1. ସମୀକ୍ଷା

ମୋ ବ୍ୟାଙ୍କ ଆକାଉଣ୍ଟ ସେବା ଇ-ଫାଇଲିଂ ପୋର୍ଟାଲ୍ (ଲଗ୍ଇନ୍-ପରେ)ରେ ଏକ ବୈଧ PAN ଏବଂ ଏକ ବୈଧ ବ୍ୟାଙ୍କ ଆକାଉଣ୍ଟ ରହିଥିବା ସମସ୍ତ ପଞ୍ଜୀକୃତ କରଦାତାଙ୍କ ପାଇଁ ଉପଲବ୍ଧ। ଏହି ସେବା ଆପଣଙ୍କୁ ନିମ୍ନୋକ୍ତ ପାଇଁ ଅନୁମତି ଦିଏ:

• ଏକ ବ୍ୟାଙ୍କ ଆକାଉଣ୍ଟ ଯୋଡନ୍ତୁ ଏବଂ ଏହାକୁ ପୂର୍ବ-ବୈଧ କରନ୍ତୁ
• ଏକ ବନ୍ଦ କିମ୍ବା ନିଷ୍କ୍ରିୟ ବ୍ୟାଙ୍କ ଆକାଉଣ୍ଟକୁ ଅପସାରଣ କରନ୍ତୁ
• ଆୟକର ରିଫଣ୍ଡ୍ ପ୍ରାପ୍ତ କରିବା ପାଇଁ ଏକ ବୈଧ ବ୍ୟାଙ୍କ ଆକାଉଣ୍ଟକୁ ମନୋନୀତ କରନ୍ତୁ
• ନାମାଙ୍କନରୁ ଏକ ବ୍ୟାଙ୍କ ଆକାଉଣ୍ଟ ଅପସାରଣ କରନ୍ତୁ ଯାହା ଦ୍ୱାରା ସେହି ଆକାଉଣ୍ଟରେ କର ରିଫଣ୍ଡ୍ ପ୍ରାପ୍ତ ହେବ ନାହିଁ
• ବୈଧକରଣ ହୋଇଥିବା ବ୍ୟାଙ୍କ ଆକାଉଣ୍ଟ ପାଇଁ EVC ସକ୍ଷମ କିମ୍ବା ଅକ୍ଷମ କରନ୍ତୁ (କେବଳ ବ୍ୟକ୍ତିଗତ କରଦାତାମାନଙ୍କ ପାଇଁ)
• ପୁର୍ବ-ବୈଧକରଣ ବିଫଳ ହୋଇଥିବା ବ୍ୟାଙ୍କ ଆକାଉଣ୍ଟକୁ ପୁନଃ ବୈଧ କରନ୍ତୁ

2. ଏହି ସେବାର ଲାଭ ଉଠାଇବା ପାଇଁ ପ୍ରାକ୍‌ ଆବଶ୍ୟକତାଗୁଡ଼ିକ

• ବୈଧ ଉପଭୋକ୍ତା ID ଏବଂ ପାସ୍‌ୱାର୍ଡ ସହିତ ଇ-ଫାଇଲିଂ ପୋର୍ଟାଲରେ ପଞ୍ଜିକୃତ ଉପଭୋକ୍ତା
• ପୂର୍ବ-ବୈଧ ହେବାକୁ ଥିବା ବ୍ୟାଙ୍କ ଆକାଉଣ୍ଟ ସହିତ PAN ଲିଙ୍କ୍‌‌ ହୋଇଥିବା ଆବଶ୍ୟକ
• ବ୍ୟାଙ୍କ ଆକାଉଣ୍ଟ ଯୋଡନ୍ତୁ:
  • ଆକାଉଣ୍ଟ PAN ସହିତ ଲିଙ୍କ୍‌‌ ହେବା ଆବଶ୍ୟକ
  • ଉପଭୋକ୍ତାଙ୍କର ବୈଧ IFSC ଏବଂ ଆକାଉଣ୍ଟ ନମ୍ବର ରହିବା ଆବଶ୍ୟକ
• EVC କୁ ସକ୍ଷମ କରନ୍ତୁ:
  • ଇ-ଫାଇଲିଂ ସମନ୍ୱିତ ବ୍ୟାଙ୍କଗୁଡିକରେ ଆକାଉଣ୍ଟ ଥିବା ଆବଶ୍ୟକ
  • ପ୍ରାଥମିକ ମୋବାଇଲ୍ ନମ୍ବର ଏବଂ ଇମେଲ୍ ID ଭାବରେ ମୋବାଇଲ୍ ନମ୍ବର କିମ୍ବା ବ୍ୟାଙ୍କ ଆକାଉଣ୍ଟ ସହିତ ଲିଙ୍କ୍ ହୋଇଥିବା ଇମେଲ୍ ID
• ରିଫଣ୍ଡ୍ ପାଇଁ ମନୋନୀତ କରନ୍ତୁ:
  • ବୈଧ କରାଯାଇଥିବା ବ୍ୟାଙ୍କ ଆକାଉଣ୍ଟ
  • ଆକାଉଣ୍ଟ ପ୍ରକାର ନିଶ୍ଚିତ ଭାବରେ ସେଭିଂ/କରେଣ୍ଟ/କ୍ୟାଶ୍ କ୍ରେଡିଟ୍ / ଓଭରଡ୍ରାଫ୍ଟ /ପ୍ରବାସୀ ସାଧାରଣ ହୋଇଥିବା ଆବଶ୍ୟକ

3. ପର୍ଯ୍ୟାୟ କ୍ରମିକ ମାର୍ଗଦର୍ଶନ

ସୋପାନ 1: ଆପଣଙ୍କର ଉପଭୋକ୍ତା ID ଏବଂ ପାସ୍‌ୱାର୍ଡ ବ୍ୟବହାର କରି ଇ-ଫାଇଲିଂ ପୋର୍ଟାଲ୍‌ରେ ଲଗ୍ଇନ୍ କରନ୍ତୁ।

ସୋପାନ 2: ଡ୍ୟାଶ୍‌ବୋର୍ଡରୁ ମୋ ପ୍ରୋଫାଇଲ୍ ପୃଷ୍ଠାକୁ ଯାଆନ୍ତୁ।

ସୋପାନ 3: ମୋ ବ୍ୟାଙ୍କ ଆକାଉଣ୍ଟରେ କ୍ଲିକ୍ କରନ୍ତୁ।

ମୋ ବ୍ୟାଙ୍କ ଆକାଉଣ୍ଟ ପୃଷ୍ଠାରେ, ଯୋଡା ଯାଇଥିବା, ବିଫଳ ହୋଇଥିବା ଏବଂ ଅପସାରିତ ହୋଇଥିବା ବ୍ୟାଙ୍କ ଆକାଉଣ୍ଟ ଟ୍ୟାବ୍‌ଗୁଡ଼ିକ ପ୍ରଦର୍ଶିତ ହେବ।

ମୋ ବ୍ୟାଙ୍କ ଆକାଉଣ୍ଟ ସେବା ଅଧୀନରେ ଭିନ୍ନ ଭିନ୍ନ ସୁବିଧାଗୁଡିକ କିପରି ବ୍ୟବହାର କରାଯିବ ତାହା ଶିଖିବାକୁ, ନିମ୍ନଲିଖିତ ବିଭାଗଗୁଡ଼ିକୁ ଅନୁସରଣ କରନ୍ତୁ:

3.1 ଏକ ବ୍ୟାଙ୍କ ଆକାଉଣ୍ଟ ଯୋଡନ୍ତୁ ଏବଂ ଏହାକୁ ପୂର୍ବ-ବୈଧ କରନ୍ତୁ

A. PAN / ଆଧାର ବ୍ୟବହାର କରି ଇ-ଫାଇଲିଂ ପୋର୍ଟାଲରେ ଲଗ୍ଇନ୍ କରି

ସୋପାନ 1: ମୋ ବ୍ୟାଙ୍କ ଆକାଉଣ୍ଟ ପୃଷ୍ଠାରେ, ବ୍ୟାଙ୍କ ଆକାଉଣ୍ଟ୍ ଯୋଡନ୍ତୁରେ କ୍ଲିକ୍ କରନ୍ତୁ।

ସୋପାନ 2: ବ୍ୟାଙ୍କ ଆକାଉଣ୍ଟ ଯୋଡନ୍ତୁ ପୃଷ୍ଠାରେ, ବ୍ୟାଙ୍କ ଆକାଉଣ୍ଟ ନମ୍ବର ପ୍ରବେଶ କରନ୍ତୁ, ଆକାଉଣ୍ଟ ପ୍ରକାର ଏବଂ ଧାରକ ପ୍ରକାର ଚୟନ କରନ୍ତୁ, ଏବଂ IFSC ପ୍ରବେଶ କରନ୍ତୁ। IFSC ଉପରେ ଆଧାର କରି ବ୍ୟାଙ୍କ ନାମ ଏବଂ ଶାଖା ସ୍ବତଃ ପୁର୍ଣ୍ଣ ହୁଏ। ଯଦି ଆପଣଙ୍କ ବ୍ୟାଙ୍କ ଇ-ଫାଇଲିଂ ସହିତ ସମନ୍ବିତ ହୁଏ, ତେବେ ଆପଣଙ୍କ ମୋବାଇଲ୍ ନମ୍ବର ଏବଂ ଇମେଲ୍ ID ଆପଣଙ୍କ ଇ-ଫାଇଲିଂ ପ୍ରୋଫାଇଲ୍‌ରୁ ପୂର୍ବରୁ ପୂରଣ ହେବ ଏବଂ ସମ୍ପାଦନା ଯୋଗ୍ୟ ହେବ ନାହିଁ।

ସୋପାନ 3: ବୈଧ କରନ୍ତୁରେ କ୍ଲିକ୍ କରନ୍ତୁ।

ସଫଳ ବୈଧକରଣରେ, ଏକ ସଫଳତା ସନ୍ଦେଶ ପ୍ରଦର୍ଶିତ ହୋଇଥାଏ। ଆପଣ ଇ-ଫାଇଲିଂ ପୋର୍ଟାଲରେ ପଞ୍ଜିକୃତ ଆପଣଙ୍କର ମୋବାଇଲ୍ ନମ୍ବର ଏବଂ ଇମେଲ୍ ID ରେ ଏକ ସନ୍ଦେଶ ମଧ୍ୟ ପ୍ରାପ୍ତ କରିବେ।

B. ନେଟ୍ ବ୍ୟାଙ୍କିଙ୍ଗ୍ ବ୍ୟବହାର କରି ଇ-ଫାଇଲିଂ ପୋର୍ଟାଲରେ ଲଗ୍ଇନ୍ କରି

ସୋପାନ 1: ଆପଣଙ୍କର ନେଟ୍ ବ୍ୟାଙ୍କିଙ୍ଗ ଆକାଉଣ୍ଟ ବ୍ୟବହାର କରି ଇ-ଫାଇଲିଂ ପୋର୍ଟାଲରେ ଲଗ୍ଇନ୍ କରନ୍ତୁ।

ସୋପାନ 2: ନେଟ୍ ବ୍ୟାଙ୍କିଙ୍ଗ୍ ମାଧ୍ୟମରେ ଲଗ୍ଇନ୍‌ କଲେ, ଇ-ଫାଇଲିଂ ପୋର୍ଟାଲ୍ ସତ୍ୟାପିତ କରିବ ଯେ ଲଗ୍ଇନ୍ ପାଇଁ ବ୍ୟବହୃତ ବ୍ୟାଙ୍କ ଆକାଉଣ୍ଟ ଯୋଡା ଯାଇଥିବା ବ୍ୟାଙ୍କ ଆକାଉଣ୍ଟ ଟ୍ୟାବ୍ ଅଧୀନରେ ଅଛି କି ନାହିଁ। ଯଦି ବ୍ୟାଙ୍କ ଆକାଉଣ୍ଟ ପୂର୍ବରୁ ଯୋଡା ହୋଇନାହିଁ, ମାସ୍କେଡ୍ ଆକାଉଣ୍ଟ୍ ନମ୍ବର ଏବଂ IFSC ସହିତ ଏକ ନିଶ୍ଚିତକରଣ ସନ୍ଦେଶ ପ୍ରଦର୍ଶିତ ହୁଏ, ଯାହା ଇ-ଫାଇଲିଂ ପୋର୍ଟାଲରେ ଆପଣ ଆକାଉଣ୍ଟ୍ ଯୋଡିବାକୁ ଚାହୁଁଛନ୍ତି କି ନାହିଁ ତାହା ନିଶ୍ଚିତ କରିବାକୁ କହିଥାଏ। ଜାରି ରଖନ୍ତୁରେ କ୍ଲିକ୍ କରନ୍ତୁ।

ନିଶ୍ଚିତକରଣରେ (ଉଭୟ ପଦ୍ଧତି A ଏବଂ B ପାଇଁ), ବ୍ୟାଙ୍କ ଆକାଉଣ୍ଟ୍ ବିବରଣୀଗୁଡିକ ନିମ୍ନଲିଖିତ ସ୍ଥିତି ସହିତ ଯୋଡା ଯାଇଥିବା ବ୍ୟାଙ୍କ ଆକାଉଣ୍ଟ ଟ୍ୟାବ୍ ଅଧୀନରେ ଅନ୍ତର୍ଭୂକ୍ତ କରାଯାଇଛି:

• ବୈଧ କରା ହୋଇଛି (ଯଦି କୌଣସି ବିଦ୍ୟମାନ ବ୍ୟାଙ୍କ ଆକାଉଣ୍ଟ ପାଇଁ EVC ସକ୍ଷମ ହୋଇଛି) କିମ୍ବା
• ବୈଧକରଣ ହୋଇଛି ଏବଂ EVC ସକ୍ଷମ ହୋଇଛି (ଯଦି PAN, ଆକାଉଣ୍ଟ୍ ନମ୍ବର, IFSC, ଏବଂ ମୋବାଇଲ୍ ନମ୍ବର ବ୍ୟାଙ୍କ ଦ୍ୱାରା ସଫଳତାର ସହିତ ବୈଧକରଣ ହୋଇଛି, ଏବଂ ଯଦି ଅନ୍ୟ କୌଣସି ବ୍ୟାଙ୍କ ଆକାଉଣ୍ଟ ପାଇଁ EVC ସକ୍ଷମ ନାହିଁ)।

3.2 ବ୍ୟାଙ୍କ ଆକାଉଣ୍ଟ ଅପସାରଣ କରନ୍ତୁ

ସୋପାନ 1: ଇଚ୍ଛିତ ବ୍ୟାଙ୍କ ଆକାଉଣ୍ଟ ପାଇଁ କାର୍ଯ୍ୟାନୁଷ୍ଠାନ ସ୍ତମ୍ଭ ଅନ୍ତର୍ଗତ ବ୍ୟାଙ୍କ ଆକାଉଣ୍ଟ ଅପସାରଣ କରନ୍ତୁରେ କ୍ଲିକ୍ କରନ୍ତୁ।

ସୋପାନ 2: ବ୍ୟାଙ୍କ ଆକାଉଣ୍ଟ ଅପସାରଣ ପାଇଁ ଡ୍ରପ୍‌ଡାଉନ୍‌ରୁ ଏକ କାରଣ ବାଛନ୍ତୁ। ଯଦି ଆପଣ ଅନ୍ୟାନ୍ୟ ଚୟନ କରନ୍ତି, ଟେକ୍ସଟ୍ ବକ୍ସରେ କାରଣ ପ୍ରବେଶ କରନ୍ତୁ ଏବଂ ଜାରି ରଖନ୍ତୁରେ କ୍ଲିକ୍ କରନ୍ତୁ।

ବ୍ୟାଙ୍କ ଆକାଉଣ୍ଟକୁ ସଫଳତାର ସହିତ ଅପସାରଣ କରିବାରେ, ଏକ ସଫଳତା ସନ୍ଦେଶ ପ୍ରଦର୍ଶିତ ହୁଏ।

3.3 ରିଫଣ୍ଡ୍ ପାଇଁ ମନୋନୟନ ମଧ୍ୟରୁ ବ୍ୟାଙ୍କ ଆକାଉଣ୍ଟକୁ ମନୋନୀତ କରନ୍ତୁ କିମ୍ବା ଅପସାରଣ କରନ୍ତୁ
 

A. ରିଫଣ୍ଡ୍ ପାଇଁ ଏକ ବ୍ୟାଙ୍କ ଆକାଉଣ୍ଟ ମନୋନୀତ କରନ୍ତୁ
 

ସୋପାନ 1: ରିଫଣ୍ଡ୍ ପାଇଁ ଏକ ବ୍ୟାଙ୍କ ଆକାଉଣ୍ଟ ମନୋନୀତ କରିବାକୁ, ଆପଣ ରିଫଣ୍ଡ୍ ପାଇଁ ମନୋନୟନ କରିବାକୁ ଚାହୁଁଥିବା ବ୍ୟାଙ୍କ ଆକାଉଣ୍ଟ ପାଇଁ ରିଫଣ୍ଡ ପାଇଁ ମନୋନୟନ କରନ୍ତୁ ଟୋଗଲ୍ / ସୁଇଚ୍ (ସୁଇଚ୍ ଟି ବାମ ପାର୍ଶ୍ୱରେ ରହିଥିବ)ରେ କ୍ଲିକ୍ କରନ୍ତୁ।
 

ସୋପାନ 2: ଆପଣ ଚୟନିତ ବ୍ୟାଙ୍କ ଆକାଉଣ୍ଟଟିକୁ ମନୋନୀତ କରିବାକୁ ଚାହୁଁଛନ୍ତି ବୋଲି ନିଶ୍ଚିତ କରିବାକୁ ଜାରି ରଖନ୍ତୁରେ କ୍ଲିକ୍ କରନ୍ତୁ।
 

ସଫଳ ହେଲେ, ସୁଇଚ୍ ଡାହାଣକୁ ଘୁଞ୍ଚି ଯିବ।

B. ରିଫଣ୍ଡ୍ ପାଇଁ ମନୋନୟନରୁ ଏକ ବ୍ୟାଙ୍କ ଆକାଉଣ୍ଟ ଅପସାରଣ କରନ୍ତୁ

ସୋପାନ 1: ରିଫଣ୍ଡ୍ ପାଇଁ ମନୋନୀତ ହୋଇଥିବା ଏକ ବ୍ୟାଙ୍କ ଆକାଉଣ୍ଟକୁ ଅପସାରଣ କରିବାକୁ, ଆପଣ ମନୋନୟନରୁ ଅପସାରଣ କରିବାକୁ ଚାହୁଁଥିବା ବ୍ୟାଙ୍କ ଆକାଉଣ୍ଟ ପାଇଁ ରିଫଣ୍ଡ ପାଇଁ ମନୋନୀତ କରନ୍ତୁ ଟୋଗଲ୍ / ସୁଇଚ୍ (ଏହା ଡାହାଣ ପାର୍ଶ୍ୱରେ ରହିଥିବ) ରେ କ୍ଲିକ୍ କରନ୍ତୁ।

ସୋପାନ 2: ଆପଣ ଚୟନିତ ବ୍ୟାଙ୍କ ଆକାଉଣ୍ଟର ମନୋନୟନ ଅପସାରଣ କରିବାକୁ ଚାହୁଁଛନ୍ତି ବୋଲି ନିଶ୍ଚିତ କରିବାକୁ ଜାରି ରଖନ୍ତୁରେ କ୍ଲିକ୍ କରନ୍ତୁ।

ସଫଳ ହେଲେ, ସୁଇଚ୍ ବାମକୁ ଘୁଞ୍ଚି ଯିବ।

3.4 EVC ସକ୍ଷମ ଏବଂ ଅକ୍ଷମ କରନ୍ତୁ

A. EVC ସକ୍ଷମ କରନ୍ତୁ

ସୋପାନ 1: ଆପଣ EVC ସକ୍ଷମ କରିବାକୁ ଚାହୁଁଥିବା ବ୍ୟାଙ୍କ ଆକାଉଣ୍ଟରେ ଥିବା ଆକ୍ସନ୍ ସ୍ତମ୍ଭ ଅନ୍ତର୍ଗତ EVC ସକ୍ଷମ କରନ୍ତୁ ରେ କ୍ଲିକ୍ କରନ୍ତୁ।

ସୋପାନ 2: ଏକ ନିଶ୍ଚିତକରଣ ସନ୍ଦେଶ ପ୍ରଦର୍ଶିତ ହୁଏ। ଜାରି ରଖନ୍ତୁରେ କ୍ଲିକ୍ କରନ୍ତୁ।

ଟିପ୍ପଣୀ:

• ନିମ୍ନଲିଖିତ ସର୍ତ୍ତ ପୂରଣ ହେଲେ ହିଁ ଏକ ବୈଧ ବ୍ୟାଙ୍କ ଆକାଉଣ୍ଟ ପାଇଁ EVC ସକ୍ଷମ ହୋଇପାରିବ:
  • ଆପଣଙ୍କର ମୋବାଇଲ୍ ନମ୍ବର (ବାଧ୍ୟତାମୂଳକ) ଏବଂ ଇମେଲ୍ ID (ବୈକଳ୍ପିକ) ବ୍ୟାଙ୍କ ଦ୍ୱାରା ସତ୍ୟାପିତ ହୋଇଥିବା ଉଚିତ୍।
  • ଇ-ଫାଇଲିଂ ସହିତ ପଞ୍ଜୀକୃତ ହୋଇଥିବା ଆପଣଙ୍କର ମୋବାଇଲ୍ ନମ୍ବର ବ୍ୟାଙ୍କ ଦ୍ୱାରା ସତ୍ୟାପିତ ହୋଇଥିବା ନମ୍ବର ସହିତ ସମାନ ହୋଇଥିବା ଉଚିତ୍। ସେଗୁଡିକ ମେଳ ଖାଉଛି ବୋଲି ନିଶ୍ଚିତ କରିବାକୁ, ଆପଣଙ୍କର ଇ-ଫାଇଲିଂ ପ୍ରୋଫାଇଲରେ ଥିବା ଆପଣଙ୍କର ମୋବାଇଲ୍ ନମ୍ବରକୁ ବ୍ୟାଙ୍କ ସହିତ ଲିଙ୍କ୍ ହୋଇଥିବା ନମ୍ବର ସହିତ ସମାନ ହେବା ପାଇଁ ଅଦ୍ୟତନ କରନ୍ତୁ, କିମ୍ବା ଆପଣଙ୍କ ଇ-ଫାଇଲିଂ ପ୍ରୋଫାଇଲରେ ସମାନ ହେବା ପାଇଁ ଆପଣଙ୍କ ବ୍ୟାଙ୍କ ସହିତ ଥିବା ମୋବାଇଲ୍ ନମ୍ବରକୁ ଅଦ୍ୟତନ କରନ୍ତୁ।
  • ଅନ୍ୟ କୌଣସି ବ୍ୟାଙ୍କ ଆକାଉଣ୍ଟ ପାଇଁ EVC ସକ୍ଷମ ହୋଇ ନଥିବା ଉଚିତ୍।
  • ଆପଣଙ୍କ ବ୍ୟାଙ୍କ ଇ-ଫାଇଲିଂ ସହିତ ସମନ୍ବିତ ହୋଇଥିବା ଉଚିତ୍। ଇ-ଫାଇଲିଂ ସହିତ ସମନ୍ବିତ ହୋଇଥିବା ବ୍ୟାଙ୍କଗୁଡିକର ତାଲିକା ଇ-ଫାଇଲିଂ ନେଟ୍ ବ୍ୟାଙ୍କିଙ୍ଗ୍ ସହିତ ଲଗ୍ଇନ୍ କରନ୍ତୁ ପୃଷ୍ଠା ରେ ମିଳିପାରିବ।
• ଯଦି ଆପଣ କେବଳ ଆପଣଙ୍କର ବ୍ୟାଙ୍କ ଆକାଉଣ୍ଟକୁ ପୁର୍ବ-ବୈଧ କରିବାକୁ ଚାହୁଁଛନ୍ତି ଏବଂ EVC ସକ୍ଷମ କରୁ ନାହାଁନ୍ତି, ତେବେ ଆପଣଙ୍କର ଇ-ଫାଇଲିଂ ମୋବାଇଲ୍ କିମ୍ବା ଇମେଲ୍ ଆପଣଙ୍କ ବ୍ୟାଙ୍କ ଦ୍ୱାରା ସତ୍ୟାପିତ ହୋଇଥିବା ଯୋଗାଯୋଗ ବିବରଣୀ ସହିତ ମେଳ ଖାଇବା ଆବଶ୍ୟକ ନାହିଁ।

ଯଦି ଉପରୋକ୍ତ ସର୍ତ୍ତଗୁଡିକ ପୂରଣ ହୁଏ, ଚୟନିତ ବ୍ୟାଙ୍କ ଆକାଉଣ୍ଟ ପାଇଁ EVC ସଫଳତାର ସହିତ ସକ୍ଷମ ହୋଇଥାଏ, ଏବଂ ସ୍ଥିତି ବୈଧ ହୋଇଛି ଏବଂ EVC ସକ୍ଷମ ହୋଇଛି ଭାବରେ ଅଦ୍ୟତନ ହୋଇଥାଏ:

ସୋପାନ 3: ଯଦି ଗୋଟିଏ ବ୍ୟାଙ୍କ ଆକାଉଣ୍ଟ ପାଇଁ EVC ସକ୍ଷମ ହୋଇଛି, ଏବଂ ଆପଣ ଅନ୍ୟ ଏକ ବ୍ୟାଙ୍କ ଆକାଉଣ୍ଟ ପାଇଁ EVC ସକ୍ଷମ କରିବାକୁ ଚେଷ୍ଟା କରୁଛନ୍ତି, ତେବେ ଆପଣଙ୍କୁ ସମାନ ସୂଚନା ଦେଇ ଏକ ସନ୍ଦେଶ ପ୍ରଦର୍ଶିତ ହେବ। ସନ୍ଦେଶରେ ଜାରି ରଖନ୍ତୁରେ କ୍ଲିକ୍ କରନ୍ତୁ, ଏବଂ ସୋପାନ 2 ରେ ଉଲ୍ଲେଖିତ ସର୍ତ୍ତ ପୂରଣ ହେଲେ ବ୍ୟାଙ୍କ ଆକାଉଣ୍ଟ ପାଇଁ EVC ସକ୍ଷମ ହେବ। ଏପରି ପରିସ୍ଥିତିରେ, ପୂର୍ବରୁ ସକ୍ଷମ ହୋଇଥିବା ବ୍ୟାଙ୍କ ଆକାଉଣ୍ଟ ପାଇଁ EVC ଅକ୍ଷମ ହେବ।

ଟିପ୍ପଣୀ: ଯଦି ଆପଣ ବାତିଲ୍ କରନ୍ତୁରେ କ୍ଲିକ୍ କରନ୍ତି କିମ୍ବା ସନ୍ଦେଶ ବନ୍ଦ କରନ୍ତି, ବିଦ୍ୟମାନ ବ୍ୟାଙ୍କ ଆକାଉଣ୍ଟ ପାଇଁ EVC ସକ୍ଷମ ରହିବ।

B. EVC ଅକ୍ଷମ କରନ୍ତୁ

ସୋପାନ 1: ଆପଣ EVC ଅକ୍ଷମ କରିବାକୁ ଚାହୁଁଥିବା ବ୍ୟାଙ୍କ ଆକାଉଣ୍ଟରେ ଥିବା କାର୍ଯ୍ଯ ସ୍ତମ୍ଭ ଅନ୍ତର୍ଗତ EVC ଅକ୍ଷମ କରନ୍ତୁରେ କ୍ଲିକ୍ କରନ୍ତୁ।

ସୋପାନ 2: ଏକ ନିଶ୍ଚିତକରଣ ସନ୍ଦେଶ ପ୍ରଦର୍ଶିତ ହୁଏ। ଜାରି ରଖନ୍ତୁରେ କ୍ଲିକ୍ କରନ୍ତୁ।

ସଫଳ ହେଲେ, ଚୟନିତ ଆକାଉଣ୍ଟ ପାଇଁ EVC ଅକ୍ଷମ ହୋଇଥାଏ, ଏବଂ ସ୍ଥିତି ବୈଧକରଣ ହୋଇଛି କୁ ଅଦ୍ୟତନ ହୋଇଥାଏ।

3.5 ବ୍ୟାଙ୍କ ଆକାଉଣ୍ଟକୁ ପୁନଃ-ବୈଧ କରନ୍ତୁ

ସୋପାନ 1: ଯଦି ଏକ ବ୍ୟାଙ୍କ ଆକାଉଣ୍ଟ ପାଇଁ ବୈଧକରଣ ପୂର୍ବରୁ ବିଫଳ ହୋଇଥାଏ, ତେବେ ଆପଣ ଏହାର ବିସ୍ତୃତ ବିବରଣୀ ବିଫଳ ହୋଇଥିବା ବ୍ୟାଙ୍କ ଆକାଉଣ୍ଟ ଟ୍ୟାବ୍ ଅଧୀନରେ ଦେଖିବେ। ଆପଣ ପୁନଃ ବୈଧକରଣ କରିବାକୁ ଚାହୁଁ ଥିବା ବ୍ୟାଙ୍କ ଆକାଉଣ୍ଟ ପାଇଁ କାର୍ଯ୍ୟାନୁଷ୍ଠାନ ସ୍ତମ୍ଭ ଅନ୍ତର୍ଗତ ପୁନଃ ବୈଧ କରନ୍ତୁରେ କ୍ଲିକ୍ କରନ୍ତୁ।

ସୋପାନ 2: ବ୍ୟାଙ୍କ ଆକାଉଣ୍ଟ୍ ଯୋଡନ୍ତୁ ପୃଷ୍ଠାରେ, ଆପଣଙ୍କର ବିବରଣୀଗୁଡିକ ପୂର୍ବରୁ ପୁରଣ କରାହେବ। ଆବଶ୍ୟକ ହେଲେ ବିବରଣୀ ଅଦ୍ୟତନ କରନ୍ତୁ।

ସୋପାନ 3: ବୈଧ କରନ୍ତୁରେ କ୍ଲିକ୍ କରନ୍ତୁ।

ସଫଳ ହେଲେ, ଯୋଡା ଯାଇଥିବା ବ୍ୟାଙ୍କ ଆକାଉଣ୍ଟ ଟ୍ୟାବ୍ ଅଧୀନରେ ବ୍ୟାଙ୍କ ଆକାଉଣ୍ଟ୍ ଯୋଡି ହୋଇଥାଏ, ଏବଂ ସ୍ଥିତି ବୈଧକରଣ ପ୍ରଗତିରେ ଅଛିକୁ ଅଦ୍ୟତନ ହୋଇଥାଏ।

ତାପରେ, ଆପଣଙ୍କର ଯୋଗାଯୋଗ ବିବରଣୀଗୁଡିକ ବ୍ୟାଙ୍କ ବିବରଣୀ ସହିତ ସତ୍ୟାପିତ କରାଯାଇଥାଏ। ଯଦି ବିବରଣୀଗୁଡିକ ବ୍ୟାଙ୍କ ଦ୍ୱାରା ସତ୍ୟାପିତ ହୋଇଥାଏ, ତେବେ ଆପଣଙ୍କର ବ୍ୟାଙ୍କ ଆକାଉଣ୍ଟ ବୈଧ ହୋଇଯାଏ। ଆପଣ ଯୋଡା ଯାଇଥିବା ବ୍ୟାଙ୍କ ଆକାଉଣ୍ଟ ଟ୍ୟାବ୍‌ର ସ୍ଥିତି ସ୍ତମ୍ଭରେ ବୈଧକରଣର ସ୍ଥିତି ଯାଞ୍ଚ କରିପାରିବେ।

ଯଦି ବୈଧକରଣ ବିଫଳ ହୁଏ, ବିଫଳତାର କାରଣ ଉପରେ ଆଧାର କରି ନିମ୍ନଲିଖିତ ପଦକ୍ଷେପଗୁଡିକ ଗ୍ରହଣ କରନ୍ତୁ (ସମନ୍ବିତ ବ୍ୟାଙ୍କଗୁଡିକ ପାଇଁ):

ଯଦି ସମନ୍ବିତ ହୋଇନଥିବା ବ୍ୟାଙ୍କଗୁଡିକ ମଧ୍ୟରୁ ଗୋଟିଏରେ ଆକାଉଣ୍ଟ ରହିଥାଏ, ନିମ୍ନଲିଖିତ ପଦକ୍ଷେପଗୁଡିକ ଗ୍ରହଣ କରାଯିବା ଉଚିତ୍:

4. ସମ୍ବନ୍ଧିତ ବିଷୟଗୁଡିକ

• ଲଗ୍‌‌ଇନ୍
• ମୋ ପ୍ରୋଫାଇଲ୍
• ITR ଫାଇଲ୍ କରନ୍ତୁ (ITR-1 ରୁ 7)
• ଆୟକର ଫର୍ମଗୁଡିକ ଅପ୍‌‌ଲୋଡ୍ କରନ୍ତୁ
• ଇ-ସତ୍ୟାପନ କିପରି କରାଯିବ
• EVC ଉତ୍ପନ୍ନ କରନ୍ତୁ
• ସେବା ଅନୁରୋଧ ଉତ୍ଥାପନ କରନ୍ତୁ
• ଇ-ଫାଇଲିଂ ଭଲ୍ଟ ଉଚ୍ଚତର ସୁରକ୍ଷା
• ମୋର ଡିମାଟ୍‌ ଆକାଉଣ୍ଟ
• ଆପଣଙ୍କର ପାସ୍‌‌ୱାର୍ଡ୍ ପୁନର୍ବାର ସେଟ୍ କରନ୍ତୁ
• ପାସ୍‌ୱାର୍ଡ୍ ପରିବର୍ତ୍ତନ କରନ୍ତୁ