1. ମୁଁ କାହିଁକି ଇ-ସତ୍ୟାପନ କରିବା ଆବଶ୍ୟକ?
ରିଟର୍ଣ୍ଣ ଫାଇଲ୍ କରିବା ପ୍ରକ୍ରିୟା ସଂପୂର୍ଣ୍ଣ କରିବା ପାଇଁ ଆପଣଙ୍କୁ ଆୟକର ରିଟର୍ଣ୍ଣର ସତ୍ୟାପନ କରିବାକୁ ହେବ। ନିର୍ଦ୍ଦିଷ୍ଟ ସମୟ ମଧ୍ୟରେ ସତ୍ୟାପନ ବିନା, ଏକ ITR ଅବୈଧ ବୋଲି ବିବେଚିତ ହୁଏ। ଇ-ସତ୍ୟାପନ ହେଉଛି ଆପଣଙ୍କର ITR ସତ୍ୟାପନ କରିବାର ସବୁଠାରୁ ସୁବିଧାଜନକ ଏବଂ ତ୍ୱରିତ ଉପାୟ।

ସମ୍ପୃକ୍ତ ପ୍ରକ୍ରିୟାଗୁଡ଼ିକୁ ସଫଳତାର ସହିତ ସଂପୂର୍ଣ୍ଣ କରିବା ପାଇଁ ଆପଣ ଅନ୍ୟାନ୍ୟ ଅନୁରୋଧ / ପ୍ରତିକ୍ରିୟା / ସେବାଗୁଡ଼ିକୁ ଇ-ସତ୍ୟାପନ କରିପାରିବେ, ଯାହା ଏହିସବୁର ସତ୍ୟାପନ ଅନ୍ତର୍ଭୁକ୍ତ କରେ:

• ଆୟକର ଫର୍ମ (ଅନଲାଇନ୍ ପୋର୍ଟାଲ୍ / ଅଫଲାଇନ୍ ଉପଯୋଗିତା ମାଧ୍ୟମରେ)
• ଇ-କାର୍ଯ୍ୟ ପ୍ରକ୍ରିୟାଗୁଡ଼ିକ
• ରିଫଣ୍ଡ ପୁନଃ ଜାରି ପାଇଁ ଅନୁରୋଧ
• ସଂଶୋଧନ ଅନୁରୋଧ
• ଧାର୍ଯ୍ୟ ତାରିଖ ପରେ ବିଳମ୍ବରେ  ITR ଫାଇଲ୍‍ କରିବା ପାଇଁ କ୍ଷମାପ୍ରାର୍ଥନା
• ସେବା ଅନୁରୋଧଗୁଡ଼ିକ [ERIମାନଙ୍କ ଦ୍ୱାରା ଦାଖଲ ହୋ‍ଇଥିବା]
• ITRର ସମୂହ ଅପଲୋଡ୍ କରିବା (ERIମାନଙ୍କ ଦ୍ୱାରା)

2. କେଉଁ ଭିନ୍ନ ଭିନ୍ନ ଉପାୟରେ ମୁଁ ମୋର ରିଟର୍ଣ୍ଣଗୁଡ଼ିକର ଇ-ସତ୍ୟାପନ କରିପାରିବି?
ଆପଣ ଏଗୁଡ଼ିକ ବ୍ୟବହାର କରି ଅନ୍‌ଲାଇନ୍‌ରେ ଆପଣଙ୍କ ରିଟର୍ଣ୍ଣଗୁଡିକର ଇ-ସତ୍ୟାପନ କରିପାରିବେ:

• ଆଧାର ସହିତ ପଞ୍ଜୀକୃତ ମୋବାଇଲ୍ ନମ୍ବରରେ OTP, କିମ୍ବା
• ଆପଣଙ୍କର ପ୍ରାକ୍‌-ବୈଧିକୃତ ବ୍ୟାଙ୍କ ଆକାଉଣ୍ଟ ମାଧ୍ୟମରେ ଜେନେରେଟ୍‍ ହୋ‍ଇଥିବା EVC, କିମ୍ବା
• ଆପଣଙ୍କର ପ୍ରାକ୍‌-ବୈଧିକୃତ ଡିମାଟ୍‍ ଆକାଉଣ୍ଟ ମାଧ୍ୟମରେ ଜେନେରେଟ୍‍ ହୋ‍ଇଥିବା EVC, କିମ୍ବା
• ATM ମାଧ୍ୟମରେ EVC [ଅଫ୍‌ଲାଇନ୍‍ ପଦ୍ଧତି], କିମ୍ବା
• ନେଟ୍‍ ବ୍ୟାଙ୍କିଙ୍ଗ୍‍, କିମ୍ବା
• ଡିଜିଟାଲ୍ ସ୍ୱାକ୍ଷର ପ୍ରମାଣପତ୍ର (DSC)।

3. ମୁଁ 120 ଦିନରୁ ଅଧିକ ପୂର୍ବରୁ ମୋର ରିଟର୍ଣ୍ଣ ଦାଖଲ କରିଛି। ମୁଁ ତଥାପି ଅନ୍‌ଲାଇନ୍‌ରେ ମୋର ରିଟର୍ଣ୍ଣ ସତ୍ୟାପନ କରିପାରିବି କି?
ହଁ। ଉପଯୁକ୍ତ କାରଣ ପ୍ରଦାନ କରି ଆପଣଙ୍କୁ ବିଳମ୍ବ ପାଇଁ କ୍ଷମା ପ୍ରାର୍ଥନା ଅନୁରୋଧ (ସେବା ଅନୁରୋଧ  ଉପଭୋକ୍ତା ମାନୁଆଲ୍ ଦେଖନ୍ତୁ) ଦାଖଲ କରିବାକୁ ପଡିବ। କିନ୍ତୁ ଆୟକର ବିଭାଗ ଦ୍ୱାରା କ୍ଷମାପ୍ରାର୍ଥନା ଅନୁରୋଧ ଅନୁମୋଦନ ପରେ ହିଁ ରିଟର୍ଣ୍ଣ ସତ୍ୟାପିତ ହୋଇଥିବା ଭାବରେ ବିବେଚିତ ହେବ।

4. ମୋ ତରଫରୁ ଜଣେ ପ୍ରାଧିକୃତ ସ୍ୱାକ୍ଷରକାରୀ / ପ୍ରତିନିଧି କରଦାତା ରିଟର୍ଣ୍ଣ ଇ-ସତ୍ୟାପନ କରିପାରିବେ କି?
ହଁ। ନିମ୍ନଲିଖିତ ପଦ୍ଧତିଗୁଡ଼ିକ ମଧ୍ୟରୁ ଯେ କୌଣସି ଗୋଟିଏ ବ୍ୟବହାର କରି କରଦାତାଙ୍କ ତରଫରୁ ଜଣେ ପ୍ରାଧିକୃତ ସ୍ୱାକ୍ଷରକାରୀ / ପ୍ରତିନିଧି କରଦାତା ରିଟର୍ଣ୍ଣ ଇ-ସତ୍ୟାପନ କରିପାରିବେ:

• ଆଧାର OTP:  ଅଧିକୃତ ସ୍ୱାକ୍ଷରକାରୀ/ ପ୍ରତିନିଧି କରଦାତାଙ୍କ ଆଧାର ସହିତ ପଞ୍ଜୀକୃତ ମୋବାଇଲ ନମ୍ବରକୁ OTP ପଠାଯିବ।
• ନେଟ୍ ବ୍ୟାଙ୍କିଙ୍ଗ୍: ନେଟ୍ ବ୍ୟଙ୍କିଙ୍ଗ୍ ଦ୍ୱାରା ପ୍ରସ୍ତୁତ ହୋଇଥିବା EVCକୁ ଇ-ଫାଇଲିଂ ପୋର୍ଟାଲରେ ପଞ୍ଜୀକୃତ ହୋଇଥିବା ଅଧିକୃତ ସ୍ୱାକ୍ଷରକାରୀଙ୍କ / ପ୍ରତିନିଧୀ କରଦାତାଙ୍କ ମୋବାଇଲ୍ ନମ୍ବର ଏବଂ ଇମେଲ୍ IDକୁ ପଠାଯିବ।
• ବ୍ୟାଙ୍କ ଆକାଉଣ୍ଟ / ଡିମାଟ୍ ଆକାଉଣ୍ଟ EVC: ପ୍ରାକ୍‌-ବୈଧିକୃତ ଏବଂ EVC-ସକ୍ଷମ ବ୍ୟାଙ୍କ ଆକାଉଣ୍ଟ / ଡିମାଟ୍ ଆକାଉଣ୍ଟ ମାଧ୍ୟମରେ ପ୍ରସ୍ତୁତ ହୋଇଥିବା EVC ଅଧିକୃତ ସ୍ୱାକ୍ଷରକାରୀଙ୍କ/ପ୍ରତିନିଧୀ କରଦାତାଙ୍କ ମୋବାଇଲ୍ ନମ୍ବର ଏବଂ ଇ-ଫାଇଲିଂ ପୋର୍ଟାଲରେ ପଞ୍ଜୀକୃତ ଇମେଲ୍ IDକୁ ପଠାଯିବ।

5. ମୋର ଇ-ସତ୍ୟାପନ ସମ୍ପୂର୍ଣ୍ଣ ହୋଇଛି ଏହା ମୁଁ କିପରି ଜାଣିବି?
ଯଦି ଆପଣ ନିଜ ରିଟର୍ଣ୍ଣକୁ ଇ-ସତ୍ୟାପନ କରୁଥାନ୍ତି:

• ଏକ ବିନିମୟ ID ସହିତ ଏକ ସଫଳତା ସନ୍ଦେଶ ପ୍ରଦର୍ଶିତ ହେବ
• ଇ-ଫାଇଲିଂ ପୋର୍ଟାଲ୍‌ରେ ପଞ୍ଜୀକୃତ ହୋଇଥିବା ଆପଣଙ୍କର ଇମେଲ୍ IDକୁ ଏକ ଇମେଲ୍ ପଠାଯିବ

ଯଦି ଆପଣ ଜଣେ ପ୍ରାଧିକୃତ ସ୍ୱାକ୍ଷରକାରୀ / ପ୍ରତିନିଧି କରଦାତା ହୋ‍ଇଥା’ନ୍ତି:

• ଏକ ବିନିମୟ ID ସହିତ ଏକ ସଫଳତା ସନ୍ଦେଶ ପ୍ରଦର୍ଶିତ ହେବ
• ସଫଳତାର ସହିତ ସତ୍ୟାପନ ପରେ, ଉଭୟ ପ୍ରାଧିକୃତ ସ୍ୱାକ୍ଷରକାରୀ / ପ୍ରତିନିଧି କରଦାତାଙ୍କ ପ୍ରାଥମିକ ଇମେଲ୍ ID ଏବଂ ଇ-ଫାଇଲିଂ ପୋର୍ଟାଲ୍‌ରେ ପଞ୍ଜୀକୃତ ହୋଇଥିବା ଆପଣଙ୍କର ଇମେଲ୍ IDକୁ ଏକ ଇମେଲ୍ ନିଶ୍ଚିତକରଣ ପଠାଯିବ।

6. ମୁଁ କେତେବେଳେ ବିଳମ୍ବର କ୍ଷମାପ୍ରାର୍ଥନା ପାଇଁ ଫାଇଲ୍ / ଆବେଦନ କରିବା ଆବଶ୍ୟକ?
ଏହା ପରାମର୍ଶ ଦିଆଯାଉଛି ଯେ, ଦାଖଲ କରିବାର 120 / 30 ଦିନ ପରେ ମଧ୍ୟ ଯଦି ଆପଣଙ୍କର ରିଟର୍ଣ୍ଣର ସତ୍ୟାପନ ହୋଇନଥିବା ଆପଣଙ୍କ ନଜରକୁ ଆସୁଛି ତେବେ ତୁରନ୍ତ କ୍ଷମା ପ୍ରାର୍ଥନ ଅନୁରୋଧ ଦାଖଲ କରନ୍ତୁ।

ଗୁରୁତ୍ୱପୂର୍ଣ୍ଣ ଟିପ୍ପଣୀ:

ଦୟାକରି ଧ୍ୟାନ ଦିଅନ୍ତୁ ଯେ, 01/08/2022ରୁ କାର୍ଯ୍ୟକାରୀ ହେଉଥିବା ବିଜ୍ଞପ୍ତି ସଂ 5/2022, ଦିନାଙ୍କିତ 29.07.2022 ଅନୁସାରେ ଇ-ସତ୍ୟାପନ କିମ୍ବା ITR-V ଦାଖଲ ପାଇଁ ସମୟ ସୀମା ଆୟର ରିଟର୍ଣ୍ଣ ଫାଇଲ୍‌ କରିବାର ତାରିଖଠାରୁ 30 ଦିନ ହେବ।

ତଥାପି, ଯେଉଁଠାରେ ରିଟର୍ଣ୍ଣ 31.07.2022ରେ କିମ୍ବା ତା'ପୂର୍ବରୁ ଫାଇଲ୍ କରାଯାଇଛି ସେଠାରେ 120 ଦିନର ପୂର୍ବ ସମୟ ସୀମା ଜାରି ରହିବ।

7. ମୋର ପଞ୍ଜୀକୃତ ମୋବାଇଲ୍ ନମ୍ବର ଆଧାର ସହିତ ଅପଡେଟ୍‌ ହୋଇନାହିଁ, ମୁଁ କ’ଣ ତଥାପି ଆଧାର OTP ବ୍ୟବହାର କରି ମୋର ରିଟର୍ନକୁ ଇ-ସତ୍ୟାପନ କରିପାରିବି?
ନା। ଆଧାର OTP ବ୍ୟବହାର କରି ଆପଣଙ୍କର ରିଟର୍ଣ୍ଣ ଇ-ସତ୍ୟାପନ କରିବା ପାଇଁ ଆପଣଙ୍କୁ ନିଜ ମୋବାଇଲ ନମ୍ବରକୁ ଆଧାର ସହିତ ଅପଡେଟ୍‌ କରିବା ଆବଶ୍ୟକ।

8. ମୋର ଡିମାଟ୍ ଆକାଉଣ୍ଟ / ବ୍ୟାଙ୍କ ଆକାଉଣ୍ଟ ନିଷ୍କ୍ରିୟ ରହିଛି, ମୁଁ ଏହି ଆକାଉଣ୍ଟ ଜରିଆରେ ମୋର ରିଟର୍ଣ୍ଣ ଇ-ସତ୍ୟାପନ କରିପାରିବି କି?
ନା। ଆପଣଙ୍କ ପାଖରେ ଏକ ସକ୍ରିୟ ଡିମାଟ୍ ଆକାଉଣ୍ଟ / ବ୍ୟାଙ୍କ ଆକାଉଣ୍ଟ ରହିବା ଆବଶ୍ୟକ ଯାହାକି ଆପଣଙ୍କର ଡିମାଟ୍ ଆକାଉଣ୍ଟ / ବ୍ୟାଙ୍କ ଆକାଉଣ୍ଟ ବ୍ୟବହାର କରି ଆପଣଙ୍କ ରିଟର୍ଣ୍ଣକୁ ଇ-ସତ୍ୟାପନ କରିବା ପାଇଁ ଇ-ଫାଇଲିଂ ପୋର୍ଟାଲ୍‌ରେ ପ୍ରାକ୍‌-ବୈଧିକୃତ ଏବଂ EVC-ସକ୍ଷମ ହୋ‍ଇଥିବା ଆବଶ୍ୟକ।

9. ଇ-ସତ୍ୟାପନରେ ବିଳମ୍ବ କଲେ କୌଣସି ଜୋରିମାନା ଦେବାକୁ ହେବ କି?
ଯଦି ଆପଣ ଠିକ୍‌ ସମୟରେ ସତ୍ୟାପନ ନକରନ୍ତି, ତେବେ ଆପଣଙ୍କର ରିଟର୍ଣ୍ଣ ଫାଇଲ୍‍ ହୋଇନଥିବା ପରି ବିବେଚିତ ହୁଏ ଏବଂ ଏହା ଆୟକର ଅଧିନିୟମ, 1961 ଅଧୀନରେ ITR ଦାଖଲ ନକରିବାର ସମସ୍ତ ପରିଣାମର କାରଣ ହେବ। ତଥାପି, ଆପଣ ଉପଯୁକ୍ତ କାରଣ ଦର୍ଶାଇ ସତ୍ୟାପନରେ ବିଳମ୍ବ ପାଇଁ କ୍ଷମାଦାନ ଅନୁରୋଧ କରିପାରିବେ। ଏପରି ଏକ ଅନୁରୋଧ ଦାଖଲ କରିବା ପରେ ହିଁ ଆପଣ ନିଜ ରିଟର୍ଣ୍ଣ ଇ-ସତ୍ୟାପନ କରିବାରେ ସକ୍ଷମ ହେବେ। ତଥାପି, ଜଣେ ଉପଯୁକ୍ତ ଆୟକର ପ୍ରାଧିକାରୀଙ୍କ ଦ୍ୱାରା କ୍ଷମାଦାନ ଅନୁରୋଧ ଅନୁମୋଦିତ ହେବା ପରେ ହିଁ ରିଟର୍ଣ୍ଣ ବୈଧ ବୋଲି ବିଚାରକୁ ନିଆଯିବ।

10. EVC କ’ଣ?
ଇଲେକ୍ଟ୍ରୋନିକ୍ ଭେରିଫିକେସନ୍ କୋଡ୍ (EVC) ହେଉଛି ଏକ 10-ଅଙ୍କ ବିଶିଷ୍ଟ ଆଲଫା-ନ୍ୟୁମେରିକ୍‍ କୋଡ୍ ଯାହା ଇ-ସତ୍ୟାପନ ସମୟରେ ଇ-ଫାଇଲିଂ ପୋର୍ଟାଲ୍ / ବ୍ୟାଙ୍କ ଆକାଉଣ୍ଟ / ଡିମାଟ୍ ଆକାଉଣ୍ଟରେ ପଞ୍ଜୀକୃତ ହୋ‍ଇଥିବା ଆପଣଙ୍କ ମୋବାଇଲ ନମ୍ବର ଏବଂ ଇମେଲ୍ IDକୁ ପଠାଯାଇଥାଏ (ପରିସ୍ଥିତି ଯାହା ହୋଇପାରେ)। ଏହା ବୈଧତା ଜେନେରେଟ୍‍ ହେବା ସମୟଠାରୁ 72-ଘଣ୍ଟା ପର୍ଯ୍ୟନ୍ତ ରହି ଥାଏ।

11. ITR-V ପ୍ରତ୍ୟାଖ୍ୟାତ ହେଲେ କ’ଣ କରିବାକୁ ହେବ?
ଆପଣ ଆପଣଙ୍କର ଇ-ଫାଇଲିଂ ଡ୍ୟାଶ୍‌ବୋର୍ଡରେ ପ୍ରତ୍ୟାଖ୍ୟାନର କାରଣ ଦେଖିପାରିବେ। ଆପଣ ଅନ୍ୟ ଏକ ITR-V ପଠାଇପାରନ୍ତି କିମ୍ବା ଅନ୍‌ଲାଇନ୍‌ରେ ITR ସତ୍ୟାପନ କରିବାକୁ ବାଛିପାରନ୍ତି।

12. ଇ-ସତ୍ୟାପନର କ’ଣ ସବୁ ଲାଭ ରହିଛି?

• ଆପଣଙ୍କୁ ITR-Vର ଏକ ଭୌତିକ କପି CPC, ବାଙ୍ଗାଲୋରକୁ ପଠାଇବାର ଆବଶ୍ୟକତା ନାହିଁ।
• ଆପଣଙ୍କ ITRର ସତ୍ୟାପନ ତୁରନ୍ତ ହୋ‍ଇଯାଏ, ଯାହା ଆପଣଙ୍କୁ ITR-Vର ସ୍ଥାନାନ୍ତରରେ ବିଳମ୍ବରୁ ରକ୍ଷା କରିଥାଏ।
• ଆପଣ ବିଭିନ୍ନ ପଦ୍ଧତିଗୁଡ଼ିକ ମଧ୍ୟରୁ ଯେ କୌଣସି ଗୋଟିଏ ବ୍ୟବହାର କରି ଇ-ସତ୍ୟାପନ କରିପାରିବେ - ଆଧାର OTP / EVC (ପ୍ରାକ୍‌-ବୈଧିକୃତ ହୋ‍ଇଥିବା ବ୍ୟାଙ୍କ / ଡିମାଟ୍ ଆକାଉଣ୍ଟ ବ୍ୟବହାର କରି) / ନେଟ୍ ବ୍ୟାଙ୍କିଙ୍ଗ୍ / ଡିଜିଟାଲ୍ ସ୍ୱାକ୍ଷର ପ୍ରମାଣପତ୍ର (DSC)।

13. ଆପଣଙ୍କ ରିଟର୍ଣ୍ଣକୁ ଇ-ସତ୍ୟାପନ କରିବା ବାଧ୍ୟତାମୂଳକ କି?
ନା। ଇ-ସତ୍ୟାପନ ହେଉଛି ଆପଣ ଫାଇଲ୍‍ କରିଥିବା ITR ସତ୍ୟାପିତ କରିବାର କେବଳ ଗୋଟିଏ ପଦ୍ଧତି। ଆପଣଙ୍କର ଫାଇଲ୍‍ ହୋଇଥିବା ITR ସତ୍ୟାପନ କରିବାକୁ ଆପଣ ଦୁଇଟି ପଦ୍ଧତି ମଧ୍ୟରୁ ଯେକୌଣସି ଗୋଟିଏ ବାଛିପାରିବେ:

• ଅନ୍‌ଲାଇନ୍‌ରେ ରିଟର୍ଣ୍ଣର ଇ-ସତ୍ୟାପନ କରିବା, କିମ୍ବା
• ଆପଣଙ୍କ ଦ୍ୱାରା ଯଥାର୍ଥ ଭାବରେ ଦସ୍ତଖତ ହୋଇଥିବା ITR-V ର ଏକ ଭୌତିକ ନକଲ CPC, ବାଙ୍ଗାଲୋରକୁ ପଠାଇବା।

14. ମୁଁ ITR ଫାଇଲ୍‍ କରିଛି ଏବଂ ITR-V ର ଏକ ଭୌତିକ ନକଲ CPCକୁ ପଠାଇଛି। ତଥାପି, ମୁଁ CPCରୁ ଏକ ସୂଚନା ପାଇଛି ଯେ ସେମାନେ ITR-V ପାଇ ନାହାଁନ୍ତି ଏବଂ ଫାଇଲ୍‌ କରିବା ତାରିଖ ଠାରୁ 120 / 30 ଦିନ ବିତିଯାଇଛି। ମୁଁ କ'ଣ କରି ପାରିବି?
ଏକ କ୍ଷମାଦାନ ଅନୁରୋଧ ଦାଖଲ କରିବା ପରେ ଆପଣ ନିଜ ITR ଅନ୍‌ଲାଇନ୍‌ରେ ଇ-ସତ୍ୟାପନ କରିପାରିବେ।

15. ଲଗ୍‌ଇନ୍‌ ପୂର୍ବରୁ ଇ-ସତ୍ୟାପନ ଏବଂ ଲଗ୍‌ଇନ୍‌ ପରେ ଇ-ସତ୍ୟାପନ ମଧ୍ୟରେ କ’ଣ ପାର୍ଥକ୍ୟ ରହିଛି?
ଆପଣ ଇ-ଫାଇଲିଂ ପୋର୍ଟାଲ୍‌ରେ ଲଗ୍‍ଇନ୍ କରିବା ପୂର୍ବରୁ କିମ୍ବା ପରେ ଆପଣଙ୍କର ଫାଇଲ୍‍ କରିଥିବା ITR ଇ-ସତ୍ୟାପନ କରିବାକୁ ବାଛିପାରିବେ। ଏକମାତ୍ର ଭିନ୍ନତା ହେଉଛି ଏହା ଯେ ପ୍ରି-ଲଗ୍‌ଇନ୍ ସେବା ବ୍ୟବହାର କରିବା ସମୟରେ, ଆପଣଙ୍କୁ ITR ଇ-ସତ୍ୟାପିତ କରିବା ପୂର୍ବରୁ ଆପଣଙ୍କର ଫାଇଲ୍‍ ହୋଇଥିବା ITR (PAN, ନିର୍ଦ୍ଧାରଣ ବର୍ଷ ଏବଂ ପ୍ରାପ୍ତିଓ୍ୱୀକାର ସଂଖ୍ୟା)ର ବିବରଣୀ ପ୍ରଦାନ କରିବାକୁ ହେବ। ଯଦି ଆପଣ ପୋଷ୍ଟ-ଲଗ୍‌ଇନ୍ ସେବା ବ୍ୟବହାର କରିବାକୁ ଚୟନ କରନ୍ତି, ତେବେ ଆପଣ ITRକୁ ଇ-ସତ୍ୟାପିତ କରିବା ପୂର୍ବରୁ କୌଣସି ବିବରଣୀ ପ୍ରଦାନ କରିବା ପରିବର୍ତ୍ତେ ଫାଇଲ୍‍ ହୋଇଥିବା ITRର ସମ୍ବନ୍ଧିତ ରେକର୍ଡ ବାଛିବାକୁ ସକ୍ଷମ ହେବେ।

16. ଡିଜିଟାଲ୍ ସ୍ୱାକ୍ଷର ପ୍ରମାଣପତ୍ର ବ୍ୟବହାର କରି ମୁଁ ମୋର ITR ଇ-ସତ୍ୟାପନ କରିପାରିବି କି?
ହଁ। DSC ହେଉଛି ଇ-ସତ୍ୟାପନ କରିବାର ବିଭିନ୍ନ ଉପାୟଗୁଡ଼ିକ ମଧ୍ୟରୁ ଗୋଟିଏ। ତଥାପି, ଆପଣ ନିଜର ITR ଫାଇଲ୍‍ କରିବାର ତୁରନ୍ତ ପରେ ଡିଜିଟାଲ୍ ସ୍ୱାକ୍ଷର ପ୍ରମାଣପତ୍ର (DSC) ବ୍ୟବହାର କରି ଇ-ସତ୍ୟାପନ କରିବାକୁ ସକ୍ଷମ ହେବେ।

ଯଦି ଆପଣ ଆୟକର ରିଟର୍ଣ୍ଣ ଦାଖଲ କରିବା ସମୟରେ ପରେ ଇ-ସତ୍ୟାପନ  ବିକଳ୍ପକୁ ଚୟନ କରିଛନ୍ତି ତେବେ ଆପଣ ଇ-ସତ୍ୟାପନ ପାଇଁ DSCକୁ ଏକ ପସନ୍ଦଯୋଗ୍ୟ ବିକଳ୍ପ ଭାବରେ ଚୟନ କରିବାକୁ ସମର୍ଥ ହେବେ ନାହିଁ।