Form 10-IC User Manual

1. கண்ணோட்டம்

வருமான வரிச் சட்டத்தின் பிரிவு-115BAA-ன் படி, உள்நாட்டு வியாபார நிறுவனங்கள் குறிப்பிட்ட விலக்குகள் மற்றும் சலுகைகளைப் பெறாவிட்டால், 22% (அதோடு பொருந்தக்கூடிய மேல்வரி மற்றும் வரியின் மீதான தீர்வை) சலுகை விகிதத்தில் வரி செலுத்த விருப்பம் உள்ளது. வியாபார நிறுவனங்கள் மதிப்பீட்டு ஆண்டு 2020-21 முதல் சலுகை விகிதத்தை தேர்வு செய்யலாம்.

பிரிவு 115BAA-ன்படி சலுகை விகிதத்தில் வரி செலுத்த விரும்பினால், நன்மை பெற முந்தைய ஆண்டிற்கான வருமான வரிப் படிவம் அளிப்பதற்கான பிரிவு 139-ன் துணைப்பிரிவு-(1)-ன் கீழ் குறிப்பிடப்பட்ட தேதியில் அல்லது அதற்கு முன் படிவம் 10-IC தாக்கல் செய்வது அவசியம். அத்தகைய விருப்பத்தை ஒரு குறிப்பிட்ட நிதியாண்டில் பயன்படுத்தினால் அதை பின்னர் திரும்பப் பெற முடியாது.

படிவம் 10-IC ஆன்லைன் முறை மூலம் சமர்ப்பிக்கலாம். இந்த சேவை பதிவு செய்யப்பட்ட பயனரை மின்னணுத் தாக்கல் இணைய முகப்பில் ஆன்லைன் பயன்முறையைப் பயன்படுத்தி படிவம்-10-IC தாக்கல் செய்ய உதவுகிறது.

2. இந்தச் சேவையைப் பெறுவதற்கான முன்நிபந்தனைகள்

செல்லுபடியாகும் பயனர் பெயர் மற்றும் கடவுச்சொல்லுடன் மின்னணுத் தாக்கல் இணைய முகப்பில் பதிவுசெய்யப்பட்ட பயனர்
செல்லுபடியாகும் மற்றும் செயலில் உள்ள மின்னணுக் கையொப்பச் சான்றிதழைப் (DSC) பயன்படுத்தி மின்னணு-சரிபார்க்க
சட்ட ம் 139(1) பிரிவின் கீழ் வருமான வரிப் படிவம் அளிப்பதற்கான காலக்கெடு முடிவடையவில்லை

3. படிவத்தைப் பற்றி

3.1. நோக்கம்

சலுகை விகிதத்தில் வரி செலுத்துவதற்கு பிரிவு 115BAA-ன் துணைப்பிரிவு (5)-ன் கீழ் விருப்பத் தேர்வைப் பயன்படுத்துவதற்கான விண்ணப்பம் படிவம்-10-IC இல் செய்யப்பட வேண்டும். வருமான வரிச் சட்டம், 1961-ன் பிரிவு-115BAA-ன்படி, உள்நாட்டு நிறுவனங்கள் பிரிவு 115BAA-ல் குறிப்பிடப்பட்டுள்ள நிபந்தனைகளை பூர்த்தி செய்வதற்கு உட்பட்டு 22% (கூடுதலாக மேல்வரி மற்றும் வரியின் தீர்வை) சலுகை வரி விகிதத்தில் வரி செலுத்துவதற்கான விருப்பத் தேர்வைப் பயன்படுத்தலாம்.

3.2. இதை யார் பயன்படுத்தலாம்?

உள்நாட்டுக் குழுமமாகப் பதிவு செய்யப்பட்ட எல்லாப் பயனர்களும் இந்தப் படிவத்தை அணுகலாம்.

4. ஒரு விரைவுப் பார்வையில் படிவம்

படிவம்-10-IC-ல் 4 பிரிவுகள் உள்ளன:

வருமான மதிப்பீட்டு அதிகாரி
அடிப்படைத் தகவல்
கூடுதல் தகவல்
சரிபார்ப்பு

4.1. வருமான மதிப்பீட்டு அதிகாரியின் விவரங்கள்

படிவத்தின் முதல் பிரிவு உங்கள் வருமான மதிப்பீட்டு அதிகாரியின் விவரங்களைக் குறிக்கிறது. இந்த பிரிவில் உள்ள விவரங்களை நீங்கள் உறுதிப்படுத்த மட்டுமே வேண்டும்.

4.2. அடிப்படைத் தகவல்

அடுத்த பிரிவில் உள்நாட்டு வியாபார நிறுவனத்தின் அடிப்படை விவரங்கள் (தனிப்பட்ட தகவல்கள் மற்றும் வணிக நடவடிக்கைகளின் தன்மை உட்பட) உள்ளன. உங்களுக்குப் பொருந்தக் கூடிய வணிகத்தின் தன்மையின்படி நீங்கள் துறையைத் தேர்ந்தெடுக்க வேண்டும்.

4.3 கூடுதல் தகவல்

அடுத்த பிரிவில் IFSC அலகுகள் (ஏதேனும் இருந்தால்) மற்றும் 115BA பிரிவின் கீழ் செயல்முறைப்படுத்தக் கூடிய விருப்பத் தேர்வுகள் பற்றிய விவரங்கள் உள்ளன. நீங்கள் 115BA பிரிவின் கீழ் வரிவிதிப்பைத் தேர்ந்தெடுத்திருந்தால், நீங்கள் அதைத் திரும்பப் பெற வேண்டும் என்பதை நினைவில் கொள்ளவும்.

4.4. சரிபார்ப்பு

இறுதிப் பிரிவில் வருமான வரிச் சட்டம், 1961-ன் பிரிவு 115BAA-ன்படி அளவுகோல்களைக் கொண்ட சுய அறிவிப்புப் படிவம் உள்ளது. சரிபார்ப்பு பக்கத்தில் காட்டப்படும் விதிமுறைகள் மற்றும் நிபந்தனைகளுக்கு உடன்படுங்கள்.

5. எப்படி அணுகுவது மற்றும் சமர்ப்பிப்பது

பின்வரும் முறை மூலம் படிவம்-10-IC-ஐப் பூர்த்தி செய்து சமர்ப்பிக்கலாம்:

ஆன்லைன் முறை - மின்னணுத் தாக்கல் இணைய முகப்பு மூலம்

ஆன்லைன் முறை மூலம் படிவம் 10-IC-ஐ நிரப்பவும் சமர்ப்பிக்கவும் பின்வரும் படிகளைப் பின்பற்றவும்.

5.1 வரி செலுத்துவோர் படிவம்-10-IC-ஐத் (ஆன்லைன் பயன்முறை மூலம்) தாக்கல் செய்ய

படி 1: உங்கள் பயனர் அடையாளம் (ID) மற்றும் கடவுச்சொல்லைப் பயன்படுத்தி மின்னணு முகப்பில் உள்நுழையவும்.

படி 2: உங்கள் முகப்புப் பலகையில் , மின்னணுத் தாக்கல் > வருமான வரிப் படிவங்கள் > வருமான வரிப் படிவங்களைத் தாக்கல் செய்யுங்கள் என்பதைச் சொடுக்கவும்.

படி 3: வருமான வரிப் படிவங்கள் தாக்கல் செய்தல் பக்கத்தில், படிவம்-10-IC-ஐத் தேர்ந்தெடுக்கவும். மாற்றாக, படிவத்தைத் தாக்கல் செய்ய தேடல் பெட்டியில் படிவம்-10-IC-ஐ உள்ளிடவும்.

படி 4: படிவம் 10-IC பக்கத்தில், தொடர்புடைய மதிப்பீட்டு ஆண்டைத் தேர்ந்தெடுத்து தொடரவும் என்பதைச் சொடுக்கவும்.

படி 5: வழிமுறைகள் பக்கத்தில், தொடங்கு என்பதைச் சொடுக்கவும்.

படி 6: தொடங்கு என்பதைச் சொடுக்கினால், படிவம்-10-IC காட்டப்படும். தேவையான அனைத்து விவரங்களையும் நிரப்பி முன்னோட்டத்தைச் சொடுக்கவும்.

படி 7: முன்னோட்டம் பக்கத்தில், விவரங்களைச் சரிபார்த்து, மின்னணுச் சரிபார்ப்புக்குத் தொடரவும் என்பதைச் சொடுக்கவும்.

படி 8: சமர்ப்பிக்க ஆம் என்பதைச் சொடுக்கவும்.

படி 10: ஆம் என்பதைச் சொடுக்குவதன் மூலம், மின்னணுக் கையொப்ப சான்றிதழைப் பயன்படுத்தி சரிபார்க்கக்கூடிய மின்னணு-சரிபார்ப்பு பக்கத்திற்கு நீங்கள் அழைத்துச் செல்லப்படுவீர்கள்.

குறிப்பு: மின்னணு-சரிபார்ப்பது மற்றும் மின்னணுக் கையொப்பச் சான்றிதழைப் (DSC) பதிவு செய்வது எப்படி என்பதைப் பற்றி மேலும் அறிய பயனர் கையேட்டைப் பார்க்கவும்.

வெற்றிகரமான மின்னணு-சரிபார்ப்பிற்குப் பிறகு, ஒரு பரிவர்த்தனை அடையாளம் மற்றும் ஒப்புதல் ரசீது எண்ணுடன் ஒரு வெற்றி செய்தி காண்பிக்கப்படும். எதிர்கால குறிப்புக்காக பரிவர்த்தனை அடையாளம் மற்றும் ஒப்புதல் எண்ணை குறித்துக் கொள்ளவும்.மின்னணுத் தாக்கல் இணைய முகப்பில் பதிவு செய்யப்பட்ட மின்னஞ்சலில் உறுதிப்படுத்தும் செய்தியையும் நீங்கள் பெறுவீர்கள்.