1. ଅବଲୋକନ
ITR-4ର ପୂର୍ବରୁ ପୂରଣ ହୋଇଥିବା ଓ ଫାଇଲିଂ ସେବା ପଞ୍ଜୀକୃତ ଉପଭୋକ୍ତାଙ୍କ ପାଇଁ ଇ-ଫାଇଲିଂ ପୋର୍ଟାଲରେ ଓ ଅଫଲାଇନ୍ ଉପଯୋଗିତା ମାଧ୍ୟମରେ ଉପଲବ୍ଧ ଅଛି। ଏହି ସେବା ବ୍ୟକ୍ତିଗତ କରଦାତା, HUF, ଏବଂ ଫାର୍ମଗୁଡ଼ିକୁ (LLPs ବ୍ୟତୀତ) ଇ-ଫାଇଲିଂ ପୋର୍ଟାଲ୍ ମାଧ୍ୟମରେ ଅନ୍ଲାଇନ୍ରେ ITR-4 ଫାଇଲ୍ କରିବାକୁ ସକ୍ଷମ କରେ।
ଏହି ଉପଭୋକ୍ତା ମାନୁଆଲ୍ ଅନ୍ଲାଇନ୍ ପଦ୍ଧତି ମାଧ୍ୟମରେ ITR-4 ଫାଇଲ୍ କରିବାର ପ୍ରକ୍ରିୟାକୁ ଅନ୍ତର୍ଭୁକ୍ତ କରେ।
2. ଏହି ସେବା ପ୍ରାପ୍ତ କରିବା ପାଇଁ ପ୍ରାକ୍ ଆବଶ୍ୟକତା
| ସାଧାରଣ |
|
| ଅନ୍ୟାନ୍ୟ |
|
ଦୟାକରି ଧ୍ୟାନ ଦିଅନ୍ତୁ: ଯଦି ଆପଣଙ୍କ PAN ଆପଣଙ୍କ ଆଧାର ସହିତ ଲିଙ୍କ୍ ହୋଇନାହିଁ, ତେବେ ଆପଣଙ୍କ PANକୁ ଅଚଳ କରାଯାଇଛି। ସେହି କ୍ଷେତ୍ରରେ ଆପଣ ଏକ ଟିକର ବାର୍ତ୍ତା ପାଇବେ “ଆପଣଙ୍କର PANଟି ନିଷ୍କ୍ରିୟ ହୋଇଯାଇଛି କାରଣ ଏହା ଆଧାର ସହିତ ଲିଙ୍କ୍ ହୋଇନାହିଁ। କିଛି ଆକ୍ସେସ୍ ସୀମିତ ହୋଇପାରେ। ଧାରା 234H ଅଧୀନରେ ଦେୟ ପୈଠ ପରେ ଆପଣ ଆପଣଙ୍କର PANକୁ ଲିଙ୍କ୍ କରିପାରିବେ ଏବଂ କାର୍ଯ୍ୟକ୍ଷମ କରିପାରିବେ।”
|
3. ଗୋଟିଏ ନଜରରେ ଏହି ଫର୍ମ
ITR-4 ରେ ଛଅଟି ବିଭାଗ ଅଛି ଯାହାକୁ ଅନ୍ଲାଇନ୍ ପଦ୍ଧତିରେ ଫର୍ମ ଫାଇଲ୍ କରିବା ପୂର୍ବରୁ ଆପଣଙ୍କୁ ପୂରଣ କରିବାକୁ ପଡ଼ିବ ଏବଂ ଏକ ପୂର୍ବାବଲୋକନ ପୃଷ୍ଠାରେ ଆପଣ ଆପଣଙ୍କର ସମସ୍ତ ବିବରଣୀ ବୈଧିକରଣ କରିପାରିବେ। ଏହି ବିଭାଗଗୁଡ଼ିକ ନିମ୍ନ ଅନୁଯାୟୀ ରହିଛି:
- ବ୍ୟକ୍ତିଗତ ସୂଚନା
- ମୋଟ ସମୁଦାୟ ଆୟ
- ଘେଷଣାଗୁଡ଼ିକ ଏବଂ କରମୁକ୍ତ ଆୟ
- ମୋଟ ରିହାତି
- ପୈଠ ହୋଇଥିବା କର
- ସମୁଦାୟ କର ଦେୟତା
ଏଠାରେ ITR-4 ର ବିଭିନ୍ନ ବିଭାଗ ଉପରେ ଏକ ଦ୍ରୁତ ନଜର ପକାନ୍ତୁ:
3.1 ବ୍ୟକ୍ତିଗତ ସୂଚନା
ITRର ବ୍ୟକ୍ତିଗତ ସୂଚନା ବିଭାଗରେ ଆପଣଙ୍କୁ ଇ-ଫାଇଲିଂ ପ୍ରୋଫାଇଲ୍ରୁ ସ୍ୱୟଂଚାଳିତ ଭାବରେ ପୂରଣ ହୋଇଥିବା ତଥ୍ୟକୁ ସତ୍ୟାପିତ କରିବାକୁ ହେବ। ଆପଣ ଆପଣଙ୍କର କିଛି ବ୍ୟକ୍ତିଗତ ତଥ୍ୟକୁ ସିଧାସଳଖ ଫର୍ମରେ ସଂପାଦନା କରିବାକୁ ସକ୍ଷମ ହେବେ ନାହିଁ। ତଥାପି, ଆପଣ ଆପଣଙ୍କର ଇ-ଫାଇଲିଂ ପ୍ରୋଫାଇଲ୍କୁ ଯାଇ ଆବଶ୍ୟକୀୟ ପରିବର୍ତ୍ତନ କରିପାରିବେ। ଆପଣ ଆପଣଙ୍କର ଇ-ଫାଇଲିଂ ପ୍ରୋଫାଇଲ୍ରେ ନିଜର ଯୋଗାଯୋଗ ବିବରଣୀ, ଫାଇଲିଂ ପ୍ରକାର ବିବରଣୀ, ଅଧିକୃତ ପ୍ରତିନିଧି, ଅଂଶିଦାର ବିବରଣୀ (ଯଦି ପ୍ରଯୋଜ୍ୟ), ଏବଂ ଆପଣଙ୍କର ବ୍ୟାଙ୍କ ବିବରଣୀଗୁଡ଼ିକ ସମ୍ପାଦନ କରିପାରିବେ।
ମୂଲ୍ୟାୟନ ବର୍ଷ 2024-25 ପାଇଁ ନୂତନ କର ବ୍ୟବସ୍ଥା ହେଉଛି ପୂର୍ବନିର୍ଦ୍ଧାରିତ କର ବ୍ୟବସ୍ଥା। ବିକଳ୍ପ "ନା" ସ୍ୱତଃ ଚୟନ ହେବ।
ଟିପ୍ପଣୀ: ବିତ୍ତ ଅଧିନିୟମ, 2023 ଧାରା 115BACର ବ୍ୟବସ୍ଥାକୁ ସଂଶୋଧନ କରିଛି ଯାହା ଦ୍ୱାରା ଏହାକୁ ବ୍ୟକ୍ତିବିଶେଷ ଓ HUF କରଦାତା ପାଇଁ ପୂର୍ବନିର୍ଦ୍ଧାରିତ କର ବ୍ୟବସ୍ଥା କରାଯାଇ ପାରିବ। ଯଦି ଜଣେ କରଦାତା ନୂତନ କର ବ୍ୟବସ୍ଥା ଅଧୀନରେ କର ଦେବାକୁ ଚାହୁଁ ନାହାନ୍ତି, ତେବେ ତାଙ୍କୁ ସ୍ପଷ୍ଟ ଭାବରେ ଏଥିରୁ ଓହରି ଯିବାକୁ ପଡିବ ଏବଂ ପୁରୁଣା କର ବ୍ୟବସ୍ଥା ଅଧୀନରେ କର ଦେବାକୁ ଚୟନ କରିବାକୁ ପଡିବ।
ଏକ ବ୍ୟବସାୟ କିମ୍ବା ବୃତ୍ତିରୁ ଆୟ କରୁଥିବା ଜଣେ କରଦାତା ନୂତନ କର ବ୍ୟବସ୍ଥାରୁ ଓହରି ଏକ ପ୍ରାସଙ୍ଗିକ ବର୍ଷ ପାଇଁ ପୁରୁଣା କର ବ୍ୟବସ୍ଥାକୁ ଯାଇପାରିବେ। ତେବେ, ତାଙ୍କୁ ଧାରା 139(1) ଅଧୀନରେ ଆୟକର ରିଟର୍ଣ୍ଣ ଫାଇଲ୍ କରିବାର ଧାର୍ଯ୍ୟ ତାରିଖରେ କିମ୍ବା ତା’ପୂର୍ବରୁ ଫର୍ମ ନମ୍ବର 10-IEAରେ ଏହି ବିକଳ୍ପର ପ୍ରୟୋଗ କରିବାକୁ ହେବ।
ଯଦି ଆପଣ ନୂତନ କର ବ୍ୟବସ୍ଥାରୁ ବାହାରିବାକୁ ଚାହାଁନ୍ତି, ତେବେ “ହଁ, ଧାର୍ଯ୍ୟ ତାରିଖ ମଧ୍ୟରେ କିମ୍ବା ହଁ, କିନ୍ତୁ ଧାର୍ଯ୍ୟ ତାରିଖ ପରେ” ଚୟନ କରନ୍ତୁ।
ଯଦି ହଁ ଚୟନ କରାଯାଇଛି, ତେବେ ଫାଇଲ୍ କରାଯିବା ତାରିଖ ଏବଂ ଫର୍ମ 10-IEAର ପ୍ରାପ୍ତିସ୍ୱୀକୃତି ସଂଖ୍ୟା ଭରନ୍ତୁ ଏବଂ ରିଟର୍ଣ୍ଣ ଫାଇଲିଂ ପାଇଁ ପ୍ରଯୋଜ୍ୟ ଧାର୍ଯ୍ୟ ତାରିଖ ଭରନ୍ତୁ।
3.2 ମୋଟ ସମୁଦାୟ ଆୟ
ମୋଟ ସମୁଦାୟ ଆୟ ବିଭାଗରେ, ଆପଣଙ୍କୁ ପୁର୍ବରୁ-ପୂରଣ ହୋଇଥିବା ସୂଚନା ସମୀକ୍ଷା କରିବାକୁ ହେବ ଏବଂ ବେତନ / ପେନ୍ସନ୍, ଗୃହ ସମ୍ପତ୍ତି, ବ୍ୟବସାୟ କିମ୍ବା ବୃତ୍ତି ଏବଂ ଅନ୍ୟାନ୍ୟ ଉତ୍ସରୁ (ଯେପରିକି ସୁଧ ଆୟ, ପାରିବାରିକର ପେନ୍ସନ୍ ଇତ୍ୟାଦି) ଆପଣଙ୍କ ଆୟ ଉତ୍ସର ବିବରଣୀର ସତ୍ୟାପନ କରିବାକୁ ହେବ। ଯଦି କିଛି ଅବଶିଷ୍ଟ / ଅତିରିକ୍ତ ବିବରଣୀ ରହିଛି ତେବେ ତା’କୁ ମଧ୍ୟ ଭରିବାକୁ ପଡ଼ିବ।
ଧ୍ୟାନ ଦିଅନ୍ତୁ: ଆପଣ ଜଣେ HUF କିମ୍ବା ଏକ ଫାର୍ମ (LLP ବ୍ୟତୀତ) ଉପରେ ନିର୍ଭର କରି ଏହି ଭାଗର କିଛି ଅଂଶ ଧୂସର ହୋଇଯିବ।
3.3 ପ୍ରକଟିକରଣ ଏବଂ ଛାଡ଼ ହୋଇଥିବା ଆୟ
ପ୍ରକଟିକରଣ ଏବଂ ଛାଡ଼ ହୋଇଥିବା ଆୟ ବିଭାଗରେ, ଆପଣଙ୍କୁ ବ୍ୟବସାୟ ସମ୍ବନ୍ଧୀୟ ଆର୍ଥିକ ବିବରଣୀ, GST-ସାମଗ୍ରୀ ଓ ସେବାକର ପାଇଁ ରିପୋର୍ଟ କରାଯାଇଥିବା ମୋଟ ପ୍ରାପ୍ତି (ବୈକଳ୍ପିକ) ସୂଚନା ଓ ଛାଡ ଆୟ ବିଷୟରେ ବିବରଣୀ ପ୍ରଦାନ କରିବାକୁ ପଡ଼ିବ।
.3.4 ସମୁଦାୟ ରିହାତି
ସମୁଦାୟ ରିହାତି ବିଭାଗରେ, ଆପଣଙ୍କୁ ଆୟକର ଅଧିନିୟମର ଅଧ୍ୟାୟ VI-A ଅଧୀନରେ ଦାବି କରିବା ଆବଶ୍ୟକ ଥିବା ଯେକୌଣସି ରିହାତି ଯୋଡିବା ଏବଂ ସତ୍ୟାପନ କରିବା ଆବଶ୍ୟକ।
ଦୟାକରି ଧ୍ୟାନ ଦିଅନ୍ତୁ:
1. ଡିଫଲ୍ଟ ବ୍ୟବସ୍ଥା ହେଉଛି ନୂତନ କର ବ୍ୟବସ୍ଥା। ଯଦି ଆପଣ ପୁରୁଣା କର ବ୍ୟବସ୍ଥାର ବିକଳ୍ପ ଚୟନ କରିନାହାଁନ୍ତି ତେବେ କେବଳ ଧାରା 80 CCD (2 ) - ଟିଅର1 NPS ଆକାଉଣ୍ଟରେ ନିଯୁକ୍ତିଦାତାଙ୍କ ଅବଦାନ ଏବଂ ଧାରା 80 CCH- ଅଗ୍ନିବୀର କର୍ପସ ପାଣ୍ଠିରେ ଜମା ହୋଇଥିବା ପରିମାଣ ସକ୍ଷମ ହେବ।
2. ଯଦି କରଦାତା ପୁରୁଣା କର ବ୍ୟବସ୍ଥାକୁ ବାଛିଛନ୍ତି ଏବଂ ଧାରା 80DD କିମ୍ବା 80U ଅଧୀନରେ ରିହାତି ଦାବି କରୁଛନ୍ତି ତେବେ ରିଟର୍ଣ୍ଣ ଫାଇଲ୍ ପୂର୍ବରୁ 10-IA ଫର୍ମ ଦାଖଲ କରିବାକୁ ସୁପାରିଶ କରାଯାଇଛି। ଫର୍ମ 10IA ପରେ ମଧ୍ୟ ଦାଖଲ କରାଯାଇପାରିବ କିନ୍ତୁ ପରେ କୌଣସି ଅସୁବିଧାକୁ ଏଡ଼ାଇବା ପାଇଁ ଆୟର ରିଟର୍ଣ୍ଣ ସହିତ 10-IA ଫାଇଲ୍ କରିବାକୁ ସୁପାରିଶ କରାଯାଇଛି।
3.5 ପୈଠ ହୋଇଥିବା କରଗୁଡ଼ିକ
ପୈଠ ହୋଇଥିବା କର ବିଭାଗରେ, ଆପଣ ପୂର୍ବ ବର୍ଷରେ ପୈଠ କରିଥିବା କର ସତ୍ୟାପନ କରିବା ଆବଶ୍ୟକ। କର ବିବରଣୀ ମଧ୍ୟରେ ଦେୟ ପ୍ରଦାନକାରୀ ଦ୍ୱାରା ପ୍ରଦତ୍ତ ବେତନ/ବେତନ ବ୍ୟତୀତ TDS, TCS, ଅଗ୍ରୀମ କର ଏବଂ ସ୍ୱ-ମୂଲ୍ୟାୟନ କର ଅନ୍ତର୍ଭୁକ୍ତ।
3.6 ମୋଟ କର ଦେୟତା
ସମୁଦାୟ କର ଦେୟତା ବିଭାଗରେ, ଆପଣ ଆପଣଙ୍କର ଆୟର ଗଣନା, କରର ଗଣନା ଏବଂ ସମୁଦାୟ କର, ଉପକର ଏବଂ ସୁଧ ଦେଖିବାକୁ ସକ୍ଷମ ହେବେ। ଆପଣ କର ହିସାବ ବିଭାଗରେ ପୂର୍ବରୁ ପୁରଣ ଭରିଥିବା ବିଭାଗ ଅନୁଯାୟୀ ଆପଣଙ୍କର କର ଦେୟତାର ବିବରଣୀ ଯାଞ୍ଚ କରିବା ଆବଶ୍ୟକ।
4. କିପରି ଆକସେସ୍ କରିବେ ଏବଂ ITR4 ଦାଖଲ କରିବେ
ଆପଣ ନିମ୍ନଲିଖିତ ପଦ୍ଧତି ମାଧ୍ୟମରେ ଆପଣଙ୍କର ITR ଫାଇଲ୍ ଏବଂ ଦାଖଲ କରିପାରିବେ:
- ଅନଲାଇନ୍ ପଦ୍ଧତି - ଇ-ଫାଇଲିଂ ପୋର୍ଟାଲ୍ ମାଧ୍ୟମରେ
- ଅଫ୍ଲାଇନ୍ ପଦ୍ଧତି - ଅଫ୍ଲାଇନ୍ ଉପଯୋଗୀତା ମାଧ୍ୟମରେ
ଅନଲାଇନ୍ ପଦ୍ଧତି ମାଧ୍ୟମରେ ITR ଫାଇଲ୍ ଏବଂ ଦାଖଲ କରିବା ପାଇଁ ନିମ୍ନରେ ଦିଆଯାଇଥିବା ସୋପାନଗୁଡ଼ିକୁ ଅନୁସରଣ କରନ୍ତୁ:
ସୋପାନ 1: ଆପଣଙ୍କର ଉପଭୋକ୍ତା ID ଏବଂ ପାସ୍ୱାର୍ଡ୍ ବ୍ୟବହାର କରି ଇ-ଫାଇଲିଂ ପୋର୍ଟାଲ୍ରେ ଲଗ୍ଇନ୍ କରନ୍ତୁ।
ସୋପାନ 2: ଆପଣଙ୍କ ଡ୍ୟାଶ୍ବୋର୍ଡରେ, ଇ-ଫାଇଲ୍ କରନ୍ତୁ> ଆୟକର ରିଟର୍ଣ୍ଣଗୁଡ଼ିକ > ଆୟକର ରିଟର୍ଣ୍ଣ ଫାଇଲ୍ କରନ୍ତୁରେ କ୍ଲିକ୍ କରନ୍ତୁ।
ଧ୍ୟାନ ଦିଅନ୍ତୁ: ଯଦି ଆପଣଙ୍କ PAN ନିଷ୍କ୍ରିୟ ଅଛି ତେବେ ଆପଣଙ୍କୁ ଏକ ଚେତାବନୀ ବାର୍ତ୍ତା ମିଳିବ ଯେ ଆପଣଙ୍କ PAN ନିଷ୍କ୍ରିୟ ଅଟେ କାରଣ ଏହା ଆଧାର ସହିତ ଲିଙ୍କ୍ ହୋଇନାହିଁ।
ଆପଣ ଆଧାର ସହିତ PAN ଲିଙ୍କ୍ କରିବାକୁ ବର୍ତ୍ତମାନ ଲିଙ୍କ୍ କରନ୍ତୁ ବଟନ୍ରେ କ୍ଲିକ୍ କରିପାରିବେ, ଅନ୍ୟଥା ଜାରି ରଖନ୍ତୁରେ କ୍ଲିକ୍ କରନ୍ତୁ।
ସୋପାନ 3: ମୂଲ୍ୟାୟନ ବର୍ଷ 2024-25 ଭାବେ ଚୟନ କରନ୍ତୁ ଏବଂ ଫାଇଲ୍ କରିବାର ପଦ୍ଧତି ଭାବରେ ଅନ୍ଲାଇନ୍ ଚୟନ କରନ୍ତୁ ଏବଂ ଜାରି ରଖନ୍ତୁରେ କ୍ଲିକ୍ କରନ୍ତୁ।
ଧ୍ୟାନ ଦିଅନ୍ତୁ: ଯଦି ଆପଣ ଆୟକର ରିଟର୍ଣ୍ଣ ପୂରଣ କରିସାରିଛନ୍ତି ଏବଂ ଏହା ଦାଖଲ ପାଇଁ ବିଚାରାଧୀନ ଅଛି, ତେବେ ଫାଇଲ୍ କରିବା ପୁନଃଆରମ୍ଭ କରନ୍ତୁରେ କ୍ଲିକ୍ କରନ୍ତୁ। ଯଦି ଆପଣ ସେଭ୍ ହୋଇଥିବା ରିଟର୍ଣ୍ଣକୁ ଖାରଜ କରିବାକୁ ଏବଂ ନୂତନ ଭାବରେ ରିଟର୍ଣ୍ଣ ପ୍ରସ୍ତୁତ କରିବା ଆରମ୍ଭ କରିବାକୁ ଚାହାଁନ୍ତି, ତେବେ ନୂତନ ଫାଇଲିଂ ଆରମ୍ଭ କରନ୍ତୁରେ କ୍ଲିକ୍ କରନ୍ତୁ।
ସୋପାନ 4: ଆପଣଙ୍କ ପାଇଁ ପ୍ରଯୋଜ୍ୟ ସ୍ଥିତି ଚୟନ କରନ୍ତୁ ଏବଂ ଆଗକୁ ବଢିବା ପାଇଁ ଜାରି ରଖନ୍ତୁରେ କ୍ଲିକ୍ କରନ୍ତୁ।
ସୋପାନ 5: ଆୟକର ରିଟର୍ଣ୍ଣର ପ୍ରକାର ଚୟନ କରିବା ପାଇଁ ଆପଣଙ୍କ ପାଖରେ ଦୁଇଟି ବିକଳ୍ପ ଅଛି:
- ଯଦି ଆପଣ ନିଶ୍ଚିତ ନୁହଁନ୍ତି ଯେ କେଉଁ ITR ଫାଇଲ୍ କରିବାକୁ ହେବେ ତେବେ ଆପଣ ଆଗକୁ ବଢନ୍ତୁ ବଟନ୍ ଉପରେ କ୍ଲିକ୍ କରି ୱିଜାର୍ଡ-ଆଧାରିତ ରିଟର୍ଣ୍ଣ ଫାଇଲ୍ କରିବାର ବିକଳ୍ପ ଚୟନ କରିପାରିବେ। ଥରେ ସିଷ୍ଟମ୍ ଆପଣଙ୍କୁ ସଠିକ୍ ITR ନିର୍ଦ୍ଧାରଣ କରିବାରେ ସାହାଯ୍ୟ କରିବା ପରେ, ଆପଣ ଆପଣଙ୍କର ITR ଫାଇଲ୍ କରିବା ପାଇଁ ଆଗକୁ ବଢ଼ିପାରିବେ।
- ଯଦି ଆପଣ କେଉଁ ITR ଫାଇଲ୍ କରିବାର ଅଛି ତାକୁ ନେଇ ନିଶ୍ଚିତ ତେବେ ଡ୍ରପ୍ଡାଉନ୍ରୁ ପ୍ରଯୋଜ୍ୟ ଆୟକର ରିଟର୍ଣ୍ଣ ଚୟନ କରନ୍ତୁ ଏବଂ ITR-4 ସହିତ ଆଗକୁ ବଢ଼ନ୍ତୁରେ କ୍ଲିକ୍ କରନ୍ତୁ।
ଟିପ୍ପଣୀ:
ଯଦି ଆପଣ ଜାଣି ନାହାଁନ୍ତି ଯେ କେଉଁ ITR କିମ୍ବା ଅନୁସୂଚୀ, ଆପଣଙ୍କ ପାଇଁ ପ୍ରଯୋଜ୍ୟ, କିମ୍ବା ଆୟ ଓ ରିହାତିର ବିବରଣୀ କଣ, ତେବେ ଗୋଟିଏ ପ୍ରଶ୍ନ ସମୂହର ଉତ୍ତର ଆପଣଙ୍କୁ ଏହା ନିର୍ଣ୍ଣୟ କରିବାରେ ମାର୍ଗଦର୍ଶନ କରିବ ଏବଂ ITRକୁ ସଠିକ୍ / ନିର୍ଭୁଲ ଭାବରେ ଫାଇଲ୍ କରିବାରେ ସାହାଯ୍ୟ କରିବ।
ଯଦି ଆପଣ ଆପଣଙ୍କ ପାଇଁ ପ୍ରଯୋଜ୍ୟ ITR କିମ୍ବା ଅନୁସୂଚୀ କିମ୍ବା ଆୟ ଏବଂ ରିହାତି ବିବରଣୀ ବାବଦରେ ଅବଗତ ଅଛନ୍ତି, ତେବେ ଆପଣ ପ୍ରଶ୍ନ ସମୂହକୁ ଏଡ଼ାଇ ପାରିବେ।
ସୋପାନ 6: ଯତ୍ନର ସହ ଫର୍ମ ପୂରଣ କରିବାକୁ ନିର୍ଦ୍ଦେଶାବଳୀ ପଢନ୍ତୁ ଏବଂ ଆବଶ୍ୟକ ଦସ୍ତାବିଜର ତାଲିକା ଟିପି ରଖନ୍ତୁ ଏବଂ ଆସନ୍ତୁ ଆରମ୍ଭ କରିବା ରେ କ୍ଲିକ୍ କରନ୍ତୁ।
ସୋପାନ 7: ଆପଣଙ୍କର ପୂର୍ବରୁ ପୂରଣ ହୋଇଥିବା ତଥ୍ୟକୁ ସମୀକ୍ଷା କରନ୍ତୁ ଏବଂ ଆବଶ୍ୟକ ହେଲେ ଏହାକୁ ସମ୍ପାଦନ କରନ୍ତୁ। ଅବଶିଷ୍ଟ / ଅତିରିକ୍ତ ତଥ୍ୟ ଭରନ୍ତୁ (ଯଦି ଆବଶ୍ୟକ ହୁଏ) ଏବଂ ପ୍ରତ୍ୟେକ ବିଭାଗର ଶେଷରେ ନିଶ୍ଚିତ କରନ୍ତୁ ରେ କ୍ଲିକ୍ କରନ୍ତୁ।
ଦୟାକରି ଧ୍ୟାନ ଦିଅନ୍ତୁ:
ବିତ୍ତ ଅଧିନିୟମ, 2023 ଧାରା 115BACର ବ୍ୟବସ୍ଥାକୁ ସଂଶୋଧନ କରିଛି ଯାହା ଦ୍ୱାରା ଏହାକୁ ବ୍ୟକ୍ତିବିଶେଷ ଓ HUF କରଦାତା ପାଇଁ ପୂର୍ବନିର୍ଦ୍ଧାରିତ କର ବ୍ୟବସ୍ଥା କରାଯାଇ ପାରିବ। ଯଦି ଜଣେ କରଦାତା ନୂତନ କର ବ୍ୟବସ୍ଥା ଅଧୀନରେ କର ଦେବାକୁ ଚାହୁଁ ନାହାନ୍ତି, ତେବେ ତାଙ୍କୁ ସ୍ପଷ୍ଟ ଭାବରେ ଏଥିରୁ ଓହରି ଯିବାକୁ ପଡିବ ଏବଂ ପୁରୁଣା କର ବ୍ୟବସ୍ଥା ଅଧୀନରେ କର ଦେବାକୁ ଚୟନ କରିବାକୁ ପଡିବ।
ଏକ ବ୍ୟବସାୟ କିମ୍ବା ବୃତ୍ତିରୁ ଆୟ କରୁଥିବା ଜଣେ କରଦାତା ନୂତନ କର ବ୍ୟବସ୍ଥାରୁ ଓହରି ଏକ ପ୍ରାସଙ୍ଗିକ ବର୍ଷ ପାଇଁ ପୁରୁଣା କର ବ୍ୟବସ୍ଥାକୁ ଯାଇପାରିବେ। ତେବେ, ତାଙ୍କୁ ଧାରା 139(1) ଅଧୀନରେ ଆୟକର ରିଟର୍ଣ୍ଣ ଫାଇଲ୍ କରିବାର ଧାର୍ଯ୍ୟ ତାରିଖରେ କିମ୍ବା ତା’ପୂର୍ବରୁ ଫର୍ମ ନମ୍ବର 10-IEAରେ ଏହି ବିକଳ୍ପର ପ୍ରୟୋଗ କରିବାକୁ ହେବ।
ମୂଲ୍ୟାୟନ ବର୍ଷ 2024-25ପାଇଁ ନୂଆ କର ବ୍ୟବସ୍ଥା ହେଉଛି ପୂର୍ବନିର୍ଦ୍ଧାରିତ କର ବ୍ୟବସ୍ଥା।
ବ୍ୟକ୍ତିଗତ ସୂଚନାର ଫାଇଲିଂ ବିଭାଗରେ, ବିକଳ୍ପ "ନା" ସ୍ୱତଃ ଚୟନ ହେବ।
ଯଦି ଆପଣ ନୂଆ କର ବ୍ୟବସ୍ଥାରୁ ପ୍ରସ୍ଥାନ କରିବାକୁ ଚାହୁଁଛନ୍ତି,ତେବେ "ହଁ, ଧାର୍ଯ୍ୟ ତାରିଖ ମଧ୍ୟରେ କିମ୍ବା ହଁ, କିନ୍ତୁ ଧାର୍ଯ୍ୟ ତାରିଖ ପରେ" ଚୟନ କରନ୍ତୁ।
ଯଦି ହଁ ଚୟନ ହୋଇଛି, ତେବେ ଫାଇଲ୍ କରିବାର ତାରିଖ ଏବଂ ଫର୍ମ 10 -IEAର ପ୍ରାପ୍ତିସ୍ୱୀକୃତି ସଂଖ୍ୟା ଭରନ୍ତୁ ଏବଂ ରିଟର୍ଣ୍ଣ ଦାଖଲ ପାଇଁ ପ୍ରଯୋଜ୍ୟ ଧାର୍ଯ୍ୟ ତାରିଖ ଭରନ୍ତୁ।
ସୋପାନ 8: ବିଭିନ୍ନ ବିଭାଗରେ ଆପଣଙ୍କର ଆୟ ଏବଂ ରିହାତି ବିବରଣୀ ଭରନ୍ତୁ। ଫର୍ମର ସମସ୍ତ ବିଭାଗକୁ ସମ୍ପୂର୍ଣ୍ଣ ଏବଂ ନିଶ୍ଚିତ କରିବା ପରେ, ଆଗକୁ ବଢ଼ନ୍ତୁରେ କ୍ଲିକ୍ କରନ୍ତୁ।
ସୋପାନ 9: କୌଣସି କର ଦେୟତା ଥିବା କ୍ଷେତ୍ରରେ
ଆପଣ ପ୍ରଦାନ କରିଥିବା ବିବରଣୀ ଉପରେ ଆଧାର କରି ଆପଣଙ୍କୁ ଆପଣଙ୍କର କର ହିସାବର ଏକ ସାରାଂଶ ପ୍ରଦର୍ଶିତ ହେବ। ଯଦି ହିସାବ ଉପରେ ଆଧାର କରି ଦେୟଯୋଗ୍ୟ କର ଦେୟତା ଥାଏ, ତେବେ ଆପଣ ପୃଷ୍ଠାର ତଳ ଭାଗରେ ବର୍ତ୍ତମାନ ପେଠ କରନ୍ତୁ ଏବଂ ପରେ ପୈଠ କରନ୍ତୁ ବିକଳ୍ପ ପାଇବେ। ବର୍ତ୍ତମାନ ପୈଠ କରନ୍ତୁ ବିକଳ୍ପ ବ୍ୟବହାର କରିବାକୁ ପରାମର୍ଶ ଦିଆଯାଇଛି।
- ଯଦି ଆପଣ ପରେ ଦେୟ ପୈଠର ବିକଳ୍ପ ବାଛନ୍ତି ତେବେ ଆପଣ ଆୟକର ରିଟର୍ଣ୍ଣ ଦାଖଲ କରିବା ପରେ ଦେୟ ପୈଠ କରିପାରିବେ, କିନ୍ତୁ ଏହାଦ୍ୱାରା ବ୍ୟତିକ୍ରମ କରୁଥିବା କରଦାତା ଭାବରେ ବିବେଚିତ ହେବାର ଆଶଙ୍କା ରହିଛି, ଏବଂ ଦେୟ କର ଉପରେ ସୁଧ ପୈଠ କରିବାକୁ ପଡ଼ିପାରେ।
ସୋପାନ 10: ଯଦି କୌଣସି କର ଦେୟତା ନାହିଁ (କୌଣସି ଦାବି / କୌଣସି ରିଫଣ୍ଡ ନାହିଁ) କିମ୍ବା ଯଦି ଆପଣ ରିଫଣ୍ଡ ପାଇଁ ଯୋଗ୍ୟ ଅଟନ୍ତି
କର ପୈଠ କରିବା ପରେ, ରିଟର୍ଣ୍ଣ ପୂର୍ବାବଲୋକନ କରନ୍ତୁରେ କ୍ଲିକ୍ କରନ୍ତୁ। ଯଦି କୌଣସି କର ଦେୟତା ନାହିଁ, କିମ୍ବା ଯଦି କର ଗଣନା ଉପରେ ଆଧାର କରି ରିଫଣ୍ଡ୍ କରାଯାଏ, ତେବେ ଆପଣଙ୍କୁ ରିଟର୍ଣ୍ଣ ପୂର୍ବାବଲୋକନ ପୃଷ୍ଠାକୁ ନିଆଯିବ।
ସୋପାନ 11: ଇ-ଫାଇଲିଂ ପୋର୍ଟାଲ୍ ମାଧ୍ୟମରେ ସଫଳତାର ସହ ଦେୟ ପୈଠ କରିବା ପରେ ଏକ ସଫଳତା ବାର୍ତ୍ତା ପ୍ରଦର୍ଶିତ ହୋଇଥାଏ। ITR ଫାଇଲିଂ ସମ୍ପୂର୍ଣ୍ଣ କରିବାକୁ ରିଟର୍ଣ୍ଣ ଫାଇଲିଂକୁ ଫେରନ୍ତୁ ଉପରେ କ୍ଲିକ୍ କରନ୍ତୁ।
ସୋପାନ 12: ରିଟର୍ଣ୍ଣ ପୂର୍ବାବଲୋକନ କରନ୍ତୁରେ କ୍ଲିକ୍ କରନ୍ତୁ।
ସୋପାନ 13: ପୂର୍ବାବଲୋକନ କରନ୍ତୁ ଏବଂ ଆପଣଙ୍କର ରିଟର୍ଣ୍ଣ ଦାଖଲ କରନ୍ତୁ ପୃଷ୍ଠାରେ, ସ୍ଥାନ, ନାମ ଏବଂ ଅନ୍ୟାନ୍ୟ ବିବରଣୀ ସ୍ୱତଃ ପୁରଣ ହେବ ତା'ପରେ ଘୋଷଣା ଚେକ୍ ବକ୍ସ ଚୟନ କରନ୍ତୁ ଏବଂ ପୂର୍ବାବଲୋକନ ପାଇଁ ଆଗକୁ ବଢନ୍ତୁରେ କ୍ଲିକ୍ କରନ୍ତୁ।
ଟିପ୍ପଣୀ: ଯଦି ଆପଣ ଆପଣଙ୍କର ରିଟର୍ଣ୍ଣ ପ୍ରସ୍ତୁତ କରିବାରେ ଜଣେ କର ରିଟର୍ଣ୍ଣ ପ୍ରସ୍ତୁତକାରୀ ବା TRPଙ୍କ ସହିତ ଜଡିତ ନୁହଁନ୍ତି, ତେବେ ଆପଣ TRPଙ୍କ ସହିତ ଜଡିତ ବିଷୟ ବାକ୍ସଗୁଡ଼ିକୁ ଖାଲି ରଖିପାରିବେ।
ସୋପାନ 14: ଆପଣଙ୍କ ରିଟର୍ଣ୍ଣର ପୂର୍ବାବଲୋକନ କରନ୍ତୁ ଏବଂ ବୈଧିକରଣ ପାଇଁ ଆଗକୁ ବଢ଼ନ୍ତୁରେ କ୍ଲିକ୍ କରନ୍ତୁ।
ସୋପାନ 15: ବୈଧିକରଣ ହେବା ପରେ, ସତ୍ୟାପନ ପାଇଁ ଆଗକୁ ବଢ଼ନ୍ତୁରେ କ୍ଲିକ୍ କରନ୍ତୁ।
ଧ୍ୟାନ ଦିଅନ୍ତୁ: ଯଦି ଆପଣଙ୍କ ରିଟର୍ଣ୍ଣର ସତ୍ୟାପନରେ ତ୍ରୁଟି ଥାଏ ତେବେ ତାହାର ଏକ ତାଲିକା ଦେଖାଯିବ। ତ୍ରୁଟି ସଂଶୋଧନ କରିବାକୁ ଆପଣଙ୍କୁ ଫର୍ମକୁ ଫେରିଯିବାକୁ ହେବ। ଯଦି କୌଣସି ତ୍ରୁଟି ନଥିବ ତେବେ ଆପଣ ସତ୍ୟାପନ ପାଇଁ ଆଗକୁ ବଢନ୍ତୁ ଉପରେ କ୍ଲିକ୍ କରି ଆପଣଙ୍କ ରିଟର୍ଣ୍ଣର ଇ-ସତ୍ୟାପନ କରିବା ଲାଗି ଆଗକୁ ବଢ଼ି ପାରିବେ।
ସୋପାନ 16: ଆପଣଙ୍କର ସତ୍ୟାପନ ସମ୍ପୂର୍ଣ୍ଣ କରନ୍ତୁ ପୃଷ୍ଠାରେ, ଆପଣଙ୍କର ପସନ୍ଦର ବିକଳ୍ପ ଚୟନ କରନ୍ତୁ ଏବଂ ଜାରି ରଖନ୍ତୁ ରେ କ୍ଲିକ୍ କରନ୍ତୁ।
ଆପଣଙ୍କର ରିଟର୍ଣ୍ଣର ସତ୍ୟାପନ କରିବା ବାଧ୍ୟତାମୂଳକ ଅଟେ ଏବଂ ଇ-ସତ୍ୟାପନ (ଅନୁମୋଦିତ ବିକଳ୍ପ - - ବର୍ତ୍ତମାନ ଇ-ସତ୍ୟାପନ କରନ୍ତୁ) ହେଉଛି ଆପଣଙ୍କର ITR ସତ୍ୟାପିତ କରିବାର ସବୁଠାରୁ ସହଜ ଉପାୟ - CPCକୁ ସ୍ପିଡ୍ ପୋଷ୍ଟ ଦ୍ୱାରା ଏକ ସ୍ୱାକ୍ଷରିତ ଭୌତିକ ITR-V ପଠାଇବା ଅପେକ୍ଷା ଏହା ଶୀଘ୍ର, କାଗଜବିହୀନ ଏବଂ ଅଧିକ ସୁରକ୍ଷିତ ଅଟେ।
ଧ୍ୟାନ ଦିଅନ୍ତୁ: ଯଦି ଆପଣଙ୍କର PAN ନିଷ୍କ୍ରିୟ ଅଟେ: ଆପଣ ପପ୍-ଅପ୍ରେ ଏକ ଚେତାବନୀ ବାର୍ତ୍ତା ଦେଖିବେ ଯେ କରଦାତାଙ୍କ PAN ନିଷ୍କ୍ରିୟ କାରଣ ଏହା ଆଧାର ସହିତ ସଂଯୁକ୍ତ ନୁହେଁ।
ବର୍ତ୍ତମାନ ଲିଙ୍କ୍ କରନ୍ତୁ ବିକଳ୍ପ ଉପରେ କ୍ଲିକ୍ କରି ଆପଣ ଆଧାର ସହିତ PAN ଲିଙ୍କ୍ କରିପାରିବେ, ଅନ୍ୟଥା ଜାରି ରଖନ୍ତୁ ଉପରେ କ୍ଲିକ୍ କରନ୍ତୁ।
ଧ୍ୟାନ ଦିଅନ୍ତୁ: ଯଦି ଆପଣ ପରେ ଇ-ସତ୍ୟାପନ ଚୟନ କରନ୍ତି, ତେବେ ମଧ୍ୟ ଆପଣ ଆପଣଙ୍କର ରିଟର୍ଣ୍ଣ ଦାଖଲ କରିପାରିବେ ତେବେ ଆପଣଙ୍କୁ ITR ଫାଇଲ୍ କରିବାର 30 ଦିନ ମଧ୍ୟରେ ଆପଣଙ୍କର ରିଟର୍ଣ୍ଣର ସତ୍ୟାପନ କରିବାକୁ ପଡ଼ିବ।
ସୋପାନ 17: ଇ-ସତ୍ୟାପନ କରନ୍ତୁ ପୃଷ୍ଠାରେ, ସେହି ବିକଳ୍ପକୁ ଚୟନ କରନ୍ତୁ ଯାହା ମାଧ୍ୟମରେ ଆପଣ ରିଟର୍ଣ୍ଣର ଇ-ସତ୍ୟାପନ କରିବାକୁ ଚାହୁଁଛନ୍ତି ଏବଂ ଜାରି ରଖନ୍ତୁରେ କ୍ଲିକ୍ କରନ୍ତୁ।
ଟିପ୍ପଣୀ:
- ଅଧିକ ଜାଣିବା ପାଇଁ କିପରି ଇ-ସତ୍ୟାପନ କରିବେ ଉପଭୋକ୍ତା ମାନୁଆଲ୍ ଅନୁସରଣ କରନ୍ତୁ।
- ଯଦି ଆପଣ ITR-V ମାଧ୍ୟମରେ ସତ୍ୟାପନ ଚୟନ କରନ୍ତି, ତେବେ ଆପଣଙ୍କୁ ଆପଣଙ୍କର ITR-Vର ଏକ ସ୍ୱାକ୍ଷରିତ ଭୌତିକ କପି କେନ୍ଦ୍ରୀୟ ପ୍ରକ୍ରିୟାକରଣ କେନ୍ଦ୍ର, ଆୟକର ବିଭାଗ, ବେଙ୍ଗାଲୁରୁ 560500କୁ 30 ଦିନ ମଧ୍ୟରେ ସ୍ପିଡ୍ ପୋଷ୍ଟ ମାଧ୍ୟମରେ ପଠାଇବାକୁ ପଡ଼ିବ।
- ଦୟାକରି ନିଶ୍ଚିତ କରନ୍ତୁ ଯେ ଆପଣ ଆପଣଙ୍କର ବ୍ୟାଙ୍କ ଆକାଉଣ୍ଟକୁ ପ୍ରାକ୍-ବୈଧିକରଣ କରିଛନ୍ତି ଯାହା ଦ୍ୱାରା ଦେୟ ହେବାକୁ ଥିବା କୌଣସି ରିଫଣ୍ଡ ଆପଣଙ୍କର ବ୍ୟାଙ୍କ ଆକାଉଣ୍ଟରେ ଜମା ହୋଇପାରିବ।
- ଅଧିକ ଜାଣିବା ପାଇଁ ମୋ ବ୍ୟାଙ୍କ ଆକାଉଣ୍ଟ ଉପଭୋକ୍ତା ମାନୁଆଲ୍ ଅନୁସରଣ କରନ୍ତୁ।
ଦୟାକରି ଧ୍ୟାନ ଦିଅନ୍ତୁ: ବିଜ୍ଞପ୍ତି ସଂଖ୍ୟା 22024 ଦିନାଙ୍କିତ 31032024 ଅନୁସାରେ
- ଯେଉଁଠାରେ ଆୟର ରିଟର୍ଣ୍ଣ ଅପଲୋଡ୍ କରାଯାଏ ଏବଂ ଇ-ସତ୍ୟାପନ / lTR-V ଅପଲୋଡ୍ କରିବାର 30 ଦିନ ମଧ୍ୟରେ ଦାଖଲ କରାଯାଏ - ଏପରି କ୍ଷେତ୍ରରେ ଆୟର ରିଟର୍ଣ୍ଣ ଅପଲୋଡ୍ କରିବାର ତାରିଖକୁ ଆୟ ରିଟର୍ଣ୍ଣ ଦାଖଲ କରିବାର ତାରିଖ ଭାବରେ ବିବେଚନା କରାଯିବ।
- ଯେଉଁଠାରେ ରିଟର୍ଣ୍ଣ ଅପଲୋଡ୍ କରାଯାଇଛି କିନ୍ତୁ ଇ-ସତ୍ୟାପନ କିିମ୍ବା lTR-V ଅପଲୋଡ୍ କରିବାର30 ଦିନ ପରେ ଦାଖଲ କରାଯାଏ - ସେହି କ୍ଷେତ୍ରରେ ଇ-ସତ୍ୟାପନ / lTR-V ଦାଖଲ ତାରିଖକୁ ଆୟର ରିଟର୍ଣ୍ଣ ଦାଖଲ ତାରିଖ ଭାବରେ ବିବେଚନା କରାଯିବ ଏବଂ ଅଧିନିୟମ ଅନୁଯାୟୀ ବିଳମ୍ବରେ ରିଟର୍ଣ୍ଣ ଦାଖଲ କରିବାର ସମସ୍ତ ପରିଣାମ ପ୍ରଯୋଜ୍ୟ ହେବ।
- ନିର୍ଦ୍ଧାରିତ ଫର୍ମାଟରେ ଏବଂ ନିର୍ଦ୍ଧାରିତ ପଦ୍ଧତିରେ ବିଧିବଦ୍ଧ ଭାବେ ଯାଞ୍ଚ କରାଯାଇଥିବା ITR-Vକୁ ସାଧାରଣ କିମ୍ବା ସ୍ପିଡ୍ ପୋଷ୍ଟ ମାଧ୍ୟମରେ କିମ୍ବା ଅନ୍ୟ କୌଣସି ପଦ୍ଧତିରେ କେବଳ ନିମ୍ନଲିଖିତ ଠିକଣାରେ ପଠାଯିବ:
କେନ୍ଦ୍ରୀକୃତ ପ୍ରକ୍ରିୟାକରଣ କେନ୍ଦ୍ର, ଆୟକର ବିଭାଗ, ବେଙ୍ଗାଲୁରୁ - 560500, କର୍ଣ୍ଣାଟକ।
- ଆୟର ରିଟର୍ଣ୍ଣ ଅପଲୋଡ୍ କରିବାର ତାରିଖଠାରୁ 30 ଦିନର ଅବଧିର ନିର୍ଦ୍ଧାରଣ ଉଦ୍ଦେଶ୍ୟରେ ସେହି ତାରିଖକୁ ଗ୍ରହଣ କରାଯିବ, ଯେଉଁଦିନ ଉପଯୁକ୍ତ ଭାବରେ ସତ୍ୟାପିତ ITR-V, CPCରେ ପ୍ରାପ୍ତ ହେବ।
- ଏହା ମଧ୍ୟ ସ୍ପଷ୍ଟ କରାଯାଇଛି ଯେ ନିର୍ଦ୍ଦିଷ୍ଟ ସମୟସୀମା ମଧ୍ୟରେ ଅପଲୋଡ୍ କରିବା ପରେ ଯେଉଁଠାରେ ଆୟର ରିଟର୍ଣ୍ଣ ସତ୍ୟାପନ କରାଯାଏ ନାହିଁ ସେହି ରିଟର୍ଣ୍ଣକୁ ଅବୈଧ ବୋଲି ଧରାଯିବ।
ଥରେ ଆପଣ ଆପଣଙ୍କ ରିଟର୍ଣ୍ଣର ଇ-ସତ୍ୟାପନ କରିବା ପରେ ବିନିମୟ ID ଏବଂ ପ୍ରାପ୍ତିସ୍ୱୀକାର ସଂଖ୍ୟା ସହିତ ଏକ ସଫଳତା ବାର୍ତ୍ତା ପ୍ରଦର୍ଶିତ ହୁଏ। ଆପଣ ମଧ୍ୟ ଇ-ଫାଇଲିଂ ପୋର୍ଟାଲ୍ରେ ପଞ୍ଜୀକୃତ ଆପଣଙ୍କର ମୋବାଇଲ ନମ୍ବର ଏବଂ ଇମେଲ୍ IDରେ ଏକ ନିଶ୍ଚିତକରଣ ସନ୍ଦେଶ ପ୍ରାପ୍ତ କରିବେ।
