ପ୍ରଶ୍ନ 1:
କେଉଁ ମୂଲ୍ୟାୟନ ବର୍ଷ ପାଇଁ ପୁନଃ ଅଧିସୂଚିତ ଫର୍ମ 10BB ପ୍ରଯୋଜ୍ୟ?
ସମାଧାନ:
ବିଜ୍ଞପ୍ତି ସଂଖ୍ଯା 7/2023 ଦିନାଙ୍କିତ 21 ଫେବୃଆରୀ 2023 ମାଧ୍ୟମରେ ଅଧିସୂଚିତ ଫର୍ମ 10BB ମୂଲ୍ୟାୟନ ବର୍ଷ 2023-24 ଠାରୁ ପ୍ରଯୋଜ୍ୟ।
ପ୍ରଶ୍ନ 2:
ଫର୍ମ 10BB ଯାହା ବିଜ୍ଞପ୍ତି ସଂଖ୍ୟା 7/2023 ଜାରି କରିବା ପୂର୍ବରୁ ଦାଖଲ କରାଯାଉଥିଲା, ଏବେବି ଇ-ଫାଇଲିଂ ପୋର୍ଟାଲରେ ଉପଲବ୍ଧ କି?
ସମାଧାନ:
ବିଦ୍ୟମାନ ଫର୍ମ 10BB ପୋର୍ଟାଲରେ ଉପଲବ୍ଧ ଏବଂ କେବଳ ମୂଲ୍ୟାୟନ ବର୍ଷ 2022-23 ପର୍ଯ୍ୟନ୍ତ ପ୍ରଯୋଜ୍ୟ।
ମୂଲ୍ୟାୟନ ବର୍ଷ 2022-23 ପର୍ଯ୍ୟନ୍ତ ଫାଇଲ୍ କରିବା ପାଇଁ, ଫର୍ମ 10BB ଇ-ଫାଇଲିଂ ପୋର୍ଟାଲରେ ଉପଲବ୍ଧ ଏବଂ ଏହାକୁ ଆକ୍ସେସ୍ କରାଯାଇପାରିବ–
CA ଙ୍କୁ ନ୍ୟସ୍ତ କରାଯିବା ପାଇଁ "ଇ-ଫାଇଲ୍-----> ଆୟକର ଫର୍ମ ----> ଆୟକର ଫର୍ମ ଦାଖଲ କରନ୍ତୁ---> ବ୍ୟକ୍ତି ଆୟ ପାଇଁ କୌଣସି ଉତ୍ସ ଉପରେ ନିର୍ଭରଶୀଳ ନୁହଁନ୍ତି ----> ଫର୍ମ 10BB"।
କିମ୍ବା
ବୈକଳ୍ପିକ ଭାବରେ, ଫର୍ମକୁ “ମୋର CA” କାର୍ଯ୍ୟକାରିତା ବ୍ୟବହାର କରି ମଧ୍ୟ ନ୍ୟସ୍ତ କରାଯାଇପାରିବ।
ପ୍ରଶ୍ନ 3:
କେତେବେଳେ ଜଣେ ଅଡିଟିଙ୍କ ପାଇଁ ବିଜ୍ଞପ୍ତି ସଂଖ୍ୟା 7/2023 ଅନୁଯାୟୀ ଅଧିସୂଚିତ ହୋଇଥିବା 10BB ଫର୍ମ ଫାଇଲ୍ କରିବା ଆବଶ୍ୟକ ହୁଏ?
ସମାଧାନ:
ମୂଲ୍ୟାୟନ ବର୍ଷ 2023-24 ଠାରୁ, ପୁନଃଅଧିସୂଚିତ ଫର୍ମ 10B ପ୍ରଯୋଜ୍ୟ ହେବ ଯେଉଁଠାରେ ନିମ୍ନୋକ୍ତ ଯେକୌଣସି ସର୍ତ୍ତ ସନ୍ତୋଷଜନକ ଭାବେ ପୁରଣ ହୋଇଥିବ-
- ପ୍ରଯୋଜ୍ୟ ଅନୁଯାୟୀ ନିମ୍ନୋକ୍ତ ଖଣ୍ଡ/ଧାରାର ବ୍ୟବସ୍ଥାକୁ ପ୍ରଭାବିତ ନକରି, ଅଡିଟି ଙ୍କ ମୋଟ ଆୟ-
- ଧାରା 10 ର ଖଣ୍ଡ 23C ର ଉପ-ଖଣ୍ଡ (iv), (v), (vi) ଏବଂ (via)
- ଅଧିନିୟମର ଧାରା 11 ଏବଂ 12,
ପୂର୍ବ ବର୍ଷରେ ପାଞ୍ଚ କୋଟି ଟଙ୍କାରୁ ଅଧିକ
- ଅଡିଟି ପୂର୍ବ ବର୍ଷରେ କୌଣସି ବିଦେଶୀ ଅଂଶଦାନ ଗ୍ରହଣ କରିଛନ୍ତି
- ଅଡିଟି ପୂର୍ବ ବର୍ଷରେ ଭାରତ ବାହାରେ ନିଜ ଆୟର କୌଣସି ଅଂଶ ପ୍ରୟୋଗ କରିଛନ୍ତି।
ଅନ୍ୟ ସମସ୍ତ କ୍ଷେତ୍ରରେ, ପୁନଃ ଅଧିସୂଚିତ ଫର୍ମ ସଂଖ୍ୟା.10BB ପ୍ରଯୋଜ୍ୟ ହେବ ।
ଅଧିକ ବିବରଣୀ ପାଇଁ, ଆପଣ ଆୟକର ନିୟମାବଳୀ 1962ର, ନିୟମ 16CC ଏବଂ 17Bକୁ ଅନୁସରଣ କରିପାରିବେ।
ପ୍ରଶ୍ନ 4:
ଇ-ଫାଇଲିଂ ପୋର୍ଟାଲରେ ଫର୍ମ 10BB (ମୂଲ୍ୟାୟନ ବର୍ଷ .2023-24 ଠାରୁ) ଫାଇଲ୍ କରିବାର ପ୍ରକ୍ରିୟା କ'ଣ?
ସମାଧାନ:
ଫର୍ମ 10BB (A Y.2023-24 ଠାରୁ) ଫାଇଲ୍ କରିବା ପାଇଁ ପଦକ୍ଷେପଗୁଡ଼ିକ ନିମ୍ନୋକ୍ତମତେ:
ସୋପାନ 1 ) କରଦାତା ଲଗ୍ଇନ୍: CA ଙ୍କୁ ଫର୍ମ ନ୍ୟସ୍ତ କରନ୍ତୁ। ଫର୍ମକୁ ଦୁଇଟି ଉପାୟରେ ନ୍ୟସ୍ତ କରାଯାଇପାରିବ-
- ଇ-ଫାଇଲ୍ -----> ଆୟକର ଫର୍ମ ----> ଫାଇଲ୍ ଆୟକର ଫର୍ମ ---> ଆୟର କୌଣସି ଉତ୍ସ ଉପରେ ନିର୍ଭର କରୁନଥିବା ବ୍ୟକ୍ତି ----> ଫର୍ମ 10BB (ମୂଲ୍ୟାୟନ ବର୍ଷ 2023-24 ଠାରୁ )
- ପ୍ରାଧିକୃତ ଅଂଶୀଦାର-----> ମୋର ଚାର୍ଟାର୍ଡ ଆକାଉଣ୍ଟାଣ୍ଟ (CA ) -----> CA ଯୋଗ କରନ୍ତୁ (ଯଦି ଯୋଗ କରାଯାଇ ନାହିଁ)----> ଫର୍ମ 10BB (ମୂଲ୍ୟାୟନ ବର୍ଷ 2023-24 ଠାରୁ) ନ୍ୟସ୍ତ କରନ୍ତୁ ।
ସୋପାନ 2) CA ଲଗ୍ଇନ୍: ନ୍ୟସ୍ତ କାର୍ଯ୍ୟଭାରକୁ ସ୍ବୀକାର କରିବା ଏବଂ କାର୍ଯ୍ୟତାଲିକାରେ “ଆପଣଙ୍କ ପାଇଁ କାର୍ଯ୍ୟ” ଟ୍ୟାବ୍ ମାଧ୍ୟମରେ ଫର୍ମ ଅପ୍ଲୋଡ୍ କରିବା।
ସୋପାନ 3) କରଦାତା ଲଗ୍ଇନ୍: କରଦାତା କାର୍ଯ୍ୟତାଲିକା “ଆପଣଙ୍କ କାର୍ଯ୍ୟ ପାଇଁ” ଟ୍ୟାବ୍ ମାଧ୍ୟମରେ CAଙ୍କ ଦ୍ବାରା ଅପଲୋଡ୍ ହୋଇଥିବା ଫର୍ମକୁ ସ୍ବୀକାର କରିବା।
ଦୟାକରି ନିଶ୍ଚିତ କରନ୍ତୁ ଯେ କୌଣସି ବିଳମ୍ବିତ ଫାଇଲ୍ କରିବା ଜନିତ ପରିମାଣକୁ ଏଡାଇବା ପାଇଁ ଧାରା 44AB ରେ ଉଲ୍ଲେଖ କରାଯାଇଥିବା ନିର୍ଦ୍ଦିଷ୍ଟ ତାରିଖ ପୂର୍ବରୁ ଫର୍ମ ଅପ୍ଲୋଡ୍ ହୋଇଛି ଏବଂ ଗ୍ରହଣ କରାଯାଇଛି ଅର୍ଥାତ୍ ଧାରା 139 ର ଉପଧାରା(1) ଅନୁଯାୟୀ ଆୟକର ରିଟର୍ଣ୍ଣ ଦାଖଲ କରିବାର ନିର୍ଦ୍ଧାରିତ ତାରିଖର ଏକ ମାସ ପୂର୍ବରୁ।
ପ୍ରଶ୍ନ 5:
ଉପରେ ପ୍ରଶ୍ନ ସଂଖ୍ୟା 3ରେ ଉଲ୍ଲେଖ କରାଯାଇଥିବା ଅନୁଯାୟୀ “ଅଡିଟି” କିଏ?
ସମାଧାନ:
ଅଧିନିୟମର ଧାରା 10 ର ଖଣ୍ଡ (23C) ର ଉପ - ଖଣ୍ଡ (iv), (v), (vi) କିମ୍ବା (via)ରେ ଦର୍ଶାଯାଇଥିବା କୌଣସି ପାଣ୍ଠି କିମ୍ବା ଅନୁଷ୍ଠାନ କିମ୍ବା ଟ୍ରଷ୍ଟ କିମ୍ବା କୌଣସି ବିଶ୍ୱବିଦ୍ୟାଳୟ କିମ୍ବା ଅନ୍ୟ କୌଣସି ଶିକ୍ଷାନୁଷ୍ଠାନ କିମ୍ବା କୌଣସି ଡାକ୍ତରଖାନା କିମ୍ବା ଅନ୍ୟାନ୍ୟ ଚିକିତ୍ସା ପ୍ରତିଷ୍ଠାନ କିମ୍ବା ଅଧିନିୟମର ଧାରା 11 କିମ୍ବା 12 ରେ ଧାରାଦର୍ଶାଯାଇଥିବା କୌଣସି ଟ୍ରଷ୍ଟ କିମ୍ବା ଅନୁଷ୍ଠାନ ଏହି ଫର୍ମରେ "ଅଡିଟି" ଭାବରେ ସନ୍ଦର୍ଭିତ ହେବ।
ପ୍ରଶ୍ନ 6:
ପୁନଃଅଧିସୂଚିତ ଫର୍ମ 10BB ସନ୍ଦର୍ଭରେ ପ୍ରଶ୍ନ ସଂଖ୍ୟା 3 ରେ ଉଲ୍ଲେଖ କରାଯାଇଥିବା “ବିଦେଶୀ ଅଂଶଦାନ” ର ଅର୍ଥ କ’ଣ?
ସମାଧାନ:
ନିୟମ 16C ଏବଂ ନିୟମ 17B ପାଇଁ, “ବିଦେଶୀ ଅଂଶଦାନ” ଶବ୍ଦର ଅର୍ଥ ବୈଦେଶିକ ଅବଦାନ (ନିୟମାବଳୀ) ଅଧିନିୟମ, 2010 (2010 ର 42) ର ଧାରା 2 ର ଉପ-ଧାରା (1) ର ଧାରା (h) ରେ ଦିଆଯାଇଥିବା ଅର୍ଥ ସହିତ ସମାନ ରହିବ।
ପ୍ରଶ୍ନ 7:
ଫର୍ମ 10BB (ମୂଲ୍ୟାୟନ ବର୍ଷ 2023-24 ଠାରୁ) ଫାଇଲ୍ କରିବାର ଶେଷ ତାରିଖ କ'ଣ?
ସମାଧାନ:
ଫର୍ମ 10BB ଧାରା 44AB ରେ ଉଲ୍ଲେଖିତ ନିର୍ଦ୍ଦିଷ୍ଟ ତାରିଖ ଅର୍ଥାତ୍ ଧାରା 139(1) ଅଧୀନରେ ରିଟର୍ଣ୍ଣ ଫାଇଲ୍ କରିବାର ନିର୍ଦ୍ଧାରିତ ତାରିଖର ଏକ ମାସ ପୂର୍ବରୁ ଫାଇଲ୍ କରାଯିବ।
ପ୍ରଶ୍ନ 8:
କେତେବେଳେ ଫର୍ମ 10BB (ମୂଲ୍ୟାୟନ ବର୍ଷ 2023-24 ଠାରୁ) ଫାଇଲିଂ ସମ୍ପୂର୍ଣ୍ଣ ହେଲା ବୋଲି ବିବେଚନା କରାଯାଏ?
ସମାଧାନ:
ଫର୍ମ ଫାଇଲିଂ କେବଳ ସେତେବେଳେ ସମ୍ପୂର୍ଣ୍ଣ ହେବ ବୋଲି ବିବେଚନା କରାଯିବ ଯେତେବେଳେ କରଦାତା CAଙ୍କ ଦ୍ୱାରା ଅପ୍ଲୋଡ୍ ହୋଇଥିବା ଫର୍ମକୁ ସ୍ବୀକାର କରନ୍ତି ଏବଂ ଇ-ଫାଇଲିଂ ପୋର୍ଟାଲରେ ପଞ୍ଜୀକୃତ ସକ୍ରିୟ DSC କିମ୍ବା EVC ସହିତ ସତ୍ୟାପନ କରନ୍ତି।
ପ୍ରଶ୍ନ 9:
ଫର୍ମ 10BB (ମୂଲ୍ୟାୟନ ବର୍ଷ 2023-24 ଠାରୁ) ପାଇଁ ସତ୍ୟାପନର କେଉଁ ପଦ୍ଧତି ଉପଲବ୍ଧ?
ସମାଧାନ:
ଫର୍ମ 10BB (ମୂଲ୍ୟାୟନ ବର୍ଷ 2023-24 ଠାରୁ) ପାଇଁ ସତ୍ୟାପନର ପଦ୍ଧତି:
- CA ମାନଙ୍କ ପାଇଁ, ଫର୍ମ ଅପ୍ଲୋଡ୍ ପାଇଁ କେବଳ DSC ବିକଳ୍ପ ଉପଲବ୍ଧ।
- କମ୍ପାନୀ ବ୍ୟତୀତ କରଦାତା (ଅଡିଟି)ଙ୍କ ପାଇଁ CAଙ୍କ ଦ୍ୱାରା ଅପ୍ଲୋଡ୍ ହୋଇଥିବା ଫର୍ମକୁ ସ୍ବୀକାର କରିବା ପାଇଁ ଉଭୟ DSC ଏବଂ EVC ବିକଳ୍ପ ଉପଲବ୍ଧ।
- କମ୍ପାନୀଗୁଡିକ ପାଇଁ, CAଙ୍କ ଦ୍ୱାରା ଅପଲୋଡ୍ ହୋଇଥିବା ଫର୍ମକୁ ଗ୍ରହଣ କରିବା ପାଇଁ କେବଳ DSC ବିକଳ୍ପ ଉପଲବ୍ଧ ।
ପ୍ରଶ୍ନ 10:
ମୁଁ ଗତବର୍ଷ ଫର୍ମ 10BB ଫାଇଲ୍ କରିଥିଲି। ମୂଲ୍ୟାୟନ ବର୍ଷ .2023-24 କିମ୍ବା ପରବର୍ତ୍ତୀ ମୂଲ୍ୟାୟନ ବର୍ଷ ପାଇଁ କେଉଁ ଫର୍ମ, 10B କିମ୍ବା 10BB ଫାଇଲ୍ କରିବାକୁ ପଡିବ?
ସମାଧାନ:
ଆୟକର ସଂଶୋଧନ (ତୃତୀୟ ସଂଶୋଧନ) ନିୟମାବଳୀ ,2023 ନିୟମ 16CC ଏବଂ ନିୟମ 17B ରେ ସଂଶୋଧନ କରିଛି। ପୂର୍ବ ମୂଲ୍ୟାୟନ ବର୍ଷରେ ଫାଇଲ୍ ହୋଇଥିବା ଫର୍ମ ନିର୍ବିଶେଷରେ, ମୂଲ୍ୟାୟନ ବର୍ଷ 2023-24 ଠାରୁ ଫର୍ମ 10B ଏବଂ 10BB ର ପ୍ରଯୋଜ୍ୟତା ସଂଶୋଧିତ ନିୟମ 16CC ଏବଂ ନିୟମ 17B ଉପରେ ଆଧାର କରି ନିଷ୍ପତ୍ତି ନିଆଯିବ।
ପ୍ରଶ୍ନ 11:
“ ବିବରଣୀ ଯୋଡନ୍ତୁ” ବିକଳ୍ପ ଏବଂ “CSV ଅପ୍ଲୋଡ୍ କରନ୍ତୁ” ଉଭୟ ବିକଳ୍ପ ସହିତ ସାରଣୀ ଥିବା କାର୍ଯ୍ୟସୂଚୀ ପାଇଁ ରେକର୍ଡଗୁଡିକ କିପରି ପ୍ରଦାନ କରାଯିବ?
ସମାଧାନ:
କ୍ରମିକ ସଂଖ୍ୟା 23(vii) , କ୍ରମିକ ସଂଖ୍ୟା 23 (viii) ଏବଂ କ୍ରମିକ ସଂଖ୍ୟା 32 ର ସମସ୍ତ କାର୍ଯ୍ୟସୂଚୀ ପାଇଁ ଦୟାକରି ନିମ୍ନଲିଖିତ ବିଷୟ ପ୍ରତି ଧ୍ୟାନ ଦିଅନ୍ତୁ:-
- 50 ପର୍ଯ୍ୟନ୍ତ ରେକର୍ଡ ସଂଖ୍ୟା ପାଇଁ: ସାରଣୀ କିମ୍ବା CSV ବିକଳ୍ପ ମଧ୍ୟରୁ ଯେକୌଣସିଟି ବ୍ୟବହାର କରାଯାଇପାରିବ। ଉଭୟ କ୍ଷେତ୍ରରେ ତଥ୍ୟ ସାରଣୀରେ ପ୍ରତିଫଳିତ ହେବ।
- 50 ରୁ ଅଧିକ ରେକର୍ଡ ପାଇଁ: କେବଳ CSV ବିକଳ୍ପ ବ୍ୟବହାର କରାଯାଇପାରିବ। ଏହି ତଥ୍ୟ କେବଳ CSV ସଂଲଗ୍ନକ ଭାବରେ ଦେଖାଯିବ।
- CSV ଅପ୍ଲୋଡ୍ କରନ୍ତୁ ବିକଳ୍ପ ବ୍ୟବହାର କରିବା ସମୟରେ, ନିମ୍ନଲିଖିତ ପଦକ୍ଷେପଗୁଡିକ ଅନୁସରଣ କରିବାକୁ ହେବ :-
“ଏକ୍ସେଲ ଟେମ୍ପଲେଟ୍ ଡାଉନଲୋଡ୍ କରନ୍ତୁ à ରେକର୍ଡ ଯୋଡ଼ନ୍ତୁ à ଏକ୍ସେଲ ଟେମ୍ପଲେଟ୍କୁ .csv ଫାଇଲକୁ ରୂପାନ୍ତର କରନ୍ତୁ à .csv ଫାଇଲ୍ ଅପ୍ଲୋଡ୍ କରନ୍ତୁ
- ଯେତେବେଳେ ଏକ CSV ଫାଇଲ୍ ଅପ୍ଲୋଡ୍ ହୁଏ, ଏହା ବିଦ୍ୟମାନ ରେକର୍ଡ / ତଥ୍ୟକୁ ଓଭର୍ଲାପ୍ କରିବ, ଯଦି କିଛି ଥାଏ। ପୁରୁଣା ରେକର୍ଡଗୁଡିକ ବିଲୋପ ହୋଇଯିବ ଏବଂ ସର୍ବଶେଷ CSV ମାଧ୍ୟମରେ ଅପ୍ଲୋଡ୍ ହୋଇଥିବା ରେକର୍ଡଗୁଡିକ ପ୍ରଚଳିତ ହେବ।
ପ୍ରଶ୍ନ 12:
ଫର୍ମ 10BB (ମୂଲ୍ୟାୟନ ବର୍ଷ .2023 - 24 ଠାରୁ) ସଂଶୋଧିତ ହୋଇପାରିବ କି?
ସମାଧାନ:
ହଁ, ଫାଇଲ୍ ହୋଇଥିବା ଫର୍ମ 10BB ପାଇଁ ପରିଶୋଧନ ବିକଳ୍ପ ଉପଲବ୍ଧ ।
ପ୍ରଶ୍ନ 13:
ଫର୍ମ ପୂରଣ ପାଇଁ କୌଣସି ନିର୍ଦ୍ଦେଶ କିମ୍ବା ମାର୍ଗଦର୍ଶନ ଉପଲବ୍ଧ ଅଛି କି?
ସମାଧାନ:
ହଁ, ଥରେ CA କାର୍ଯ୍ୟଭାର ଗ୍ରହଣ କଲେ ଏବଂ ତାଙ୍କ ARCA ଲଗ୍ଇନ୍ ଅଧୀନରେ ଫର୍ମ ପୂରଣ ଆରମ୍ଭ କଲାମାତ୍ରେ, ସେ ଏକ ଅନୁଦେଶ ଫାଇଲ୍ ଡାଉନଲୋଡ୍ କରିବାକୁ ସକ୍ଷମ ହେବେ, ଯାହା ସ୍କ୍ରିନ୍ର ଶୀର୍ଷରେ ଉପଲବ୍ଧ ଯେଉଁଠାରେ ଫର୍ମ 10BB (ମୂଲ୍ୟାୟନ ବର୍ଷ 2023-24 ଠାରୁ) ପ୍ୟାନେଲ୍ ପ୍ରଦାନ କରାଯାଇଛି।
ଉଲ୍ଲେଖିତ ଲିଙ୍କ୍ ଉପରେ କ୍ଲିକ୍ କରି ଅନୁଦେଶ ଫାଇଲ୍ ଡାଉନଲୋଡ୍ କରାଯାଇପାରିବ।
ପ୍ରଶ୍ନ 14:
ଫର୍ମ ଫାଇଲ୍ କରିବା ସମୟରେ କୌଣସି ସଂଲଗ୍ନକ ଆବଶ୍ୟକ କି?
ସମାଧାନ:
ହଁ, ଫର୍ମର “ସଂଲଗ୍ନକ” ପ୍ୟାନେଲ୍ ଅଧୀନରେ ନିମ୍ନଲିଖିତ ସଂଲଗ୍ନକଗୁଡିକ ସଂଲଗ୍ନ କରିବା ଅନିବାର୍ଯ୍ୟ ଅଟେ -
- ଆୟ ଏବଂ ବ୍ୟୟ ହିସାବ/ ଲାଭ ଏବଂ କ୍ଷତି ହିସାବ
- ବିତ୍ତୀୟ ସ୍ଥିତି ବିବରଣୀ
ସେଠାରେ ଏକ ବୈକଳ୍ପିକ ସଂଲଗ୍ନକ ବିକଳ୍ପ ଅଛି ଏବଂ ଯାହାର ନାମ " ବିବିଧ ସଂଲଗ୍ନକ", ଯେଉଁଠାରେ ଅନ୍ୟ ଯେକୌଣସି ପ୍ରାସଙ୍ଗିକ ଦସ୍ତାବିଜ ସଂଲଗ୍ନ କରାଯାଇପାରେ।
ଦୟାକରି ଧ୍ୟାନ ଦିଅନ୍ତୁ ଯେ ପ୍ରତ୍ୟେକ ସଂଲଗ୍ନକର ଆକାର 5MBରୁ ଅଧିକ ହେବ ନାହିଁ। ସମସ୍ତ ସଂଲଗ୍ନକଗୁଡ଼ିକ କେବଳ PDF /ZIP ଫର୍ମାଟରେ ରହିବା ଉଚିତ୍ ଏବଂ ZIP ଫାଇଲ୍ରେ ଥିବା ସମସ୍ତ ଫାଇଲଗୁଡ଼ିକ କେବଳ PDF ଫର୍ମାଟରେ ରହିବା ଉଚିତ୍।
ପ୍ରଶ୍ନ 15:
ଫର୍ମ 10BB (ମୂଲ୍ୟାୟନ ବର୍ଷ .2023-24 ଠାରୁ) ଫାଇଲ୍ କରିବା ପରେ ଫାଇଲ୍ ହୋଇଥିବା ଫର୍ମ ବିବରଣୀକୁ କେଉଁଠାରେ ଦେଖିହେବ?
ସମାଧାନ:
ଫାଇଲ୍ ହୋଇଥିବା ଫର୍ମ ବିବରଣୀ CA ଏବଂ କରଦାତାଙ୍କ ଲଗଇନ୍ ଅଧୀନରେ ଇ-ଫାଇଲ୍ ଟ୍ୟାବ୍---> ଆୟକର ଫର୍ମ ---> ଫାଇଲ୍ ହୋଇଥିବା ଫର୍ମ୍ ଦେଖନ୍ତୁ ଅଧିନରେ ଦେଖିପାରିବେ।
ପ୍ରଶ୍ନ 16:
ମୁଁ କିପରି ଫର୍ମ 10BB (ମୂଲ୍ୟାୟନ ବର୍ଷ .2023 - 24 ପରବର୍ତ୍ତୀ)ର ଅଫ୍ଲାଇନ୍ ଉପଯୋଗିତାକୁ ଡାଉନ୍ଲୋଡ୍ କରିପାରିବି?
ସମାଧାନ:
ହୋମ୍କୁ ଯାଆନ୍ତୁ | ଆୟକର ବିଭାଗ -----> ଡାଉନଲୋଡ୍କୁ ଯାଆନ୍ତୁ------> ଆୟକର ଫର୍ମ-------> ଫର୍ମ 10BB (ମୂଲ୍ୟାୟନ ବର୍ଷ.2023-24 ଠାରୁ) -----> ଫର୍ମ ଉପଯୋଗିତା।
ବୈକଳ୍ପିକ ଭାବରେ, ଫର୍ମ ଅପ୍ଲୋଡ୍ କରିବା ସମୟରେ ଅଫ୍ଲାଇନ୍ ଫାଇଲିଂ ବିକଳ୍ପ ଅଧୀନରେ ଡାଉନ୍ଲୋଡ୍ ବଟନ୍ ଉପରେ କ୍ଲିକ୍ କରି CA ଏହି ପାଥ୍କୁ ଆକ୍ସେସ୍ କରିପାରିବେ।
ଧ୍ୟାନ ଦିଅନ୍ତୁ: ଦୟାକରି ନିଶ୍ଚିତ କରନ୍ତୁ ଯେ ଆପଣ ସର୍ବଦା ଇ-ଫାଇଲିଂ ପୋର୍ଟାଲରେ ଉପଲବ୍ଧ ଉପଯୋଗିତାର ସର୍ବଶେଷ ସଂସ୍କରଣକୁ ବ୍ୟବହାର କରୁଛନ୍ତି।
ପ୍ରଶ୍ନ 17:
10BB (ମୂଲ୍ୟାୟନ ବର୍ଷ 2023-24 ଠାରୁ) ଫର୍ମ ERIs ଅର୍ଥାତ୍ ତୃତୀୟ ପକ୍ଷ ସଫ୍ଟୱେୟାର ମାଧ୍ୟମରେ ଦାଖଲ କରାଯାଇପାରିବ କି?
ସମାଧାନ:
ହଁ, “ଅଫଲାଇନ୍” ଫାଇଲିଂ ପଦ୍ଧତ୍ତି ବ୍ୟବହାର କରି ମଧ୍ୟ ଏହି ଫର୍ମ ERIs ମାଧ୍ୟମରେ ଫାଇଲ୍ କରାଯାଇପାରିବ।
ପ୍ରଶ୍ନ 18:
ଯଦି ମୋର ଆୟ ମୌଳିକ ଛାଡ ସୀମାଠାରୁ କମ୍ ତେବେ ଫର୍ମ 10BB ଫାଇଲ୍ କରିବା ଆବଶ୍ୟକ କି?
ସମାଧାନ:
ଦୟାକରି ଫର୍ମ 10BB ର ପ୍ରଯୋଜ୍ୟତା ପାଇଁ ଆୟକର ନିୟମାବଳୀ 1962 ର ନିୟମ 16CC ଏବଂ ନିୟମ 17B ସହିତ ପଠିତ ଆୟକର ଅଧିନିୟମ, 1961 ର ଧାରା 10 ର ଖଣ୍ଡ (23C) ର ଦଶମ ବିଧାନର ଖଣ୍ଡ (b) ଏବଂ ଧାରା 12A(1) ର ଖଣ୍ଡ (b) ର ଉପଖଣ୍ଡ (ii) ର ପ୍ରାସଙ୍ଗିକ ବ୍ୟବସ୍ଥାକୁ ଅନୁସରଣ କରନ୍ତୁ।
ପ୍ରଶ୍ନ 19:
ଫର୍ମ 10BB ରେ, ଆକାଉଣ୍ଟାଣ୍ଟ ପ୍ୟାନେଲର ରିପୋର୍ଟ ଅଧୀନରେ," ସମିତି/ କମ୍ପାନୀ/ ଅଣ ଲାଭ ସଂଗଠନ/ ଇତ୍ୟାଦି ଚୟନ କରିବାର କୌଣସି ବିକଳ୍ପ ନାହିଁ। ” ମୁଁ କେଉଁ ବିକଳ୍ପକୁ ବାଛିବି?
ସମାଧାନ:
ଫର୍ମ 10BB "ଜଣେ ଆକାଉଣ୍ଟାଣ୍ଟଙ୍କ ରିପୋର୍ଟ" ପ୍ୟାନେଲ - ପାଣ୍ଠି, ଟ୍ରଷ୍ଟ, ଅନୁଷ୍ଠାନ, ବିଶ୍ୱବିଦ୍ୟାଳୟ, ଅନ୍ୟାନ୍ୟ ଶିକ୍ଷାନୁଷ୍ଠାନ, ଡାକ୍ତରଖାନା କିମ୍ବା ଅନ୍ୟାନ୍ୟ ଚିକିତ୍ସା ଅନୁଷ୍ଠାନ ଅଧୀନରେ ଅଡିଟ୍ ବିବରଣୀ ଚୟନ ପାଇଁ ନିମ୍ନଲିଖିତ ବିକଳ୍ପ ପ୍ରଦାନ କରେ।
ଆପଣ ଅଡିଟିଙ୍କ କ୍ଷେତ୍ରରେ ସଂଗଠନର ପ୍ରକାର ଆଧାରରେ ଉପଯୁକ୍ତ ବିକଳ୍ପ ଚୟନ କରିପାରିବେ ଯାହା ପାଇଁ ଅସ୍ଥାୟୀ / ଚୂଡ଼ାନ୍ତ ପଞ୍ଜୀକରଣ ମଞ୍ଜୁର କରାଯାଇଥିଲା କିମ୍ବା ସଂଗଠନ କିମ୍ବା ଅନ୍ୟ କୌଣସି ପ୍ରାସଙ୍ଗିକ କାରକ ଦ୍ୱାରା କରାଯାଇଥିବା କାର୍ଯ୍ୟକଳାପର ପ୍ରକୃତି ଅନୁଯାୟୀ ଯାହାକୁ ଆଧାର ଭାବରେ ନିଆଯାଇପାରେ।
ପ୍ରଶ୍ନ 20:
"ଦାଖଲ ହେବାରେ ବିଫଳ' ଜନିତ ତ୍ରୁଟି ପାଇଁ ମୁଁ ସନ୍ଦେଶ ପାଉଛି
କିମ୍ବା
ଦାଖଲ ଜନିତ ତ୍ରୁଟି ହୋଇଛି, ଯେଉଁଠାରେ ତ୍ରୁଟି ଦେଖାଉଛି ଯେ "ଦୟାକରି ନିମ୍ନଲିଖିତ ସମସ୍ୟାକୁ ସମାଧାନ କରନ୍ତୁ ଏବଂ ପୁନର୍ବାର ଦାଖଲ କରିବାକୁ ଚେଷ୍ଟା କରନ୍ତୁ : ସଂପୂର୍ଣ୍ଣ ନାମ ପାଇଁ ଅବୈଧ ଫର୍ମାଟ୍, ଅବୈଧ ଫ୍ଲାଗ୍, ଅବୈଧ ଇନପୁଟ୍, ଦୟାକରି ଏକ ବୈଧ ପ୍ରତିଶତ ପ୍ରବେଶ କରନ୍ତୁ, ଅବୈଧ ଫ୍ଲାଟ୍, ଅବୈଧ ଠିକଣା, ଲାଇନ୍, ଦୟାକରି ବୈଧ ପିନ୍ କୋଡ୍ ପ୍ରବେଶ କରନ୍ତୁ"। ଏବେ ମୁଁ କ'ଣ କରିବା ଉଚିତ୍?
ସମାଧାନ:
ଦୟାକରି ନିଶ୍ଚିତ କରନ୍ତୁ ଯେ ପ୍ରମୁଖ ବ୍ୟକ୍ତିଙ୍କ ବିବରଣୀ ସହିତ ସମସ୍ତ ବାଧ୍ୟତାମୂଳକ କ୍ଷେତ୍ର ପାଇଁ କରଦାତା ଏବଂ ଚାର୍ଟାର୍ଡ ଆକାଉଣ୍ଟାଣ୍ଟଙ୍କ ପ୍ରୋଫାଇଲ୍ ସମ୍ପୂର୍ଣ୍ଣ ହୋଇଛି। ସମ୍ପୂର୍ଣ୍ଣ ହେବା ପରେ, ପୁରୁଣା ଡ୍ରାଫ୍ଟକୁ ଅପସାରଣ କରନ୍ତୁ ଏବଂ ନୂତନ ଫର୍ମ ଫାଇଲ୍ କରିବାକୁ ପୁନଃ ଚେଷ୍ଟା କରନ୍ତୁ।
ପ୍ରଶ୍ନ 21:
ଧାରା 13(3)ରେ ଉଲ୍ଲେଖ କରାଯାଇଥିବା ନିର୍ଦ୍ଦିଷ୍ଟ ବ୍ୟକ୍ତିଙ୍କ ସବିଶେଷ ବିବରଣୀ ଫର୍ମ 10BBର କ୍ରମ ସଂଖ୍ୟା 28 ରେ ପ୍ରଦାନ କରାଯିବା ବାଧ୍ୟତାମୂଳକ କି, ଯଦିଓ ଧାରା 13ର ଉପ-ଧାରା (2) କିମ୍ବା ଉପ-ଧାରା (1) ର ଖଣ୍ଡ(C) ରେ ଉଲ୍ଲେଖ କରାଯାଇଥିବା ସର୍ତ୍ତ/ମାନଦଣ୍ଡ ପ୍ରଯୋଜ୍ୟ ନୁହେଁ?
ସମାଧାନ:
କ୍ରମ ସଂଖ୍ୟା 28 ରେ ନିର୍ଦ୍ଦିଷ୍ଟ ବ୍ୟକ୍ତିଙ୍କ ଆବଶ୍ୟକୀୟ ବିବରଣୀ ପ୍ରଦାନ କରିବା ବାଧ୍ୟତାମୂଳକ ଅଟେ। ଆପଣ ପରିପତ୍ର ସଂଖ୍ୟା 17/2023 ଦିନାଙ୍କିତ 9 ଅକ୍ଟୋବର 2023କୁ ଅନୁସରଣ କରିପାରିବେ ଏବଂ ଉପଲବ୍ଧ ଅନୁଯାୟୀ, ବ୍ୟକ୍ତିମାନଙ୍କ ବିବରଣୀ ପ୍ରଦାନ କରିପାରିବେ।
ପ୍ରଶ୍ନ 22:
ମୂଲ୍ୟାୟନ ବର୍ଷ 2023-24 ପାଇଁ ଫର୍ମ 10BB ନିମନ୍ତେ UDIN କିପରି ସୃଷ୍ଟି କରାଯିବ?
ସମାଧାନ:
ମୂଲ୍ୟାୟନ ବର୍ଷ 2023-24 ଠାରୁ ପ୍ରଯୋଜ୍ୟ, ପୁନଃ ଅଧିସୂଚିତ ଫର୍ମ 10BB ପାଇଁ, UDIN ପୋର୍ଟାଲରେ ଫର୍ମ ନାମ "ଫର୍ମ 10BB- ଧାରା 10(23C)(b) (iv)/(v)/(vi)/(via) ର ଦଶମ ବିଧାନ ଏବଂ ଧାରା 12A(1)(b)(ii)” ଚୟନ କରି UDIN ସୃଷ୍ଟି କରାଯାଇପାରିବ।
