Q-1 ବାର୍ଷିକ ସୂଚନା ବିବରଣୀ (AIS) କ'ଣ?
ବାର୍ଷିକ ସୂଚନା ବିବରଣୀ (AIS) ହେଉଛି ଫର୍ମ 26 ASରେ ପ୍ରଦର୍ଶିତ କରଦାତାଙ୍କ ପାଇଁ ସୂଚନାର ବିସ୍ତୃତ ତଥ୍ୟ। କରଦାତା ବାର୍ଷିକ ସୂଚନା ବିବରଣୀରେ ପ୍ରଦର୍ଶିତ ସୂଚନା ଉପରେ ମତାମତ ଦେଇପାରିବେ। ବାର୍ଷିକ ସୂଚନା ବିବରଣୀ ପ୍ରତ୍ୟେକ ବିଭାଗ ଅଧୀନରେ (ଅର୍ଥାତ୍ TDS, SFT, ଅନ୍ୟାନ୍ୟ ସୂଚନା) ଉଭୟ ସୂଚିତ ହୋଇଥିବା ମୂଲ୍ୟ ଏବଂ ପରିବର୍ତ୍ତିତ ମୂଲ୍ୟ (ଅର୍ଥାତ୍ କରଦାତାଙ୍କ ମତାମତକୁ ବିଚାର କରିବା ପରେ ମୂଲ୍ୟ) ଦେଖାଏ।
AISର ଉଦ୍ଦେଶ୍ୟଗୁଡ଼ିକ ହେଉଛି:
- ଅନଲାଇନ୍ ମତାମତ ସଂଗ୍ରହ କରିବା ପାଇଁ ଏକ ସୁବିଧା ସହିତ କରଦାତାଙ୍କୁ ସମ୍ପୂର୍ଣ୍ଣ ସୂଚନା ପ୍ରଦର୍ଶିତ କରେ।
- ସ୍ୱେଚ୍ଛାକୃତ ଅନୁପାଳନକୁ ପ୍ରୋତ୍ସାହିତ କରେ ଏବଂ ରିଟର୍ଣ୍ଣର ନିରବଚ୍ଛିନ୍ନ ପ୍ରାକ୍ଫାଇଲିଂକୁ ସକ୍ଷମ କରେ।
- ଅଣ-ଅନୁପାଳନକୁ ନିରୁତ୍ସାହିତ କରେ
ଅଧିକ ସୂଚନା ପାଇଁ, ଲଗଇନ୍ ପରେ AIS ଅଧୀନରେ ଇ-ଫାଇଲ୍/AIS ମେନୁକୁ ଯାଆନ୍ତୁ।
ପ୍ରଶ୍ନ-2 AIS ଏବଂ ଫର୍ମ 26AS ମଧ୍ୟରେ ପାର୍ଥକ୍ୟ କ'ଣ?
AIS ହେଉଛି ଫର୍ମ 26ASର ସମ୍ପ୍ରସାରଣ। ଫର୍ମ 26ASରେ ସେହି ଆର୍ଥିକ ବର୍ଷରେ କରାଯାଇଥିବା ସମ୍ପତ୍ତି କ୍ରୟ, ଉଚ୍ଚ ମୂଲ୍ୟର ନିବେଶ ଏବଂ TDS/TCS କାରବାରର ବିବରଣୀ ପ୍ରଦର୍ଶିତ କରେ। ଏହା ବ୍ୟତୀତ ସେଭିଂ ଆକାଉଣ୍ଟ ସୁଧ, ଲାଭାଂଶ, ପ୍ରାପ୍ତ ଭଡ଼ା, ପ୍ରତିଭୂତ୍ତି/ସ୍ଥାବର ସମ୍ପତ୍ତିର କ୍ରୟ ଏବଂ ବିକ୍ରୟ କାରବାର, ବିଦେଶକୁ ଟଙ୍କା ପଠାଇବା, ଜମା ଉପରେ ସୁଧ, GST କାରବାର ଇତ୍ୟାଦି AISରେ ଅନ୍ତର୍ଭୁକ୍ତ।
ରିପୋର୍ଟ କରାଯାଇଥିବା କାରବାର ଉପରେ କରଦାତାଙ୍କୁ ମତାମତ ଦେବାର ବିକଳ୍ପ ମଧ୍ୟ AIS ପ୍ରଦାନ କରିଥାଏ। ଆହୁରି ମଧ୍ୟ ସୂଚନାର ଉତ୍ସ ସ୍ତରରେ କାରବାରର ଏକତ୍ରୀକରଣ ମଧ୍ୟ TISରେ ସୂଚିତ କରାଯାଏ।
ଅଧିକ ସୂଚନା ପାଇଁ, ଲଗଇନ୍ ପରେ ଇ-ଫାଇଲ୍/AIS ମେନୁ ଅଧୀନରେ AISକୁ ଯାଆନ୍ତୁ।
ପ୍ରଶ୍ନ- 3 ମୁଁ ବାର୍ଷିକ ସୂଚନା ବିବରଣୀ କିପରି ଦେଖିପାରିବି?
ନିମ୍ନରେ ଦିଆଯାଇଥିବା ସୋପାନଗୁଡ଼ିକ ଅନୁସରଣ କରି ଆପଣ ବାର୍ଷିକ ସୂଚନା ବିବରଣୀ କାର୍ଯ୍ୟକାରିତାକୁ ଆକ୍ସେସ୍ କରିପାରିବେ:
- ସୋପାନ 1: https://www.incometax.gov.in/ରେ ଲଗଇନ୍ କରନ୍ତୁ।
- ସୋପାନ 2: ଲଗଇନ୍ ପରେ, ବାର୍ଷିକ ସୂଚନା ବିବରଣୀ (AIS) ଡ୍ୟାସବୋର୍ଡ ମେନୁରେ କ୍ଲିକ୍ କରନ୍ତୁ।
- ସୋପାନ 3: ଆଗକୁ ବଢ଼ନ୍ତୁ ବଟନରେ କ୍ଲିକ୍ କରନ୍ତୁ, ଯାହା AIS ପୋର୍ଟାଲକୁ ପୁନଃପ୍ରେରଣ କରିବ ଏବଂ ବାର୍ଷିକ ସୂଚନା ବିବରଣୀ ଦେଖିବା ପାଇଁ AIS ଟାଇଲରେ କ୍ଲିକ୍ କରନ୍ତୁ।
ବିକଳ୍ପ ଭାବେ,
-
ସୋପାନ 1:https://www.incometax.gov.in/ରେ ଲଗ୍ଇନ୍ କରନ୍ତୁ।
-
ସୋପାନ 2: ଲଗ୍ଇନ୍ କରିବା ପରେ, ଇ-ଫାଇଲ୍ ମେନୁରେ କ୍ଲିକ୍ କରନ୍ତୁ।
-
ସୋପାନ 3: ଆୟକର ରିଟର୍ଣ୍ଣ ଉପରେ କ୍ଲିକ୍ କରନ୍ତୁ > AIS ଦେଖନ୍ତୁ।
-
ସୋପାନ 4: ଆଗକୁ ବଢ଼ନ୍ତୁ ବଟନ୍ ଉପରେ କ୍ଲିକ୍ କରନ୍ତୁ ଯାହା AIS ପୋର୍ଟାଲ୍କୁ ପୁନଃନିର୍ଦ୍ଦେଶିତ କରିବ ଏବଂ ବାର୍ଷିକ ସୂଚନା ବିବରଣୀ ଦେଖିବା ପାଇଁ AIS ଟାଇଲ୍ ଉପରେ କ୍ଲିକ୍ କରନ୍ତୁ।
ପ୍ରଶ୍ନ-4 ବାର୍ଷିକ ସୂଚନା ବିବରଣୀ (AIS)ର ଉପାଦାନଗୁଡ଼ିକ କ'ଣ?
AISରେ ପ୍ରଦର୍ଶିତ ସୂଚନାକୁ ଦୁଇ ଭାଗରେ ବିଭକ୍ତ କରାଯାଇଛି:
ଭାଗ A- ସାଧାରଣ ସୂଚନା
ଭାଗ Aରେ ଆପଣଙ୍କ ସମ୍ପର୍କରେ ସାଧାରଣ ସୂଚନା ଦର୍ଶାଉଥିବ, ଯେଉଁଥିରେ PAN, ମାସ୍କଡ୍ ଆଧାର ନମ୍ବର, କରଦାତାଙ୍କ ନାଁ, ଜନ୍ମ ତାରିଖ/ ଆରମ୍ଭ/ ଗଠନ, ମୋବାଇଲ୍ ନମ୍ବର, ଇ-ମେଲ୍ ଠିକଣା ଏବଂ କରଦାତାଙ୍କ ଠିକଣା ଅନ୍ତର୍ଭୁକ୍ତ।
ଭାଗ B - TDS/TCS ସୂଚନା
ଉତ୍ସରେ କର ରିହାତି/ ସଂଗ୍ରହ କରାଯାଇଥିବା କର ସମ୍ବନ୍ଧୀୟ ସୂଚନା ଏଠାରେ ପ୍ରଦର୍ଶିତ ହୁଏ। TDS/TCSର ସୂଚନା କୋଡ୍, ସୂଚନାର ବର୍ଣ୍ଣନା ଏବଂ ସୂଚନାର ମୂଲ୍ୟ ପ୍ରଦର୍ଶିତ ହୋଇଥାଏ।
- SFT ସୂଚନା : ଏହି ଶୀର୍ଷକ ଅଧୀନରେ, ବିତ୍ତୀୟ ନେଣଦେଣ ବିବରଣୀ (SFT) ଅଧୀନରେ ସୂଚନା ପ୍ରଦାନକାରୀ ସଂସ୍ଥାଗୁଡ଼ିକରୁ ପ୍ରାପ୍ତ ସୂଚନା ପ୍ରଦର୍ଶିତ ହୁଏ। SFT କୋଡ୍, ସୂଚନାର ବର୍ଣ୍ଣନା ଏବଂ ସୂଚନାର ମୂଲ୍ୟ ଉପଲବ୍ଧ ହୋଇଥାଏ।
- କର ପୈଠ: ବିଭିନ୍ନ ଶୀର୍ଷକ ଅଧୀନରେ କର ପୈଠ ସମ୍ବନ୍ଧୀୟ ସୂଚନା, ଯେପରିକି ଅଗ୍ରୀମ କର ଏବଂ ସ୍ୱ-ମୂଲ୍ୟାୟନ କର ପ୍ରଦର୍ଶିତ ହୋଇଥାଏ।
- ଦାବି ଏବଂ ଫେରସ୍ତ: ଆପଣ ଗୋଟିଏ ଆର୍ଥିକ ବର୍ଷର ଉପସ୍ଥାପିତ କରିଥିବା ଦାବି ଏବଂ ଫେରସ୍ତ ଆବେଦନ (ମୂଲ୍ୟାୟନ ବର୍ଷ ଏବଂ ପରିମାଣ)ର ବିବରଣୀ ଦେଖିପାରିବେ। (ଖୁବ୍ ଶୀଘ୍ର ଦାବି ସମ୍ପର୍କିତ ବିସ୍ତୃତ ବିବରଣୀ ପ୍ରକାଶ ପାଇବ)।
- ଅନ୍ୟାନ୍ୟ ସୂଚନା: ଅନ୍ୟ ଉତ୍ସଗୁଡ଼ିକରୁ ପ୍ରାପ୍ତ ସୂଚନାର ବିବରଣୀ, ଯେପରିକି, ଅନୁବନ୍ଧ II ଦରମା, ରିଫଣ୍ଡ ଉପରେ ସୁଧ, ବାହାର ଦେଶକୁ ଟଙ୍କା ପଠାଇବା/ ବିଦେଶୀ ମୁଦ୍ରାର କ୍ରୟ ଇତ୍ୟାଦିର ତଥ୍ୟ ଏଠାରେ ପ୍ରଦର୍ଶିତ ହୋଇଥାଏ।
ଅଧିକ ସୂଚନା ପାଇଁ, ଲଗଇନ୍ ପରେ AIS ଅଧୀନରେ ଇ-ଫାଇଲ୍/AIS ମେନୁକୁ ଯାଆନ୍ତୁ।
ପ୍ରଶ୍ନ-5 AIS ଅଧୀନରେ ସାଧାରଣ ସୂଚନା ଭାଗରେ କ’ଣ ରହିଥାଏ?
ସାଧାରଣ ସୂଚନା ଆପଣଙ୍କ ସମ୍ପର୍କରେ ସାଧାରଣ ସୂଚନା ପ୍ରଦର୍ଶିତ କରେ, ଯେଉଁଥିରେ PAN, ମାସ୍କ ହୋଇଥିବା ଆଧାର ନମ୍ବର, କରଦାତାଙ୍କ ନାମ, ଜନ୍ମ ତାରିଖ/ ଆରମ୍ଭ/ ଗଠନ, ମୋବାଇଲ ନମ୍ବର, ଇ-ମେଲ ଠିକଣା ଏବଂ କରଦାତାଙ୍କ ଠିକଣା ଅନ୍ତର୍ଭୁକ୍ତ।
ଅଧିକ ସୂଚନା ପାଇଁ, ଲଗଇନ୍ ପରେ AIS ଅଧୀନରେ ଇ-ଫାଇଲ୍/AIS ମେନୁକୁ ଯାଆନ୍ତୁ।
ପ୍ରଶ୍ନ-6 ମୁଁ AISରେ ଗତିବିଧି ଇତିହାସକୁ ଟ୍ରାକ୍ କରିପାରିବି କି?
ହଁ, ଆପଣ AIS ମୂଳପୃଷ୍ଠାରେ ଗତିବିଧି ଇତିହାସବଟନ୍ ଉପରେ କ୍ଲିକ୍ କରି AIS ଗତିବିଧିର ଇତିହାସ ଟ୍ରାକ୍ କରିପାରିବେ। AIS କାର୍ଯ୍ୟକାରିତାରେ କରାଯାଇଥିବା ଗତିବିଧିର ସାରାଂଶ ଆପଣଙ୍କୁ ପ୍ରଦାନ କରାଯିବ। ପ୍ରତ୍ୟେକ ସଂପାଦିତ ଗତିବିଧି ପାଇଁ ସୃଷ୍ଟି ହୋଇଥିବା ସିଷ୍ଟମ ID (ସକ୍ରିୟତା ID) ସୃଷ୍ଟି କରାଯିବ ଏବଂ ଏହି ଟ୍ୟାବ ଅଧୀନରେ ଗତିବିଧି ତାରିଖ, ଗତିବିଧି ବର୍ଣ୍ଣନା ଏବଂ ବିବରଣୀ ପ୍ରଦର୍ଶିତ ହେବ।
ଅଧିକ ସୂଚନା ପାଇଁ, ଲଗଇନ୍ ପରେ AIS ଅଧୀନରେ ଇ-ଫାଇଲ୍/AIS ମେନୁକୁ ଯାଆନ୍ତୁ।
ପ୍ରଶ୍ନ-7 କରଦାତା ସୂଚନା ସାରାଂଶ (TIS)ରେ AIS ଅଧୀନରେ କିପରି ରହିଛି?
କରଦାତା ସୂଚନା ସାରାଂଶ (TIS) ହେଉଛି କରଦାତାଙ୍କ ପାଇଁ ଏକ ସୂଚନା ବର୍ଗ ଅନୁଯାୟୀ ଏକତ୍ରିତ ସୂଚନାର ସାରାଂଶ। ପ୍ରତ୍ୟେକ ସୂଚନା ବର୍ଗ ଅଧୀନରେ (ଯଥା ବେତନ, ସୁଧ, ଲାଭାଂଶ ଇତ୍ୟାଦି) ଏହା ପ୍ରକ୍ରିୟାକୃତ ମୂଲ୍ୟ (ଅର୍ଥାତ୍ ପୂର୍ବ ନିର୍ଦ୍ଧାରିତ ନିୟମ ଆଧାରରେ ସୂଚନାର ନକଲ ପରେ ଉତ୍ପନ୍ନ ମୂଲ୍ୟ) ଏବଂ ପ୍ରାପ୍ତ ମୂଲ୍ୟ (ଅର୍ଥାତ୍ କରଦାତାଙ୍କ ମତାମତ ଏବଂ ପ୍ରକ୍ରିୟାକୃତ ମୂଲ୍ୟକୁ ବିଚାର କରିବା ପରେ ପ୍ରାପ୍ତ ମୂଲ୍ୟ)କୁ ଦର୍ଶାଏ। TISରେ ପ୍ରାପ୍ତ ସୂଚନାକୁ ରିଟର୍ଣ୍ଣର ପ୍ରି-ଫାଇଲିଂ ପାଇଁ ବ୍ୟବହାର କରାଯିବ, ଯଦି ପ୍ରଯୋଜ୍ୟ।
ଆପଣଙ୍କୁ କରଦାତା ସୂଚନା ସାରାଂଶ ମଧ୍ୟରେ ବିଭିନ୍ନ ବିବରଣୀ ଦେଖାଯିବ ଯେପରିକି,
- ସୂଚନା ବର୍ଗ
- ପ୍ରକ୍ରିୟାକୃତ ମୂଲ୍ୟ
- ପ୍ରାପ୍ତ ମୂଲ୍ୟ
ଆହୁରି ମଧ୍ୟ, ଏକ ସୂଚନା ଶ୍ରେଣୀ ମଧ୍ୟରେ, ନିମ୍ନଲିଖିତ ସୂଚନା ପ୍ରଦର୍ଶିତ ହେବ:
- ଯାହା ମାଧ୍ୟମରେ ସୂଚନା ପ୍ରାପ୍ତ ହୋଇଛି ତା’ର ଅଂଶ
- ସୂଚନା ବର୍ଣ୍ଣନା
- ସୂଚନା ଉତ୍ସ
- ପରିମାଣ ବର୍ଣ୍ଣନା
- ପରିମାଣ (ସୂଚିତ ହୋଇଥିବା, ପ୍ରକ୍ରିୟାକୃତ, ପ୍ରାପ୍ତ)
ଅଧିକ ସୂଚନା ପାଇଁ, ଲଗଇନ୍ ପରେ AIS ଅଧୀନରେ ଇ-ଫାଇଲ୍/AIS ମେନୁକୁ ଯାଆନ୍ତୁ।
ପ୍ରଶ୍ନ -8 କେଉଁ ସମସ୍ତ ଫର୍ମାଟରେ ମୁଁ ମୋର AIS ଡାଉନଲୋଡ୍ କରିପାରିବି?
ଆପଣ PDF, JSON, CSV ଫାଇଲ୍ ଫର୍ମାଟରେ ବାର୍ଷିକ ସୂଚନା ବିବରଣୀ (AIS) ଡାଉନଲୋଡ୍ କରିପାରିବେ।
ପ୍ରଶ୍ନ- 9 ମୁଁ ସୂଚନା ଉପରେ ମତାମତ କିପରି ଦାଖଲ କରି ପାରିବି?
TDS/TCS ସୂଚନା, SFT ସୂଚନା କିମ୍ବା ଅନ୍ୟାନ୍ୟ ସୂଚନା ଅଧୀନରେ ପ୍ରଦର୍ଶିତ ସକ୍ରିୟ ସୂଚନା ଉପରେ ନିମ୍ନ ପଦକ୍ଷେପଗୁଡ଼ିକ ଦ୍ୱାରା ଆପଣ ମତାମତ ଦାଖଲ କରିପାରିବେ:
- ସୋପାନ 1: ପ୍ରାସଙ୍ଗିକ ସୂଚନା ପାଇଁ ମତାମତ ସ୍ତମ୍ଭରେ ଉଲ୍ଲେଖ କରାଯାଇଥିବା ଇଚ୍ଛାଧୀନ ବଟନ୍ ଉପରେ କ୍ଲିକ୍ କରନ୍ତୁ। ଆପଣଙ୍କୁ ମତାମତ ଯୋଡ଼ନ୍ତୁ ସ୍କ୍ରିନ୍କୁ ନିର୍ଦ୍ଦେଶିତ କରାଯିବ।
- ସୋପାନ 2: ପ୍ରାସଙ୍ଗିକ ମତାମତ ବିକଳ୍ପ ବାଛନ୍ତୁ ଏବଂ ମତାମତ ବିବରଣୀ ପୂରଣ କରନ୍ତୁ (ମତମତ ବିକଳ୍ପ ଉପରେ ନିର୍ଭରଶୀଳ)।
- ସୋପାନ 3: ମତାମତ ଦାଖଲ କରିବାକୁ ଦାଖଲ କରନ୍ତୁରେ କ୍ଲିକ୍ କରନ୍ତୁ
ଅଧିକ ସୂଚନା ପାଇଁ, ଲଗ୍ଇନ୍ ପରେ ଇ-ଫାଇଲ/AIS ମେନୁ ଅଧୀନରେ AISକୁ ଯାଆନ୍ତୁ।
ପ୍ରଶ୍ନ-10 ଥରେ ମୁଁ ମତାମତ ଦାଖଲ କରିବା ପରେ କ'ଣ ହେବ?
AIS ସୂଚନା ଉପରେ ମତାମତକୁ ସଫଳତାର ସହିତ ଦାଖଲ କରିବା ପରେ, ସୂଚନା ସହ ମତାମତ ପ୍ରଦର୍ଶିତ ହେବ ଏବଂ ସୂଚନାର ପରିବର୍ତ୍ତିତ ମୂଲ୍ୟ ମଧ୍ୟ ସୂଚିତ ମୂଲ୍ୟ ସହିତ ଦୃଶ୍ୟମାନ ହେବ। ଗତିବିଧି ଇତିହାସ ଟ୍ୟାବ୍ ମଧ୍ୟ ଅଦ୍ୟତନ ହେବ, ଏବଂ ଆପଣ ପ୍ରାପ୍ତିସ୍ୱୀକାର ରସିଦ ଡାଉନଲୋଡ୍ କରିବାକୁ ସମର୍ଥ ହେବେ। ଇମେଲ ଏବଂ SMS ପଠାଯାଇ ମତାମତ ଦାଖଲ ସୁନିଶ୍ଚିତ କରାଯିବ।
ଅଧିକ ସୂଚନା ପାଇଁ, ଲଗଇନ୍ ପରେ AIS ଅଧୀନରେ ଇ-ଫାଇଲ୍/AIS ମେନୁକୁ ଯାଆନ୍ତୁ।
ପ୍ରଶ୍ନ-11 AIS ମତାମତ ଦାଖଲ ଉପରେ ମୁଁ କୌଣସି ନିଶ୍ଚିତତା ପାଇବି କି?
ହଁ, AIS ସୂଚନା ଉପରେ ଆପଣ ମତାମତକୁ ସଫଳ ଭାବରେ ଦାଖଲ କରିବା ପରେ, ଗତିବିଧି ଇତିହାସ ଟ୍ୟାବ୍ ଅଦ୍ୟତନ ହେବ, ଏବଂ ଆପଣ ଏହାର ପ୍ରାପ୍ତିସ୍ୱୀକାର ରସିଦ ଡାଉନଲୋଡ୍ କରିବାକୁ ସମର୍ଥ ହେବେ। ଇମେଲ ଏବଂ SMS ପଠାଯାଇ ମତାମତ ଦାଖଲ ସୁନିଶ୍ଚିତ କରାଯିବ।
ପ୍ରଶ୍ନ-12 AIS ସମେକିତ ମତାମତ ଫାଇଲ୍ କ’ଣ?
AIS ସମେକିତ ମତାମତ ଫାଇଲ୍ (ACF) କରଦାତାମାନଙ୍କୁ ସେମାନଙ୍କର ସମସ୍ତ AIS ମତାମତ ('ସୂଚା ଠିକ୍ ଅଛି', ମତାମତ ବ୍ୟତୀତ) ସମ୍ପର୍କିତ ସୂଚନା ସହଜରେ ବୁଝିବା ପାଇଁ ଗୋଟିଏ PDFରେ ଦେଖିବା ଲାଗି ଏକ ସୁବିଧା ଦେଇଥାଏ। AISର ମତାମତ ଦାଖଲ କରିବା ପରେ, ଆପଣ AIS ସମେକିତ ମତାମତ ଫାଇଲ୍ (PDF) ଡାଉନଲୋଡ୍ କରିପାରିବେ ।
ଅଧିକ ସୂଚନା ପାଇଁ, ଲଗ୍ଇନ୍ ପରେ ଇ-ଫାଇଲ/AIS ମେନୁ ଅଧୀନରେ AISକୁ ଯାଆନ୍ତୁ।
ପ୍ରଶ୍ନ - 13 ଦିଆଯାଇଥିବା ମତାମତକୁ ମୁଁ କେତେଥର ପରିବର୍ତ୍ତନ କରିପାରିବି, ତାହାର କୌଣସି ସୀମା ଅଛି କି?
ବର୍ତ୍ତମାନ, ପୂର୍ବରୁ ଦିଆଯାଇଥିବା ମତାମତକୁ ଆପଣ କେତେଥର ପରିବର୍ତ୍ତନ କରିପାରିବେ ତାହାର କୌଣସି ସୀମା ନାହିଁ।
ପ୍ରଶ୍ -14 ମୁଁ AISରେ GST କାରବାର ଯାଞ୍ଚ କରିପାରିବି କି?
ହଁ, AIS ସୂଚନା କୋଡ୍ (EXC-GSTR3B) ଅଧୀନରେ GST କାରବାର ସହିତ ଜଡିତ ସୂଚନା ପ୍ରଦର୍ଶନ କରେ। ଏହା AISର ଅନ୍ୟାନ୍ୟ ସୂଚନା ଟ୍ୟାବରେ ଦୃଶ୍ୟମାନ ହେବ ।
ପ୍ରଶ୍ନ-15 AIS ପାଇଁ କୌଣସି ଭିଡିଓ ଟ୍ୟୁଟୋରିଆଲ୍ ଉପଲବ୍ଧ ଅଛି କି?
ହଁ, AIS ପାଇଁ ୟୁଟ୍ୟୁବ୍ରେ ଏକ ସୂଚନାମୂଳକ ଭିଡିଓ ଉପଲବ୍ଧ ଅଛି। ଏହି ଭିଡିଓଟି ଏଇଠି ଦେଖିପାରିବେ।
ବାର୍ଷିକ ସୂଚନା ବିବରଣୀ କାର୍ଯ୍ୟକାରିତା ଉପରେ ମୌଳିକ ସୂଚନା- ୟୁଟ୍ୟୁବ୍।
