ನಮ್ಮ ಗೌಪ್ಯತಾ ನೀತಿಯನ್ನು ಪರಿಶೀಲಿಸಿದ್ದಕ್ಕಾಗಿ ಧನ್ಯವಾದಗಳು. ಆದಾಯ ತೆರಿಗೆ ಇಲಾಖೆಯು (ಇನ್ನು ಮುಂದೆ "ಇಲಾಖೆ" ಎಂದು ಉಲ್ಲೇಖಿಸಲಾಗಿದೆ] ಹೇಗೆ ಈ ಇ-ಫೈಲಿಂಗ್ ಪೋರ್ಟಲ್ ಮೂಲಕ ನೀವು ಮತ್ತು ಮೂರನೇ ವ್ಯಕ್ತಿಗಳು ಒದಗಿಸಿದ ಮಾಹಿತಿಯನ್ನು ಸಂಗ್ರಹಿಸುತ್ತದೆ ಮತ್ತು ಬಳಸುತ್ತದೆ (ಇನ್ನು ಮುಂದೆ "ಪೋರ್ಟಲ್" ಎಂದು ಉಲ್ಲೇಖಿಸಲಾಗುತ್ತದೆ] ಎಂಬುದನ್ನು ಅರ್ಥಮಾಡಿಕೊಳ್ಳಲು ದಯವಿಟ್ಟು ಅದನ್ನು ಎಚ್ಚರಿಕೆಯಿಂದ ಓದಿ, ಅವುಗಳಲ್ಲಿ ಕೆಲವು ನಿಮ್ಮನ್ನು ವೈಯಕ್ತಿಕವಾಗಿ ಗುರುತಿಸಬಹುದು.

1. ಇಲಾಖೆಯ ಕಾನೂನುಬದ್ಧ ಕಾರ್ಯಗಳು, ಆಡಳಿತಾತ್ಮಕ ಉದ್ದೇಶಗಳು, ಸಂಶೋಧನೆ ಮತ್ತು ವಿಶ್ಲೇಷಣೆ, ಆಂತರಿಕ ಪ್ರಕ್ರಿಯೆಗೊಳಿಸುವುದು ಅಥವಾ ಇತರ ಕಾನೂನುಬದ್ಧವಾಗಿ ಅಗತ್ಯವಿರುವ ಉದ್ದೇಶಗಳಿಗೆ ಸಮಂಜಸವಾಗಿ ಕಾರ್ಯನಿರ್ವಹಿಸುವ ಮಾಹಿತಿಯ ಸಂಗ್ರಹ, ಅದರ ಬಳಕೆ, ಬಹಿರಂಗಪಡಿಸುವಿಕೆ ಅಥವಾ ಸಂಗ್ರಹಣೆಯನ್ನು ಇಲಾಖೆ ಮಿತಿಗೊಳಿಸುತ್ತದೆ.ವಿನಂತಿಸಿದ ಮಾಹಿತಿಯನ್ನು ಒದಗಿಸುವ ಮೂಲಕ, ಇಲಾಖೆಯಿಂದ ಅಂತಹ ಮಾಹಿತಿಯನ್ನು ಬಳಸಲು ನೀವು ನಿಮ್ಮ ಒಪ್ಪಿಗೆಯನ್ನು ವ್ಯಕ್ತಪಡಿಸುತ್ತೀರಿ.
2. ಇಂಟರ್ನೆಟ್ ಪ್ರೋಟೋಕಾಲ್ [IP) ವಿಳಾಸಗಳು, ಡೊಮೇನ್ ಹೆಸರುಗಳು, ಬ್ರೌಸರ್ ಪ್ರಕಾರ, ಆಪರೇಟಿಂಗ್ ಸಿಸ್ಟಮ್, ಭೇಟಿಯ ದಿನಾಂಕ ಮತ್ತು/ಅಥವಾ ಸಮಯ, ಭೇಟಿ ಮಾಡಿದ ಪುಟಗಳು ಇತ್ಯಾದಿ ಸೇರಿದಂತೆ ಆದರೆ ಅದಕ್ಕೆ ಮಾತ್ರ ಸೀಮಿತವಾಗಿಲ್ಲದೆ ಬಳಕೆದಾರರ ಬಗ್ಗೆ ಇಲಾಖೆ ಕೆಲವು ಮಾಹಿತಿಗಳನ್ನು ಸಂಗ್ರಹಿಸಬಹುದು. ಕಾನೂನಿನ ಪ್ರಕಾರ ಅಗತ್ಯವಿಲ್ಲದ ಹೊರತು ಅಥವಾ ಕಾನೂನುಬಾಹಿರ, ಅಕ್ರಮ, ಮೋಸ ಅಥವಾ ಇತರ ಅನೈತಿಕ ನಡವಳಿಕೆಗೆ ಅಥವಾ ಯಾವುದೇ ಕಾನೂನು ಜಾರಿ ಉದ್ದೇಶಗಳಿಗಾಗಿ ತನಿಖೆ, ತಡೆಗಟ್ಟುವಿಕೆ, ನಿರ್ವಹಣೆ, ದಾಖಲಿಸುವುದು ಅಥವಾ ಪ್ರತಿಕ್ರಿಯಿಸುವ ಉದ್ದೇಶಗಳಿಗಾಗಿ ಈ ಪೋರ್ಟಲ್‌ಗೆ ಭೇಟಿ ನೀಡುವ ವ್ಯಕ್ತಿಗಳ ಗುರುತಿನೊಂದಿಗೆ ಅಂತಹ ಮಾಹಿತಿಯನ್ನು ಸಂಪರ್ಕಿಸಲು ಇಲಾಖೆಯು ಯಾವುದೇ ಸಕ್ರಿಯ ಪ್ರಯತ್ನಗಳನ್ನು ಮಾಡುವುದಿಲ್ಲ.
3. ಈ ಪೋರ್ಟಲ್ ಮೂಲಕ ಸಂಗ್ರಹಿಸಿದ ಮಾಹಿತಿಯನ್ನು ಇಲಾಖೆಯು ಮಾರಾಟ ಮಾಡುವುದಿಲ್ಲ ಅಥವಾ ವ್ಯಾಪಾರ ಮಾಡುವುದಿಲ್ಲ. ಮಾರ್ಕೆಟಿಂಗ್ ಉದ್ದೇಶಗಳಿಗಾಗಿ ಇಲಾಖೆಯು ನಿಮ್ಮ ಮಾಹಿತಿಯನ್ನು ಮೂರನೇ ವ್ಯಕ್ತಿಗಳೊಂದಿಗೆ ಹಂಚಿಕೊಳ್ಳುವುದಿಲ್ಲ.
4. ಈ ಪೋರ್ಟಲ್ ಮೂಲಕ ಸಂಗ್ರಹಿಸಲಾದ ಮಾಹಿತಿಯನ್ನು ಇಲಾಖೆ ಇತರ ವಿಷಯಗಳ ನಡುವೆ, ಅದರ ಕಾರ್ಯಗಳನ್ನು ನಿರ್ವಹಿಸುವುದು; ನ್ಯಾಯಾಲಯದ ಆದೇಶಗಳು, ಕಾನೂನು ಕ್ರಮಗಳು ಅಥವಾ ಕಾನೂನು ಜಾರಿಗೊಳಿಸುವಿಕೆಯ ಅವಶ್ಯಕತೆಗಳಿಗೆ ಪ್ರತಿಕ್ರಿಯೆಯಾಗಿ, ಸಾರ್ವಜನಿಕ ಹಿತಾಸಕ್ತಿಗಾಗಿ ಅಥವಾ ಕಾನೂನಿನಿಂದ ಅಗತ್ಯವಿರುವಂತೆ ಬಹಿರಂಗಪಡಿಸಬಹುದು.
5. ನಷ್ಟ, ದುರುಪಯೋಗ, ಅನಧಿಕೃತ ಪ್ರವೇಶ ಅಥವಾ ಬಹಿರಂಗಪಡಿಸುವಿಕೆ, ಬದಲಾವಣೆ ಅಥವಾ ನಾಶದ ವಿರುದ್ಧ ಈ ಪೋರ್ಟಲ್‌ಗೆ ಒದಗಿಸಲಾದ ಮಾಹಿತಿಯನ್ನು ರಕ್ಷಿಸಲು ಇಲಾಖೆಯು ಸಮಂಜಸವಾದ ಭದ್ರತಾ ಅಭ್ಯಾಸಗಳು ಮತ್ತು ಕ್ರಮಗಳನ್ನು ಜಾರಿಗೊಳಿಸುತ್ತದೆ.
6. ಲಾಗಿನ್ ಮಾಡಲು ಮತ್ತು ಪ್ರವೇಶಿಸಲು ತಮ್ಮ ರುಜುವಾತುಗಳ ಗೌಪ್ಯತೆ ಮತ್ತು ಸುರಕ್ಷತೆಯನ್ನು ಕಾಪಾಡಿಕೊಳ್ಳಲು ಬಳಕೆದಾರರು ಮಾತ್ರ ಜವಾಬ್ದಾರರಾಗಿರುತ್ತಾರೆ. ಒಂದುವೇಳೆ ಬಳಕೆದಾರರು ತಮ್ಮ ರುಜುವಾತುಗಳನ್ನು ಅಥವಾ ಇತರ ವಿವರಗಳನ್ನು ಮೂರನೇ ವ್ಯಕ್ತಿಗಳಿಗೆ ಬಹಿರಂಗಪಡಿಸಿದರೆ, ಆಗ ಉಂಟಾಗುವ ಯಾವುದೇ ನಷ್ಟ, ಹಾನಿಗಳಿಗೆ (ವ್ಯಾಪಾರ ಯೋಜನೆಗಳ ನಷ್ಟ, ಲಾಭದ ನಷ್ಟ ಅಥವಾ ಒಪ್ಪಂದದಲ್ಲಿನ ಯಾವುದೇ ಹಾನಿ, ಅಪಚಾರ ಅಥವಾ ಇನ್ಯಾವುದೇ ಕೃತ್ಯಗಳನ್ನು ಒಳಗೊಂಡಂತೆ ಆದರೆ ಅಷ್ಟಕ್ಕೇ ಮಾತ್ರ ಸೀಮಿತವಾಗಿಲ್ಲದಂತೆ ಇಲಾಖೆಯು ನೇರ, ಪರೋಕ್ಷ ಅಥವಾ ಪರಿಣಾಮವಾಗಿ ಜವಾಬ್ದಾರಿಯಾಗಿರುವುದಿಲ್ಲ) ಅಥವಾ ಪೋರ್ಟಲ್ ಅಥವಾ ಅದರ ಯಾವುದೇ ವಿಷಯಗಳ ಬಳಕೆ ಅಥವಾ ಅಸಮರ್ಥತೆಯಿಂದ ಉಂಟಾಗುವ ಇತರ ಪರಿಣಾಮಗಳು ಅಥವಾ ಯಾವುದೇ ಕ್ರಮ ತೆಗೆದುಕೊಳ್ಳುವುದರಿಂದ ದೂರವಿರುವುದು.
7. ಈ ಪೋರ್ಟಲ್ ಇತರ ವೆಬ್ಸೈಟ್‌ಗಳಿಗೆ ಲಿಂಕ್‌ಗಳನ್ನು ಒಳಗೊಂಡಿದೆ. ನೀವು ಈ ಪೋರ್ಟಲ್ ಅನ್ನು ತೊರೆದಾಗ, ಇಲಾಖೆಯ ನಿಯಂತ್ರಣದಲ್ಲಿರದ ಹೊರಗಿನ/ಮೂರನೇ ವ್ಯಕ್ತಿಯ ಸೈಟ್‌ಗಳಿಗೆ ನೀವು ಭೇಟಿ ನೀಡುತ್ತೀರಿ. ಅಂತಹ ಇತರ ಸೈಟ್‌ಗಳು ಬಳಕೆದಾರರಿಗೆ ತಮ್ಮದೇ ಆದ ಟೂಲ್‌ಗಳನ್ನು ನಿಯೋಜಿಸಬಹುದು, ಡೇಟಾ ಸಂಗ್ರಹಿಸಬಹುದು ಅಥವಾ ವೈಯಕ್ತಿಕ ಮಾಹಿತಿಯನ್ನು ಸಂಗ್ರಹಿಸಬಹುದು. ಈ ಪೋರ್ಟಲ್‌ನಲ್ಲಿ ವಿವರಿಸಿದಂತಹ ಗೌಪ್ಯತೆ ನೀತಿಗಳು ಮತ್ತು ಇತರ ನಿಯಮಗಳು ಹಾಗೂ ಷರತ್ತುಗಳು ಯಾವುದೇ ಬಾಹ್ಯ ಲಿಂಕ್‌ಗಳಿಗೆ ವಿಸ್ತರಿಸುವುದಿಲ್ಲ.
8. ಈ ಗೌಪ್ಯತೆ ನೀತಿಯಡಿಯಲ್ಲಿ ಹೇಳಲಾದ ನಿಯಮಗಳು ಮತ್ತು ಷರತ್ತುಗಳನ್ನು ನಿಯತಕಾಲಿಕವಾಗಿ ಪರಿಷ್ಕರಿಸಬಹುದು ಅಥವಾ ತಿದ್ದುಪಡಿ ಮಾಡಬಹುದು ಜೊತೆಗೆ ಇತ್ತೀಚಿನ ಪರಿಷ್ಕರಣೆಯ ದಿನಾಂಕವನ್ನು ಈ ಪುಟದಲ್ಲಿ ಉಲ್ಲೇಖಿಸಲಾಗುತ್ತದೆ. ಯಾವುದೇ ಬದಲಾವಣೆಗಳ ಅಥವಾ ಪರಿಷ್ಕರಣೆಗಳ ಸಂದರ್ಭದಲ್ಲಿ, ಇದನ್ನು ಈ ಪೋರ್ಟಲ್‌ನಲ್ಲಿ ಪೋಸ್ಟ್ ಮಾಡಲಾಗುತ್ತದೆ, ಇದರಿಂದಾಗಿ ಈ ಗೌಪ್ಯತೆ ನೀತಿಯಲ್ಲಿನ ಇತ್ತೀಚಿನ ತಿದ್ದುಪಡಿಗಳ ಬಗ್ಗೆ ಬಳಕೆದಾರರಿಗೆ ತಿಳಿಸಬಹುದು.