1. ମୋର ITR ସ୍ଥିତି ଯାଞ୍ଚ କରିବା ଗୁରୁତ୍ୱପୂର୍ଣ୍ଣ କାହିଁକି?

ITR ସ୍ଥିତି ଆପଣଙ୍କର ଫାଇଲ୍ ହୋଇଥିବା ITRର ସାଂପ୍ରତିକ ସ୍ଥିତି/ପର୍ଯ୍ୟାୟ ପ୍ରଦର୍ଶନ କରେ। ଥରେ ଆପଣଙ୍କର ITR ଫାଇଲ୍ ହୋଇଗଲେ, ଏହା ଆୟ କର ବିଭାଗ ଦ୍ୱାରା ସ୍ୱୀକୃତ ହୋଇଛି ଏବଂ ପ୍ରକ୍ରିୟାକରଣରେ ଅଛି କି ନାହିଁ ଆପଣ ଯାଞ୍ଚ କରିପାରିବେ। କିଛି ନିର୍ଦ୍ଦିଷ୍ଟ କ୍ଷେତ୍ରରେ ଯେଉଁଠାରେ କିଛି ଅସଙ୍ଗତି ଦେଖାଯାଏ, ସେଠାରେ ଆପଣଙ୍କୁ ITDରୁ ଯୋଗାଯୋଗର ପ୍ରତ୍ୟୁତ୍ତର ଦେବାକୁ ପଡିପାରେ। ତେଣୁ, ଆପଣଙ୍କର ITR ସ୍ଥିତିକୁ ପର୍ଯ୍ୟାୟକ୍ରମେ ଯାଞ୍ଚ କରିବା ପରାମର୍ଶ ଦିଆଯାଏ।

2. ବିଭିନ୍ନ ପ୍ରକାରର ITR ସ୍ଥିତିଗୁଡିକ କ’ଣ?

• ଦାଖଲ ହୋଇଛି ଏବଂ ଇ-ସତ୍ୟାପନ / ସତ୍ୟାପନ ପାଇଁ ବିଚାରାଧୀନ ଅଛି: ଏହା ହେଉଛି ସେହି ସ୍ଥିତି ଯେତେବେଳେ ଆପଣ ଆପଣଙ୍କର ITR ଫାଇଲ୍ କରିଛନ୍ତି କିନ୍ତୁ ଇ-ସତ୍ୟାପିତ କରିନାହାଁନ୍ତି, କିମ୍ବା ଆପଣଙ୍କର ଯଥାର୍ଥ ଭାବରେ ସ୍ୱାକ୍ଷରିତ ITR-V ଏପର୍ଯ୍ୟନ୍ତ CPCରେ ଗ୍ରହଣ କରାଯାଇ ନାହିଁ।
• ସଫଳତାର ସହିତ ଇ-ସତ୍ୟାପିତ / ସତ୍ୟାପିତ ହୋ‍ଇଛି: ଏହା ହେଉଛି ସେହି ସ୍ଥିତି ଯେତେବେଳେ ଆପଣ ନିଜର ରିଟର୍ଣ୍ଣ ଜମା କରିସାରିଛନ୍ତି ଏବଂ ଆପଣଙ୍କର ରିଟର୍ଣ୍ଣ ଯଥାର୍ଥ ଭାବରେ ଇ-ସତ୍ୟାପିତ / ସତ୍ୟାପିତ କରିଛନ୍ତି, କିନ୍ତୁ ରିଟର୍ଣ୍ଣ ଏପର୍ଯ୍ୟନ୍ତ ପ୍ରକ୍ରିୟାକରଣ ହୋଇନାହିଁ।
• ପ୍ରକ୍ରିୟାକରଣ ହୋ‍ଇଛି: ଏହା ହେଉଛି ସେହି ସ୍ଥିତି ଯେତେବେଳେ ଆପଣଙ୍କର ରିଟର୍ଣ୍ଣ ସଫଳତାପୂର୍ବକ ପ୍ରକ୍ରିୟାକରଣ ହୋଇଛି।
• ତ୍ରୁଟିପୂର୍ଣ୍ଣ: ଏହା ହେଉଛି ସେହି ସ୍ଥିତି ଯେଉଁଠାରେ ଆଇନ ଅଧୀନରେ ଜରୁରୀ ଥିବା କିଛି ସୂଚନା, କିମ୍ବା କିଛି ଅସଙ୍ଗତି ହେତୁ ଫାଇଲ୍ ହୋଇଥିବା ରିଟର୍ଣ୍ଣରେ ବିଭାଗ କିଛି ତ୍ରୁଟି ଲକ୍ଷ୍ୟ କରେ। ଏପରି କ୍ଷେତ୍ରରେ, ଧାରା 139(9) ଅଧୀନରେ ଆପଣଙ୍କୁ ଏକ ଅନୁଦେଶ ମିଳିବ ଯାହା ଆପଣଙ୍କୁ ଅନୁଦେଶ ପାଇଥିବା ତାରିଖରୁ ଏକ ନିର୍ଦ୍ଦିଷ୍ଟ ସମୟସୀମା ମଧ୍ୟରେ ତ୍ରୁଟି ସଂଶୋଧନ ପାଇଁ କହିଥାଏ। ଯଦି ଆପଣ ଏକ ତ୍ରୁଟିପୂର୍ଣ୍ଣ ରିଟର୍ଣ୍ଣ ସ୍ଥିତିରେ କିଛି ପ୍ରତ୍ୟୁତ୍ତର ନ ଦିଅନ୍ତି, ଆପଣଙ୍କ ITR ଅବୈଧ ବୋଲି ବିବେଚନା କରାହେବ, ଏବଂ ପ୍ରକ୍ରିୟାକରଣ ପାଇଁ ଗ୍ରହଣ କରାଯିବ ନାହିଁ।
• ମୂଲ୍ୟାୟନ ଅଧିକାରୀଙ୍କୁ ସ୍ଥାନାନ୍ତରିତ ମାମଲା: ଏହା ହେଉଛି ସେହି ସ୍ଥିତି ଯେତେବେଳେ CPC ଆପଣଙ୍କ ITRକୁ କ୍ଷେତ୍ରାଧିକାରୀ AOଙ୍କୁ ସ୍ଥାନାନ୍ତର କରିଛି। ଯଦି ଆପଣଙ୍କ ମାମଲା ଆପଣଙ୍କ AOକୁ ସ୍ଥାନାନ୍ତରିତ ହୁଏ, ତେବେ ଆପଣଙ୍କୁ ଆବଶ୍ୟକ ବିବରଣୀ ପ୍ରଦାନ କରିବାକୁ ସେହି ଅଧିକାରୀ ଯୋଗାଯୋଗ କରିବେ।

3. ମୋର ଅଧିକୃତ ପ୍ରତିନିଧି / ERI ତାଙ୍କ ଲଗ୍‌ଇନ୍ ବ୍ୟବହାର କରି ମୋର ITR ସ୍ଥିତି ଆକ୍ସେସ କରିପାରିବେ କି ?

ହଁ, ଅଧିସ୍ୱୀକୃତ ପ୍ରତିନିଧି / ERIମାନଙ୍କ ଦ୍ୱାରା ଫାଇଲ୍ ହୋଇଥିବା ITRଗୁଡ଼ିକ ପାଇଁ, ଏହା ଆପଣ ଏବଂ ଆପଣଙ୍କର ଅଧିସ୍ୱୀକୃତ ପ୍ରତିନିଧି / ERI ଉଭୟଙ୍କୁ ପ୍ରଦର୍ଶିତ ହେବ। ଯଦି ଆପଣ ନିଜେ ନିଜର ITR ଦାଖଲ କରିଛନ୍ତି (ଜଣେ ପଞ୍ଜିକୃତ କରଦାତା ଭାବରେ), ଆପଣଙ୍କ ଇ-ଫାଇଲିଂ ଆକାଉଣ୍ଟରେ ସ୍ଥିତି କେବଳ ଆପଣଙ୍କୁ ଦେଖାଯିବ।

4. ଏହି ITR ସ୍ଥିତି ସେବା କେବଳ ମାତ୍ର ପଞ୍ଜିକୃତ କରଦାତା ଭାବରେ ITR ସ୍ଥିତିକୁ ଦେଖିବା ପାଇଁ କି?

ନା। ଆପଣଙ୍କର ITRର ସ୍ଥିତି ଦେଖିବା ବ୍ୟତୀତ, ଆପଣ ଆପଣଙ୍କର ଆୟକର ରିଟର୍ଣ୍ଣର ବିବରଣୀ ଦେଖିପାରିବେ:

• ITR-V ପ୍ରାପ୍ତିସ୍ୱୀକୃତିପତ୍ର, ଅପଲୋଡ୍‍ ହୋ‍ଇଥିବା JSON [ଅଫ୍‌ଲାଇନ୍ ଉପଯୋଗିତାରୁ], PDFରେ ସମ୍ପୂର୍ଣ୍ଣ ITR ଫର୍ମ ଓ ଅବଗତିପତ୍ର କ୍ରମ ଦେଖିବା ଏବଂ ଡାଉନଲୋଡ୍‍ କରିପାରିବେ।
• ସତ୍ୟାପନ ପାଇଁ ବିଚାରାଧୀନ ଥିବା ଆପଣଙ୍କର ରିଟର୍ଣ୍ଣ (ଗୁଡିକ) ଦେଖନ୍ତୁ, ଏବଂ ଆପଣଙ୍କର ରିଟର୍ଣ୍ଣ (ଗୁଡିକ)କୁ ଇ-ସତ୍ୟାପନ କରିବାକୁ ପରବର୍ତ୍ତୀ ପଦକ୍ଷେପ ନିଅନ୍ତୁ।

5. ମୋର ITR ସ୍ଥିତି ଯାଞ୍ଚ କରିବାକୁ ମୁଁ ଲଗ୍‌ଇନ୍ କରିବା ଦରକାର କି?

ନା, ଲଗ୍‌ଇନ୍ କରିବା ପୂର୍ବରୁ ଓ ଲଗ୍‌ଇନ୍ କରିବା ପରେ ITR ସ୍ଥିତି ଯାଞ୍ଚ କରାଯାଇପାରିବ। ଯଦି ଆପଣ ନିଜର ITR ସ୍ଥିତି ଲଗ୍‌ଇନ୍ କରିବା ପରେ ଯାଞ୍ଚ କରନ୍ତି ତେବେ ଆପଣ ରିଟର୍ଣ୍ଣ/ଅବଗତି ପତ୍ର ଡାଉନଲୋଡ୍ କରିବା ପରି ଅତିରିକ୍ତ ସୂଚନା ପାଇପାରିବେ।

6 . ITR ସ୍ଥିତି ସେବା ସହିତ, ମୁଁ କ’ଣ କେବଳ ମୋର ଶେଷ ଥର ଫାଇଲ୍ ହୋଇଥିବା ରିଟର୍ଣ୍ଣ ଦେଖିପାରିବି ନା ପୂର୍ବବର୍ତ୍ତୀ ରିଟର୍ଣ୍ଣଗୁଡ଼ିକ ମଧ୍ୟ ଦେଖିପାରିବି?

ଆପଣ ପୂର୍ବରୁ ଫାଇଲ୍ କରିଥିବା ଏବଂ ସମ୍ପ୍ରତି ଫାଇଲ୍ କରିଥିବା ଆପଣଙ୍କର ସମସ୍ତ ଫାଇଲ୍ ଦେଖି ପାରିବେ।

7. ଲଗ୍‌ଇନ୍ ନ କରି ITR ସ୍ଥିତି ଦେଖିବାକୁ ଇ-ଫାଇଲିଂ ପୋର୍ଟାଲ ସହିତ ପଞ୍ଜିକୃତ ହୋଇଥିବା ମୋବାଇଲ ନମ୍ବର ମୁଁ ଦରକାର କରିବି କି?

ନା, ଲଗ୍‌ଇନ୍ ନକରି ITR ସ୍ଥିତି ଦେଖିବାକୁ ଆପଣ ଯେକୌଣସି ବୈଧ ମୋବାଇଲ୍‌ ନମ୍ବର ବ୍ୟବହାର କରିପାରିବେ। ଯଦିଓ, ଲଗ୍‌ଇନ୍ ନକରି ଯଦି ଆପଣ ଏହି ସେବାର ବ୍ୟବହାର କରୁଛନ୍ତି ଆପଣଙ୍କୁ ଏକ ବୈଧ ITR ପ୍ରାପ୍ତି ସ୍ୱୀକାର ସଂଖ୍ୟା ଭରିବାକୁ ହେବ।

8. ମୁଁ ମୋ ପତି/ପତ୍ନୀଙ୍କ ITR ସ୍ଥିତି ଦେଖିବାକୁ ଚାହେଁ। ମୁଁ ଏହା କରିପାରିବି କି?

ନିମ୍ନଲିଖିତ ପଦ୍ଧତିରେ ଆପଣ ଆପଣଙ୍କ ପତି/ପତ୍ନୀଙ୍କ ITR ସ୍ଥିତି ଦେଖିପାରିବେ:

• ଲଗ୍‌ଇନ୍ ପୂର୍ବରୁ: ଇ-ଫାଇଲିଂ ମୂଳପୃଷ୍ଠାରେ, ITR ସ୍ଥିତି ଦେଖନ୍ତୁରେ କ୍ଲିକ୍ କରନ୍ତୁ। ଆପଣଙ୍କୁ ତାଙ୍କର ITR ପ୍ରାପ୍ତି ସ୍ୱୀକାର ସଂଖ୍ୟା ଏବଂ ଏକ ବୈଧ ମୋବାଇଲ୍‌ ନମ୍ବର ଆବଶ୍ୟକ ହେବ।
• ଲଗ୍‌ଇନ୍ ପରେ:
  • ଯଦି ଆପଣ ନିଜର ପତି କିମ୍ବା ପତ୍ନୀଙ୍କ ITR ଜଣେ ଅଧିକୃତ ପ୍ରତିନିଧି/ଅଧିକୃତ ଦସ୍ତଖତକାରୀ ଭାବରେ ଦାଖଲ କରିଛନ୍ତି, ତେବେ ଉଭୟ ଆପଣ ଏବଂ ଆପଣଙ୍କ ପତି କିମ୍ବା ପତ୍ନୀ ITR ସ୍ଥିତି ଦେଖିପାରିବେ।
  • ଯଦି ଆପଣଙ୍କର ପତି କିମ୍ବା ପତ୍ନୀ ନିଜେ ନିଜର ITR ଫାଇଲ୍‍ କରିଛନ୍ତି, ତେବେ ସେ ତାଙ୍କ ନିଜର ଇ-ଫାଇଲିଂ ଆକାଉଣ୍ଟରେ ସ୍ଥିତି ଦେଖି ପାରିବେ।

9. ମୋର ITRର ସ୍ଥିତି ଯାଞ୍ଚ କରିବା ସମୟରେ ଏଥିରେ ପ୍ରବେଶ କରିବା ପାଇଁ ମୁଁ ମୋର ପ୍ରାପ୍ତିସ୍ୱୀକାର ସଂଖ୍ୟା କେଉଁଠାରୁ ପାଇବି?

• ଆପଣ ନିଜର ରିଟର୍ଣ୍ଣ ଇ-ଫାଇଲ୍‌ କରିବା ପରେ ଆପଣଙ୍କ ପଞ୍ଜିକୃତ ଇମେଲ୍‌ରେ ପ୍ରାପ୍ତ ହୋ‍ଇଥିବା ଆପଣଙ୍କ ITR-Vରୁ ଆପଣଙ୍କ ପ୍ରାପ୍ତି ସ୍ୱୀକାର ସଂଖ୍ୟା ଯାଞ୍ଚ କରିପାରିବେ। ଲଗଇନ୍ ପରେ ଆପଣଙ୍କର ITR-V ମଧ୍ୟ ଇ-ଫାଇଲିଂ ପୋର୍ଟାଲରୁ ଡାଉନଲୋଡ୍ ହୋଇପାରିବ: ଇ-ଫାଇଲ୍ > ଆୟକର ରିଟର୍ଣ୍ଣ > ଫାଇଲ୍ ହୋଇଥିବା ରିଟର୍ଣ୍ଣ > ଡାଉନ୍‌ଲୋଡ୍ ପ୍ରାପ୍ତି ବିକଳ୍ପ।
• ଫାଇଲ୍ କରାଯାଇଥିବା ଫର୍ମ ସେବା ଦେଖନ୍ତୁ ବ୍ୟବହାର କରି ଇ-ଫାଇଲିଂ ପୋର୍ଟାଲ୍‌ରେ ଏକ ଫାଇଲ୍ ହୋଇଥିବା ITR ପାଇଁ ଆପଣ ନିଜର ପ୍ରାପ୍ତିସ୍ୱୀକାର ସଂଖ୍ୟା (ଲଗ୍‌ଇନ୍ ପରେ) ମଧ୍ୟ ଯାଞ୍ଚ କରିପାରିବେ।