲಿನ ಬಡ್ಡಿಯ ವಿವರಗಳನ್ನು ಕೆಳಗಿನ ಪಟ್ಟಿಯಲ್ಲಿ ನೀಡಲಾಗಿದೆ:

ಆಸ್ತಿಯ ಸ್ವರೂಪ

ಸಾಲ ಪಡೆದ ಸಮಯ

ಸಾಲದ ಉದ್ದೇಶ

ಅನುಮತಿಸಬಹುದಾದ (ಗರಿಷ್ಠ ಮಿತಿ)

ಸ್ವಯಂ ವಾಸ

1/04/1999 ರಂದು ಅಥವಾ ನಂತರ

ಮನೆ ಆಸ್ತಿಯ ನಿರ್ಮಾಣ ಅಥವಾ ಖರೀದಿ

₹ 2,00,000

1/04/1999 ರಂದು ಅಥವಾ ನಂತರ

ಗೃಹ ಆಸ್ತಿಯ ದುರಸ್ತಿಗಳಿಗಾಗಿ

₹ 30,000

1/04/1999 ರ ಮೊದಲು

ಗೃಹ ಆಸ್ತಿಯ ನಿರ್ಮಾಣ ಅಥವಾ ಖರೀದಿ

₹ 30,000

1/04/1999 ರ ಮೊದಲು

ಗೃಹ ಆಸ್ತಿಯ ದುರಸ್ತಿಗಳಿಗಾಗಿ

₹ 30,000

ಬಾಡಿಗೆಗೆ ಕೊಟ್ಟಿರುವ ಗೃಹ ಆಸ್ತಿ

ಯಾವುದೇ ಸಮಯದಲ್ಲಿಯೂ

ಗೃಹ ಆಸ್ತಿಯ ನಿರ್ಮಾಣ ಅಥವಾ ಖರೀದಿ

ಯಾವುದೇ ಮಿತಿಯಿಲ್ಲದೆ ವಾಸ್ತವ ಮೌಲ್ಯ

 

 

ಆದಾಯ ತೆರಿಗೆ ಕಾಯ್ದೆ, 1961 ರ ಅಧ್ಯಾಯ VI-A ಅಡಿಯಲ್ಲಿ ನಿರ್ದಿಷ್ಟಪಡಿಸಲಾದ ಕಡಿತಗಳು

 

ಸೆಕ್ಷನ್ 80G

 

ಕೆಲವು ನಿಧಿಗಳು, ದತ್ತಿ ಸಂಸ್ಥೆಗಳು ಇತ್ಯಾದಿಗಳಿಗೆ ಮಾಡಿದ ದೇಣಿಗೆಗಳ ಮೇಲಿನ ತೆರಿಗೆ ಕಡಿತ.

ಕೆಳಗಿನ ವರ್ಗಗಳಿಗೆ ನೀಡಿದ ದೇಣಿಗೆಯು ತೆರಿಗೆ ಕಡಿತಕ್ಕೆ ಅರ್ಹವಾಗಿರುತ್ತದೆ:

ಯಾವುದೇ ಮಿತಿಯಿಲ್ಲದೆ

​

100% ತೆರಿಗೆಯ ಕಡಿತ

50% ತೆರಿಗೆಯ ಕಡಿತ

ಅರ್ಹತಾ ಮಿತಿಗೆ ಒಳಪಟ್ಟಿರುತ್ತದೆ

 ​

100% ತೆರಿಗೆಯ ಕಡಿತ

50% ತೆರಿಗೆಯ ಕಡಿತ

 

 

 





ಸೂಚನೆ: ಈ ಸೆಕ್ಷನ್ ಅಡಿಯಲ್ಲಿ, ₹2,000 ಕ್ಕಿಂತ ಹೆಚ್ಚಿನ ಮೊತ್ತವನ್ನು ನಗದು ರೂಪದಲ್ಲಿ ನೀಡಿದ ದೇಣಿಗೆಗೆ ಯಾವುದೇ ತೆರಿಗೆ ಕಡಿತವನ್ನು ಅನುಮತಿಸಲಾಗುವುದಿಲ್ಲ.

 

ಸೆಕ್ಷನ್ 80GGA

 

ವೈಜ್ಞಾನಿಕ ಸಂಶೋಧನೆ ಅಥವಾ ಗ್ರಾಮೀಣ ಅಭಿವೃದ್ಧಿಯ ಕುರಿತ ಕೆಲವು ದೇಣಿಗೆಗಳಿಗೆ ಸಂಬಂಧಿಸಿದಂತೆ ತೆರಿಗೆ ಕಡಿತ.

ಕೆಳಗಿನ ವರ್ಗಗಳಿಗೆ ನೀಡಿದ ದೇಣಿಗೆಯು ತೆರಿಗೆ ಕಡಿತಕ್ಕೆ ಅರ್ಹವಾಗಿರುತ್ತದೆ:

ಸಂಶೋಧನಾ ಸಂಘ ಅಥವಾ ವಿಶ್ವವಿದ್ಯಾಲಯ, ಕಾಲೇಜು ಅಥವಾ ಇತರ ಸಂಸ್ಥೆಗಳು:

  • ವೈಜ್ಞಾನಿಕ ಸಂಶೋಧನೆ
  • ಸಾಮಾಜಿಕ ವಿಜ್ಞಾನ ಅಥವಾ ಸಂಖ್ಯಾಶಾಸ್ತ್ರೀಯ ಸಂಶೋಧನೆ

ಕೆಳಕಂಡ ಉದ್ದೇಶಗಳಿಗೆ ಕೆಲಸ ಮಾಡುವ ಸಂಘ ಅಥವಾ ಸಂಸ್ಥೆ

  • ಗ್ರಾಮೀಣಾಭಿವೃದ್ಧಿ
  • ನೈಸರ್ಗಿಕ ಸಂಪನ್ಮೂಲಗಳ ಸಂರಕ್ಷಣೆ ಅಥವಾ ಅರಣ್ಯೀಕರಣಕ್ಕಾಗಿ

ಯಾವುದೇ ಅರ್ಹ ಯೋಜನೆಯನ್ನು ಕೈಗೊಳ್ಳಲು ರಾಷ್ಟ್ರೀಯ ಸಮಿತಿಯು ಅನುಮೋದಿಸುವ PSU ಅಥವಾ ಸ್ಥಳೀಯ ಪ್ರಾಧಿಕಾರ ಅಥವಾ ಸಂಘ ಅಥವಾ ಸಂಸ್ಥೆ

ಕೇಂದ್ರ ಸರ್ಕಾರವು ಸೂಚಿಸಿದ ನಿಧಿಗಳು:

  • ಅರಣ್ಯೀಕರಣ
  • ಗ್ರಾಮೀಣಾಭಿವೃದ್ಧಿ

ಕೇಂದ್ರ ಸರ್ಕಾರವು ಸ್ಥಾಪಿಸಿ ಸೂಚಿಸಿದ ರಾಷ್ಟ್ರೀಯ ನಗರ ಬಡತನ ನಿರ್ಮೂಲನಾ ನಿಧಿ

ಗಮನಿಸಿ: ಈ ಸೆಕ್ಷನ್ ಅಡಿಯಲ್ಲಿ, ₹2,000 ಕ್ಕಿಂತ ಹೆಚ್ಚು ಮೊತ್ತವನ್ನು ನಗದು ರೂಪದಲ್ಲಿ ನೀಡಿದ ದೇಣಿಗೆಗೆ ಯಾವುದೇ ತೆರಿಗೆ ಕಡಿತವನ್ನು ಅನುಮತಿಸಲಾಗುವುದಿಲ್ಲ. ಅಥವಾ ಒಟ್ಟು ಒಟ್ಟು ಆದಾಯದಲ್ಲಿ ವ್ಯಾಪಾರ/ವೃತ್ತಿಯಿಂದ ಲಾಭ ಅಥವಾ ಆದಾಯ ಒಳಗೊಂಡಿದ್ದರೆ ಸಹ ಈ ಸೆಕ್ಷನ್ ಅಡಿಯಲ್ಲಿ ಕಡಿತ ಲಭ್ಯವಿರುವುದಿಲ್ಲ.

 

ಸೆಕ್ಷನ್ 80GGC

 

ರಾಜಕೀಯ ಪಕ್ಷ ಅಥವಾ ಚುನಾವಣಾ ಟ್ರಸ್ಟ್‌ಗೆ ಕೊಡುಗೆ ನೀಡಿದ ಮೊತ್ತವನ್ನು ತೆರಿಗೆ ಕಡಿತವಾಗಿ ಅನುಮತಿಸಲಾಗಿದೆ

(ಕೆಲವು ಷರತ್ತುಗಳಿಗೆ ಒಳಪಟ್ಟಿರುತ್ತದೆ)

 

ನಗದು ಹೊರತುಪಡಿಸಿ ಬೇರೆ ಯಾವುದೇ ವಿಧಾನದ ಮೂಲಕ ಪಾವತಿಸಿದ ಒಟ್ಟು ಮೊತ್ತದ ತೆರಿಗೆ ಕಡಿತ

 

ಸೆಕ್ಷನ್ 80IA

 

ಯಾವುದೇ ಮೂಲಸೌಕರ್ಯ ಸೌಲಭ್ಯ ಅಭಿವೃದ್ಧಿಪಡಿಸುವುದು, ನಿರ್ವಹಿಸುವುದು ಮತ್ತು ಕಾರ್ಯನಿರ್ವಹಿಸುವುದರಲ್ಲಿ ತೊಡಗಿರುವ ಸಂಸ್ಥೆ (ಕೇವಲ ಭಾರತೀಯ ಕಂಪನಿ), ಕೈಗಾರಿಕಾ ಉದ್ಯಾನಗಳು (Industrial Parks) ನಡೆಸುವ ಯಾವುದೇ ಸಂಸ್ಥೆ, ಯಾವುದೇ ವಿದ್ಯುತ್ ಉತ್ಪಾದನಾ ಸಂಸ್ಥೆ, ಹಾಗೂ ವಿದ್ಯುತ್ ಉತ್ಪಾದನಾ ಘಟಕಗಳ ಪುನರ್‌ರಚನೆ ಅಥವಾ ಪುನರುಜ್ಜೀವನ ನಡೆಸುವ ಭಾರತೀಯ ಕಂಪನಿಗಳು, ನಿರ್ದಿಷ್ಟ ಷರತ್ತುಗಳಿಗೆ ಒಳಪಟ್ಟು ತೆರಿಗೆ ಕಡಿತ ಪಡೆಯಲು ಅರ್ಹರಾಗಿರುತ್ತವೆ.

(ಕೆಲವು ಷರತ್ತುಗಳಿಗೆ ಒಳಪಟ್ಟಿರುತ್ತದೆ)

 

ತೆರಿಗೆದಾರರಿಗೆ, ಮೂಲಸೌಕರ್ಯ ಸೌಲಭ್ಯವನ್ನು ಅಭಿವೃದ್ಧಿಪಡಿಸುವ ಅಥವಾ ಕಾರ್ಯನಿರ್ವಹಣೆ ಹಾಗೂ ನಿರ್ವಹಣೆಯನ್ನು ಆರಂಭಿಸುವ ಮೌಲ್ಯಮಾಪನ ವರ್ಷದಿಂದ ಪ್ರಾರಂಭವಾಗಿ, 15 / 20 ಮೌಲ್ಯಮಾಪನ ವರ್ಷಗಳ ಅವಧಿಯಲ್ಲಿ, ನಿರಂತರ 10 ಮೌಲ್ಯಮಾಪನ ವರ್ಷಗಳ ಕಾಲ", 100% ಲಾಭದ ಮೇಲೆ ತೆರಿಗೆ ಕಡಿತವು ಲಭ್ಯವಿರುತ್ತದೆ.

(ನಿರ್ದಿಷ್ಟ ವ್ಯವಹಾರಕ್ಕಾಗಿ ನಿಗದಿತ ದಿನಾಂಕಗಳ ನಂತರ ಅಭಿವೃದ್ಧಿ, ಕಾರ್ಯಾಚರಣೆ ಇತ್ಯಾದಿಗಳನ್ನು ಪ್ರಾರಂಭಿಸಿದರೆ ಯಾವುದೇ ತೆರಿಗೆ ಕಡಿತವನ್ನು ಅನುಮತಿಸಲಾಗುವುದಿಲ್ಲ)

 

ಸೆಕ್ಷನ್ 80IAB

 

ವಿಶೇಷ ಆರ್ಥಿಕ ವಲಯದ ಅಭಿವೃದ್ಧಿಯಲ್ಲಿ ತೊಡಗಿರುವ ಉದ್ಯಮ ಅಥವಾ ಉದ್ದಿಮೆಯಿಂದ ಬಂದ ಗಳಿಕೆಗಳು ಮತ್ತು ಲಾಭಗಳಿಗೆ ಸಂಬಂಧಿಸಿದಂತೆ ತೆರಿಗೆ ಕಡಿತ

(ಕೆಲವು ಷರತ್ತುಗಳಿಗೆ ಒಳಪಟ್ಟಿರುತ್ತದೆ)

 

100% ಲಾಭದ ಮೇಲಿನ ತೆರಿಗೆ ಕಡಿತವು, ಕೇಂದ್ರ ಸರ್ಕಾರವು ವಿಶೇಷ ಆರ್ಥಿಕ ವಲಯವನ್ನು (Special Economic Zone) ಅಧಿಸೂಚಿಸಿರುವ ವರ್ಷದಿಂದ ಪ್ರಾರಂಭವಾಗಿ, 15 ಮೌಲ್ಯಮಾಪನ ವರ್ಷಗಳ (Assessment Years) ಅವಧಿಯಲ್ಲಿ ನಿರಂತರ 10 ಮೌಲ್ಯಮಾಪನ ವರ್ಷಗಳ ಅವಧಿಗೆ ಲಭ್ಯವಿರುತ್ತದೆ.

ವಿಶೇಷ ಆರ್ಥಿಕ ವಲಯದ ಅಭಿವೃದ್ಧಿ, ಏಪ್ರಿಲ್ 1, 2017 ರಂದು ಅಥವಾ ನಂತರ ಪ್ರಾರಂಭವಾಗಿದ್ದರೆ ಅಂತಹ ತೆರಿಗೆದಾರರಿಗೆ ಯಾವುದೇ ವಿನಾಯಿತಿ/ತೆರಿಗೆ ಕಡಿತವಿರುವುದಿಲ್ಲ.

 

ಸೆಕ್ಷನ್ 80IB

 

ಕೆಲವು ನಿರ್ದಿಷ್ಟಪಡಿಸಿದ ವ್ಯವಹಾರದಿಂದ ಪಡೆದ ಲಾಭಗಳು ಮತ್ತು ಗಳಿಕೆಗಳ ಮೇಲಿನ ತೆರಿಗೆ ಕಡಿತ.

ಈ ಸೆಕ್ಷನ್ ಅಡಿಯಲ್ಲಿ ಕಡಿತವು, ತೆರಿಗೆದಾರರ ಒಟ್ಟು ಆದಾಯದಲ್ಲಿ ಕೆಳಗಿನ ವ್ಯವಹಾರಗಳಿಂದ ಉಂಟಾಗುವ ಲಾಭ ಮತ್ತು ಆದಾಯ ಒಳಗೊಂಡಿದ್ದರೆ ಲಭ್ಯವಿರುತ್ತದೆ:

ಜಮ್ಮು ಮತ್ತು ಕಾಶ್ಮೀರದಲ್ಲಿ SSI ಸೇರಿದಂತೆ ಕೈಗಾರಿಕಾ ಉದ್ಯಮ

ಖನಿಜ ತೈಲದ ವಾಣಿಜ್ಯ ಉತ್ಪಾದನೆ ಮತ್ತು ಸಂಸ್ಕರಣೆ

ಹಣ್ಣುಗಳು ಅಥವಾ ತರಕಾರಿ, ಮಾಂಸ ಮತ್ತು ಮಾಂಸ ಉತ್ಪನ್ನಗಳು ಅಥವಾ ಕೋಳಿ ಅಥವಾ ಕಡಲಿನ ಅಥವಾ ಡೈರಿ ಉತ್ಪನ್ನಗಳ ಸಂಸ್ಕರಣೆ, ಸಂರಕ್ಷಣೆ ಮತ್ತು ಪ್ಯಾಕೇಜಿಂಗ್; ಆಹಾರ ಧಾನ್ಯಗಳ ನಿರ್ವಹಣೆ, ಸಂಗ್ರಹಣೆ ಮತ್ತು ಸಾರಿಗೆಯ ಸಮಗ್ರ ವ್ಯವಹಾರ

( ಕೆಲವು ಷರತ್ತುಗಳಿಗೆ ಒಳಪಟ್ಟಿರುತ್ತದೆ )

 

100% / 25% ಲಾಭದ ಮೇಲೆ ವಿವಿಧ ವಿಧದ ಸಂಸ್ಥೆಗಳಿಗಾಗಿ ನಿಗದಿಪಡಿಸಲಾದ ಷರತ್ತುಗಳಿಗೆ ಅನುಗುಣವಾಗಿ 5 / 10 / 7 ವರ್ಷಗಳ ಅವಧಿಗೆ ಲಭ್ಯವಿರುತ್ತದೆ.

ಸೆಕ್ಷನ್ 80IBA

 

ವಸತಿ ಯೋಜನೆಗಳನ್ನು ಅಭಿವೃದ್ಧಿಪಡಿಸುವುದರಿಂದ ಮತ್ತು ನಿರ್ಮಿಸುವುದರಿಂದ ಪಡೆದ ಲಾಭ ಮತ್ತು ಗಳಿಕೆಗಳು

 

100% ಲಾಭದ ಕಡಿತವು (Deduction) ನಿರ್ದಿಷ್ಟಪಡಿಸಲಾದ ವಿವಿಧ ಷರತ್ತುಗಳಿಗೆ ಒಳಪಟ್ಟಿರುತ್ತದೆ.

 

ಸೆಕ್ಷನ್ 80IC

 

ಹಿಮಾಚಲ ಪ್ರದೇಶ, ಸಿಕ್ಕಿಂ, ಉತ್ತರಾಂಚಲ್ ಮತ್ತು ಈಶಾನ್ಯ ರಾಜ್ಯಗಳಲ್ಲಿನ ಕೆಲವು ಉದ್ಯಮಗಳಿಗೆ ಸಂಬಂಧಿಸಿದಂತೆ ತೆರಿಗೆ ಕಡಿತ

(ಕೆಲವು ಷರತ್ತುಗಳಿಗೆ ಒಳಪಟ್ಟಿರುತ್ತದೆ)

 

100% ಲಾಭದ ಕಡಿತವು ಮೊದಲ 5 ಮೌಲ್ಯಮಾಪನ ವರ್ಷಗಳ ಅವಧಿಗೆ ಲಭ್ಯವಿರುತ್ತದೆ ಮತ್ತು ನಂತರದ 5 ಮೌಲ್ಯಮಾಪನ ವರ್ಷಗಳ ಅವಧಿಗೆ 25% (ಕಂಪನಿಗಳ ಸಂದರ್ಭದಲ್ಲಿ 30%) ಲಾಭದ ಕಡಿತವು ಲಭ್ಯವಿರುತ್ತದೆ, ಇದು ನಿರ್ದಿಷ್ಟಪಡಿಸಿದ ವಸ್ತು ಅಥವಾ ಉತ್ಪನ್ನವನ್ನು ತಯಾರಿಸುವ ಅಥವಾ ಉತ್ಪಾದಿಸುವ ವ್ಯವಹಾರಕ್ಕೆ ಅನ್ವಯಿಸುತ್ತದೆ.

 

ಸೆಕ್ಷನ್ 80IE

 

ಈಶಾನ್ಯ ರಾಜ್ಯಗಳಲ್ಲಿ ಸ್ಥಾಪಿಸಲಾದ ಕೆಲವು ಸಂಸ್ಥೆಗಳಿಗೆ ಲಭ್ಯವಿರುವ ಕಡಿತ.

(ಕೆಲವು ಷರತ್ತುಗಳಿಗೆ ಒಳಪಟ್ಟಿರುತ್ತದೆ)

 

100% ಲಾಭದ ಕಡಿತವು ವಿವಿಧ ಷರತ್ತುಗಳಿಗೆ ಒಳಪಟ್ಟಿದ್ದು, 10 ಮೌಲ್ಯಮಾಪನ ವರ್ಷಗಳ ಅವಧಿಗೆ ಲಭ್ಯವಿರುತ್ತದೆ.

 

ಸೆಕ್ಷನ್ 80JJA

 

ಜೈವಿಕ ವಿಘಟನೀಯ ತ್ಯಾಜ್ಯವನ್ನು ಸಂಗ್ರಹಿಸುವ ಮತ್ತು ಸಂಸ್ಕರಿಸುವ ವ್ಯವಹಾರದಿಂದ ಲಾಭ ಮತ್ತು ಗಳಿಕೆಗಳಿಗೆ ಸಂಬಂಧಿಸಿದಂತೆ ತೆರಿಗೆ ಕಡಿತ

(ಕೆಲವು ಷರತ್ತುಗಳಿಗೆ ಒಳಪಟ್ಟಿರುತ್ತದೆ)

 

ತೆರಿಗೆದಾರರ ಒಟ್ಟು ಆದಾಯದಲ್ಲಿ ಜೈವಿಕ ವಿಘಟನೀಯ ತ್ಯಾಜ್ಯವನ್ನು (Biodegradable Waste) ಸಂಗ್ರಹಿಸುವುದು, ಸಂಸ್ಕರಿಸುವುದು ಅಥವಾ ಶೋಧಿಸುವ ವ್ಯವಹಾರದಿಂದ ಉಂಟಾಗುವ ಲಾಭ ಮತ್ತು ಆದಾಯ ಒಳಗೊಂಡಿದ್ದರೆ100% ಲಾಭದ ಕಡಿತವು 5 ಮೌಲ್ಯಮಾಪನ ವರ್ಷಗಳ ಅವಧಿಗೆ ಲಭ್ಯವಿರುತ್ತದೆ.

 

ಸೆಕ್ಷನ್ 80JJAA

 

ಸೆಕ್ಷನ್ 44AB ಅನ್ವಯಿಸುವ ತೆರಿಗೆದಾರರಿಗೆ ಅನ್ವಯವಾಗುವ, ಹೊಸ ಕಾರ್ಮಿಕರು / ಉದ್ಯೋಗಿಗಳ ಉದ್ಯೋಗಕ್ಕೆ ಸಂಬಂಧಿಸಿದಂತೆ ತೆರಿಗೆ ಕಡಿತ

(ಕೆಲವು ಷರತ್ತುಗಳಿಗೆ ಒಳಪಟ್ಟಿರುತ್ತದೆ)

 

3 ಮೌಲ್ಯಮಾಪನ ವರ್ಷಗಳವರೆಗೆ ಹೆಚ್ಚುವರಿ ಉದ್ಯೋಗಿ ವೆಚ್ಚದ 30% ಕಡಿತ, ನಿರ್ದಿಷ್ಟ ಷರತ್ತುಗಳಿಗೆ ಒಳಪಟ್ಟಿರುತ್ತದೆ.

 

ಸೆಕ್ಷನ್ 80LA

 

ಕಡಲಾಚೆಯ ಬ್ಯಾಂಕಿಂಗ್ ಘಟಕಗಳು ಮತ್ತು ಅಂತಾರಾಷ್ಟ್ರೀಯ ಹಣಕಾಸು ಸೇವಾ ಕೇಂದ್ರದ ಆದಾಯಕ್ಕೆ ಲಭ್ಯವಿರುವ ಕಡಿತ (Deduction).

(ಕೆಲವು ಷರತ್ತುಗಳಿಗೆ ಒಳಪಟ್ಟಿರುತ್ತದೆ)

 

100% ನಿರ್ದಿಷ್ಟ ಆದಾಯದ ಕಡಿತವು ನಿರ್ದಿಷ್ಟಪಡಿಸಿದ ಷರತ್ತುಗಳಿಗೆ ಒಳಪಟ್ಟಿದ್ದು, 5 ನಿರಂತರ ಮೌಲ್ಯಮಾಪನ ವರ್ಷಗಳ ಅವಧಿಗೆ ಲಭ್ಯವಿರುತ್ತದೆ.

ಪುಟವನ್ನು ಕೊನೆಯದಾಗಿ ಪರಿಶೀಲಿಸಲಾಗಿದೆ ಅಥವಾ ನವೀಕರಿಸಲಾಗಿದೆ: