1. ଫର୍ମ 35 କ’ଣ?
ଯଦି ଆପଣ ଜଣେ ମୂଲ୍ୟାୟନ ଅଧିକାରୀଙ୍କ (AO) ଆଦେଶ ଦ୍ୱାରା କ୍ଷୁବ୍ଧ, ତେବେ ଆପଣ ଇ-ଫାଇଲିଂ ପୋର୍ଟାଲରେ ଅନ୍ଲାଇନ୍ରେ ସଠିକ୍ ଭାବରେ ପୂରଣ ହୋଇଥିବା ଫର୍ମ 35 ଦାଖଲ କରି ଯୁଗ୍ମ ଆୟୁକ୍ତ (ପୁନର୍ବିଚାର) କିମ୍ବା ଆୟକର ଆୟୁକ୍ତ ( ପୁନର୍ବିଚାର)ଙ୍କ ନିକଟରେ ଏହା ବିରୋଧରେ ଏକ ଆବେଦନ କରିପାରିବେ।
2. କିଏ ଫର୍ମ 35 ବ୍ୟବହାର କରିପାରିବେ?
ଯେ କୌଣସି ମୂଲ୍ଯାୟନକାରୀ/ ରିହାତିକାରୀ ଯିଏ AOଙ୍କ ଆଦେଶ ବିରୁଦ୍ଧରେ ଆବେଦନ କରିବାକୁ ଚାହୁଁଛନ୍ତି ସେମାନେ ଫର୍ମ 35 ବ୍ୟବହାର କରିପାରିବେ।
3.Form35 ଫାଇଲ୍ କରିବା ପାଇଁ କୌଣସି ଶୁଳ୍କ ଅଛି କି?
ଫର୍ମ 35 ଫାଇଲ୍ କରିବା ପୂର୍ବରୁ ପ୍ରତ୍ୟେକ ଅପିଲ୍ ସହ ଏକ ଅପିଲ୍ ଦେୟ ପୈଠ କରିବା ଆବଶ୍ୟକ ହୋଇଥାଏ। ଅପିଲ୍ ଦେୟର ପରିମାଣ AOଙ୍କ ଦ୍ୱାରା ହିସାବ କରାଯାଇଥିବା କିମ୍ବା ନିର୍ଦ୍ଧାରଣ କରାଯାଇଥିବା ସମୁଦାୟ ଆୟ ଉପରେ ନିର୍ଭର କରେ।
4. CIT (A) ପୁର୍ବରୁ କେଉଁ ସମୟ ଅବଧି ମଧ୍ୟରେ ଆବେଦନ ଦାଖଲ କରାଯାଇପାରିବ?
କରଦାତାଙ୍କୁ ଆଦେଶ କିମ୍ବା ଦାବି, ପରିସ୍ଥିତି ଯାହା ହୋଇଥିବ, ପ୍ରଦାନ କରାଯିବା ତାରିଖଠାରୁ 30 ଦିନ ମଧ୍ୟରେ ଅପିଲ୍ ଫାଇଲ୍ କରିବାକୁ ହେବ।
5. ଗୋଟିଏ ଅପିଲ୍ 30 ଦିନ ପରେ ଦାଖଲ କରାଯାଇ ପାରିବ କି?
ଆୟକର ଅଧିନିୟମ CIT (A)ଙ୍କ ନିକଟରେ ଅପିଲ୍ ଫାଇଲ୍ କରିବାକୁ 30 ଦିନ ଅବଧି ପ୍ରଦାନ କରିଛି। ତେବେ, ବ୍ୟତିକ୍ରମ କ୍ଷେତ୍ରଗୁଡ଼ିକରେ ଯେଉଁଠାରେ କରଦାତାଙ୍କର ଯୁକ୍ତିଯୁକ୍ତ କାରଣ ରହିଛି, ଯେଉଁ କାରଣରୁ ସେ ଅନୁମୋଦିତ ସମୟ ମଧ୍ୟରେ ଅପିଲ୍ ଫାଇଲ୍ କରିବାକୁ ସକ୍ଷମ ନୁହନ୍ତି, ତେବେ ଏହି ବିଳମ୍ବ ପାଇଁ କ୍ଷମା ଦାନ କରିବା ନିମନ୍ତେ CIT (A)ଙ୍କର କ୍ଷମତା ରହିଛି।
6. CIT(A)ଙ୍କ ନିକଟରେ ଏକ ଅପିଲ୍ ଫାଇଲ୍ କରିବା ସମୟରେ କେତେ ଦେୟ ପୈଠ କରିବାକୁ ହୋଇଥାଏ?
CIT (A)ଙ୍କ ନିକଟରେ ଅପିଲ୍ ଫାଇଲ୍ କରିବା ପୂର୍ବରୁ ପୈଠ କରିବାକୁ ଥିବା ଦେୟ ମୂଲ୍ୟାୟନ ଅଧିକାରୀଙ୍କ ଦ୍ୱାରା ସ୍ଥିର କରାଯାଇଥିବା ସମୁଦାୟ ଆୟ ଉପରେ ନିର୍ଭର କରେ। ନିମ୍ନଲିଖିତ ଶୁଳ୍କ ପୈଠ କରିବାକୁ ହେବ ଏବଂ ଶୁଳ୍କ ପୈଠର ପ୍ରମାଣ ଫର୍ମ ସହିତ ସଂଲଗ୍ନ କରିବାକୁ ହେବ।
|
କ୍ର .ନଂ. |
AO ଦ୍ୱାରା ନିର୍ଦ୍ଧାରିତ ମୋଟ ଆୟ |
ଅପିଲ୍ ଦେୟ |
|
1 |
ମୂଲ୍ୟାୟନ କରାଯାଇଥିବା ମୋଟ ଆୟ ଟ .1 ଲକ୍ଷ କିମ୍ବା ତା'ଠାରୁ କମ୍ |
ଟ. 250.00 |
|
2 |
ମୂଲ୍ୟାୟନ କରାଯାଇଥିବା ମୋଟ ଆୟ ଟ .1 ଲକ୍ଷରୁ ଅଧିକ କିନ୍ତୁ 2 ଲକ୍ଷରୁ ଅଧିକ ନୁହେଁ |
ଟ. 500.00 |
|
3 |
ମୂଲ୍ୟାୟନ କରାଯାଇଥିବା ମୋଟ ଆୟ ଟ.2 ଲକ୍ଷରୁ ଅଧିକ ସହ ସମ୍ବନ୍ଧିତ ଆବେଦନ |
ଟ. 1000.00 |
|
4 |
ଅନ୍ୟ କୌଣସି ବିଷୟ ସହିତ ଜଡ଼ିତ ଅପିଲ୍ |
ଟ. 250.00 |
7. କେଉଁ ଆଦେଶଗୁଡ଼ିକ ବିପକ୍ଷରେ CIT (A)ରେ ଅପିଲ୍ କରାଯାଇପାରିବ?
ଯେତେବେଳେ ଜଣେ କରଦାତା ବିଭିନ୍ନ ଆୟକର କର୍ତ୍ତୃପକ୍ଷଙ୍କ ଦ୍ୱାରା ଗୃହୀତ ହୋଇଥିବା ଆଦେଶଗୁଡ଼ିକ ଦ୍ୱାରା ପ୍ରତିକୂଳ ଭାବରେ ପ୍ରଭାବିତ ହୁଅନ୍ତି, ସେତେବେଳେ CIT(A)ଙ୍କ ନିକଟରେ ଅପିଲ୍ ଫାଇଲ୍ କରାଯାଇପାରିବ। ଆୟକର ଅଧିନିୟମର ଧାରା 246A ଅପିଲ୍ଯୋଗ୍ୟ ଆଦେଶଗୁଡ଼ିକର ତାଲିକା ପ୍ରସ୍ତୁତ କରିଛି। ଯେଉଁ ଆଦେଶଗୁଡ଼ିକ ବିପକ୍ଷରେ ଅପିଲ୍ କରାଯାଇପାରିବ ସେ ମଧ୍ୟରୁ କେତେଗୁଡ଼ିଏ ନିମ୍ନରେ ତାଲିକାଭୁକ୍ତ ହୋଇଛି:
• ଧାରା 143(1) ଅଧୀନରେ ରିଟର୍ଣ୍ଣ ଆୟରେ ସମାଯୋଜନ କରିବାକୁ ଜାରି କରାଯାଇଥିବା ସୂଚନା
• ଧାରା 143(3) ଅଧୀନରେ ଯାଞ୍ଚ ମୂଲ୍ୟାୟନ ଆଦେଶ କିମ୍ବା ଧାରା 144 ଅଧୀନରେ ଏକ ପକ୍ଷୀୟ ମୂଲ୍ୟାୟନ ଆଦେଶ, ନିର୍ଦ୍ଧାରିତ ଆୟ କିମ୍ବା କ୍ଷତି ଆକଳନ କିମ୍ବା ନିର୍ଦ୍ଧାରିତ କର କିମ୍ବା ସେହି ସ୍ଥିତି ଯାହା ଅଧୀନରେ ମୂଲ୍ୟାୟନ କରାଯାଇଛି, ତାହା ଉପରେ ଆପତ୍ତି କରିବା ପାଇଁ
• ଧାରା 147/150 ଅଧୀନରେ ମୂଲ୍ୟାୟନ ଖୋଲିବା ପରେ ପାରିତ ହୋଇଥିବା ପୁନଃ ମୂଲ୍ୟାଙ୍କନ ନିର୍ଦ୍ଧାରଣ ଆଦେଶ
• ଧାରା 153A କିମ୍ବା 158BC ଅଧୀନରେ ସନ୍ଧାନ ମୂଲ୍ୟାୟନ ଆଦେଶ
• ଧାରା 154/155 ଅଧିନରେ ସଂଶୋଧନ ଆଦେଶ
• କରଦାତାଙ୍କୁ ଅଣ-ନିବାସୀ ଇତ୍ୟାଦିର ପ୍ରତିନିଧି ଭାବରେ ବିବେଚନା କରି ଧାରା 163 ଅଧୀନରେ ଆଦେଶ।
